Министерството за внатрешни работи распиша меѓународни потерници за поранешниот вицепремиер Артан Груби и директорот на Државна Лотарија Перпарим Бајрами кои се товарат за проневера на околу осум милиони евра од Државна лотарија.

Јавното обвинителство вчера соопшти дека ќе побара од Министерството за внатрешни работи да распише потерница по овие две лица на кои Основноот кривичен суд им определи мерка притвор од 30 дена.

Двете лица се недостапни за органите на прогонот.

Груби во неделата преку објава на Фејсбук напиша дека е во приватна посета на Косово и дека за тоа е известено неговото лично полициско обезбедување.

„Денеска патував за приватна посета. Ве молам, немојте да измислувате и шпекулирате. Редовно патував со моите патни исправи и за ова е известено и моето лично полициско обезбедување“, напиша Груби во објавата.

Премиерот Христијан Мицкоски во понеделникот во гостување во „Click Plus” на ТВ21, откри дека Груби со дипломатско возило со еден стопанственик заминал за Косово.

– Моите информации се дека поранешниот директор на Државна Лотарија подолго време не е во земјата. Додека, поранешниот вицепремиер во текот на вчерашниот ден со еден стопанственик, со возило со дипломатски таблици ја напуштил Македонија и се упатил кон нашиот северен сосед Косово – рече Мицкоски.

Бизнисменот кој со своето возило и дипломатските таблички го превезол Груби до Косово непосредно пред почетокот на полициската акција, како што дознава Телма од извори на истрагата, е Арсим Папранику, успешен бизнисмен во регионот и сопственик на Нептун.

Премиерот Христијан Мицкоски, синоќа во гостување во „Click Plus” на ТВ21, откри дека Груби со дипломатско возило со еден стопанственик заминал за Косово.

– Моите информации се дека поранешниот директор на Државна Лотарија подолго време не е во земјата. Додека, поранешниот вицепремиер во текот на вчерашниот ден со еден стопанственик, со возило со дипломатски таблици ја напуштил Македонија и се упатил кон нашиот северен сосед Косово – рече Мицкоски.

Во врска со истрагата за проневера во Државна лотарија, како што информираше вчера Министерот за внатрешни работи Панче Тошковски, осомниечни се повеќе лица, меѓу кои поранешен премиер и прв вицепремиер, поранешен генерален секретар и државни службеници.

– Постапено е по кривична пријава којашто на 13.12.2024 година од страна на Одделот за сузбивање на Организиран криминал и корупција, Сектор за криминалистички истраги и единица за корупција против осум физички лица, од кои едниот е поранешен премиер, едниот е поранешен вицепремиер, едниот е поранешен директор на едно правно лице и едниот е поранешен Генерален секретар, останатите се државни службеници, коишто работат во рамките на едно од правните лица. Во оваа фаза постои сомнение дека истите сториле повеќе кривични дела, коишто на крајот имаат доведено до поголема штета на буџетот на македонските граѓани – рече Тошковски.

The post РАСПИШАНИ MЕЃУНАРОДНИ ПОТЕРНИЦИ ЗА ГРУБИ И ЗА БАЈРАМИ Двајцата се обвинети за кражба од 8 милиони евра од Лотарија appeared first on plusinfo.mk.

Сепак, нивниот обид се покажа како неуспешен, бидејќи граничарите им соопштија дека пасошите им се неважечки.

Но, интересно е тоа што двајцата пратеници приложија дипломатски пасоши, кои исто така беа со старото уставно име на државата, а граничарите им ја кренаа рампата и им соопштија дека досега не добиле инструкции како да постапуваат со граѓаните кои ќе приложат дипломатски пасош со „Република Македонија“.

Пратениците заклучија дека македонскиот народ е практично „затворен во конзерва“ и ги повикаа колегите од СДСМ и од ДУИ конечно да гласаат за измени на законот за патни исправи.

Во продолжение, погледнете го видеото:

Со @LefkovMile се упативме на граничениот премин Делчево. Погледнете како не затворија во “конзерва” pic.twitter.com/7veAaNlph3

— Brane Petrushevski (@belichMacedonia) February 21, 2024

The post 🎥 „ЗАТВОРЕНИ СМЕ ВО КОНЗЕРВА“ Пратениците Лефков и Петрушевски се обидоа да преминат граница со стари важечки пасоши appeared first on plusinfo.mk.

Просториите во МРТВ кои порано се користеа за издавање изводи и уверенија за државјанство, сега се реновирани и се прават последните подготовки во нив да се издаваат патни исправи.

Министерот за внатрешни работи Панче Тошковски објави видео во кое со соработниците ги договараат последните чекори пред новиот систем да биде пуштен во употреба.

Како што се појаснува, изготвената патна исправа ќе биде внесена во системот, а граѓанинот ќе добие порака со ден и време за подигнување на документот.

„Ставаме крај на хаосот и воведуваме ред во делот на издавањето на готовите пасоши. Со новиот систем граѓаните ќе бидат информирани кога ќе можат да си ги подигнат изготвените патни исправи“, напиша на Фејсбук Тошковски.

The post ГРАЃАНИТЕ ЌЕ ДОБИВААТ ПОРАКА КОГА МОЖАТ ДА ГО ЗЕМАТ ГОТОВИОТ ПАСОШ Тошковски воведува нов систем за издавање патни исправи appeared first on plusinfo.mk.

Туристичките работници велат дека за нив претсезоната е на прагот да биде уништена бидејќи загубиле половина од клиентите кои патуваат. Групите сега се намалени, а трошоците се зголемиле.

– Почетокот на сезоната е катастрофален, а ако продолжат и проблемите со патните исправи, возачките и со сообраќајните дозволи може да ја изгубиме и претсезоната. Некои од турите веќе се преполовени, а некои исто така ќе се преполоват или проретчат во текот на годината, поради тоа што граѓаните нема да успеат да добијат патна исправа ни по итна постапка. Имаме проблем и со патните и со другите документи на нашите вработени кои треба да ги предводат турите, а некои од агенциите имаат и проблем со автобусите кои треба да ги возат турите. Или возачите немаат комплетна документација за патување надвор од земјава, или пак не успеале да ги обезбедат налепниците. Сето тоа неповолно се одразува на почетокот на сезонава – вели Асим Меѓедовиќ, член на Здружението за туризам на Стопанската комора.

Тој додава дека оваа состојба може многу да се одрази на целата сезона, ако не се промени состојбата.

– Со оглед дека сме во изборна година и стихијно се решаваат проблемите, не верувам дека ќе можеме да ги реализираме годишните планови. Згора на сѐ имаме намален интерес на граѓаните за патување поради економските случувања и сето тоа ќе се одрази на туризмот кој некако се обидовме да го закрепнеме изминатата година – додава тој.

Дел од агенциите, покрај проблемите со патните исправи на граѓаните и на нивниот персонал, сметаат дека повисоките цени на патувањата и она што дополнително треба да го платат за нив ги одвраќаат граѓаните да патуваат годинава. Дел од државите ги зголемија туристичките такси и пансионските услуги со што и целото патување станува поскапо.

Колку во вакви услови може да профитираат домашните туристички локалитети зависи од она што ќе го понудат и дали е тоа поевтино од престојот во странство.

– Состојбата со патните исправи може да придонесе да продолжи трендот на пораст на домашни туристи на охридското крајбрежје кој почна за време на корона кризата. Очекувањата се дека за време на првите празници голем број од граѓаните ќе го посетат овој туристички регион. Тука влијае и подобрената понуда на туристичките капацитети што влијае на зголемување на бројот на домашни туристи – вели Олег Маленко од охридската агенција „Виспој“.

Тој смета дека проблемот со пасошите и годинава може да го зголеми бројот на туристи во Албанија, ако земјава не успее да ги пренасочи кон домашните капацитети.

– Оваа земја е во подем со туризмот, но и начинот на кој политички се менаџира секоја кризна ситуација поволно влијае на тамошниот туризам. Албанија сега дозволува влез со стара лична карта, па за граѓаните кои немаат патни исправи со новото име имаат опција странство да им биде албанскиот брег. За разлика од Албанија, нашите политичари малку размислуваат за домашниот туризам, граѓаните или за бизнисите, а тоа се покажува во целиот изминат период – додава тој.

И Дончо Нацевски од „Арбо травел“ смета дека сега домашните хотелиери и државата треба да го насочат делот од граѓаните кои нема да може да оди во странство да престојува во домашни туристички капацитети.

– Претпоставка е дека 30% од граѓаните нема да успеат да извадат пасош до почетокот на летната сезона. Овие граѓани треба да се пренасочат кон нашите туристички центри. Тоа може да се постигне со субвенции на државата на хотелиерите и туристичките агенции и со приспособени цени на стандардот на граѓаните. За пример би го посочил фактот дека и тура од 750 денари која се организира низ земјава е скапа за некоја категорија граѓани. Тоа треба да се има предвид кога се носат одредени мерки, а ако се има предвид дека сегашната цена на полупансионите во хотелите е 70 евра може да се види каква е вистинската состојба. Ако тоа се успее, овие 30% граѓани можат да бидат домашни туристи, наместо да одат во соседна Албанија – вели Нацевски.

Тој смета дека при субвенционирањето државата треба да обезбеди рамноправен однос кон сите вклучени во туризмот, наместо да субвенционира само одредена категорија субјекти.

Владата деновиве распиша јавен повик за граѓаните со семеен нето-приход понизок од 50.000 денари за добивање ваучер од 18.000 денари за одмор во домашни туристички капацитети. На овој начин, како што беше најавено, на одмор ќе престојуваат 3.555 граѓани.

The post ПАСОШИТЕ ГИ ПРЕПОЛОВИЈА ТУРИТЕ ЗА СТРАНСТВО Ако не ги привлече Охрид, ќе ги привлече Албанија со стари лични карти appeared first on plusinfo.mk.

Тој рече дека досега се сменети повеќе од 1,2 милиони патни исправи и над 550.000 сообраќајни и возачки дозволи. Според него, на досегашната бројка издадени документи влијаела двегодишната пандемија со мерки за дистанца која ги нарушила каналите на снабдување и производствени процеси во фабриките за документациите.

– Секако дека тоа влијаеше. Она што е важно, исто така е дека голем дел од патните исправи се заменети. Секое ширење паника и давање популистички изјави кои не се во насока на решавање на проблемот туку се некакво лично себеистакнување не носат ништо добро. Затоа пратеничката група на СДСМ вчера, а нормално и претседателот на Собранието кој сега е од нашата партија, дојдоа веднаш до консензус со сите партии, за да се продолжи рокот на важењето на документите за внатрешна употреба и тоа се направи. Нашите министри денеска на седница на Влада ќе предложат решение со кое замената на возачките и сообраќајните дозволи до крајот на годината ќе биде бесплатно, на трошок на државата, за да може да се реализира тој процес до крајот на годината – рече Ковачевски, на новинарско прашање при посетата на Куманово.

Ковачевски се надева дека Министерството за внатрешни работи со своите управи и раководство ќе успеат навреме да набават обрасци за патните исправи, бидејќи, како што посочи, и тоа е сложен процес зашто не се произведуваат во нашата држава, туку во Германија, а со правилно организирање на процесот тој ќе заврши.

Ковачевски посочи дека се работи за голема операција за замена на сите лични документи, која произлегува од меѓународен договор ратификуван во нашето Собрание и во Собранието на Грција.

– Би искажал и жалење во однос на она што граѓаните го поминуваат, мора да се биде реален, бидејќи не е едноставно да се нема патна исправа. Меѓутоа, тоа е процес којшто ќе мора сите заедно да го изодиме. Исто така, се покажа уште еднаш дека не е добро да се даваат популистички и лажни изјави бидејќи ние бевме сведоци во текот на изминатите четири години дека дел политичари кажуваа немојте да ги заменувате документите бидејќи ќе го врателе името, сега гледаме дека тие политичари станаа дел од Владата. Тие не велат дека ќе го вратат името назад и дека ќе го сменат Уставот. Таква изјава не слушнав – изјави Ковачевски.

The post КРИВА Е КОРОНАТА, А ОВА НЕ МУ ТЕКНА ДОДЕКА БЕШЕ ПРЕМИЕР! Ковачевски ќе предложи бесплатна замена на возачките за тие што досега не извадиле appeared first on plusinfo.mk.

Министерот рече дека нема простор за паника кај граѓаните, ДКП ќе работат во повеќе смени, додавајќи дека најмногу барања за патни листови има во Германија.

– Таму има и две нови мобилни станици за издавање патни исправи. Најголем е напливот во Бон, каде се издадени над 6.000 патни листови. Потоа во Берн, Берлин, Минхен, Венеција, Рим и Љубљана, – рече шефот на дипломатијата.

Османи рече дека во државите каде немаме ДКП, како на пример во Африка, каде што има ДКП само во Каиро, се работи на е-конзулат и патните листови ќе бидат испраќани по пошта.

На 12 февруари истекува преодниот рок од Преспанскиот договор, споре членот 6 од договорот. Османи вели дека има јасна политичка волја и од Северна Македонија и од Грција за продолжување со целосна имплементација на договорот од Преспа.

The post АКО ИМААТ СТАР ПАСОШ МОЖЕ ДА СЕ ВРАТАТ ДОМА СО ПАТЕН ЛИСТ На македонски државјани само во Бон им се издадени 6.000 патни листови, вели Османи appeared first on plusinfo.mk.

Пунктот Пролет на МВР за фотографирање за лични карти од понеделник ќе работи во две смени, но само со закажување – најави министерот за внатрешни работи Панче Тошковски синоќа во вестите на Телевизија Алсат.

– Пунктот Пролет го враќаме суштински во системот, но не како што беше, со четворица фотографи, а поставени 10 базни станици за фотографирање на луѓето. Го враќаме овој пункт со 14 фотографи, вработени полициски службеници коишто ќе го спроведат процесот на 14 базни станици. Од понеделник најавувам и дека ќе се работи во две смени на пунктот Пролет, но само со телефонски закажувања. Она што претходно го правеле четворица во рамки пунктот Пролет, полициска станица Кисела Вода сега ќе биде зголемено и ќе имаме 28 коишто ќе го спроведат истиот процес за еден ден. Ако претходно се фотографирале отприлика 300 луѓе, ние треба да дојдеме до бројка од околу 1.800 луѓе кои ќе бидат фотографирани, но во рамки на системот – најави Тошковски.

Со цел олеснување на процесот на вадење нови патни исправи за граѓаните на Македонија, и создавање на функционален систем, Тошковски најавуви отворање и на уште еден пункт, како и зголемување на човечките капацитетите и воведување на втора смена во еден од активните пунктови каде ќе се создадат услови за ова, а со цел да се зголеми бројот нови патни исправи кои што ќе се издадат во иднина.

– Чувството на секој еден граѓанин којшто нема пасош со новото име и нема да може да обезбеди пасош до 12 февруари и да може да патува во одредена земја, сигурен сум дека ќе е како да е притворен само не во затвор, туку во рамки на оваа територија од 26.000 километри квадратни. Правиме се што можеме да направиме за максимално да го забрзаме процесот. Имало лошо планирање на набавките и особено лошо менаџирање на процесот на испорака, за да денеска нема доволен број обрасци. Ќе сториме се што можеме за максимално да одговориме на потребите на граѓаните. Ќе го видат ефектот за многу кратко време. Од следна недела базните станици ќе функционираат со максимален капацитет и граѓаните ќе бидат уверени дека правиме нешто во нивен интерес – истакна министерот Тошковски.

The post НАМЕСТО 300 ЌЕ ФОТОГРАФИРАМЕ ПО 1.800 ЛУЃЕ ДНЕВНО Министерот Тошковски ветува зголемена ефикасност при вадењето нови лични документи appeared first on plusinfo.mk.

Според меѓународниот договор за промена на името на нашата земја, сите македонски државјани кои сакаат да патуваат во Европска Унија, вклучувајќи го и нашиот јужен сосед Грција, треба да имаат пасош со новото име „Северна Македонија“. Овој рок истекува на 12 февруари 2024 година, а сè уште има голем број граѓани кои не успеале да ги променат своите лични документи.

Зошто е тоа така? Постојат повеќе фактори кои влијаат на оваа ситуација. Прво, процесот на издавање нови пасоши е бавен и комплициран, со долги редици и чекања во пунктовите за фотографирање. Второ, многу луѓе не се свесни за рокот или не го прифаќаат новото име на земјата и се надеваат дека ќе се најде друго решение. Трето, многумина не сакаат нови пасоши, бидејќи истите тие луѓе уште лани или преклани платиле за нов документ, ама без нивна вина добиле пасош без „Северна“.

Македонските власти побараа од Грците да се смилуваат и да го продолжат рокот за промена на пасошите, но од Атина добија одговор дека сите земји во ЕУ веќе се информирани за постигнатиот меѓународен договор и дека по 12 февруари ниту една земја нема да дозволи влез на македонски државјанин без „Северна“ во пасошот.

Сето ова значи дека многу Македонци ќе бидат принудени да ги откажат своите планови за летување во Грција, која е една од најпопуларните и најблиски летни дестинации за нас.

Но, дали во име на пријателството Грција сепак може да направи нешто? Ако Грците толку многу се држеа до правилата и до обврските кои произлегуваат од меѓународниот договор, досега ќе ги променеа и сообраќајните табли и патоказите на автопатите на коишто сѐ уште не го пишува името на нашата земја, зарем не?

Постои ли механизам со кој Грција ќе ја спаси туристичката сезона ако се има предвид дека најголемиот дел од нашинците летуваат во оваа земја? Ќе си дозволи ли Грција да загуби дел од своите редовни муштерии само поради тоа што во пасошите не им пишува „Северна“?

На крајот на краиштата, во прашање беше само одложување на процедурата за неколку месеци, а тоа значи дека истите тие туристи веќе од следната есен ќе имаат нови патни исправи со новото државно име.

Може ли Грција да издејствува одложување на роковите и да ни рече: „Во ред, меѓународен договор е, известени се сите земји во ЕУ, но само во Грција ќе ви биде дозволено да влезете со стар пасош“. Толку ли е тешко? Дури и по цена на лепење налепници со „Северна“ во старите пасоши. Оти, ако функционираат лепенките на регистрациите на возилата, зошто да не функционираат во пасошите?

До пред некоја година, пред да биде склучен Договорот во Нивици, на југ одевме со најобичен лист испишан на грчки јазик, се сеќавате? Значи, можело да се најде решение кога се сакало. Зошто не и сега?

Ова не е само прашање на бирократија, туку и на човекови права и слобода на движење. Македонските граѓани не треба да бидат казнети за нешто што не е нивна вина, туку е резултат на политички компромиси и притисоци.

Грција има шанса да покаже дека е искрен сосед и партнер, кој ги цени и ги почитува своите пријатели. Грција има нова шанса да биде дел од решението, а не дел од проблемот. Грција има шанса да си ја спаси туристичката сезона.

The post Не можеш со сила да им дадеш на Грците appeared first on plusinfo.mk.

Муцунски потенцираше дека различните изјави на претседателот на државата, премиерот и министерот за надворешни работи јасно покажува дека немаат комуникација и дека власта нема стратешка цел.

– Проблемот е што во моментот МВР нема направено соодветна набавка и ние можеме да бидеме во ситуација во следните неколку месеци да имаме луѓе кои што биле сликани, но не може да им се издадат патни исправи, и дури да се најде решение на сето тоа, секако прв приоритет на идната влада на ВМРО-ДПМНЕ посебно во делот на управната функција на државата во рамки на МВР ќе биде да се најде итно решавање на овој пробелм – изјави Муцунски.

Во однос на иницијативата на ВМРО-ДПМНЕ до Уставниот суд за времена мерка, Муцунски рече дека уставните судии треба да ја прифатат се со цел да ја спречат голготата низ која поминуваат граѓаните.

– Уставните судии сега имаат една специфична предност да можат да решат голгота на илјадници граѓани, а истовремено да извршат една пошироко општествена правна функција а тоа е да спречат непоправлива штета – нагласи Муцунски.

– За мене не може да биде про-ЕУ фронт, фронт кој што не може да обезбеди пасоши за своите граѓани, фронт во кој се случи скандалот Онкологија, фронт кој што не може да обезбеди пристојни пензии, фронт во кој што имате секојдневна криза во образовниот систем, Не е тоа Европа. Барем не е тоа Европа која јас ја познавам, може они познаваат некоја друга Европа, но јас таа која што јас ја знам е Европа која нуди решенија за граѓаните, вели Муцунски во гостување во емисијата „Топ Тема“ на телевизија Телма.

Муцунски истакна дека сите анкети покажуваат максимално незадоволни на граѓаните од политичкото дејствување на власта, но и се поголемата потреба во македонското општество да се понуди надеж.

– Во однос на политичкото позиционирање на ВМРО-ДПМНЕ по однос на овие прашања мислам дека политичката мантра која што имаме обврска да ја наметнеме во следниот период е дека не треба да чекаме СДСМ да ги загуби изборите. Ние имаме обрска да победиме на следните парламентарни изборите. И го гледаме тоа по анкетите каде што граѓаните се максимално незадоволни по однос на политичкото дејствување на власта но и се поголемата потреба во македонското општество да се понуди надеж. Таа надеж е суштинско политичко решавање на овие предизвици – смета Муцунски.

The post КАКОВ Е ТОЈ ПРОЕВРОПСКИ ФРОНТ ШТО НЕ МОЖЕ НА ГРАЃАНИТЕ ДА ИМ ОБЕЗБЕДИ ПАСОШИ? Тимчо Муцунски вели дека ситуацијата со личните документи е срамна appeared first on plusinfo.mk.

Министерот за надворешни работи Бујар Османи на денешната прес-конференција рече дека речиси невозможна мисија е пасошите да важат по 12 февруари, бидејќи станува збор за обврски на меѓународниот договор кои стапуваат на сила, а по 13 февруари ќе се размислува за лицата кои немаат пасоши.

Тој вели дека според информациите кои ги има, грчката страна има разбирање за техничките аспекти, но не треба да се заборават обврските.

– Тоа е меѓународен договор, ратификуван во Парламент, не е одлука на Влада на државите. Најдобро е да се договориме да бидеме во секојдневна комуникација со грчката страна за граѓаните да немаат проблеми по 13 февруари, по однос на транспортерите, сообраќајните дозволи, пасошите – изјави министерот.

Според него, некоректно е граѓаните да седат без грижа, дека државата ќе среди, па после да им кажеме дека не можеме.

– За личните карти, законот заглави во Собрание. Тие рокови не се пресликани во законот за лични карти. За патни исправи и останатите документи, мора да важат до 13 февруари. Дајте да се организираме до 12 февруари да завршиме повеќе, а на 13 ќе мислиме што останало како проблем и како да го регулираме – додаде Османи.

Османи кажа дека нема надеж дека пасошите ќе важат на 13 февруари, а кога Грција ќе ја информира ЕУ, пасошите нема да важат никаде.

– Уште еднаш порачувам, наместо да имаме иницијативи за одложување на рокот, да имаме иницијатива за исполнување на обврските пред 12 февруари, имаме уште еден месец и треба добро да се координираме сите. Од 13 февруари ќе размислуваме како да им помогнеме на граѓаните кои не успеале да извадат нова патна исправа – додаде министерот.

Тој на прашањето на новинарите дека нема обрасци за издавање на нови патни исправи со новото уставно име, информираше дека не е запознаен дека има таков проблем.

The post ПАСОШИТЕ БЕЗ „СЕВЕРНА“ НЕМА ДА ВАЖАТ ПО 12 ФЕВРУАРИ! Грците можат да ни се смилуваат, ама од обврските нема бегање appeared first on plusinfo.mk.