Парламентарните избори во Србија ќе се одржат на 18 или 25 октомври, најави вечерва српскиот претседател Александар Вучиќ.

– Парламентарните избори во Србија ќе се одржат, како што стојат сега работите, или на 18 или 25 октомври, а ќе знаеме на кој ден – рече Вучиќ во гостувањето на Радио Телевизија Србија.

Тој додаде дека претходно се зборувало за можноста изборите да се одржат кон крајот на октомври или почетокот на ноември, но сега датумот практично е одреден.

The post ВУЧИЌ НАЈАВИ ПАРЛАМЕНТАРНИ ИЗБОРИ ВО СРБИЈА НА 18 ИЛИ НА 25 ОКТОМВРИ Конечниот датум ќе се знае за неколку дена appeared first on plusinfo.mk.

Претседателот на Србија, Александар Вучиќ, изјави дека нема да ја напушти земјата доколку неговата Српска напредна партија ги загуби изборите што ги најавува во последните месеци. Во Србија сè уште се разгледуваат можните термини за одржување на парламентарните и претседателските избори.

Гостувајќи на телевизијата „Прва“, Вучиќ рече дека претседателските избори најверојатно би се одржале во јануари 2027 година доколку парламентарните избори бидат во октомври.

„Ако во октомври има парламентарни избори, можно е претседателските да бидат на крајот на декември или почетокот на јануари. Доколку парламентарните избори бидат во ноември, тогаш претседателските сигурно ќе бидат во јануари или можеби најдоцна во почетокот на февруари“, изјави Вучиќ.

Предвремени избори бараат студентското движење и голем дел од јавноста во рамки на повеќемесечните протести против власта. Протестите почнаа по трагедијата во Нови Сад во 2024 година, кога при уривање на настрешница на железничката станица загинаа 16 лица.

Демонстрантите ја обвинуваат власта за корупција и нефункционирање на институциите, додека студентското движење најави сопствена изборна листа. Вучиќ изјави дека листата на СНС ќе има многу повеќе млади кандидати од студентската листа.

– Ако граѓаните сакаат да гласаат за младост и иднина – ќе можат да гласаат за СНС. Ние ќе бидеме неспоредливо помлада листа од нивната, а јас ќе бидам меѓу постарите – рече Вучиќ.

Тој додаде дека со гордост ќе биде дел од листата, без оглед на позицијата на која ќе биде поставен.

Српскиот претседател порача дека нема страв од можен изборен пораз, освен од Бога, историскиот суд и судот на сопствениот народ.

– Можно е да ги изгубиме изборите, но сепак ќе ги преброиме гласовите. Кога ќе победат на изборите, ќе им честитам и истата вечер ќе кажам дека најлошите можни дошле на власт. Ќе им се смеам во лице цело време – и од притвор, и од затвор, и од гроб, пркосно и гордо – изјави српскиот претседател.

Осврнувајќи се на поддршката што студентското движење ја доби од дел од меѓународната јавност, Вучиќ ги обвини Европа и САД дека, како што рече, поддржуваат луѓе кои би го нарушиле правниот поредок.

Тој истовремено призна дека власта мора да ги слуша пораките и критиките од незадоволните граѓани, додавајќи дека дел од нивните забелешки се оправдани поради постоење на корумпирани и арогантни поединци во системот.

Вучиќ информираше и дека преку платформата „Кој си бре ти?“, која беше пуштена за пријавување корупција и злоупотреба на овластувања, досега биле доставени околу 10.000 пријави, а одговорено било на околу 3.500 од нив.

The post „ЌЕ ИМ СЕ СМЕАМ ВО ЛИЦЕ И ОД ЗАТВОР И ОД ГРОБ!“ Вучиќ нема да си замине од Србија ако ги изгуби изборите appeared first on plusinfo.mk.

ВМРО-ДПМНЕ на 17 јуни на стадионот во Струмица ќе го одбележи роденденот на партијата, а потоа ќе започнат разговорите за реконструкцијата на Владата, посочи денеска премиерот Христијан Мицкоски по пуштањето во употреба на Домот за стари лица „ПУСЗ Оаза by Adora“ во Општина Илинден. За најавите за парламентарни избори, рече дека ВМРО-ДПМНЕ сака редовни избори, но ако биде предизвикана ќе оди на избори пред рокот и ќе победи.

– Следната недела после роденденот којшто ќе биде на 17 јуни во Струмица со почеток од 20 часот на стадионот, после тоа почнуваме разговори со владините коалициони партнери околу реконструкцијата на Владата – изјави Мицкоски во одговор на новинарско прашање.

Коментирајќи ги тврдењата на опозициската СДСМ дека Владата оди на избори бидејќи ги потрошила државните парите и дека нема да бидат алиби за предвремени избори, премиерот Мицкоски рече дека тоа едното со другото немаат логика. Мицкоски истакна дека нивниот став е да нема предвремени избори, дека добиле мандат од граѓаните четири години и сакаат да одат на редовни парламентарни избори коишто ќе се случат пролетта 2028 година, но доколку се предизвикани мора да се подготвени, како и секоја сериозна политичка опција.

– Нема да се мешам во нивната стратегија. Само знам дека, зборувам политички, кога влегувате во втората половина од мандатот, логично е да сте подготвени за избори без разлика дали се тоа редовни или вонредни, на барање на опозицијата. Еве нашата опозиција не бара, нашата опозиција е сокриена, има три-четворица кои држат прес-конференции полни со невистини и навреди, најчесто кон мене. И сега кога имаат можност да се покажат на терен, да видат еве колку ефект имаат тие нивни невистини и навреди кон мене, тие едноставно бегаат. Тоа нема да биде првпат што го прави СДСМ. Тоа веќе во историјата многу пати го направила СДСМ – рече Мицкоски.

Премиерот додаде дека тие немаат намера да предизвикаат предвремни избори и дека нивната цел се редовни избори, но ако бидат, како што кажа, предизвикани тогаш ќе одат на избори и ќе победат.

За најавеното повлекување на Али Ахмети од лидерското место во ДУИ, Мицкоски рече дека не би сакал да коментира бидејќи тоа се внатрешни работи на партиите, исто како што не би сакал некој да ги коментира внатрешните работи во ВМРО-ДПМНЕ.

The post РЕКОНСТРУКЦИЈА НА ВЛАДАТА ПО 17 ЈУНИ, РОДЕНДЕНОТ НА ВМРО-ДПМНЕ Нема потреба од предвремени избори, освен ако СДСМ не побара appeared first on plusinfo.mk.

Премиерот Христијан Мицкоски вели дека нема нови барања од Бугарија за деблокада на интеграцијата на државата во ЕУ истакнувајќи дека тие барања се уште од 2022 година и оти, како што наведе, чекале три години да ги слушне цела Европа и светот, како и граѓаните што биле жртви на манипулативната политика на поединци. Останува оптимист и посочува дека разговараното на неговата средба со германскиот канцелар Фридрих Мерц и со францускит претседател Емануел Макрон сосема се разликува од она што е разговарано на вчерашниот состанок на претседатеката Гордана Сиљановска-Давкова со бугарската колешка Илијана Јотова во Софија.

Мицкоски порача дека мора да бидеме оптимисти и да работиме, истовремено да ги штитиме македонските национални интереси, укажувајќи дека на парламентарни избори граѓаните ќе одлучат кого ќе поддржат – оние што ја уништиле Македонија или новиот концепт што го нуди актуелната Влада, која е со став за националните интереси.

– Македонските граѓани мора да знаат дека барањата не се само промена на Уставот и дел од бугарската заедница во преамбулата. Не. Тоа е само почетокот. Само ја отвораме Пандорината кутија. Следува акцискиот план, следува работата на историската комисија, следува Протоколот 2, каде што работата на историската комисија е само едно од барањата. Таму имаат можеби петнаесетина нови барања што ние како држава треба да ги исполниме. Така што, нема ништо поинакво тоа што денеска го слушаме, тоа што го слушаме во континуитет од она што, за жал, претходната влада го прифати во 2022 година – рече Мицкоски на новинарско прашање по пуштањето во употреба на спортската сала „Расадник“ во Кисела Вода.

Тоа, посочи Мицкоски, се барања што ние ги видовме уште во 2022 година и затоа рековме дека сме против.

– Само што чекавме четири години и, да бидам попрецизен, три години за тие барања да ги слушнат цела Европа, светот, но и оние граѓани што, за жал, беа жртви на манипулативната политика на поединци. Ова не се нови барања, ова се истите барања. Да бидам попрецизен, работата на историската комисија не е формална, таа е суштинска. За нив, работата на историската комисија е суштинска. Немаме исто гледање на идентитетските прашања. За нас, Гоце Делчев е идентитетот македонски, за нив не е, за нив е дел од бугарскиот идентитет. За нас, Илинденското востание е дел од македонскиот идентитет, за нив не е. Тоа е Преображенско востание. Тоа се суштински прашања, кои, за жал, се присутни уште од 2022 година. Не се нови барања – изјави Мицкоски.

Разбирам, дополни премиерот, дека некој има потреба да манипулира затоа што потпишал капитулација, затоа што бил политички неуспешен, затоа што бил национално исплакнат, затоа што бил обременет со криминал и корупција и бил подготвен бел лист хартија да потпише и да прифати сè.

Потенцира дека сè уште е оптимист кога станува збор за разговорот што го имаше со канцеларот Мерц и со францускиот претседател Макрон затоа што, нагласи, тоа што го разговаравме на овој состанок сосема се разликува од она што е разговарано на вчерашниот состанок во Софија.

– Ние мора да бидеме оптимисти и да работиме, истовремено да ги штитиме македонските национални интереси, да не влегуваме во авантура, да не бидеме очајници и давеници, како што тоа го правеше претходната влада, која, за жал, е последниот браник на она што беше прифатено во 2022 година, кои се единствените лојални позиции на актуелната политика на нашиот источен сосед внатре во Македонија. Но, многу бргу, веќе сме во втората половина на нашиот мандат, ќе имаме парламентарни избори, па граѓаните нека одлучат. Дали овие, кои капитулираа, ја ограбија, ја осиромашија и ја уништија Македонија треба да добијат и еден пратеник, или ние, кои нудиме сосема еден нов концепт, кој се темели на многу работа, но истовремено бескомпромисна битка и со став за националните интереси – наведе премиерот Христија Мицкоски.

The post ИЗБОРИТЕ НЕ СЕ ДАЛЕКУ, ЌЕ ВИДИМЕ ШТО МИСЛИ НАРОДОТ Мицкоски вели дека барањата на Бугарија не се сменети од 2022 година appeared first on plusinfo.mk.

Во емисијата „Заспиј ако можеш“ на Алфа телевизија гостуваше генералниот секретар на ВМРО-ДПМНЕ и пратеник, Драган Ковачки, кој упати критики кон СДСМ, оценувајќи дека партијата треба повеќе внимание да посвети на сопствената организација и коалициски односи, наместо на политичките напади кон ВМРО-ДПМНЕ.

Ковачки изјави дека СДСМ се соочува со внатрешни предизвици и, според него, треба да си ја преиспитаат својата реторика и политичка насока.

– СДСМ може да зборуваат што сакаат, тие треба да си погледнат малку во своите редови, да не се занимаваат со ВМРО-ДПМНЕ кое ќе ги прегази на следните парламентарни избори кога и да се случат. Она што можам да го кажам за нив и да им упатам порака дека треба да внимаваат малку и на сопствените редови и на сопствената коалиција, да не прават фронтови коишто однапред им се пробиени и коишто ќе им донесат штета. Значи треба да ја сменат реториката треба да се навратат кон сопствената идеологија која ја изгубија во меѓувреме додека беа во владата под раководство на ДУИ, така да би рекол да внимаваат малку што зборуваат кон својот политички опонент којшто на следните избори ќе ги прегази – вели Ковачки.

Осврнувајќи се на реформските процеси во земјата, Ковачки оцени дека за време на владеењето на СДСМ биле реализирани мал дел од предвидените реформи, додека актуелната власт, како што рече, покажува поголема ефикасност во нивното спроведување. Тој истакна дека претходната власт правела отстапки кои, според него, биле на штета на националниот идентитет, историјата, културата и традицијата, додека актуелната Влада се фокусира на реализација на реформските процеси.

– Кај СДСМ досега, во текот на нивното владеење ако имале, карикирам, 25 реформски процеси коишто требало да ги спроведат, тие спроведувале два, 23 не ги спроведувале. Беа гласни затоа што правеа отстапки на сметка на националниот идентитет, на историјата, на културата, на традицијата, на сметка на нас самите, нешто што сега не е случај, сега карикирам повторно од 25 реформски процеси, два можеби нема да ги реализираме и токму затоа е стравот и паниката кај СДСМ, затоа се изгубени во комуникацијата со јавноста, веќе не знаат како да напаѓаат – рече Ковачки.

Во своето гостување, Ковачки ја критикуваше и политиката на лидерот на СДСМ, Венко Филипче, во однос на националните прашања. Тој порача дека дневнополитичките пресметки околу теми поврзани со државните интереси се штетни и мора да престанат.

– „Вие од тоа да правите дневно политикантство, да им давате муниција на тие што од нас бараат да се покориме, тоа е дневно политикантство на штета на сопствената држава, на сопствениот народ, па дури и на сопствената партија. Тоа во моментот ни се случува, политикантство на дневна основа нешто што е крајно штетно, политикантство со националните интереси, и тоа мора да престане. Јас многу често го нарекувам Венко Филипче дека е адвокат по службена должност на Република Бугарија. Некои го нарекуваат специјален претставник и така натаму, како и да се нарече во тој дел нема да се погреши затоа што начинот на којшто дневно комуницира со јавноста и прави политикантство од националните интереси, откривајќи ја македонската слаба страна а тоа е необединетоста за која тие не сакаат да пристапат со нас и да се обединиме, а сите други се обединети со нас, уште еднаш покажува дека станува збор за луѓе коишто не и мислат добро на татковината – истакна Ковачки.

The post ФИЛИПЧЕ ИЗИГРУВА БУГАРСКИ АДВОКАТ, ВЕЛИ КОВАЧКИ „Претходната власт спровела 2 од 25 реформи“ appeared first on plusinfo.mk.

Претседателската на Косово Вјоса Османи денеска потпиша указ за распуштање на парламентот и најави дека ќе бидат распишани вонредни избори.

Османи изјави дека, откако синоќа пратениците не успеаја да изберат претседател на државата, го турна Косово во нови избори.

– Оваа ситуација целосно можеше да се избегне. Голема несреќа е што пратениците не го избраа интересот на народот – наведе Османи.

Таа најави дека во текот на денот ќе одржи консултации со лидерите на парламентарните партии за датумот на вонредните парламентарни избори.

На синоќешната вонредна седница, одржана само неколку часа пред истекот на уставниот рок за избор на претседател, парламентот го прекина изборниот процес, поради немање кворум.

За избор на претседател потребни се 80 гласа во првите два круга гласање, а најмалку 61 во третиот. Синоќа во салата беа присутни 66 пратеници од владејачката коалиција, додека пратениците од опозицијата беа отсутни.

Претходно, се одржа седница за разгледување на уставните амандмани, кои претседателката Османи ги поднесе за директно гласање за претседател, која исто така беше прекината поради немање кворум.

По затворањето на втората седница, претседателката на Собранието, Аљбулена Хаџију се обрати до Уставниот суд со барање за донесување привремена мерка за суспендирање на уставниот рок за избор на претседател.

The post ПРЕТСЕДАТЕЛКАТА НА КОСОВО ГО РАСПУШТИ ПАРЛАМЕНТОТ Ќе бидат распишани вонредни парламентарни избори appeared first on plusinfo.mk.

Претседателот на Србија Александар Вучиќ изјави дека Србија „влезе во изборна година“ и дека единственото прашање е дали покрај парламентарните ќе се одржат и претседателски избори избори.

– Влеговме во изборна година, најдоцна за една година ќе имаме избори – изјави Вучиќ пред новинарите.

Вучиќ рече дека сега останува да се подготват изборите и да се види кој ќе учествува на нив, колку листи ќе учествуваат и кои кандидати.

Вучиќ исто така рече дека, и покрај победата на локалните избори, СНС мора детално да анализира каде можело да се направи повеќе и што треба да се постигне за да се подобрат резултатите.

– Ќе мора да направиме големи и значајни промени – рече Вучиќ.

Тој додаде дека сè уште нема вести од САД во врска со српската нафтена индустрија и дека утре ќе биде организиран „голем состанок“ по овој повод.

Тој рече дека Србија се соочува со тежок период, но дека земјата се подготвила за него.

– Немам никакви вести, не верувам дека ќе има. Тежок период е пред нас, но ние се подготвивме. Имаме голем состанок утре во 11:30 часот, дотогаш треба да ги подготвиме сите потези, па ќе ве информираме што правиме – им рече Вучиќ на новинарите.

The post ВО СРБИЈА ПРЕТСЕДАТЕЛСКИ И ПАРЛАМЕНТАРНИ ИЗБОРИ ЗАЕДНО? Вучиќ вели дека 2026 сигурно е изборна година appeared first on plusinfo.mk.

Вршителот на должност премиер на Косово, Албин Курти, денеска изјави дека единственото решение за политичката криза во земјата е одржување на нови парламентарни избори. Ова следи по вчерашното гласање во Собранието, кога предложената влада на Курти доби 56 гласа, наместо потребните 61.

– Пред кој било договор што ја искривува волјата на граѓаните на изборите, ние избираме избори. Тоа не беше наша желба, но нема друг пат – истакна Курти на прес-конференција.

Тој објасни дека Демократскиот сојуз на Косово (ДСК) и Социјалдемократската иницијатива (НИСМА) одбиле да учествуваат во владата што Курти би ја водел.

– Да ја прифатеа понудата за соработка, ќе имавме доволен број пратеници за нова влада и можевме да го решиме прашањето за избор на претседател за четири месеци – додаде тој.

Курти нагласи дека се обидел да го одвои ДСК од Демократската партија на Косово (ДПК), но тоа не успеало.

– Единствениот начин ДСК да се согласи да биде дел од влада со нас беше да биде внатре и ДПК, што за нас е неприфатливо и штетно – рече Курти.

Покрај тоа, Курти одговори и на тврдењата дека Косово ќе остане без буџет за 2026 година, истакнувајќи дека врз основа на Законот за Влада, тој може да предложи буџет за наредната година.

Со оваа одлука, Собранието на Косово до март следната година треба да избере претседател или претседателка на земјата, а политичката нестабилност се очекува да продолжи до одржувањето на новите избори.

The post КОСОВО НА РАБ НА ПОЛИТИЧКА КРИЗА Курти тврди дека единствено решение се нови избори appeared first on plusinfo.mk.

Кога утре би имало парламентарни избори, ВМРО-ДПМНЕ по Донтовиот модел, со овие гласови ќе има над 60 пратеници, додека пак СДСМ во некои ИЕ би била трета партија, велат од ВМРО-ДПМНЕ во соопштение до јавноста.

„ВМРО-ДПМНЕ со 550 советници низ Македонија и градот Скопје, како и со над 300.000 гласови, е апсолутен победник на локалните избори.

Народот го казни СДСМ и направи да биде на некои места низ државата, како и градот Скопје, трета, четврта, па дури и петта партија по бројот на добиени гласови. Времето на работа, одговорност и резултати – продолжува, благодарност до сите оние кои го направија вистинскиот избор.

На овие избори, ВМРО-ДПМНЕ освои 12.000 гласа повеќе од 2021 година, додека СДСМ потона со минус 111.000 гласа. Ова е пораз кој најдобро ја отсликува недовербата на граѓаните во нивните промашени политики, неспособно владеење и неквалитетни кадри.

ВМРО-ДПМНЕ е партијата со најголема поддршка во 59 општини и градот Скопје, а во мнозинството од нив има апсолутно мнозинство во советите. Тоа значи дека народот избра стабилност, развој и чесни луѓе кои знаат што значи работа за интересот на државата, а не за лични привилегии.

Граѓаните избраа пат на раст и развој, а не застој и пропаѓање. Со оваа поддршка, ВМРО-ДПМНЕ уште еднаш покажа дека е партија на народот, што ги слуша граѓаните и работи за нив.

Сега е време оваа голема победа да се заокружи во вториот круг. Да излеземе масовно и уште еднаш да ја потврдиме волјата на народот, со заокружување на бројот 9, со твојот човек, за твоето место, за твојата иднина! Направете го вистинскиот избор!“

The post НАРОДОТ ГО КАЗНИ СДСМ, СТАНАА ТРЕТА ПАРТИЈА Кога би имало парламентарни избори, ВМРО-ДПМНЕ би освоила повеќе од 60 пратеници appeared first on plusinfo.mk.

Бујар Османи од ДУИ вели дека не може да има локални избори без парламентарни избори, но и без враќање на Балансерот, Бадентер и без гаранцијата на Законот за јазиците.

– Ние велиме дека не може да има избори во услови кога Албанците ќе бидат деградирани до тоа ниво. Ќе се создаде длабока политичка криза. Албанците нема да дозволат денот да продолжи како ништо да не се случило. Тоа е морална обврска, тоа е национална обврска, тоа е човечка обврска кон оние кои ги дале своите животи за овој јазик. И сега ќе се однесуваме како ништо да не се случило – вели Османи за Дејли клик на ТВ21.

Без враќање на Балансерот, без враќање на Бадентер, без враќање на легитимитетот и без гарантирање на јазикот, не може да има политика како и обично, порача Османи.

The post ДУИ НЕ ПРИФАЌА ЛОКАЛНИ ИЗБОРИ БЕЗ ПАРЛАМЕНТАРНИ Бујар Османи ги соопшти условите appeared first on plusinfo.mk.