Според него, унапредувањата во МНР се без законска основа.

– Она што во врска со вашето прашање би можел да го констатирам е дека последните 7-8 години би ги поделил на два периода. Првиот период е на масовно впумпување на партиски кадри во МНР, а вториот период, последните неколку години, масовно унапредување на истите тие кадри. Дури како синдикат утврдивме одредени параметри и начини како тоа се прави и е многу едноставно. Во минатото имавме неколку национални координатори за одредени области, но сега има неколку десетици позиции на национални координатори кои веројатно се користат пред сè за унапредување – истакна Дабиќ.

Тој исто така ја објасни и шемата која се злоупотребува за брзо унапредување на одредени лица во МНР, иако во дипломатијата исто како во војската треба да има периоди од кариерата во која се стекнува одреден чин.

– Системот е едноставен. На одреденото лице кое сакате да го унапредите му давате функција национален координатор за некоја област и автоматски поради титулата добива едно звање, унапредување и после три месеци таа титула му се одзема и се дава на друг за да оди истиот систем, а него по дискреционо право му се дава второто звање. Дискреционото право е нешто што по исклучок треба да се прави, меѓутоа се користи во овој врзан систем за двојни унапредувања. И така имате ситуации во кои буквално за една година од низок ранг дипломати добивате среден ранг дипломати, или пак други дипломати од среден ранг во највисок ранг дипломати, иако во дипломатијата исто како во војската има периоди за секој во војска чин или за секое звање, три четири години мора да бидете поручник, па мајор, па капетан. Овој е само еден од начините како тоа правило се заобиколува – појасни Дабиќ.

На овие наводи реагираше МНР. Од Министерството велат дека уште се соочуваат со раководните кадри и министри од времето на владеењето на ВМРО-ДПМНЕ кога била спроведена „партизација“.

„Изминативе години, во работењето на институцијата за прв пат не е важно партиското убедување на дипломатите кои со децении политичките партии ги делеле на наши и ваши. Покрај тоа, во овој изминат период под секое ниво биле сведени стручноста и непристраната работа на дипломатите и амбасадорите. Во тој период, за први луѓе по амбасадите биле праќани слаткари и слично – со кои тешко може да се изгради непристрасна и објективна професионална работа на дипломатите“, стои во соопштението на МНР.

Од МНР велат дека Дабиќ постапува по партиска амбиција и дека го нарушил угледот на дипломатијата.

Тие тврдат дека унапредувањата во министерството се вршат меритократорно.

„Од почетокот на мандатот на актуелниот министер, вработувањата, унапредувањата и испраќање на мисии се врши преку интерни огласи, согласно законските процедури, а овие активности се вршат според мерит-системот, почитувајќи го и принципот на етничка и родова дистрибуција“, стои во реакцијата на МНР.

На денешната панел-дискусија на ВМРО-ДПМНЕ, пратеникот Антонио Милошоски и поранешен министер, обвини дека МНР наместо да ја рекламира Македонија надвор од светот, го рекламира министерот во Македонија, а на стопански план МНР е најслабата алка, како и дека е оценето како министерство со најмала транспарентност што значи дека или нема кадар или раководството има податоци кои не сака да ги сподели.

Милошоски како таква евтина реклама го наведе примерот кога Османи се пофали пред медиуми со набавени тротинети, нешто што е крајно несериозно и злоупотребено од министерот за сопствена кампања.

The post ПРВО ГИ ВНЕСУВААТ, ПОТОА ГИ УНАПРЕДУВААТ Дабиќ ги коментираше кадровските одлуки во МНР appeared first on plusinfo.mk.

Односно како што рече тој има центри за јавно здравствените институти имате лекари кои не се специјалисти од областа во која се специјалностите, а тоа се епидемиологија, микробиологија, хигиена, медицина на трудот, туку други области, давајќи го примерот со Институтот за туберкулоза каде што бил поставен гинеколог специјалист.

– Партиите треба да се откажат од тоа задоволство на тие места, затоа што има список во партиите која партија го дели пленот кога ќе освојат некоја тврдина и после се дели пленот што е заработено, треба здравствените установи 100 и нешто се на број да се тргнат. Значи ние во оваа ситуација имаме институти кои се сметаат за нешто споредно. И таму имате лекари кои не се специјалисти од областа во која се специјалностите, а тоа се епидемиологија, микробиологија, хигиена, медицина на трудот, туку други области. Тоа е како да ме ставите на хирургија да бидам стручен раководител. Значи тоа се случува во јавното здравје. Значи имате хирурзи, имате општи лекари, некаде не се ни доктори и се мислеше дека тие се небитни и не е страшно. Имавме на институт за туберкулоза, гинеколог специјалист, мислам како да ви кажам, од надвор донесен, на што личи тоа – прашува доктор Пановски.

Според него првата реформа во здравството би било токму тоа партиите да се откажат од поставување на партиски членови на овие позиции, доколку се сака да се тргне напред.

– Ако сакат да тргнеме треба само да се откажат од овие 100 и нешто места, тоа е првата реформа, без таа нема да тргнеме – смета тој.

The post Пановски: На што личи тоа во институт за туберкулоза да поставите гинеколог специјалист? appeared first on plusinfo.mk.

Од Комората велат дека ефекти од последните мерки ќе бидат само драматично влошување на состојбата на угостителскиот сектор.

– Повеќе пати досега беше изнесено барање Комисијата за заразни болести и Министерството за здравство да презентираат епидемиолошки анализи кои ќе покажат дека угостителството е поголема причина за ширење на заразата, отколку некои други сектори како меѓуградски и градски транспорт, работа на шалтери, работа во големи работни колективи, партиски активности. Досега не се презентирани такви податоци, поради што мора да заклучиме дека угостителството е избрано за рестрикции како пример за пред јавноста, поради немањето желба или можност власта да се справи со други жаришта. Највидлив пример за несоодветното однесување на надлежните институции е нереагирањето на прославите кои беа организирани во партиски штабови надвор од сите протоколи, без дистанца и со блех музика – велат од Комората.

Според комората, мерките се непрецизни, бидејќи не е јасно на кои угостителски објекти се однесува.

– Да потсетиме дека кога претходно имаше рестрикции Државниот пазарен инспекторат толкуваше дека тие ги вклучуваат и хотелите. Исто така саканиот ефект, сузбивање на епидемијата, нема да се постигне и доколку угостителските објекти работат ограничено додека другите сектори функционираат редовно. Во такви улови луѓето само ќе се префрлат од угостителските во другите објекти кои работат. Исто така нејасно е и каков ефект ќе даде ограничување на работењето на угостителските објекти во земјава, ако не се забрани патување во странство. Неопходно е воведувањето на дополнителни рестриктивни мерки да биде паралелно проследено со обезбедување на соодветни економски мерки за поддршка на секторот – додаваат од Туристичко-угостителската комора.

The post Туристичко-угостителска комора: Дали угостителските објекти повеќе шират зараза од партиските прослави со блех музика и автобускиот транспорт? appeared first on plusinfo.mk.

– Политичките лидер, верските лидери, особено наследникот на реисот кој треба да се извини за неговиот претходник и да каже дека коронавирусот е жив и сите да им кажат да се воздржат 5-6 месеци или ако може 14 дена или 28 дена, по сегашните пропис да носат маска каде што треба, да не се собираат и да видиме дали ќе се случи нешто за овој период – вели Пановски.

Тој додава дека ако треба и најзакоравниот доктор од ВМРО, а исто така и од СДСМ и сите што имаат углед, треба заедно да излезат и да кажат дека вирусот е сериозен.

Пановски уште еднаш повтрди, како рекол уште во мај месец, полициски час треба да има во вечерните часови, поради тоа што младите ја носат болеста дома, а само така може да се контролираат, затоа што домашните не можат тоа да го прават цело време, а исто така и полицијата.

– За навечер сум кажал дека треба да има полициски час, бидејќи младите сакале нејќеле ни ја носат болеста дома. Веќе месец дена се собираат во затворени простории и затоа букнува болеста. Секаде кај што се почитуваат протоколите и кај што има логика. Треба да се почитуваат мерките, за карантини и затворање на ресторани, треба многу пари, тоа Кина може да го направи – вели Пановски.

Тој вели проценката на оваа епидемија е дека би умреле меѓу 20 и 30 милиони ако нема мерки може да трае и повеќе од две години. Светот е решен со разни мерки да се спаси и да умрат барем 2-3 милиони и ги предложил овие мерки.

– Некои немаат логика не можеме да ги разбереме меѓутоа основните мерки треба да ги почитуваме. Не се лицитира со бројки, но во првите две години би умреле 2.000-3000 и да спасиме 20.000 луѓе. Најтешките три месеци се пред нас – рече Пановски.

The post Пановски: Треба сите да се соединиме против вирусот, а за друго пак ќе се караме appeared first on plusinfo.mk.

Мрежата за заштита од дискриминација остро ја осудува одлуката на владата со која се одбива предлогот на граѓанските организации за транспарентна и инклузивна постапка за избор на членовите на Комисијата за спречување и заштита од дискриминација (КСЗД), соопшти МАРГИНИ.

– Со оваа одлука, од една страна, владата покажува дека има намера да назначува партиски кандидати во тело кое според закон мора да биде независно, со што повторно ќе ги лиши граѓаните од ефикасна и ефективна заштита на нивните права. Од друга страна, нетранспарентното и паушално отстранување на членови од закон, предложени од здруженија на граѓани и екперти од областа, без никаква дебата и образложение, само за да се задоволат нелегитимните партиски интереси, зборува за недемократски и понижувачки однос кон здруженијата на граѓани, а фрла сенка и врз ветувањата за владеење на правото и унапредување на еднаквоста – велат од МАРГИНИ

Според нив, ваквиот начин на делување и донесување одлуки, бил својствен за претходната власт, а од сегашната бил опишуван како режимски и недемократски. Но, очигледно е дека, клучниот проблем во нашето општество, партиските влијанија во секоја пора кои генерираат нееднаквост и сиромаштија за едни, а незаконски привилегии и коруптивно однесување за други, сѐ уште нема волја да се разрешат.

По донесувањето на Законот за спречување и заштита од дискриминација (2019) кој беше на сила до 14 мај 2020 година, граѓанските организации го следеа постапувањето на Собранието при спроведување на постапката за избор на членовите на КСЗД. Констатирани беа бројни пропусти, а особено непочитување на законските рокови за објавување оглас и избор на членови, недоследно објавување на огласите за избор, како и воспоставена пракса на необјавување на личните биографии на кандидатите ниту пак објавување на списите од одлучувањето по првичната проверка на кандидатурите.

– Врз основа на ова искуство, предложивме до Министерството за труд и социјална политика, да изврши измена на одредбата со која се уредува изборот на кандидатите со цел да се гарантира транспарентност на постапката, во изборот да бидат вклучени сите засегнати страни и да се изберат најдобрите професионалци во областа. Министерството го прифати предлогот и заеднички констатиравме дека постапката за избор може значително да се унапреди и да се приближи кон начинот на избор на членовите на Државната комисија за спречување корупција, што се покажа како подобра пракса. Врз основа на консултациите кои ги имавме со Министерството за труд и социјална политика, одлучивме заеднички да ги подготвивме законските одредби со кои се уредува постапката за избор на членовите на Комисијата за спречување и заштита од дискриминација, по што Министерството ја извести јавноста дека предлог-законот, со изменетата одредба за избор на кандидати, е доставен во владина процедура. Сепак, изменетата предлог-одредба која се однесува на изборот на кандидати, не постои во списите кои се објавени на веб-страницата на Собранието – реагира МАРГИНИ.

Одредбата која ја предложиле предвидува листата кандидати за членови на комисијата и нивните лични биографии да бидат објавени на веб-страницата на Собранието, а во рок од 5 дена од објавувањето на листата, да се организира интервју на кандидатите кое ќе се емитува на Собранискиот канал а ќе го спроведува Комисијата за селекција, на јавна седница на Комисијата за прашања на изборите и именувањата на Собранието. Дополнително, измените предвидуваат членовите на Комисијата за спречување и заштита од дискриминација да ги предлага посебна Комисија за селекција, составена од седум членови – по двајца пратеници од власта и од опозицијата, по двајца претставници на граѓанското општество и по еден претставник на Националното координативно тело за недискриминација.

– Потсетуваме дека независноста на КСЗД е предуслов за градење на ефикасен и ефективен систем за недискриминација, меѓународен стандард и фундаментално барање на директивите на ЕУ. Предупредуваме дека на ваков начин повторно ќе се соочиме со критики од страна на Европската Комисија и повторно нема да успееме да го усогласиме законодавството и практиките со правото на ЕУ. Бараме од сите пратеници од Собранието, на владата да поддржат амандман со измени на член 18, во врска со постапката за избор на членови на Комсијата за спречување и заштитата од дискриминација. Исто така, бараме Собранието да го денесе овој Закон во најбрз можен рок, без дополнителни одлагања и да спреведе транспарентен и инклузивен процес за избор на членови на КСЗД – велат од МАРГИНИ.

The post МАРГИНИ: Владата сака да назначи партиски кандидати во Комисијата за спречување и заштита од дискриминација appeared first on plusinfo.mk.