Матични гинеколози наплаќале за ПАП-тест, ЕХО, колпоскопија, земање брис и други услуги што ги покрива Фондот за здравствено осигурување, додека некои не издавале ниту фискални сметки, откри директорот на Фондот за здравствено осигурување Сашо Клековски на прес-конференција со директорката на УЈП.

Ова се резултатите од заедничките контроли извршени во ноември од страна на Фондот и Управата за јавни приходи.

Контролата покажала дека речиси половина од проверените 49 установи работеле спротивно на правилата. Неуредни збирно се вкупно 23 ординации, дел поради наплаќање спротивно на законот, дел поради неуредна документација. Од нив неправилности само кон ФЗО имаат 3 установи, само кон УЈП имаат 11, а кон двете институции има кај 9 установи.

Во Скопје, од 16 контролирани установи, 9 се неуредни.

– Кај 35 отсто, односно 16 установи утврдивме неправилности во евидентирањето на готовинскиот промет и веднаш се изречени прекршочни санкции – кажа директорката на УЈП, Елена Петрова и најави уште засилени контроли.

ФЗО има договор со вкупно 149 приватни здравствени ординации за примарна заштита во гинекологија.

The post МАТИЧНИ ГИНЕКОЛОЗИ НАПЛАЌАЛЕ ЗА УСЛУГИ ПОКРИЕНИ ОД ФЗО Некои не издавале ниту фискални сметки appeared first on plusinfo.mk.

Јануари е месец посветен на превенција од рак на грлото на матката, а европската недела на превенција од рак на грлото на матката оваа година се одржува од 20 до 26 јануари.

На глобално ниво, ракот на грлото на матката е четвртиот најчест рак кај жените, со 604.000 нови случаи во 2020 година.

Околу 90% од 342.000 смртни случаи предизвикани од рак на грлото на матката се случиле во земјите со низок и среден приход.

Кога ќе се дијагностицира, ракот на грлото на матката е една од најуспешно излечливите форми на рак, доколку се открие рано и ефикасно се управува.

Со сеопфатен пристап за превенција, преглед и лекување, ракот на грлото на матката може да се елиминира како јавно здравствен проблем во рок од една генерација.

Оваа година, информира Институтот за јавно здравје, месецот за подигање на свеста за ракот на грлото на матката,  се одбележува под мотото „Учи, превенирај, направи скрининг“.

Повеќе за ова на „Мајка и дете“.

The post НЕМА НИТУ ЕДНА ПРИЧИНА ДА СЕ УМРЕ ОД ОВОЈ ТИП НА РАК Недела на превенција на рак на грлото на матката appeared first on plusinfo.mk.

Студијата објавена во 2022 година укажува на зголемена предност за ХПВ тестот кај жените поради намалената непријатност и поголемата удобност во споредба со традиционалниот ПАП тест. Сепак, се поставува прашањето – дали жените целосно треба да го избегнуваат ПАП тестот? Да видиме кои се разликите помеѓу двата теста.

За разликите помеѓу ПАП тест и ХПВ тест прочитајте на „Мајка и дете“.

The post ПАП-ТЕСТОТ ЌЕ СТАНЕ МИНАТО? Експертите сугерираат ХПВ тестирање, како скрининг за рак на грлото на матката appeared first on plusinfo.mk.

Ракот на грлото на матката е четврт најчест канцер кај жените, со над 600 илјади нови случаи во светски рамки. Во нашата држава, во просек секоја година 150 жени заболуваат, а 20 жени ја губат битката со оваа болест. Само со сеопфатен пристап на превенција, прегледи и лекување може да стави крај на карцином на грлото на матката како јавно здравствен проблем во само неколку генерации.

Како што објаснува за МИА специјалната претставничка на СЗО за Северна Македонија и шефица на Канцеларијата на СЗО во Скопје, д-р Ане Јохансен, примарната причина за карцином на грлото на матката е хуманиот папилома вирус (ХПВ). Тоа е, како што вели, многу заразна инфекција која се пренесува преку сексуален контакт или контакт кожа на кожа.

– ХПВ е исклучително чест вирус – 80 отсто од сексуално активните жени и мажи го добиваат во одреден момент од животот. Постојаната инфекција со високоризичен тип на ХПВ може да доведе до абнормални промени во клетките на грлото на матката. Овие промени се нарекуваат преканцерозни израстоци (или лезии). Ако не заздрават или не се отстранат, може да се развијат во карцином. Обично потребни се години за овие израстоци да се развијат во карцином на грлото на матката – вели д-р Јохансен.

Како што потенцира, помеѓу факторите на ризик се вбројуваат и возраста од првата бременост, три или повеќе полнорочни бремености, пушење цигари, ослабен имунолошки систем, ХИВ инфекција или присуство на други сексуално преносливи инфекции.

Симптомите на карцином на грлото на матката во рана фаза вклучуваат неправилно крварење меѓу менструалните циклуси или по менопаузата, зголемен вагинален исцедок со непријатен мирис, вагинално крварење по сексуален однос, болка во карлицата или болка за време на сексуалниот однос.

Симптомите на напредната фаза на карцином на грлото на матката вклучуваат постојана болка во грбот, нозете или карлицата, губење на тежината, замор, губење на апетит, непријатен исцедок и вагинална непријатност и отекување на ногата или на двата долни екстремитети.

Карцином на грло на матка најчесто се развива кај жените од 20 до 45 години

Специјалната претставничка на СЗО за Северна Македонија вели дека карциномот на грлото на матката е еден од најчестите видови на карцином што ги погодува жените, со околу 69.000 случаи и 30.000 смртни случаи регистрирани годишно во Европскиот регион на СЗО.

Таа додава дека поверојатно е оваа болест да се развие кај жени на возраст од 20 до 45 години, а инциденцата е поголема во земјите кои немаат ефективни организирани програми за скрининг на карцином на грлото на матката.

Во текот на 2021 година во државава беа регистрирани 179 нови случаи на карцином на грлото на матката, односно 5,5 проценти од вкупно евидентираните случаи со карцином во државата, додека пак инциденцата изнесува 19,34/100.000 женско население, покажуваат податоците на Институтот за јавно здравје на Република Северна Македонија.

Согласно поделбата на десет најчести примарни локализации на карцином кај жени во нашата држава за 2021 година, карциномот на грлото на матката се наоѓа на шесто место, а пак на прво место е карциномот на дојка.

Во 2020 година пак, имало околу 604.000 случаи на карцином на грлото на матката и 342.000 смртни случаи поради истиот ширум светот.

Од Министерството за здравство за МИА информираат дека во нашата држава, во просек секоја година 150 жени заболуваат од рак на грлото на матката, а 20 жени ја губат битката со оваа болест.

Потребно информирање, едукација, вакцинирање, скрининг преглед

Во рамки на месецот за подигање на свеста за карциномот на грлото на матката, главните пораки кои беа упатени е задолжително информирање и едукација на жените за карциномот на грлото на матката, скрининг преглед и вакцинирање со две дози до ХПВ вакцината.

– Пораките се јасни – информирајте се. Дознајте ги фактите за карциномот на грлото на матката и хуманиот папилома вирус (ХПВ) што го предизвикува. Помогнете да ги едуцирате и другите жени во вашиот живот. Направете скрининг преглед. Скринингот за карцином на грлото на матката обично започнува на 30-годишна возраст и периодично се повторува. Вакцинирајте се. ХПВ вакцината се дава во две дози кои треба да започнат кога девојчето е помеѓу 9 и 14 години. Со ХПВ вакцина во Северна Македонија се вакцинираат само девојчиња, со наполнети 12 години, со давање на две дози на вакцина, на растојание од шест месеци – вели д-р Јохансен за МИА.

Специјалната претставничка на СЗО за Северна Македонија уверува дека кога ќе се дијагностицира, карциномот на грлото на матката е една од најуспешно излечливите форми на карцином, доколку се открие рано и ефикасно се менаџира. Карциномот дијагностициран во доцните фази, исто така, може да се третира со соодветен третман и палијативна нега.

Покрај тоа што се спречуваат преку вакцинација против ХПВ, преканцерозните лезии лесно може да се откријат преку скрининг преглед пред да развијат во карцином.

Вакцината за ХПВ е речиси 100 отсто ефикасна во спречувањето на повеќето ХПВ инфекции кои може да резултираат со преканцерозна состојба и карцином.

– Кога ќе се откријат, преканцерозните лезии може да се третираат и да се избегне карцином. Програмите за скрининг, исто така, можат да го откријат карциномот во рана фаза кога третманот има поголем потенцијал за излекување. Воведувањето на ХПВ вакцината пошироко, во комбинација со организиран скрининг за карцином на грлото на матката, има потенцијал да спаси многу животи, особено кај помладите жени – додава д-р Јохансен.

Како што појаснува, главните третмани за карцином на грлото на матката се хирушка интервенција, радиотерапија и хемотерапија, што може да доведе до долгорочни здравствени проблеми, вклучително и неплодност.

Д-р Јохансен потенцира дека организираните програми за скрининг овозможуваат откривање на преканцерозни лезии, кои доколку се третираат правилно може да го спречат развојот на инвазивен канцер.

Министерството за здравство организира скрининг за рана детекција, кампањи за подигнување на свеста

Од Министерството за здравство за МИА информираат дека организираат скрининг за рана детекција на карцином на грлото на матката. За закажување превентивен преглед за рана детекција на карцином на грлото на матката, како што велат, достапна е веб платформата „https://skrining.zdravstvo.gov.mk/”.

Оттаму потенцираат дека за тековната 2023 се продолжува со организираниот скрининг за жени на возраст од 21 до 59 години кои во последните три години немаат направено ПАП тест. Прегледот во рамки на скринингот за оваа возрасна група е бесплатен за жената.

„Министерството за здравство е фокусирано на унапредување на женското здравје и за таа цел  реализира континуирана кампања за промоција и подигнување на свесноста за ова заболување, а со цел рано откривање, што може да спаси живот. За таа цел, се спроведува скрининг за рано откривање рак на грло на матката, со бесплатен преглед и ПАП тест кај матичниот гинеколог за жените на возраст од 21 до 59 години, кои во последните три години немаат направено ваков преглед“, посочија од Министерството.

Тие информираат дека со организиран скрининг, минатата година, биле опфатени жените на возраст од 36 до 45 години, кои во последните три години немале направено ПАП тест.

„Веб платформата skrining.mk е директно поврзана со системот МојТермин и матичниот гинеколог веднаш добива информација за пријавени пациентки, по што ги известува пациентките во кој термин е закажан прегледот. Согласно распоредот предвиден во планот за ПАП тестирање, матичниот гинеколог ги повикува жените информирајќи за точниот датум и час кога треба да се направи ПАП тестот. Исто така и матичните гинеколози можат да вршат пријавување на пациентки на оваа возраст и согласно план и распоред да ги повикуваат“, велат за МИА од Министерството.

Како што појаснуваат, од април месец 2022 година, до крајот на минатата година, веб платформата ја искористиле вкупно 17.204 пациентки, од кои за 12.194 пациентки бил земен ПАП тест.

Инаку, во буџетот за 2023 година за Програмата за рана детекција на малигни заболувања се предвидени 23.570.000 денари.

The post 150 ЖЕНИ ГОДИШНО КАЈ НАС ЗАБОЛУВААТ ОД РАК НА ГРЛО НА МАТКАТА 20 од нив, во просек, ја губат битката appeared first on plusinfo.mk.

Во рамки на заложбите на Министерството за здравство за заштита на женското здравје, токму на Меѓународниот ден на жената оттаму информираат дека почнува организиран скрининг за рана детекција на рак на грло на матка.

За закажување превентивен преглед за рана детекција на рак на грлото на матката од денеска е достапна веб платформата skrining.mk.

Со организиран скрининг оваа година се опфатени жените на возраст од 36 до 45 години, кои во последните три години немаат направено ПАП тест. Прегледот во рамки на овој скрининг за оваа возрасна група е бесплатен.

Веб платформата skrining.mk е директно поврзана со системот МојТермин и матичниот гинеколог веднаш добива информација за пријавени пациентки, по што ги известува пациентките во кој термин е закажан прегледот. Согласно распоредот предвиден во планот за ПАП тестирање, матичниот гинеколог ги повикува жените информирајќи за точниот датум и час кога треба да се направи ПАП тестот.

Повеќе за ова на порталот „Мајка и дете“.

The post СКРИНИНГ ЗА РАНА ДЕТЕКЦИЈА НА РАК НА ГРЛО НА МАТКА Бесплатни ПАП тестови за три возрасни групи appeared first on plusinfo.mk.

Скринингот, како што посочува, се спроведува со правење на ПАП тест и/или ХПВ типизација, во зависност од скрининг програмата и политиката на земјата во која се изведува,

– Главен причинител за настанување на ракот на грлото на матката е инфекција со ХПВ. Ризик фактори за настанување на ракот се, покрај ХПВ инфекцијата и: пушење цигари, менување на повеќе сексуални партнери, рано стапување во сексуални односи и мултипни породувања. При констатирање на инфекцијата, пациентките треба да преземат неколку чекори со кои можат да ја подобрат својата здравствена состојба: подобрување на имунолошкиот одговор, користење на презерватив и редовни цитолошки контроли и почитување на советите од гинекологот – вели проф. д-р Димитров.

Министерството за здравство соопшти дека во 2019 година го осовремениле календарот за имунизација и обезбеди четиривалентна ХПВ вакцина.

Оваа вакцина штити од четири типови на хуман папилома вирус и ја замени дотогаш користената двовалентна вакцина. Се намалува бројот на жени со тешка форма на рак на грло, како што се плочестиот карцином суспектен за инвазија и инвазивниот плочест карцином. Ова се должи на здравствените политики кои ги имплементира Министерството за здравство за рано и навремено откривање на ова заболување, со што се придонесува за намалување на стапката на смртност од ова заболување, стои во соопштението.

The post Д-р Димитров: Примарната превенција од ракот на грлото на матката е вакцинација со ХПВ вакцина appeared first on plusinfo.mk.

Според податоците од Универзитетската клиника за гинекологија и акушерство, на оваа Клиника во 2019 година се третирани 111 случаи на карцином на грло на матка, додека во 2020 година бројот е зголемен и изнесува вкупно 140 случаи.

Секоја година, Министерството за здравство изготвува посебна Програма за рана детекција на малигни заболувања, во која е предвидено спроведување бесплатен скрининг за рано откривање на ракот на грлото на матката, со кој во период од три години се опфатени следните возрасни групи: 24-35 години, 36-45 години и 46-61 година.

„Во рамки на организираниот скрининг годишно се испраќаат во просек околу 53.000 покани, а процентот нa жени кои примиле покана изнесува околу 88,3%. Од нив, околу 60 проценти од жени се тестираат со ПАП тест или во просек годишно се прават по 24.000 ПАП тестирања, пришто се откриваат брисеви со околу десет проценти епителни клеточни абнормалности во вкупно цитолошки анализираните брисеви или во просек по 2.400 брисеви годишно се со позитивни наоди“, соопшти Министерството за здравство, кое го одбележува месецот на борба против ракот на грлото на матката.

Во првите три квартали од минатата година испратени се околу 12.000 покани од страна на гинеколози кои се вклучени во Програмата, а направени се 9.000 ПАП тестови, при што се откриени околу 900 брисеви со одредени клеточни абнормалности, што исто така претставува десет проценти од вкупниот број цитолошки анализираните брисеви.

Бројот на жени со тешка форма на карцином, како што се плочестиот карцином суспектен за инвазија и инвазивниот плочест карцином е сѐ помал.

„Токму тоа е и целта на превентивната програма на Министерството, рано и навремено откривање на ова заболување, што придонесува за намалување на стапката на смртност од ова заболување“, нагласуваат од Здравтсво.

Во 2019 година, Министерството го осовремени Календарот за имунизација со обезбедување на четиривалентна ХПВ вакцина, со која се замени дотогаш користената двовалентна вакцина. ХПВ вакцината штити од четири опасни типови на хуман папилома вирусот. Покрај превенција од предмалигни генитални лезии, предмалигни анални лезии, канцери на грлото на матката и анални канцери, дополнително превенира и генитални брадавци.

Од Министерството додаваат дека токму во 2019 година е зголемен опфатот со вакцинација со ХПВ вакцина во споредба со претходните години.

The post Превенцијата дава резултат, се намалува бројот на жени со тешки форми на рак на грлото на матката appeared first on plusinfo.mk.

Имено, Криси на својот профил на Инстаграм објавила фотографија од гинеколошката ординација, сакајќи да ги потсети жените за важноста на редовните гинеколошки прегледи, со цел да го превенираат заболувањето од рак на грлото на матката.

„Не заборавајте редовно правите ПАП-тест и преглед на вашите гради, иако светот се наближува кон крајот“,  напишала манекенката, мислејќи на тоа дека и покрај пандемијата на коронарнавирусот, жените треба да одат на редовни прегледи.

На фотографијата, таа позира обвиткана во хартиена крпа, а на лицето имала заштитна маска, која е задолжителна при излегувањето од дома во Калифорнија, додека таа речиси и премногу покажала во позицијата во која се фотографирала.

 

View this post on Instagram

 

don’t forget to keep up with your paps and have your boobs touched even though the world is ending!!

A post shared by chrissy teigen (@chrissyteigen) on Jun 28, 2020 at 4:04pm PDT

FOTO: Instagram

The post Се фотографирала на гинеколошки преглед: Манекенката испрати силна порака ФОТО appeared first on plusinfo.mk.