Маре Данкова, виш даночен изврштел во УЈП-Штип денеска изјави дека угостителите треба да имаат и налепници, а граѓаните да бараат фискални сметки за да се евидентира прометот.

– Физичките лица, кои извршуваат дејност од времен карактер, како што се продавачите на пуканки, палачинки, семки, било што кои би нудиле производи, дали на „Пастрамајлијада“, дали овде на Градскиот плоштад, било каде на отворено, тие имаат обврска до Управата за јавни приходи да достават барање за паушално плаќање на данокот на личен доход, од времен карактер. Ова барање имаат обврска да го достават пред одржување на настанот – вели Данкова.

Таа посочи дека и правните и физичките лица треба да го почитуваат Законот за да не се соочат со казни, бидејќи казните за физичките лица изнесуваат од 50 до 250 евра, додека за правните лица кои нема да издаваат фискални сметки на граѓаните се од 300 до 10.000 евра, во денарска противвредност. Висината на казната зависи од големината на правниот субјект.

На терен ќе бидат инспекциските служби.

The post ПАСТРМАЈЛИЈАТА Е ПОВКУСНА СО ФИСКАЛНА СМЕТКА Инспектори на УЈП спремни за манифестацијата appeared first on plusinfo.mk.

Донацијата била доделена на семејство со три деца, на една невработена самохрана мајка, како и на две постари лица.

The post ЏИНОВСКАТА ПАСТРМАЈЛИЈА ИМ ПОМОГНА Со парите од продажбата купени четири хуманитарни пакети appeared first on plusinfo.mk.

За 2,5 часа ја подготвија пекарите Александар Миладиновски, Орце Димовски и Лазе Гогинов, а ја испекоа за половина час во фурна на дрва. Во тегнењето на тестото помогнаа и мајсторот пекар Александар Јамалов со двајца негови колеги.

За џиновската велешка пита биле употребени 20 килограми брашно, 30 килограми свинско месо, 210 јајца, 500 грама свинска маст и 400 грама сол, но не ставиле овча пастрма.

– Како и секое тесто беше замесена со вода. Беше направена една џиновска топка од тесто тешка 30 килограми и оставена да нарасне на топло половина час. Потоа ние тројцата пекари од Пекара „Ќоше’ и тројцата од фурната на дрва „Гемиџии“ заедно ја тегневме топката од тесто за да го направиме обликот на питата, а потоа сите заедно и редевме со месо и јајца и свинска маст, па заедно некако успеавме да ја ставиме во фурната. Се печеше на дрва на тивко половина час и на крајот беше готова, по што сите бевме среќни. Беше напорно, но секој труд се исплати ако сакаш нешто да направиш, така и со џиновската пита пастрмајлија, со која посебно се гордееме сите тројца – раскажа мајсторот Александар Миладиновски.

Тој најави дека вгодина планираат да направат уште подолга џиновска велешка пита пастрмајлија од 4,20 метри.

The post ЏИНОВСКА ПАСТРМАЈЛИЈА ДОЛГА 4 МЕТРИ Велешани направија пита за Гинис (ФОТО) appeared first on plusinfo.mk.