Партијата на Власите од Македонија на шестиот Конгрес одржан вчера во Скопје избра нов претседател и донесе клучни одлуки за идното политичко дејствување и организациско зајакнување на партијата.

Делегатите му ја доверија раководната функција на новоизбраниот претседател, Стерјо Папули, кој веднаш по изборот ја презентираше својата програма за работа.

– Како претседател на Партијата на Власите од Македонија, истакнувам дека нашата политика се темели врз три столба: зачувување на влашкиот идентитет, јазик и култура, изградба на силни културни и образовни институции и активно учество во јавниот и општествениот живот. Веруваме дека токму преку овие три столба влашката заедница сигурно ја гради својата иднина и придонесува за напредокот на современа и европска Македонија – изјави Папули.

Во рамки на Конгресот беше промовирана и новата химна на партијата. Химната е инспирирана од влашката традиција и идентитет.

По повод одбележувањето на 25 години од основањето на партијата, беа доделени плакети и благодарници на ветерани и долгогодишни активисти кои придонеле во развојот и опстојувањето на ПВМ.

The post СТЕРЈО ПАПУЛИ Е НОВ ЛИДЕР НА ПАРТИЈАТА НА ВЛАСИТЕ Партијата на Конгрес донесе одлуки за идното политичко дејствување appeared first on plusinfo.mk.

Партијата на Власите го избра Стерјо Папули за нов претседател. Како што соопштуваат од партијата, Папули е избран на последниот состанок на Републичкиот одбор на партијата.

Новото раководство ќе продолжи со континуирана и посветена работа во интерес на нашата заедница, во насока на остварување на стратешките цели и принципи што ги застапува партијата, се наведува во соопштението.

Новиот претседател ја истакнал важноста на заедништвото и визијата за понатамошен напредок, потенцирајќи дека „секој наш чекор денес е инвестиција во иднината на нашите граѓани и генерации што доаѓаат“.

– Партијата на Власите во Македонија останува доследна на својата мисија да биде силен застапник на правата и интересите на Власите во Република Македонија и активен чинител во креирањето на политики кои ќе придонесат за општествен и економски развој. Нашата визија е јасна: да создадеме општество каде што нашата заедница ќе биде препознаена, почитувана и вклучена во сите аспекти на општествениот живот – истакнал Папули.

The post ПАРТИЈАТА НА ВЛАСИТЕ ИМА НОВ ЛИДЕР Стерјо Папули е избран за претседател appeared first on plusinfo.mk.