Името на Брајан Џонсон веројатно ви е познато благодарение на неговите понекогаш необични биохакерски третмани и неуморната потрага по долговечност, кои често привлекуваат големо медиумско внимание.

Затоа не е ни чудо што многумина беа изненадени кога открија дека технолошкиот претприемач овој пат не претставува нов протокол против стареење, туку го прави своето деби на модната писта за време на Неделата на модата во Париз.

Париз моментално е во средината на есенско-зимските ревии, од презентацијата на Диор во раскошна стаклена градина до Бела Хадид која ја предводи ѕвездената постава на пистата на Сен Лоран.

Во тоа опкружување привлече внимание и парискиот бренд Matières Fécales, основан од Хана Роуз и Стивен Реј.

На нивната ревија наречена The One Percent, на Џонсон му се придружија и други познати лица.

Неочекуваното појавување на Џонсон на пистата предизвика бројни дискусии на социјалните мрежи.

– И мислев дека 2026 година не може да биде побизарна;

– Неверојатно, па тоа е со глава и со брада плазма-вампирот Брајан Џонсон на ревијата на Matières Fécales есен/зима 2026 – напишаа корисниците на X.

Некои ја нарекоа оваа соработка „сериозно кул“, додека други ја протолкуваа ревијата како своевидно потсмејување на Џонсон и капиталистите воопшто. И покрај поделените мислења за неговата вклученост, многумина ја пофалија самата колекција, опишувајќи ја како „неверојатно креативна, добро конструирана и мрачна“.

Коментирајќи го своето модно деби, Џонсон изјави дека сака да ги спои технологијата и модата, што претходно немал можност да го направи.

– Го изградив мојот проект „Don’t Die“ првенствено врз технологијата, науката и долговечноста. Досега немаше допир со модата и уметноста. Ова е премиерата на таа фузија, „Don’t Die“, мода и уметност – рече тој.

Дизајнерите зад брендот, Роуз и Реј, се запознале и се вљубиле додека студирале мода во Монтреал во 2014 година. Тие го изградиле својот бренд врз идејата за радикално самоизразување и намерно провокативен пристап кон луксузот.

Во текот на изминатата деценија, Matières Fécales разви препознатлива постхуманистичка естетика која му пркоси на конформизмот, поради што настапот на Џонсон беше истовремено неочекуван, но и необично вклопен во визијата на брендот.

Me: 2026 can’t get any weirder

2026: Here’s Bryan Johnson walking Paris Fashion Weekpic.twitter.com/SDHj7wedJM

— Tech Brew (@techbrewmb) March 3, 2026

The post 🎥 ТРАГАЧОТ ПО ДОЛГОВЕЧНОСТ ВО УЛОГА НА МАНЕКЕН Неочекувано деби на милионерот Брајан Џонсон на модната недела во Париз appeared first on plusinfo.mk.