Долгогодишните истражувачи на овој историски настан велат дека во објавените документи најверојатно не се вклучени оние кои би можеле да понудат некои нови клучни докази и да ги променат фактите што јавноста ги знае за овој настан, како и околностите пред и по атентатот.

1/2 The Biden administration on Wednesday released over 1,000 previously classified documents relating to the 1963 assassination of President John F. #Kennedy. [Bettman Archive] via https://t.co/UqO26QEf69 pic.twitter.com/WqORWrZswf

— jorge marruffo (@GattoRosso333) December 16, 2021

Но, тоа што се објавени над 1.500 документи не значи дека сите се објавени. Голем број документи сè уште се недостапни и делумно цензурирани, така што вечната дебата меѓу федералните власти и луѓето кои го истражуваат атентатот на Кенеди ќе продолжи.

Во октомври годинава, Бајден го одложи објавувањето на документите со цел да ги заштити и оддели документите кои се важни за САД. Тој тогаш постави два рока за објавување, денешниот датум и 15 декември следната година. Тогаш ќе бидат објавени новите документи.

Портпаролот за Си-Ен-Ен изјави дека Бајден „исто така му наредил на Националниот архив да развие план за дигитализирање на целосната колекција – повеќе од 300.000 записи – за да се демократизираат записите и да ѝ се дозволи на јавноста да ги прегледува онлајн“.

The post БАЈДЕН ОБЈАВИ 1.500 ДОКУМЕНТИ ЗА УБИСТВОТО НА КЕНЕДИ Сè ќе биде разоткриено до крајот на 2022 година appeared first on plusinfo.mk.

Политички е мотивирана пресудата Асанж да биде екстрадиран во САД од Велика Британија, која денеска беше обзнаена во медиумите, смета Нилс Мелцер, специјалниот известувач на ОН за спречување тортура, јавува МИА. Иако претходно судот беше одлуил дека Асанж не може да биде екстрадиран поради неговото кревко здравје, денеска тоа се смени и жалбата на САД беше уважена.

– Ова е неуспех на британското правосудство. Можете да мислите што сакате за Асанж, но неговата состојба не е таква да биде екстрадиран – изјави Мелцер за ДПА, мислејќи на „политички мотивирана пресуда“.

– Сакаат да направат пример од него. Нивната намера е да ги спречат другите да објавуваат тајни владини документи како Асанж – додаде Мелцер.

Асанж (50) се бара во САД под обвинение за наводен заговор за добивање и откривање информации за националната одбрана, откако „Викиликс“ објави стотици илјади документи поврзани со војните во Авганистан и Ирак.

Известувачот на ОН ја критикуваше „Западната безбедносна коалиција“.

– Никој од нив не сака да го види Асанж на слобода бидејќи сакаат да го заштитат моделот на тајност – рече Мелцер.

Тој последен пат лично го видел Асанж во мај 2019 година во затвор во Лондон. Сепак, специјалниот известувач на ОН е во контакт со луѓе од блиското опкружување на Асанж.

The post ПРЕСУДАТА ЗА АСАНЖ Е ПОЛИТИЧКА МЕСТЕНКА Експертите велат дека со ова се заплашуваат другите новинари appeared first on plusinfo.mk.

Детали околу тоа објави денеска италијанскиот весник „Л Еспресо“ во своето електронско издание врз основа на податоците од тајната архива откриена во меѓународната новинарска истрага на конзорциумот ICIJ.

Манчини во документите е наведен како акционер во „Bastian Asset Holdings“, со седиште во даночната оаза на Британските Девствени Острови, додека Виали е сопственик на друга компанија, „Crewborn Holdings“, исто така, регистрирана на Британските Девствени Острови.

Бројни детали излегуваат од „Пандорините документи“ за активностите на двајцата поранешни италијански репрезентативци и соиграчи во шампионската генерација на Сампдорија во 1991 година.

Според италијанскиот весник, карипската компанија на Манчини поседувала авион, додека Виали, кој има и британско државјанство, својата фирма ја користел за управување со низа кредити на италијански компании.

The post ПАНДОРИНИТЕ ДОКУМЕНТИ ГО ОТКРИЈА БОГАТСТВОТО И НА ФУДБАЛЕРИТЕ Манчини и Виали имале компании во даночната оаза appeared first on plusinfo.mk.

– Очекуваме дека овие неодамнешни наводи, како и сите други наводи за корупција или евентуално затајување данок, соодветно ќе бидат истражени од надлежните национални органи – соопштија од Делегацијата на ЕУ за црногорските медиуми.

Во документацијата на водечката адвокатска фирма во Панама „Алкогал“, МАНС пронајде заверени копии од договорот за основање на трустови што Ѓукановиќ ги склучил на 21 јуни 2012-та година со компанијата „CM Skye 2 (PTC) limited“ регистрирана во британските Девствени Острови. Мрежата на компаниите поврзани со овие две оди до Панама, Гибралтар и други даночни раеви.

Агенцијата за спречување корупција (КАС) изјави дека ќе поведе постапка „за утврдување на фактите“. Специјалното државно обвинителство (СДТ) во понеделникот објави дека формирало случај во врска со тврдењата на МАНС, објавувајќи дека ќе ги преземе сите мерки и дејствија во рамките на својата надлежност „со цел да ги утврди фактите и околностите“.

Амбасадата на САД за Вијести изјави дека тие не се во можност да ги коментираат случаите на конкретни лица споменати во „Пандорините документи“ и потсетија на меморандумот на претседателот Џо Бајден, со кој се утврди дека борбата против корупцијата е клучен интерес на националната безбедност.

The post ЕУ БАРА ИСТРАГА ЗА АФЕРАТА НА МИЛО ЃУКАНОВИЌ „Пандорините“ документи ќе влијаат на извештајот за Црна Гора appeared first on plusinfo.mk.

Светот не остана во темница, но дефинитивно падот на Фејсбук е најголемиот од постоењето на интернетот: додека Марк Закерберг изгуби 6 милијарди долари за неколку часа, а над 3,5 милијарди луѓе останаа без можноста да се пофалат што јаделе или каде биле на својот профил, едно е јасно: проблемот очигледно не е само „внатрешен технички пропуст“. На истиот ден кога протекоа „Пандорините документи“, откажаа ДНС-серверите на најголемата социјална платформа, а компанијата уште се правда дека „нема докази дека податоците на корисниците се компромитирани“.

Колку информации има Фејсбук за нас и дали некој вчера реши да ги откупи? Откако Фејсбук се поврати во живот по шест часа, ништо не функционираше како порано. Постирањето сега е поспоро, дофатот на постовите е помал, месенџерот се губи, а сè на сè беа пријавени 10,6 милиони проблеми. Беа ли тие шест часови доволни за да се избришат „сомнителните“ податоци поврзани со Фејсбук и со неговото раководоствто – часови во кои ниту вработените не можеле да дојдат до своите канцеларии?

Некои извештаи сугерираат дека седиштето на Фејсбук било во „топење“. Дури и „луѓето што се обидуваат да сфатат што е овој проблем“ не можеа да пристапат до зградата, изјави технолошката репортерка на Њујорк Тајмс, Шира Френкел за Би-Би-Си.

Фејсбук „падна“ токму пред судењето во Сенатот

Фејсбук отиде офлајн во најтешкиот момент за компанијата, пишува Би-би-си, кога компанијата се наоѓа пред суд за нејзиното влијание во општеството.

Во неделата, поранешна вработена во Фејсбук, Френсис Хоген, за вестите на Си-Би-Ес изјави дека компанијата имала приоритет на „растот на профитот над безбедноста“. Денес, таа ќе сведочи пред поткомитетот на Сенатот на сослушување со наслов „Заштита на децата преку Интернет“, за истражувањето на компанијата за влијанието на Инстаграм врз менталното здравје на младите корисници.

Компанијата веќе еднаш беше на ваков тип на судење кога се дозна за предизборните измами на фирмата „Кембриџ аналитика“ која користела протечени информации од Фејсбук за да направи лажна анкета во корист на Доналд Трамп за изборите во 2016 година во Америка.

Без ДНС сервер, не можете да стигнете до Пандорините документи

Од друга страна, документите на Пандора, исто така, неодамна излегоа на виделина, а во нив беа вклучени голем број јавни личности и организации ширум светот со сериозни проневери. ДНС серверите што повеќе не работат и не ги пренасочуваат корисниците на адресите на Фејсбук се во сопственост на Фејсбук, така што веќе почнаа да кружат приказни за тоа како неколку работи погодно се совпаднале со ова исклучување на Фејсбук мрежата, особено кога се знае дека истите ДНС сервери, исто така, ја контролираат е-поштата на Фејсбук.

За среќа, Пандорините документи ги има на Јутјуб, а светските медиуми секојдневно објавуваат нови информации за светските моќници:

Фејсбук има десетици илјади сервери, не е можно сите заедно да паднат

Исклучително мала е можноста Фејсбук да падне, бидејќи компанијата има десетици илјади сервери низ целиот свет, смета ИТ експертот Марко Ракар за хрватски Индекс.

– Можно е привремено да се оневозможи инфраструктурата, да се спречи нејзиниот пристап, но речиси е невозможно целосно да се урне. Тие се децентрализирани на десетици, ако не и стотици илјади сервери низ целиот свет. Исклучително е тешко да се замисли дека такво нешто би било можно. Но, секогаш постои некое „но“. Во одреден момент, некој ќе се сети како да го направи тоа за да постои теоретска можност – рече Ракар.

И додека на Фејсбук владееше хаос, повеќето корисници очигледно се преселија на Твитер чии лидери го поздравија тимот со духовита објава на нивниот официјален профил.

Америка сака да го подели Фејсбук на помали енклави

– Ако ја погледнеме историјата на антимонополскиот однос на Фејсбук со американските власти, постојат голем број притисоци да се подели Фејсбук на неговите составни делови, а оние што се внатре не сакаат да го направат тоа. Тие намерно сѐ повеќе ги интегрираат Фејсбук, Инстаграм и Ватсап, до степен вие да не знаете кога се префрлате од една на друга платформа – вели ИТ експертот Ракар за Индекс.

Дали ова значи дека податоците на корисникот од една мрежа се достапни за друга мрежа, или дали алгоритмите препознаваат што сте виделе на Инстаграм, а потоа Фејсбук ви нуди слична содржина подоцна?

– Прашањето е дали навистина го прават тоа, а секако имаат техничка способност да го направат тоа. Во зависност од законите, тоа е дозволено некаде, веројатно не во Европа поради ГДПР, барем сигурно не легално – одговара Ракар.

Закерберг се извини

Основачот на Фејсбук, Марк Закерберг, се извини за „нарушувањето“ предизвикано по прекинот на услугите на социјалните медиуми за речиси шест часа. Милијардерот се извини откако внатрешниот технички проблем ги исклучи Фејсбук, Месинџер, Ватсап и Инстаграм вчера попладне.

Не им работеле картичките, ниту е-поштата

Работите биле толку замрсени, пишува Мондо, што вработените на Фејсбук не можеле да влезат во зградата, бидејќи не функционирале нивните картички кои ги отчукувале на вратата. Меѓутоа, околу 23 часот по наше време, извршниот директор на CloudFlare објави дека е зголемена активноста на БГП од страна на Facebook и дека Facebook.com и другите адреси се пренасочуваат преку ДНС, што е добар знак и шанса сѐ да се врати во нормала.

Вработените пријавиле и дека во тие шест часа меѓу нив не функционирала внатрешната е-пошта на Фејсбук, па не можеле да комуницираат меѓу себе.

Како беше Фејсбук вратен на нозе?

Њујорк тајмс објави дека проблемот бил решен кога група експерти влегле во дата-центарот на компанијата во Калифорнија за да ги ресетираат серверите. Но, од Фејсбук ова уште не го потврдија. Тие само изјавија дека работат на тоа „да ја направат својата инфраструктура поотпорна“.

ИТ експертите низ светот веќе се мајтапат со оваа ситуација. Тие иронично го споредуваат исчезнувањето на Фејсбук од Интернет со падот на голем џин, веројатно најголемиот меѓу џиновите.

Еве како ДНС-серверот на Фејсбук се враќаше на нозе.

Now seeing https://t.co/qq6U47Tjc6 and other addresses resolving via DNS. https://t.co/vLhgACypnb

— John Graham-Cumming (@jgrahamc) October 4, 2021

Закерберг загуби 6 милијарди на берзата

Додека го чекаме официјалното објаснување на Марк Закерберг за тоа што го предизвика проблемот и дали е случајно тоа да се случи точно 24 часа откако неговиот поранешен колега објави куп документи кои покажуваат дека алгоритмот на Фејсбук замижал со двете очи кога станува збор за говорот на омраза, а сè со цел да се акумулира поголем профит, берзата си го направи своето, пишува Мондо.

Бордер гејтвер протоколот (БГП) е крив за сè!?

„Бубачката“ на Фејсбук, Ватсап, Инстаграм и Месинеџер беше поправена по шест часа. Фејсбук мораше да испрати инженери во своите Центри за податоци ширум САД, што не се случило долго време. Проблемот, како што велат од компанијата, бил во тоа што машините не можеле да комуницираат едни со други, што предизвикало каскаден ефект и сè едноставно се совпаднало и пропаднало, пишува Мондо.

Според изјавите на ИТ експерти за американските медиуми, вистинската причина за падот е рутинската промена на БГП, односно протоколот на граничната порта кој се расипал. БГП им помага на мрежите да ја изберат најдобрата маршрута, т.е. трасата за испорака на бараниот интернет сообраќај. Ова влијаело врз ДНС серверите и врз нивната работа, поради што серверите не испраќале информации што другите може да ги користат за да ги пронајдат. На тој начин, сè беше едноставно отсечено од остатокот од интернетот.

Според објавата на блогот на Фејсбук, нема зборови за хакерски или за друг напад, како што објавија многу домашни и светски медиуми. Следниот дијаграм прикажува како ДНС-от на Гугл забавил поради падот на ДНС-от на Фејсбук.

#GoogleDNS 8.8.8.8 becomes much slower because of #Facebookdown and all the client retries. pic.twitter.com/4aTyFAykMq

— awlnx (@awlnx) October 4, 2021

БГП биле повлечени – намерно или не?

Во основата на проблемот најверојатно е проблемот со ажурирање на маршрутата за БГП. БГП е протокол за гранична порта, систем преку кој една мрежа го одредува најдобриот пат до друга мрежа. Ако рутата за БГП е погрешна или не работи, никој надвор од таа мрежа не може да пристапи до неа. Во еден момент, потпретседателот на Cloudflare, компанија за заштита на страници, објави дека сите БГП за Фејсбук се повлечени. Бидејќи немаше БГП рути што водеа до мрежата на Фејсбук, серверите на Фејсбук станаа недостапни, како и серверите за апликациите Инстаграм, Ватсап и Окулус ВР.

The post ПАДНАА СЕРВЕРИТЕ ИЛИ ПАНДОРИНИТЕ ДОКУМЕНТИ? Кој и зошто го „скина“ Фејсбук? appeared first on plusinfo.mk.

Бројни лидери, вклучувајќи го и чешкиот премиер, кралот на Јордан и претседателите на Кенија и Еквадор, сокриле средства во офшор компании за да избегнат данок, покажа истрагата објавена во неделата од страна на Меѓународниот конзорциум на истражувачки новинари (ИЦИЈ).

Истрагата во која беа вклучени 600 новинари, наречена „Пандорини документи“, врз основа на околу 11,9 милиони документи од 14 компании за финансиски услуги, откри повеќе од 29.000 офшор компании. ИЦИЈ откри врски меѓу офшор средства и 336 лидери и политички претставници кои формирале 1.000 компании, од кои повеќе од две третини се на Британските Девствени Острови.

Според овие документи, јорданскиот крал Абдула Втори основал најмалку триесет такви компании во даночни оази и преку нив купил 14 луксузни имоти во САД и Велика Британија за повеќе од 106 милиони долари.

Кралот на Јордан веднаш демантираше дека направил каков било престап при купување на луксузни куќи во странство, истакнувајќи дека за трансакциите во висина од околу 100 милиони долари од безбедносни причини и оти не се користени јавни фондови.

Објавените детали се удар за кралот Абдула Втори, бидејќи Владата на Јордан се соочи со скандал оваа година, откако полубратот на кралот, поранешен престолонаследник, принцот Хамза, го обвини владејачкиот систем за корупција и неспособност.

„Пандорините документи“, исто така, покажуваат дека поранешниот британски премиер Тони Блер и неговата сопруга заработиле 360.000 евра со затајување данок на имот кога купиле канцеларија во Лондон со купување на офшор компанија која ја поседувала зградата.

Документите го поврзуваат рускиот претседател Владимир Путин со недвижен имот во Монако и откриваат дека чешкиот премиер Андреј Бабиш, кој следната недела учествува во изборна трка, не пријавил офшор инвестициска компанија преку која купил две вили во јужна Франција за 22 милиони евра.

Премиерот на Чешка го оцени овој истражувачки проект како заговор смислен за тој да не победи на парламентарните избори, кои се закажани на 8 и 9 октомври.

Тој негира дека направил нешто незаконско при купување на луксузен недвижен имот во Франција преку наменски формирани компании во таканаречените даночни оази.

– Чекав да видам што ќе извлечат непосредно пред избори да ми нанесат штета и да влијаат врз чешките избори. Сега се работи за случај стар 12 години. Во него е јасно дека не направив ништо противзаконски ниту лошо, но тоа не ги спречува да ме плукаат и така да влијаат врз чешките избори – истакна Бабиш.

Во документите го има и поранешниот француски министер и некогашен директор на Меѓународниот монетарен фонд Доминик Штраус-Кан Еквадорскиот претседател Гиљермо Ласо инвестирал во два фонда со седиште во Јужна Дакота.

Како што пренесува РТЦГ, меѓу документите е и името на црногорскиот претседател Мило Ѓукановиќ и членови на неговото семејство. Вања Чаловиќ Марковиќ и Дејан Миловац пишуваат дека Мило и Блажо Ѓукановиќ склучиле тајни договори за управување со нивниот имот во 2012 година, криејќи се зад комплицирана мрежа на поврзани компании од Велика Британија, Швајцарија, Британските Девствени Острови, Панама и Гибралтар. Синот на претседателот на Црна Гора ја искористил оваа структура за да формира две скриени компании со фирми-ќерки во Лондон и Црна Гора.

Меѓу документите што ги проучуваа истражувачките новинари на МАНС, пронајдени се заверени копии од договорот за собирање средства што Мило и Блажо Ѓукановиќ го склучиле на 21 јуни 2012 година со CM Skye 2 (PTC) Limited, регистриран на Британските Девствени Острови.

Од договорот може да се види дека Ѓукановиќ го формирал Victoria Trust, а неговиот син Capecastel Trust. Тие наведуваат минимален основачки влог и прецизираат дека во фондовите, во кој било момент можат да бидат внесени имоти од самите основачи и од други лица. Фондовите се воспоставени за период од 80 години, а компанијата што управува со нив е овластена да купува и продава недвижен имот и компании во име на Ѓукановиќ, да отвора нови компании и жиро сметки, да дава и зема заеми и да извршува разни други задачи. Дека навистина станува збор за претседателот на Црна Гора и неговиот син покажува и заверената документација што била приложена при формирањето на фондовите – дипломатскиот пасош на Мило Ѓукановиќ и сметката за вода од неговата адреса во Подгорица, која служела како доказ за престој. Неговиот син доставил црногорска лична карта и фактура за изнајмување стан во Лондон, пишува МАНС.

Во документите е и името на актуелниот министер за финансии на Србија и поранешен градоначалник на Белград, Синиша Мали.

Новинарите од КРИК и мрежата OCCRP во 2015 година открија дека Синиша Мали, купил 24 луксузни апартмани во бугарското летувалиште Свети Никола на Црното Море. Вредноста на становите била околу пет милиони евра. Мали ги обвини дека лажат и призна дека купил еден стан, оној што бил регистриран на негово име.

Српскиот претседател Александар Вучиќ со години го брани својот близок соработник од сомненија за вмешаност во корупција, исто така, тврдејќи дека КРИК лаже.

– Имам апсолутна доверба во министерот Синиша Мали – рече Вучиќ претходно оваа година.

Но, како што пишува КРИК, „Пандорините документи“ докажаа дека Синиша Мали бил сопственик на станови и две офшор компании. Мали ги купил становите во 2012 и 2013 година, во време кога беше економски и финансиски советник на тогашниот прв вицепремиер на Србија, Александар Вучиќ.

Мали купил 24 апартмани во Бугарија од компанија на Срѓан Дабиќ, поранешен кошаркар и директор на српската филијала на познатата руска нафтена компанија Лукоил.

Мали не одговорил на повикот на новинарите на КРИК за интервју или на деталните прашања што му ги испратиле.

Други звучни имиња се колумбиската пејачка Шакира, германската манекенка Клаудија Шифер и индискиот играч на крикет Сачин Тендулкар.

Најбогатите луѓе во светот, политичари, олигарси, бизнисмени или криминалци имаат скриени богатства во таканаречените „даночни оази“ како Бахамите или Белизе, но еден таква дестинација од неодамна станаа и САД, пишува Вашингтон пост.

Како што се наведува во објавата на „Пандорините документи“, најновото и многу пообено новинарско истражување од „Панама документите“ пред неколку години, затаената готовина на светската елита и на супер-богатите е во вкупна вредност од 32 трилиони американски долари. Овие пари се неоданочени или мошне малку оданочени, и не вклучуваат недвижности, уметнички дела или скапоцен накит. Сумата е поголема од вкупниот БДП на САД за 2020 година

Истражувањето е спроведено од тим на репортери од Меѓународниот конзорциум на истражувачки новинари, весникот Вашингтон пост и стотици други репортери низ целиот свет.

– САД со своиите прилично либерали закони во места како Алјаска, Јужна Дакота, Невада или Делавер, воопшто станаа примамлив даночен рај за многу глобални клиенти, наведува весникот.

Такво место во изминатите години станало соузната држава Јужна Дакота.

– Даночен рај може да се смета земја или јурисдикција каде можеш да ги ставиш своите пари и да избегнеш плаќање данок на оние пари таму каде си ги заработил, вели новинарот Крег Милер.

Речиси 12 милиони документи го откриваат сопствеништвото на моќни странски актери, како и на една жена која иако работела ниско платени работи, станала милионерка откако родила дете, наводно по долгогодишна врска со рускиот претседател Владмир Путин. Затоа Светлана Кривоногих, во Русија позната и како љубовницата на Путин, добила милионско сопствеништво, меѓудругото и стан во Монако вреден над шест милиони евра.

Весникот наведува дека кога американските законодавци го дале правото на Јужна Дакота да стане даночен рај, тие сметале дека тоа ќе донесе економски бум и нови работни места во малку развиенета сојузна држава. Новинарите дознале дека државата сепак не постигнала таков развој, а Јужна Дакота станала една од ретките држави во светот со толку либерална регулатива за офшор компании.

Бизнис центарот на градот Суикс Фалс, посебно една зграда, станала адреса на траст компании што менаџираат сметки, многу од нив сомнителни, во вредност од речиси 100 милијарди долари.

-Тоа се странски милионери и милијардери меѓу кои има и такви кои во своите земји се обвинети за махинации, поткупи, експлоатација на работници или нарушување човекови права, наведува весникот. Такви како производителот на сок од портокали Хорс Хапел од Бразил, или Карлос Моралес Тронкосо, поранешен потпретседател на Доминиканска Република, кој упраувал со компанија за производство на шеќер.

Се наведува дека иако американските политичари до неодамна ги критикуваа даночните оази во малите држави поради перење на пари и други криминални дејности, тоа сега всушност се прави и во средиштето на САД.

„Пандорините документи“ откриват и како американски државјани вршат преместување на пари на странски сметки додека се под кривична истрага. Весникот го наведуа случајот на Глен Годфри кој оснавал траст компанија за еден наводен убиец, за еден познат педофил, за член на колумбиската мафија од Њујорк, како за конституционалист кој нарачал убиство на судија, на обвинител и на даночен агент.

Во своето истражување, весникот утврдува дека за обвинителите е мошне тешко да ги следат парите на офшор компаниите.

Даночната служба на Австралија (АТО) соопшти дека ќе ги анализира податоците од Пандорините документи и оти ќе ги идентификува сите можни австралиски врски.

АТО соопшти дека има меѓународна соработка, договори и соработка и оти редовно добива информации од различни извори во своите напори за борба против затајување данок и криминал.

Претставник на АТО, Вил Деј истакна дека постојат голем број легитимни причини за некој да има офшор банкарска сметка или структура, но има и такви кои се обидуваат да ги сокријат сопствените интереси или финансиски грешки преку офшор трансакции.

Тоа е најновото во серијата тајни документи што протекоа во последните седум години, по фајловите FinCen, Рајските документи, Панамските документи и Лукс Ликс.

Во повеќето земји, ваквите постапки не можат да се гонат, но ИЦИЈ ги спореди говорите на политичарите против корупција со нивната инвестиција во даночни оази. Кенискиот претседател Ухуру Кенијата во неколку наврати изјави дека е подготвен да се бори против корупцијата и ги обврза државните службеници да бидат транспарентни во врска со нивниот имот. Но, „Пандорините документи“ откриваат дека кенискиот претседател поседува фондација во Панама, а неколку членови на неговото семејство имаат над 30 милиони долари на офшор сметки.

Американскиот центар за јавен интегритет во 1997 година го основаше ИЦИЈ, кој стана независен ентитет во 2017 година. Меѓународниот конзорциум на истражувачки новинари е независна меѓународна мрежа со седиште во Вашингтон, со повеќе од 200 новинари и 100 медиумски организации во повеќе од 70 земји.

ИЦИЈ стана познат во април 2016 година, по објавувањето на „Панамските документи“, истрага базирана на околу 11,5 милиони документи од панамска адвокатска фирма. Тогаш ги открија скриените средства на илјадници клиенти на Мосак Фонсека, вклучувајќи и некои познати личности. Документите предизвикаа оставки на исландскиот премиер Сигмундур Давид Ганлаугсон и пакистанскиот премиер Наваз Шариф.

Во ноември 2017 година, ИЦИЈ ги објави Рајските документи врз основа на нов сет документи од друга финансиска компанија, Appleby. Меѓу познатите имиња и истраги за потези за криење на имотот и затајување даноци се принцот Чарлс, шампионот во Формула 1, Луис Хамилтон и компанијата Најки.

The post И ШАКИРА И КЛАУДИЈА ШИФЕР КРИЕЛЕ НЕОДАНОЧЕНИ МИЛИОНИ „Пандорини документи“ го открија скриеното богатство и на спортисти appeared first on plusinfo.mk.