– Јавна администрација што нема да биде само сервис за граѓаните, туку и партнер во градењето на идните мерки и чекори. Зборуваме за една важна тема, што со годините многу малку била предмет на студиозна анализа, ниту пак на еден професионален пристап, а тоа е администрацијата и мерките што треба да се преземат за поголем квалитет на услугите, но и иновациите како важен предизвик на тој план – рече Мицкоски.

Истакна дека ова е тема којашто не само што го одредува квалитетот на услугите што ги добиваат граѓаните, туку и го обликува лицето на државата.

– Во изминатиот период, сите сме сведоци на предизвиците со кои се соочува администрацијата. Бавни процеси, недостаток на дигитализација, понекогаш и недоволна транспарентност. Но и партизацијата која е отворен проблем, исто како и недоволната компетентност визави приватниот сектор. Овие проблеми не можеме да ги игнорираме – тие се реални и за нив треба да се најдат решенија – нагласи премиерот.

Притоа се осврна и на целите и на важноста на реформите. Зборувајќи за дигитализација на услугите, рече дека ќе се обезбеди што е можно повеќе услуги да бидат достапни онлајн, со еден клик за да се намали времето за чекање и зголеми задоволството на корисниците.

Мицкоски говореше и за ефикасноста и професионалноста, како и за транспарентноста и отчетноста, намалувањето на бирократијата, вреднувањето на трудот како поставени цели.

– Се залагам за деполитизирана администрација, каде клучни ќе бидат стручноста и посветеноста. Ќе ги зајакнеме механизмите за надзор и отчетност. Секој граѓанин има право да знае како и каде се трошат јавните средства. Администрацијата треба да биде партнер, а не пречка за граѓаните и бизнисите. Работиме за поедноставување на процедурите и намалување на непотребните документи. Потребен е систем за наградување на оние што работат вредно и чесно, за да ги мотивираме сите вработени во администрацијата да се стремат кон извонредност – подвлече премиерот.

Реформите, како што посочи, не се само за подобрување на услугите, туку и за враќање на довербата.

The post КРАЈ ЗА ПАРТИЗАЦИЈАТА ВО АДМИНИСТРАЦИЈАТА Премиерот открива што ќе се промени со најавените реформи appeared first on plusinfo.mk.

Дополнителниот заменик министер во Министерството за информатичко општество и администрација, смета дека со трансформација и реорганизација на институциите може да се постигне подобар ефект отколку одново да се создава нова институција. Тој обзнани и  афера во која откри дека за 6 години власта создала 56 нови институции.

– Во 2017 година сме имале 1299 институции, за денес во 2024 година да имаме повеќе од 1360, што значи дека бројката што ја кажав најверојатно е и поголема. Само за една година, 2023/2024 година формирани се 18 нови институции. Но, луѓето не добиваат поквалитетни услуги, напротив бројот на директории, на одбори е зголемен, а вработените остануваат оние кои што се. Ако сите анализи на странски и домашни експерти покажуваат дека во Македонија треба да има околу 12 инспекторати, во моментов ние имаме 29 инспекторати… Вакви институции се измислуваат постојано, односно за секој заслужен партиски војник на СДСМ и ДУИ ние имаме нова институција која се формира за човекот да може да стане директор и да зема висока плата. Сметам дека со постоечките институции и нивна реорганизација можеме да постигнеме подобар ефект отколку одново да создаваме нова институција – истакнува Андоновски.

Дополнителниот заменски министер ја отвори и темата за партиските вработувања во јавната администрација.

– Од податоците кои се до сега систематизирани, во моментов се отворени над 2.800 позиции и работни места. Тоа е проблематично бидејќи тоа е направено со одлука на Владата, која одлучува дека ќе ги трансформира луѓето кои биле ангажирани на определено време или договор на дело во неопределено, но тоа не го прави со закон, туку го прави на Јавен повик. Практично има јавни повици на кои аплицираат луѓе кои веќе се знае дека ќе бидат примени, што значи дека ниту еден друг граѓанин нема шанси да учествува во тој компетитивен процес. Дел од овие постапки се комплетно незаконски и до сега стигнавме до еден сериозен податок, за ова пишуваа и дел од медиумите, но сега веќе имаме и документи – истакнува Андоновски.

Тој го обелодени и скандалот со незаконските вработувања во ЈП Паркови и зеленило – Скопје, без согласност на основачот, кое е законска обврска.

– ЈП Паркови и зеленило – Скопје има отворено бројни позиции, во јавноста проструија информации за 95, некои зборуваат дека бројката стигнува со некои огласи и до 200 вработени. За што станува збор? Добиена е согласност од МИОА за годишниот план за вработување врз основа на лажен исказ. Тоа е дека ЈП доставило доказ до Министерството дека годишниот план за 2024 година до денес 27. октомври не е ставен на седница на Совет на Град Скопје и не е донесена одлука за согласност или доставени забелешки. Ова е испратено на 27 октомври, а Паркови и зеленило веќе имало информација дека еден ден претходно Советот ќе одржи Седница и на таа седница нивната точка за годишниот план ќе биде 14- точка на дневен ред, значи за ова е информиран 7 дена претходно, околу 19 октомври што значи дека директорот на ЈП Паркови и зеленило имал 5-6 дена да дознае дека веќе е закажана седница на која што точката за годишниот план за вработување е на таа седница, но тој и покрај тоа што го знаел, го известил министерството дека не му е дадена согласност, односно дека нема таква седница на која ќе се дискутира согласноста. За волја на вистината Советот ја разгледал и не ја донел одлуката за давање согласност за годишниот план, што значи дека директорот на ЈП немал согласност за носење на годишниот план, но тој сепак го излажал Министерството и тоа му дало позитивно мислење врз основа на тоа т.н. молчење на основачот и во таа постапка тој отворил повик.

Ја повикувам градоначалничката на Град Скопје да ја поништи постапката како орган кој е надлежен за работата на ова Јавно претпријатие, повикувам да биде разрешен директорот на истото, а повикувам и сите институции кои се надлежни за вработувањата и инспекторатите кои се надлежни за управните постапки да постапат во овој случај и да го утврдат она до кое што ние дојдовме како информација, а тоа е дека директорот на ЈП Паркови и зеленило бил информиран претходно дека ќе се одржи таква седница, но тој и покрај тоа доставил допис во кој што вели дека основачот не закажал седница и не го разгледувал ова барање – потенцира Андоновски.

The post ЗА СЕКОЈ ПАРТИСКИ ВОЈНИК НА СДСМ И ДУИ ИМАМЕ НОВОФОРМИРАНА ИНСТИТУЦИЈА Дополнителниот заменик министер во МИОА ги протресува партиските вработувања appeared first on plusinfo.mk.

„СДСМ и ДУИ М-НАВ го претворија во дувло за вработување со најсуров партиски бандитизам. Премногу случајности не се случајни, како што вели Димитар Ковачевски, туку тоа е партизација, непотизам, кронизам односно корупција со вработувања во М-НАВ!

Ова денеска го изјави портпаролот на ВМРО-ДПМНЕ Наум Стоилковски.

„Кога Димитар Ковачевски вели дека во М-НАВ, цитирам, има до трето колено вработувања од исто семејство, дали при тоа мислеше на неговиот министер Љупчо Николовски? Според информациите сега, во М-НАВ е вработен негов внук, а според признанието на самиот Николовски, во 2018 година таму се вработени и чичко му и братучед му!“, рече Стоилковски.

„Семејната фирма на СДСМ и на ДУИ, М-НАВ, е претворена во дувло за партиски и роднински вработувања, зад коишто стои партискиот бандитизам“, тврди ВМРО-ДПМНЕ и објавува нецелосен список на такви вработувања.

• Бујар Османи вработил сестра;
• Артан Груби- снаа;
• Ејуп Алими (експратеник на ДУИ) – две снаи и син;
• Беким Незири (притворен како предводник на групата тепачи) – внук.

„Јавноста памети дека од 2018 континуирано алармираме за партиски вработувања во М-НАВ, за:

• син на директор на социјалните фондови;
• внук на директор на телекомуникациски оператор;
• Ветон Кадри, син на пратеничката Шпреса Кадри;
• Антонио Кочовски зет на тогаш првиот човек на СДСМ од Охрид, Лазе Танески,
• роднина на екс-министерот Горан Сугарески;
• за претседател на УО на М-НАВ беше поставен Николче Тасески, зет на екс-министерката Рената Дескоска.
• таму е вработен и синот на Стевчо Јакимовски
• вработена е и братучетка  на екс-министерката Јагода Шахпаска од СДСМ.

„Потсетуваме дека во 2018-тата информираа дека затоа што не прифаќаа и трпеа притисоци и беа сменети членови на комисијата во М-НАВ, се до вработувања на партиските кадри. Ама тогаш во М-НАВ не влезе трудова инспекција“, рече Стоилковски.

ВМРО-ДПМНЕ вели дека „се случи бандитизам во М-НАВ, затоа што партиските банди се научени агенцијата да служи за вработување на партиски кадри иако немаат врска со потребите на М-НАВ“.

The post ВНУК ОД СНАА НА БРАТУЧЕДОТ НА ЧИЧКО МУ Нецелосен список на семејните вработување во М-НАВ објави ВМРО-ДПМНЕ appeared first on plusinfo.mk.

Во Царинската управа има 15 нови огласи за вработувања од кои 13 места се „чуваат“ за граѓани од албанското малцинство, едно место за турското малцинство и едно место за ромското малцинство, со што, практично ДУИ ја приватизира Царинската управа, обвини денеска Левица.

„Ја потсетуваме јавноста дека Левица се залага за поништување на Охридскиот Рамковен договор и вработувања под етнички клуч како извор на меѓуетничка омраза во Републиката, каде што не се вработува лице согласно неговите квалификации туку по етнички клуч што воедно претставува и навреда за вработените кои се вработени на овој начин – не според заслугите туку според етничноста“, нагласуваат од Левица.

Оттаму велат дека огромиот број предизборни огласи за вработувања во државните институции продолжува.

„Криминогеното владејачко дуо на СДС-ДУИ ги партизира сите пори на државниот апарат преку вработувања на партиски послушници во институции од секаков тип: министерства, општини, фондови, управи, јавни претпријатија, државни инспекторати, јавни здравствени установи, казнено поправни домови, основни училишта, градинки за да пробаат да го ублажат поразот на следните избори. Се разбира согласно нелегалниот Рамковен договор овие вработувања не се водат по објективен мерит систем туку под етнички клуч, односно ДУИ како пар екселанс пример за картел партија ја користи позицијата на уценување за укотвување на своите партиски кадри, согласно тоа дури 40% огласи се за граѓани од албанска припадност“, се додава во реакцијата на Левица. 

The post „ОГЛАС ЗА 15 ЛИЦА, ОД КОИ 13 АЛБАНЦИ, 1 ТУРЧИН И 1 РОМ“ Левица обвини дека ДУИ ја приватизира Царината appeared first on plusinfo.mk.

Александар Тасевски, претседател на Синдикатот на М-НАВ, вели:

– Засега нема никакви промени во однос на одлуката за штрајк. Се останува според најавеното.

Време за договор и за повлекување на одлуката има до 25 декември, за кога е најавен предупредувачкиот штрајк. Треба само да се исполнат барањата, велат од синдикатот кој го активира штрајкот по објавувањето на два огласа од страна на раководството на М-НАВ.

Синдикатот на контролрите на летање смета дека во овие огласи не се почитувани роковите, а кадарот кој треба да се вработи „не е од суштинските дејности и не е потребен“. Синдикатот тврди дека првиот оглас бил со траење од 10 денови наместо од 10 работни денови, додека вториот за период од 3 дена од кои 2 се сабота и недела.

Огласите се за деловни асистенти и за советник за човечки ресурси, место кое според синдикатот е наменето за поранешен директор во М-НАВ. Подоцна раководството демантираше дека за такво место има оглас.

Доколку не бидат повлечени двата спорни огласи, синдикатот најави дека на 25 декември ќе нема полетувања и слетувања на Меѓународниот аеродром Скопје и аеродромот „Св. Апостол Павле“ во Охрид, а во тек на штрајкот за Нова година покрај блокада на авиосообраќајот на двата аеродрома нема да се опслужуваат ниту прелетите.

Од Министерството за транспорт, пак, очекуваат да не се одржи штрајкот, како што побара на последната средба министерот Благој Бочварски од синдикалците на М-НАВ.

– Очекуваме синдикатот да го откаже штрајкот во интерес на граѓаните. Се работи на сите прашања кои се договорени во октомври. Најважно е да се почитува договореното дека синдикатите треба да бидат консултирани при распишување огласи во М-НАВ за вработување на технички кадар и тоа ќе се почитува – велат ресорот.

На вчерашната средба министерот за транспорт побарал Синдикатот да не ја спроведува одлуката за штрајк, бидејќи смета дека административните постапки во М-НАВ не треба да влијаат на нормалното одвивање на авиосообраќајот во земјава.

И од вториот од трите синдикати во М-НАВ велат дека состојбата многу тешко може да се подобри, бидејќи нема подготвеност од раководството да се решат некои проблеми поврзани со партиските вработувања и вработувањето на несоодветен кадар на технички работни места.

Во октомври, кога беше одложен штрајкот на контролорите на летање, синдикатот и раководството се договорија огласите за вработување да не траат само 3 дена, туку минимум 10 дена, за да може да ги видат сите и да се пријават непартиски кандидати со соодветно образование. Вработувања во помошните служби во М-НАВ да нема без знаење и надзор од контролорите на летање, односно од нивниот Синдикат. Беше договорено и да се распише тендер за независна експертска куќа која ќе направи анализа во М-НАВ колку вработувања ѝ се потребни и со какво образование. Прераспоредувањето на новопримените во иднина да биде со знаење на контролорите на летање, за да се престане со вработување на чувари и со по еден ден работен стаж, да се префрлаат во контрола на летање со плус 500 евра плата. Исто така. беше договорено да се обезбедат нормални услови за работа на контролорите.

The post ПОВЛЕЧЕТЕ ГИ СПОРНИТЕ ОГЛАСИ ИЛИ НЕМА ЛЕТАЊЕ НА 25 ДЕКЕМВРИ И НА НОВА ГОДИНА! На контролорите на летање им прекипе од „навигирање“ партиски кадри на измислени работни места appeared first on plusinfo.mk.

Во изјава за Сдк.мк Хамиди тврди дека дека не е точно оти распишал оглас за самостоен советник во одделение за човечки ресурси.

Сепак, на веб-страната на Агенцијата за вработување стојат два објавени огласи од М-НАВ, кои се со рок од само два дена од 14 до 16 и од 15 до 17 декември и тоа баш за „самостоен советник за кадровски прашања“ и за „воздухопловен навигатор“.

Директорот Хамиди вели дека тие огласи „сигурно се некоја грешка“ и дека ќе провери со Агенцијата затоа што адресата за е-пошта што е ставена за контакт е на госпоѓа која во 2016 заминала во пензија.

Синдикатот на Контрола на летање М-НАВ неодамна најави предупредувачки штрајк на 25 декември од 10 до 17 часот и за Нова година, како реакција на објавени огласи за вработувања во М-НАВ, со критериуми, кои според Синдикатот се спротивни на постигнатата спогодба со менаџментот од октомври годинава.

КОНТРОЛАТА НА ЛЕТАЊЕ ЌЕ ШТРАЈКУВА НА 25 ДЕКЕМВРИ И НА НОВА ГОДИНА Синдикатот бара да се повлечат објавените конкурси за вработување

The post ОГЛАСИТЕ ЗА НОВИ ВРАБОТУВАЊА ВО КОТРОЛА ЗА ЛЕТАЊЕ БИЛЕ ГРЕШКА!? Директорот Хамиди се надева дека најавениот штрајк ќе биде откажан appeared first on plusinfo.mk.

„Наместо директорката на Здравствен дом Ресен Сања Андоновска да ги избере прворангираните кандидати, таа избира други кандидати кои се партиски подобни. Иако Основниот суд во Ресен, по барање на Апелационeн Суд во Битола, го поништува ваквиот скандалозен избор на кадри, сепак партиската директорка одбива да постапи по Одлуката на Судот“, се вели во соопштението на Левица.

Од Антикорупциска комисија веќе е доставена иницијатива до Министерството за здравство.

„Јавно го прашуваме министерот Меџити дали ги штити партиските директори во нивните незаконски дејствувања?! Бараме итно разрешување на директорката Андоновска поради злоупотреба на службената должност и овластувања, како и Министерството за здравство да постапи по доставената иницијатива од страна на ДКСК“, се вели во соопштението.

The post ДИРЕКТОРКАТА НА ЗДРАВСТВЕН ДОМ РЕСЕН НЕ ГО ФЕРМА СУДОТ Си вработува партиски подобни кадри, обвинува Левица appeared first on plusinfo.mk.

– Повеќе од 140.000 луѓе ја напуштија Црна Гора. Тоа е како два Никшиќи, или како Плевља, Херцег Нови, Жабљак и Савник – изјави Срѓан Периќ од движењето „Преокрет”.

За да се запре овој тренд, на луѓето треба да им се понуди можност самостојно да се реализираат во Црна Гора.

– Тоа е можно, но цената што ја плаќаме, во суштина, поради доминацијата на партиите кои буквално одлучуваат за секое работно место, ги демотивира младите – истакна Периќ.

Според податоците на Монстат од минатата година, во Црна Гора живеат близу 618.000 жители, што е нешто повеќе од 3.000 во однос на 1991 година. Тоа, вели тој, значи голема стагнација, особено во однос на крајот на минатиот милениум.

– Ако Црна Гора имаше природен прираст како помеѓу 1961 и 1991 година во изминатите 30 години, кога порасна од 472.000 на 615.000, денес ќе бевме околу 800.000, а кога на тоа ќе се додадат и луѓето кои се иселиле во тој период, Црна Гора денес со една друга политика би имала над милион жители – смета Периќ.

The post 140.000 ЛУЃЕ ЈА НАПУШТИЛЕ ЦРНА ГОРА ЗА 25 ГОДИНИ „Тоа е како два Никшиќи“ appeared first on plusinfo.mk.

Веста предизвика остри реакции кај граѓаните, кои се сомневаат дека повторно се планираат партиски вработувања, за кои се трошат само пари, а од прекубројната администрацијата ионака нема корист.

Експертите велат дека секое вработување на стручни лица во администрацијата е добро, ако тие се за институциите каде што фалат такви кадри, но во никој случај не смее да се дозволи да се полни администрацијата со непродуктивни партиски кадри кои ништо не работат, а земаат плата.

Каде ќе се вработат новите чиновници?

Според огласите кои се објавени на сајтот на државната Агенција за администрација најмногу луѓе ќе бидат вработени во Управата за јавни приходи вкупно 100, на работни позиции – инспектори, даночни советници, соработници и асистенти.

Фондот за здравствено осигурување вработува 33 службеници кои ќе работат во повеќето подрачните единици. 17 луѓе ќе се вработат во Министерството за политички систем и односи меѓу заедниците како помлади соработници. Ресорот надворешни работи бара 6 службеници, а труд и социјална политика 9 работници. Огласи за вработување имаат и министерствата за локална самоуправа и за одбрана. Вработува и владата, таа ќе прими 4 лица за работните позиции советници и референти во канцеларијата на премиерот.

Оглас за вработување има и Собранието, кое има потреба од 22 службеника, меѓу кои и еден архитект.

По подолг период вработуваат и инспекторатите. Државниот пазарен инспекторат, кој во последниве месеци има зголемен обем на работа, вработува 13 службеници, а Државниот инспекторат за техничка инспекција 2 службеници. И инспекторатот за животна средина вработува 1 лице.

Нови вработувања има и во агенциите. Агенцијата за цивилно воздухопловство, каде што се дава највисока плата од сите најавени вработувања (56.300 денари) вработува 1 лице. Агенцијата за странски инвестиции и промоција на извозот вработува 2 лица. Агенцијата за финансиска поддршка на земјоделието ќе вработи 6 службеници.

На крајот на годината огласи за вработување објавија и општините. Општина Гази Баба ќе вработи 6, а општина Тетово 19 службеници. И тие ќе ја добијат работата во јануари.

Оглас за вработување на 6 лица, меѓу кои и раководител на финансискиот сектор со плата од 43.000 денари, објави и скопското Јавно сообраќајно претпријатие.

Во УЈП 100 нови службеници, ама 124 се пензионирале

Главно оправдување на институциите е дека вработувањата се испланирани според планот за вработување и сите добиле зелено светло од Министерството за финансии. Во дел од оправдувањата се и пензионирањето на службениците, како што е за огласот на УЈП, каде што се вработуваат 100 лица.

– Јавниот оглас за вработување на 100 службеници во Управата за јавни приходи е објавен врз основа обезбедена финансиска согласност на Министерството за финансии и согласно донесениот Годишен план за вработување за 2022 година, со кој се планирани 100 нови вработувања наспроти 110 пензионирања, иако досега се реализирани вкупно 124 пензионирања. Според ова, потребата за овие нови вработувања е утврдена врз основа на планираниот природен одлив за календарската 2022 година (предизвикан првенствено од измените на Законот за работните односи со кои се укина можноста за продолжување на работниот однос над 64 години возраст со изјава од вработениот), како и согласно останатите показатели за работната сила по години – појаснуваат од УЈП.

Професорот Здравко Савевски смета дека при овие вработувања поддршка треба да добијат оние работни позиции каде што вработувањето е неопходно и се резултат на одливот на кадар поради пензионирање и заминување што во последните години е сè почест, но предупредува дека при вработувањата на нови лица треба да се има предвид квалитетот и стручноста на кадарот наспроти партиските вработувања на неработници.

Награда за партиските послушници

– Перцепцијата за вработувањата во јавниот сектор е дека има превработеност, но во одделни сектори, како што се инспекторатите, се кубури со кадар. Тоа, пак, создава мислење дека тоа се прави намерно, бидејќи со тоа се остава непокриена контролата на спроведувањето на законите и им се дава можност на фирмите да работат противзаконски. Спротивно на ова, во јавната администрација има луѓе кои не работат ништо и има такви кои работат најмалку за плус двајца партијци кои не работат. При новите вработувања треба да се внимава тие да не бидат партијци, туку стручни кадри кои ќе ја извршуваат работата. Ако не се случи тоа, ќе се наруши или целосно ќе се изгуби довербата на граѓаните, не кон владата, бидејќи таа одамна ја изгуби довербата, туку кон државата – вели Савевски.

Бизнисот со години бара стручна, но мала и ефикасна администрација, која нема да прави непотребни застои.

Граѓаните негодуваат дека и овој пат партиите ги наградуваат послушните следбеници за завршените партиски работи.

– Крајот на годината е период кога партиите треба да им се заблагодарат на своите членови и да ги остварат ветувањата дека ќе вработат по некој член од нивните семејства. Така е секоја година, така е и оваа. Администрацијата е единствениот избор каде што може на најбезболен начин да се направи тоа, а дали тие знаат да ја вршат работата? – прашува С. Атанасовски од Скопје.

The post НОВОГОДИШНА ТУРА ВРАБОТУВАЊА НА 250 ТАЗЕ АДМИНИСТРАТИВЦИ Нема криза за партиските послушници appeared first on plusinfo.mk.

Министерот смета дека департизацијата е феномен во нашето општество и оти најмногу вработувања се случуваат пред избори и тоа во општините, училиштата и во здравството. Тоа, како што рече, со новите закони треба да се смени.

– Поголемиот дел во јавната администрација се во образованието, во здравството и во општините, каде директно ние како централна власт не можеме да имаме импакт, но индиректно да, со нашите закони што ги имаме како Министерство. Поточно, со Законот за вработените во јавниот сектор и со Законот за административни службеници се обидуваме да поставиме механизми и инструменти кои ќе им олеснат на институциите да бидат поефикасни во делот на нови вработувањата – изјави Алити во одговор на прашање пред почетокот на јавната расправа за Нацрт верзијата од Стратегијата за реформа на јавната администрација 2023-2030.

Според министерот, за да има системско решение во делот на регрутирање на вработените, целта е процесот на вработување да се одвива потранспарентно, односно да нема можност првиот човек на институцијата да вработува партиски послушници, да му е тешко или во идеална ситуација невозможно тоа да го стори.

– Ние сите како општество треба да се залагаме да нема институции кои вработуваат само за политичката партија – потенцираше Алити.

The post НА ДИРЕКТОРИТЕ ДА ИМ СЕ ОДЗЕМЕ ПРАВОТО ДА ВРАБОТУВААТ Прв чекор во спречување на партиски вработувања appeared first on plusinfo.mk.