Не стивнуваат реакциите на граѓаните за новите поскапувања на паркингот за жителите на Општина Центар, вели Филип Ѓорѓиев, секретар на ОК Центар на ВМРО-ДПМНЕ.

– Градоначалникот Горан Герасимовски ја одби иницијативата на ВМРО-ДПМНЕ за враќање на старите цени со небулозни оправданија. Објаснувањето дека не било до Општината и до Советот, туку до Управниот одбор на ПОЦ, е класична лага, односно срамен обид да се манипулира со центарци. Го потсетуваме градоначалникот во заминување дека во Центар неговите „другари“ од СДСМ владеат повеќе од една деценија. За сè што се случува во општината, вклучително и повисоките цени на паркирањето за жителите, вината е кај кадрите на СДСМ. Итно бараме Советот уште на следната седница да му наложи на ПОЦ да го запре легалниот рекет кој го спроведува врз центарци, да го врати стариот ценовник и веднаш да престане да ја навредува интелигенцијата на центарци со оправданија дека „не било до нив“ – рече Ѓорѓиев.

До вас е, додаде тој.

– Ако Герасимовски е навистина лажно убеден дека вината лежи на друго место, тогаш нека одговори, дали веќе не оди на состаноци во Општинскиот одбор на СДСМ Центар, бидејќи ја има изгубено поддршката и во сопствените редови, и нема како да им каже на членовите на Управниот одбор на ПОЦ, кои се членови на СДСМ, да донесат одлука за враќање на стариот ценовник. Начини да запре овој рекет врз центарци има, прашање е дали се има волја да се излезе во пресрет и да се одговори позитивно на реакциите на граѓаните. Центар и центарци заслужуваат многу подобар третман – порача Ѓорѓиев.

The post ВМРО-ДПМНЕ БАРА ДА СЕ ВРАТИ СТАРИОТ ЦЕНОВНИК ЗА ПАРКИРАЊЕ ВО ЦЕНТАР Герасимовски да му наложи на ПОЦ да го сопре рекетот врз центарци appeared first on plusinfo.mk.