– Слободно можеме да заклучиме дека градежништвото заедно со сетот на економски мерки што ги донесе Владата, успеавме да го амортизираме големото влијание од здравственета криза и како резултат на тоа успеавме да ги зачуваме работните места во градежните компнии. Ни претсоти долга градежна сезона каде инвестициите во инфраструктурата дополнително ќе ги засилиме. Продолжуваме со изградба на автопатите и експресните патишта, со 25 нови проекти во комуналната инфраструктура, со изградба на магистралните гасоводи, а со стартот на градежната сезона започнуваме со рехабилитација на локалните улици и патишта, согласно динамиката предвидена со завршените тендерски постапки – изјави министерот за транспорт и врски Благој Бочварски.

Тој додаде дека објавена е тендерската постапка за изградба на пругата во двете фази од Куманово до Крива Паланка, за што во наредниот период се очекува да се избере изведувач за градежните работи.

Во однос на реконструкција на мостот, министерот Бочварски истакна дека ова е инвестција со која ќе се подобри безбедноста во сообраќајот.

Директорот на ЈП за државни патишта Ејуп Рустеми, истакна дека реконструкција на мостот е значајна инвестиција на ЈП за државни патишта која се реализира после педесет години.

– Јавното претрпијатие за државни патишта од својот буџет издвои 1,9 милиони евра и минатата година на почетокот на јуни започна со санација на мостот. Досега комплетно се санирани 4 средни столба, а на 3 столба во моментов се врши санација. Исто така, паралелно се работи на зајакнување на двата главни и попречните челични носачи се врши таканареченото пескарење на носачите, зајакнување на одредени делови и нивна анти корозивна заштита – изјави директорот на ЈП за државни патишта Ејуп Рустеми.

До сега, преку ЈП за државни патишта, изградени и рехабилитирани се вкупно 11 мостови на државни патишта а во овој момент активно се работи на три мостовски конструкции.

The post Бочварски: Годинава над 200 милиони евра инвестиции во патната инфраструктура appeared first on plusinfo.mk.

Бочварски потенцираше дека има повеќе заеднички проекти на кои се работи со Општина Охрид, како што е проектот за ул. „Македонски просветители“, којшто е влезен во вториот тендер со проектите од Светска банка, проектантско и модерно решение што ќе биде пример за Охрид и за привлекување туристи. Зборувале и за рехабилитација на патот кон Свети Наум и дел од делницата да влезе во програмите на Јавното претпријатие за државни патишта со цел да се овозможи реонот подобро да функционира, како и активностите за изградба на автопатот Кичево-Охрид, од кој најавува дека 20-ина километри ќе бидат пуштени до крајот на следната година.

– Отстранети се крупните проблеми, имаме готова проектна документација, со испроектирани осум клучки, со нови косони, со сите дополнителни препроектирања. Репроектирани се 25 отсто од трасата Кичево-Охрид, од тој аспект сега имаме добри проекти и останува процесот на решавање на инфраструктурните проекти во Министерството за транспопрт и врски – рече Бочварски.

На изградба на трасата, дополни, се ангажирани над 800 работници и 450 градежни машини. Во втората половина од годината за шест пати е зголемен обемот на работа бидејќи се решаваа проблемите, временските услови досега добро не служеа, а во зимскиот период можеби ќе се намали работата,

Со градоначалникот, информираше, разговарале во текот на следната година Министерството за транспорт и врски да ја преземе, како што рече, обврската да го реши крајбрежниот појас.

– Се она што е надвор од генералниот план на целото Охридско крајбрежје, тоа ќе биде еднакво урбанизирање со што ќе го решиме и проблемот со дивите плажи. Уште од самиот старт работиме на суштински прашања и проблеми што ги мачат граѓаните – рече Бочварски.

Со последниот ребаланс на Буџетот, дополни тој, се обезбедени шест милиони денари како капитална дотација од Владата за Општина Охрид за справување со препораките од УНЕСКО.

The post Бочварски најави развој на патната мрежа на Охрид и решавање на состојбите на крајбрежјето appeared first on plusinfo.mk.

– Обвинетиот, на 10 септември, во постапката за продолжување дозвола за привремен престој на странец, пред службите на Министерството за внатрешни работи, употребил како вистинска преправена јавна исправа – турски пасош. Во патната исправа била извршена замена на оригиналната надворешна корица и на страницата со податоци, информираа од ОЈО.

Надлежниот јавен обвинител на Основниот кривичен суд му предложил да определи притвор, бидејќи постои опасност од бегство на обвинетиот кој е странски државјанин.​

The post Турски државјанин обвинет за фалсификување исправа appeared first on plusinfo.mk.

Просечнната оценка на услугите на странските посетители на граничните премини во 2019 година, според објавените податоци на Државниот завод за статистика, изнесува 4,16. Однесувањето на луѓето го оцениле со 4,53, археолошките и историски ресурси 4,51, природната средина 4,41, рестораните 4,37, аеродромските услуги 4,32, забавата и ноќниот живот добиле оценка 4,25, безбедноста  и здравствените услуги добиле оценка 4,19, хигиената на јавните места 3,71 и патната мрежа 3,64.

Најголемиот дел од оние што се регистрирани  во земјава на граничните премини транзитирале, односно 44,4 отсто, 36 процени престојувале во земјава, а 19,6 отсто оствариле еднодневна посета.

Според возраста, најчести посетители се меѓу 36 и 42 години, група која и најмногу транзитирала. На еднодневен престој најчесто или околу 30 проценти доаѓале посетители на возраст од 43 до 50 години, а 25 проценти биле во возрасната група од 36 до 42 години. Над 40 проценти од оние што транзитирале се оние од 36 до 42 години, а еднодневни посети најмногу или 30 отсто правале посетителите на возраст од 36 до 42 години, но и оние на возраст од 43 до 50 и од 51 до 59 години.

Посетителите најмногу трошеле во земјава на храна и пијалаци над 20 проценти од средствата, како и за забава, рекреација, здравство и слично, но оставале средства и за купување производи во трговијата.

The post Странците се задоволни од гостопримливоста на Македонците, ама не се задоволни од патиштата appeared first on plusinfo.mk.