За да се стави крај на војните како сегашната во Појасот Газа, потребно е решение кое ќе изнедри две држави за Израел и за Палестина, изјави денеска папата Франциск. Тој воедно, повика светиот град Ерусалим да добие посебен статус.

Во интервју за информативниот канал TG1 на италијанската државна телевизија РАИ, папата Франциск исто така рече дека се надева дека ќе се избегне регионална ескалација на конфликтот, кој започна кога милитантите на Хамас влегоа во Израел, убивајќи околу 1.400 Израелци, главно цивили, а зедоа околу 230 заложници.

-Тоа се две нации кои мора да живеат заедно. Со мудро решение во две држави. Во согласност со договорите од Осло, две добро дефинирани држави и Ерусалим со посебен статус – рече Франциск во интервју за италијански RAI.

Во 1993 година, израелскиот премиер Јицак Рабин и водачот на Палестинската ослободителна организација Јасер Арафат се ракуваа додека се спогодија за договорите од Осло со кои се воспостави ограничена палестинска автономија.

Израел го окупира арапскиот источен Ерусалим во 1967 година, а во 1980 година го прогласи целиот град за „обединета и вечна престолнина“.

Во исто време, Палестинците го гледаат источниот дел на градот како главен град на нивната евентуална идна држава.

Израел доследно ги одбива сите предлозите според кои градот, свет за сите монотеистички религии – христијаните, муслиманите и Евреите, може да има посебен или меѓународен статус.

The post РЕШЕНИЕТО Е ДА СЕ СОЗДАДАТ ДВЕ ДРЖАВИ – ИЗРАЕЛ И ПАЛЕСТИНА Папата Франциск повика Ерусалим да добие посебен статус appeared first on plusinfo.mk.

Сокорзи беше личен лекар на папата од 2015 година и имаше 78 години. Тој беше хоспитализиран во Рим на 26 декември на онкологија, објави весникот „Авенир“, што ги следи настаните во Ватикан.

Не е познато кога Сокорзи бил во близок контакт со папата за последен пат.

Во интервју за италијанскиот Канал 5, папата рече дека вакцинирањето во Ватикан ќе започне следната недела и дека тој ќе ја прими вакцината.

The post Од ковид-19 почина личниот лекар на папата Франциск appeared first on plusinfo.mk.