Триесет и едногодишен Мексиканец бил приведен синоќа во Ѓорче Петров, откако, според полицијата, најпрво одбил да се легитимира, а потоа нападнал полицаец.

„Се однесувал агресивно, а потоа физички и со тврд предмет нападнал полициски службеник додека извршувал службени дејствија“, соопшти Министерството за внатрешни работи.

Инцидентот се случил околу 21 часот во паркот каде што се одржувала манифестација. По приведувањето полицијата утврдила дека 31-годишникот бил под дејство на алкохол.

„Утврдено е и дека Х.И.Б.Л. бил под дејство на алкохол, односно му биле измерени 2,30 промили во крвта“, наведува МВР.

По целосното документирање на случајот ќе следува соодветна пријава.

The post МОРТУС ПИЈАН МЕКСИКАНЕЦ НАПАДНАЛ ПОЛИЦАЕЦ ВО ЃОРЧЕ ПЕТРОВ Инцидент на забава во општинскиот парк appeared first on plusinfo.mk.