Нашиот пристап е да бидеме најдобрата влада пред граѓаните, но и во очите на нашите европски партнери во делот на испорачаните реформи и во усогласеноста со заедничката безбедносна политика на Унијата, истакна министерот за надворешни работи и надворешна трговија Тимчо Муцунски во интервју за „Топ тема“.

– Оваа е владата што испорачува реформи, но истовремено да изнајдеме рационално решение со Бугарија кое ќе гарантира дека по шест месеци нема да се вратиме на позиција каде тие повторно ќе најдат причини да ги блокираат нашите евроинтеграции – истакна министерот.

Муцунски зборуваше за актуелното расположение во Брисел во однос на проширувањето на Унијата и потребата од предвидливост на процесот.

– Ме радува што реториката од чинителите во Брисел вклучува дијалог и изнаоѓање рационални решенија, а не само уставни измени – промена што како влада успеавме да ја иницираме во последните шест месеци,“ додаде тој.

Суштината, според Муцунски, е обезбедување предвидливост на патот кон членството, што во моментот може да се постигне преку уставни измени со одложена примена.

– Ако чинителите во Брисел имаат други идеи за предвидливост, отворени сме за дијалог, но преку консултации со експертската заедница, невладиниот сектор и со јавноста – нагласи тој.

Министерот истакна дека владата нема да се однесува аматерски и парадерски, како што тоа било случај во минатото, туку ќе покаже професионален и стратегиски пристап.

– Треба да се бориме, но и да бидеме свесни за нашите силни страни – стратешката позиција на нашата држава и фактот дека Европската Унија не може да си дозволи уште една грешка во однос на нашата интеграција – посочи тој.

Во однос на решавањето на проблемот со Бугарија, Муцунски нагласи дека најдобро е тоа да се постигне со политичка влада која ќе има целосен легитимитет.

– Гледајќи низ призмата на лошата пракса од минатото, сметаме дека разговорите треба да се водат со влада со целосен политички легитимитет – истакна министерот за надворешни работи.

The post МАКЕДОНИЈА Е ПОДГОТВЕНА ЗА ДИЈАЛОГ СО БРИСЕЛ Муцунски порача дека треба се обезбеди предвидливост на патот кон ЕУ appeared first on plusinfo.mk.

Во вечерниот подкаст „ВМРО-ДПМНЕ зборува” оваа недела гостуваше пратеникот во Собранието и член на ИК на ВМРО-ДПМНЕ, Антонио Милошоски кој зборуваше за актуелните теми и случувања во последниот период, а главното прашање на кое се осврна беа евроинтеграциите.

Тој оцени дека клучна одлика на седумгодишното владеење на СДСМ и на ДУИ не е само оддалечувањето од евроинтегративниот пат на земјава, туку и ненадоместлива штета која се состои во пропуштеното и изгубено време.

Милошоски истакна дека позицијата на новата Влада е јасна и се движи во насока на полноправно членство во Унијата, но со извесност и без некаква концесија, обврска или притисок.

– Седум години се сепак сериозен период за која било држава, влада, за кој било процес дали е стопански, економски, дали се евроинтеграции и начинот на којшто го водеа тој процес, обврските кои ги прифатија, а не можеа да ги реализираат, сега претставуваат товар за сегашната и засекоја идна влада. Направија една комплицирана ситуација во овој процес на евроинтеграции – вели Милошоски.

Според него, ваквата наследена состојба не е ни малку лесна, но истовремено е и охрабрен по посетата на премиерот на Берлин и неговата лична изјава дека е поголем оптимист, а воедно посакува и многу успех на сите директно инволвирани страни во овој процес.

– Во делот на постигнување реформи и стандарди на Копенхагенските критериуми, верувам дека Владата оттука ќе испорача и дека ќе бидеме забележително подобри од она како до сега, во изминатите седум години. Во делот на преземените обврски поврзани со блокадата од Бугарија, сметам дека ќе биде потешката задача – истакна Милошоски.

Тој смета дека е потребно да се создаде клима и тоа најпрво, во земјата да се постигне поширок консензус кој јасно ќе ги застапува нашите позиции како држава, а по утврдувањето на состојбите во Бугарија да се изнајде начин за зголемување на меѓусебната доверба бидејќи на крајот сепак ние сме соседи.

– Најголемиот проблем што СДСМ и ДУИ го направија е што после потпишувањето на договорот за добрососедство, во изминативе седум години ние имаме нарушено добрососедство. Нема доверба, има блокади наместо да има проекти, трговија и нешто од взаемен интерес за Македонија и за сите соседи, вклучувајќи ја и Бугарија – заклучува Милошоски.

The post СДСМ И ДУИ ОСТАВИЈА ИЗГУБЕНО ВРЕМЕ Милошоски оцени дека нè оддалечиле од патот кон ЕУ appeared first on plusinfo.mk.