Новоназначениот генерален секретар на ВМРО-ДПМНЕ, Драган Ковачки, порача дека функцијата што ја презема е голема чест, но и сериозна одговорност, нагласувајќи дека партијата продолжува обединета кон нови победи под лидерството на Христијан Мицкоски.

– Одговорноста е голема, но честа да се служи како генерален секретар на ВМРО-ДПМНЕ под лидерството на Христијан Мицкоски е огромна – напиша Ковачки во објава на Фејсбук.

Тој истакна дека довербата која му ја укажал претседателот на партијата ја доживува како обврска не само кон раководството, туку и кон членството и државата.

– Дадената доверба што ми ја укажа претседателот Мицкоски е обврска кон идејата, кон членовите на партијата и кон Македонија – посочи Ковачки.

Во својата објава, новиот генерален секретар се заблагодари и за поддршката што ја добива од партиските структури, нагласувајќи дека фокусот останува на сплотеноста и посветената работа.

– Благодарен сум за поддршката, за вербата и за можноста заедно да продолжиме по патот на сплотеност, чесна борба и посветена работа – напиша тој.

Ковачки упати благодарност и до досегашниот генерален секретар, Ѓорѓија Сајкоски, за неговиот ангажман и придонес во партиската организација.

– Благодарност до досегашниот генерален секретар Ѓорѓија Сајкоски, кој несебично и целосно беше посветен на организацијата – истакна Ковачки.

На крајот, тој порача дека ВМРО-ДПМНЕ продолжува со јасна цел и заедништво.

– Продолжуваме обединети, со срце и со јасна цел, во нови победи за ВМРО-ДПМНЕ и иднина каква што ја заслужува Македонија – напиша Ковачки.

The post ДОВЕРБАТА ОД МИЦКОСКИ Е ОБВРСКА КОН МАКЕДОНИЈА Ковачки презема клучна функција во ВМРО-ДПМНЕ appeared first on plusinfo.mk.

На седница на Централниот комитет, ВМРО-ДПМНЕ вечерва ќе избира нов Извршен комитет и нов генерален секретар на партијата. Претседателот на партијата и премиер Христијан Мицскоски синоќа најави дека во овој мандат ВМРО-ДПМНЕ ќе има претседател, генерален секретар и членови на Извршниот комитет (ИК). Досегашните потпретседатели ќе бидат предложени за членови на ИК на партијата, а ќе има и нови имиња.

Во интервју за националната телевизија Мицкоски информира дека ќе се одржи ЦК со сите што по статут ќе бидат дел од Извршниот комитет. По автоматизам во ова партиско тело ќе влезат координаторот на пратеничката група, претседателката на Унијата на жените, претседателот на Унијата на младите, претседателот на Унија на ветераните, претседателот на партијата, генералниот секретар…

Новиот состав на ИК ќе треба да има 29 члена. Мицкоски рече дека ќе побара од ЦК да се донесе одлука за распишување избор на нов претседател на Унијата на ветераните, Унијата на младите и на Унијата на жените. Очекува од 20 до 25 проценти од составот на ИК да бидат нови луѓе од партијата.

– Да, точно е тоа дека партијата во овој мандат нема повеќе да има потпреседатели. Ќе има претседател, генерален секретар и членови на ИК. Досегашните потпретседатели ќе бидат предложени за членови на ИК на партијата и плус некои други имиња. Со тие луѓе јас сум од првиот ден, тие луѓе се мои најблиски сорботници и во интерес на она што веќе го најавив за 2029 година и за принципите што ги застапувам на конгресот во 2029 година партијата ќе има ново раководство, нов претседател итн… Ценам дека е потребно да се има рамен терен за сите оние што се заинтересирани и мислат дека може да додадат вредност, пред сè, во ВМРО-ДПМНЕ, а потоа и во Владата, да може да се кандидираат и да ја побараат поддршката од делегатите на конгресот – изјави премиерот.

Мицкоски рече дека првиот состанок со новиот состав на Извршниот комитет планира да се одржи следната недела кога би се донела одлука за генерален реизбор на општинските комитети на партијата.

– На тој состанок би излегол и со одредени кадровски решенија во делот на претседател на Градскиот комитет на партијата и претседатели на некои републички партиски комисии итн., со што генерално би ја заокружил врвната структура на партијата. Потоа доаѓа процесот на селекција на претседатели на општинските комитети. Тоа е процес на интервју, нивен избор, бидејќи тие по статут се и членови на ЦК, највисокото тело на партијата. Кога ќе се заокружи тој процес, потоа ќе оставиме време на новите или на старо-новите претседатели на одредени општински комитети да го составот ликот на општинскиот комитет – изјави премиерот и претседател на ВМРО-ДПМНЕ.

А додека тие тоа го составуваат, како што рече, ќе почнат размислувањата и за Владата, за нови кандидати, како и за промена на ресори. Неговите очекувања се дека целиот овој процес ќе биде заокружен некаде до мај или јуни. Најави дека од есен ќе има ажурирање на членството на партијата.

Премиерот Мицкоски најави дека по седницата на новиот состав на ИК следната недела ќе замине во Минхен, но исто така нагласи и дека во рамки на работата на Владата очекува годинава да се испорачаат многу реформи значајни за граѓаните. Оваа година, како што истакна, ќе биде успешна на повеќе полиња.

The post РЕКОНСТРУКЦИЈА ВО ВЛАДАТА МОЖЕ ДА ИМА ДО МАЈ-ЈУНИ До следниот конгрес во ВМРО-ДПМНЕ нема да има потпретседатели appeared first on plusinfo.mk.

СДСМ некогаш се фалеше со десетици илјади членови, но денес партијата се сведува на 22.000 луѓе, и тоа според нивните сопствени бројки, соопшти ВМРО-ДПМНЕ.

„Оваа бројка е доказ за целосниот распад на СДСМ. Членството масовно бега од бродот што тоне, затоа што гледа дека партијата остана без идеја, без кредибилитет и без иднина. Венко Филипче е само новото лице на старата брука наречена СДСМ. Човекот што се обидува да го замени Зоран Заев, но со иста неспособност, иста нечесност и исто разочарување што го носи на партијата“, соопшти владејачката ВМРО-ДПМНЕ.

Ако ни сопствените членови не го сакаат Филипче, како ли мислат дека народот ќе ги прифати, прашува партијата.

„СДСМ стана партија во слободен пад, сведена на внатрешни пресметки, лични интереси и панично спасување на сопствените кариери. Граѓаните одамна ја изгубија довербата, а сега и сопствените членови бегаат од нив. На крајот од денот, нема реформи што ќе им помогнат – СДСМ пропаѓа поради сопствените грешки, а Филипче е само новата маска на истото политичко фијаско“, порача ВМРО-ДПМНЕ.

• ФИЛИПЧЕ ЕДИНСТВЕН КАНДИДАТ НА УТРЕШНИТЕ ИЗБОРИ ЗА ПРЕТСЕДАТЕЛ НА СДСМ „Партијата е консолидирана, се спремаме за локалните избори“

Социјалдемократскиот сојуз на Македонија соопшти дека директните внатрепартиски избори за претседател на партијата ќе се спроведат во општинските организации на СДСМ на 78 избирачки места, кои ќе бидат отворени од 08 до 20 часот. Регистрирани се 22.717 членови, кои имаат право да гласаат.

The post СДСМ ПАДНА НА 22.000 ЧЛЕНОВИ Ниту членството не го сака Филипче, а граѓаните одамна ја изгубија довербата appeared first on plusinfo.mk.

Опозициската СДСМ утре избира нов партиски претседател. Актуелниот Венко Филипче е единствен кандидат за претседател на партијата на редовните внатрепартиски избори.

Одговарајќи на новинарско прашање дали има некаков револт кај членството што не се пријавил никој друг кандидат, Филипче денеска истакна дека нема.

– Не, напротив. Сметам дека тоа е одраз на консолидацијата на партиското членство на кое што јас интензивно работев во изминатите 9 месеци. Веќе се пријавени поголем број на гласачи што се регистрираа за гласање отколку во претходниот циклус. Имаме интензивни средби на ниво на сите општински организации и состаноци, на кои доаѓаат огромен број на членови, кои до пред некое време, едноставно покажувајќи револт, не се појавуваа на тие состаноци, а сега се присутни, присуствуваат, сугерираат, учествуваат во процесот на градење на политики. Тоа за мене е само еден знак дека консолидацијата е веќе настаната и ние продолжуваме во следниот период да се спремаме за локалните избори кои што ќе дојдат наесен – рече Филипче.

Социјалдемократскиот сојуз на Македонија соопшти дека директните внатрепартиски избори за претседател на партијата ќе се спроведат во општинските организации на СДСМ на 78 избирачки места, кои ќе бидат отворени од 08 до 20 часот. Регистрирани се 22.717 членови, кои имаат право да гласаат.

The post ФИЛИПЧЕ ЕДИНСТВЕН КАНДИДАТ НА УТРЕШНИТЕ ИЗБОРИ ЗА ПРЕТСЕДАТЕЛ НА СДСМ „Партијата е консолидирана, се спремаме за локалните избори“ appeared first on plusinfo.mk.

Впечатокот дека поранешниот претседател СДСМ, Зоран Заев, има сериозно влијание врз партиските избори закажани за 30 јуни му штети на процесот, но ѝ штети и на партијата, вели Јован Деспотовски во поткастот на Плусинфо.

Кандидатот Деспотовски, кој е во втор обид да го освои тронот на СДСМ, вели дека поранешните партиски лидери пропуштаат златна шанса да покажат дека немаа влијание врз партиските избори. Така како што постапил Бранко Црвенковски во 2013 година.

– Во 2013 година Бранко Црвенковски беше претседател на СДСМ. Кога тој се повлекуваше, упати јасна порака до сите луѓе кои беа перцепирани како блиски до него, дека никој од нив не смее ни да помисли да влезе во таа трка и да ја злоупотреби перцепцијата во партијата дека е близок со него. Црвенковски тоа брутално доследно го спроведе – сведочи Деспотовски, кој во СДСМ е од 1995 година.

Тој прави споредба на таа постапка на Црвенковски со начинот на кој Зоран Заев своевремено на лидерска средба во Клубот на пратеници го промовораше Димитар Ковачевски како свој наследник, како и со она што неодамна се случуваше на форумот во Атина, каде Заев со себе го понесе Венко Филипче, веројатно да го промовира за свој втор наследник на кормилто на СДСМ.

Деспотовски смета дека тоа не е добро и очекува Заев во последен момент да се огласи јавно и да каже дека не фаворозира ниту еден од кандидатите.

Во овој дел од интервјуто Деспотовски зборува за овие чувствителни теми:

The post 🎥 ДА БЕА СИТЕ БРУТАЛНО ДОСЛЕДНИ КАКО БРАНКО НА ЗАМИНУВАЊЕ… Црвенковски не дозволи никој да ја злоупотреби блискоста со него за така да го наследи, сведочи Деспотовски appeared first on plusinfo.mk.

„Ако околу нешто се обединуваат членовите на СДСМ, тоа е мислата дека ова сега не е добро и дека треба да престане. Луѓето бараат промени, радикален рез, а некаде велат – како со сатар. Јас затоа се залагам за радикален дисконитинуитет со досегашната пракса во СДСМ и за нов почеток“.

Ова во поткастот на Плусинфо го вели Јован Деспотовски, човекот кој прв ја објави својата кандидатура за изборите на претседател на СДСМ, што ќе се одржат в недела на 30 јуни.

Деспотовски најавува радикален рез во кадровската политика во СДСМ.

– Ниту еден член на досегашното раководство на СДСМ нема да биде дел од мојот тим, од новото раководство. Тука нема да има никакви компромиси – вели тој.

Деспотовскуи зборува и за тоа зошто впечатокот дека поранешниот претседател Зоран Заев има сериозно влијание врз изборот му штети на изборниот процес,  но ѝ штети на партијата.

Во разговор со новинарот Бранко Героски, Деспотовски ги анализира и причините за поразот на изборите и за падот на СДСМ во последните години.

– Ние ги изгубивме и цврстината и ставовите и на крајот се сведовме на кираџија во сопствената влада – вели тој.

The post 🎥 ВО СДСМ МОРА ДА СЕ ПРЕСЕЧЕ КАКО СО САТАР Ниту еден од сегашното раководство нема да биде дел од мојот тим, ветува Деспотовски   appeared first on plusinfo.mk.

Само околу 3.000 членови до сега се регистрирале да гласаат на внатрепартиските избори, дознава Сител, додека членството на партијата брои нешто околу 80.000 социјалдемократи.  Висок паритски извор за Сител открива дека членството е незадоволно од изборот на кандидати за наследник на Ковачевски, па шпекулациите во круговите на СДСМ се дека планиран е тивок бојкот на внатрепартиските избори.

Раководствата на општински организации оделе дотаму што ги убедувале членовите да не се регистрираат за гласање. Регистрирањето пак трае уште 5 дена, односно се затвора на 20 јуни.

Дека изборот на нов лидер на СДСМ пред сериозен предизвик, сведочат и апелите на социјалните мрежи за активна регистрација, а неофицијално на членството им биле испраќани пораки за да се стимулира нивна активна регистрација.

“Почитувани членови на ОО СДСМ

Потсетуваме и замолуваме членовите кои сè уште не се пријавиле, да дојдете во просториите на општинската организација и да пополните и поднесете Пријава за активна регистрација за член за вонредните избори за Претседател на СДСМ.”

Портпаролот на СДСМ, Дарко Каевски без да прецизира колку членови се регистрирани да гласаат за нов лидер на СДСМ, вели дека нема бојкот и дека изборите ќе се одржат во фер и демократска атмосфера.

Поделбата на крила во СДСМ не е непозната појава. Таа е изразена и пред овие внатрепартиски избори. Според информациите на Сител, најкритично е скопското крило. Тие стојат на ставот дека не треба да се брза со избор на ново раководство, бидејќи според нив е потребен кадровски дисконтинуитет на претходното раководство, со оглед на тоа што сметаат дека структурата околу поранешниот лидер Зоран Заев според изворите е најголемиот виновник за епскиот изборен пораз на СДСМ.

Па така, за кандидатот за нов партиски лидер, Венко Филипче што е еден од најблиските соработници на Зоран Заев, осамна транспарент “Венко (Заев) за вас вратата е затворена”, пред партиските простории во општина Аеродром. Набрзо потоа од партијата демантираа и кажаа дека друга политичка структура стои позади транспарентот, a не СДСМ.

Превирањата во партијата се пренесуваат и во пратеничката група на СДСМ во Парламентот. Околу носењето на законот за реорганизација, пратениците блиски до Заев сакале да го поддржат со образложение дека и Владата на СДСМ уште пред 7 години подготвувала сличен предлог, но немале 2/3 мнозинство да го донесат. На ова се спротиставил координаторот на пратеничката група Оливер Спасовски, бидејќи според него било недозволиво да се даде поддршка после критиките за молчењето на пратениците на СДСМ на конститутивната седница, пренесува Сител.

Изборот на новиот лидер на СДСМ е најавен за 30 јуни. На минатите внатрепартиски избори, Димитар Ковачевски беше избран со нешто над 37.000 гласови, односно 86% од активно регистрираните членови.

The post ИЗБОРИТЕ ВО СДСМ ПРЕД БОЈКОТ? Засега само 3.000 членови на партијата се пријавиле да гласаат appeared first on plusinfo.mk.

Ќе има ли медиумски дебати меѓу кандидатите за иден лидер на СДСМ, како што повика Јован Деспотовски, или социјалдемократите сепак ќе дебатираат во партиските форуми зад затворени врати?

– Ги повикувам сите кандидати за претседател на СДСМ да ми се придружат на јавна дебата на која ќе ги презентираме нашите идеи и конкретни реформи. Овој повик доаѓа како одговор на бројните барања од луѓето од цела Македонија со кои се среќавам – изјави Деспотовски, кој прв ја обзнани својата кандидатура.

На ова возврати Славјанка Петровска, поранешната министерка за одбрана, која исто така се гледа себеси на позицијата лидер на СДСМ.

– Претседател на СДСМ е премногу сериозна и премногу одговорна позиција за да се сведе на секојдневно лиферување соопштенија и скапо платена пр агенција. Ги повикувам кандидатите и членовите на СДСМ во име на социјалдемократијата да ја заштитиме партијата и изборот за претседател на СДСМ да не го претвориме во реалити шоу – изјави таа.

Јавно соочување во медиумите одбиваат и кандидатите Венко Филипче и Александар Бајдевски.

– Во рамки на кампањата, централната изборна комисија во СДСМ има предвидено осум дебати во осумте плански региони, каде сите кандидати ќе имаат презентација на програмите пред членовите. Според сегашниот план, првата е закажана веќе в петок. Надвор од овие дебати, не сметам дека се потребни други медиумски дебати – вели Венко Филипче.

И Бајдевски останува на она што било договорено на состанок одржан со кандидатите и со Централната изборна комисија.

– Се договори став дека нема потреба од јавна дебата во медиумите, туку дека нашите дебати ке бидат пред членството, организирани од СДСМ, по плански региони – вели тој.

Новиот претседател на СДСМ ќе се избере на 30 јуни, на општи избори на кои ќе гласаат сите членови на партијата.

The post ВО СДСМ ИЗБОРИ БЕЗ КАМПАЊА ИЛИ РИЈАЛИТИ ШОУ? Деспотовски повикува на дебата, конкурентите одбиваат appeared first on plusinfo.mk.

-Членовите на СДСМ го избраа новиот претседател на партијата, на демократски внатрепартиски избори. Му честитам на Димитар Ковачевски и му посакувам успех. Им честитам на сите членови на СДСМ кои гласаа на внатрепартиските избори и со тоа покажаа висока демократска свест и однесување. Социјалдемократски сојуз на Македонија денес гласаше достоинствено и европски, за стабилна македонска иднина – напиша Заев на Фејсбук.

The post ЗАЕВ ИМА ОЧЕКУВАЊА ОД КОВАЧЕВСКИ Бившиот лидер на СДСМ му се обрати на новиот преку Фејсбук appeared first on plusinfo.mk.

Видовме како СДСМ организира избори, преку брутална злоупотреба на партиските и државни ресурси за партиски цели, обвини опозициската ВМРО-ДПМНЕ.

„Само во нашата држава училниците наместо за учење се користат за партиско гласање. Морбидно е во ден со 25 жртви од корона, СДСМ да се фали со организирани внатрепартиски избори. Синоќа за време на полициски час Заев држеше прес, а народот плаќа казни за неносење маска. Следи ли казна за партиските војници на СДСМ кои евидентно синоќа го прекршија полицискиот час? За граѓаните е поважно што 60 илјади лица останаа без работа за една година, од тоа што толку лица наводно гласале за Ким Ил Заев кој во стилот на севернокорејски владетел беше единствениот кандидат на владејачката партија. СДСМ вчера само глумеше непосредни, демократски избори за избор на лидер на партијата на кои никој од СДСМ не смееше да му се спротивстави на Заев“, се вели во соопштението на ВМРО-ДПМНЕ.

The post ВМРО-ДПМНЕ: Наместо за учење, училниците се користат за партиски избори appeared first on plusinfo.mk.