Основното јавно обвинителство постапи за проверка на наводите изнесени од обвинет во текот на вчерашното рочиште од судењето за убиствата на Вања Ѓорчевска и Панче Жежовски.

„По наредба на јавен обвинител едно лице е лишено од слобода и против него е поведена истрага за – Помагање на сторител по извршено кривично дело согласно член 365 став 3 од Кривичниот законик. Согласно исказот на еден од обвинетите, сега осомничениот помогнал со прикривање на орудијата со кои се извршени кривичните дела за кои е пропишана казна доживотен затвор. По пренесени инструкции од првообвинетиот, осомничениот од просториите на политичката партија Десна зел еден син ранец во кој се наоѓало огнено оружје пиштол – со кој биле извршени двете кривични дела и го отстранил од партијата. Со тоа им помогнал на обвинетите да не бидат откриени. Со цел проверка на наводите, јавниот обвинител обезбеди и судски наредби со кои беа извршени претреси на две локации, а се преземаат и други истражни дејствија. Со цел обезбедување на осомничениот до завршување на постапката, надлежниот јавен обвинител до Основниот кривичен суд Скопје достави предлог за определување мерки на претпазливост – привремено да му се одземе патната исправа и да се определи забрана за нејзино издавање, како и да се определи повремено да се јавува кај службено лице во судот. Истрагата против ова лице претставува посебен предмет кој не влијае на судската постапка за двете грабнувања и убиства која е во завршна фаза и во рамките на која Јавното обвинителство го поткрепи обвинението со огромен број вербални и материјални докази за сторените дела”, велат од Обвинителството.

ДОЦНА СФАТИЛ ДЕКА ПАЛЧО ИМАЛ ДВОЕН ПЛАН Манев откри дека лицето Зоран Давитков добило задача од Палчо да се ослободи од синиот ранец

The post УНИШТУВАЧОТ НА СИНИОТ РАНЕЦ НА ПАЛЧО ОСТАНА БЕЗ ПАСОШ Зоран Давитков ќе треба редовно да се јавува во Судот appeared first on plusinfo.mk.

Во Основниот кривичен суд Скопје денеска треба да продолжи судењето за убиството на малолетната Вања Ѓорчевска и велешанецот Панче Жежовски, каде првообвинет е Љупчо Палевски – Палчо, заедно со Боре Видевски, Велибор Манев и Влатко Кешишов, како и таткото на девојчето, Александар Ѓорчевски. Случајот се наоѓа во доказна постапка и треба да продолжи со изведување на докази предложени од Обвинителството.

Првообвинетиот за двојното убиство на Вања Ѓорчевска и Панче Жежовски, Љупчо Палевски Палчо, на почетокот на рочиштето закажано за 27 јануари, побара изземање на јавната обвинителка Жаклина Крстевска и целото ОЈО Скопје во случајот поради несоодветно спроведена истрага, со што рочиштето беше одложено за денеска.

Претходно, од страна на Обвинителството беа изведени видео записи од безбедносни камери. Обвинителство презентираше видео записи од системот Сејф сити, за кои рече дека се обезбедени со пребарување по регистарски таблички на возилата Цитроен и Рено Кангу за нивното движење низ Скопје на критичниот ден на 27 ноември 2023 година и неколку дена пред да биде грабнато девојчето.

Воедно, сведокот Гоце Трајковски, кој заедно со таткото на убиеното девојче Вања, Александар Ѓорчевски, според досегашните искази на другите сведоци, собирал и гледале видео снимки од околните објекти, кој беше недостапен на органите на прогон за друго кривично дело и не можеше да биде сослушан на претходните рочишта, неодамна сам се пријавил во полициска станица.

Покрај сведочењето на семејствата на Вања и Панче, познаниците на Палчо и службените лица, досега во овој процес обвинителката Жаклина Трајковска во кратка содржина пред Судот образложи 180 од вкупно 197 докази, кои се однесуваат на локациите каде биле најдени жртвите, наодите од увидите на истражните органи, најдените траги, обдукциските наоди, како и извештаи од психијатриските вештачења.

Како што посочи обвинителката, жртвите биле усмртени со истрел во главата од непосредна близина, со ист калибар на куршум од 9 милиметри, посочувајќи дека обдукцијата покажала дека Вања не била задушена, односно и двете жртви биле живи во моментот на егзекуцијата. Според ДНК анализата од самолепливата лента која била на устата на Вања, пронајдени се мешани траги од девојчето, како и, најверојатно траги од обвинетиот Велибор Манев.

На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат виновни.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Судењето го води судијата Ивица Стефановски, а застапник на обвинението е обвинителката Жаклина Крстевска.

The post ПРОДОЛЖУВА СУДЕЊЕТО ЗА УБИСТВОТО НА ВАЊА И ПАНЧЕ Дали ќе биде изземена обвинителката во случајот? appeared first on plusinfo.mk.

На минатото рочиште сведочеше мајката на Вања, Зорица Ѓорчевска, како и ќерката на Жежовски, Ана Киркова и нејзиниот сопруг, Тодор Кирков.

Мајката на убиената Вања Ѓорчевска изјави дека не ги познава обвинетите за убиството на нејзината ќерка. На расправата таа сведочеше за денот кога нејзината ќерка исчезнала и потрагата по неа.

Киркови сведочеа за моментот кога увиделе дека го нема Жежовски, пријавата во полиција и неговото пронаоѓање.

Адвокатот Марјан Витановски, бранител на првообвинетиот Љупчо Палевски за убиството на Вања Ѓорчевска и Панче Жежовски, по рочиштето изјави дека исказот на мајката на Вања, не може да се доведе во поврзаност со конкретните кривични дела кои му се ставаат на товар на првообвинетиот Љупчо Палевски, додека адвокатот Владимир Туфегџиќ, бранител на таткото на Вања, Александар Ѓорчевски, кој е исто така осомничен во случајот, вели дека со исказот на Зорица Ѓорчевска се расчистиле сите шпекулации.

На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат за виновни.

• ГУГЛ ГИ ОДНЕЛ ПРВО ВО НАПУШТЕНА КУЌА НА ПАРТИЗАНСКА Таткото ја барал Вања во Сарај и во Арачиново, тврдел дека е киднапирана

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп.

На 22.11.минатата година, обвинетиот заедно со уште тројца претходно обвинети заеднички извршиле грабнување на оштетениот Панче Жежовски во Велес, со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

Судењето го води судијата Ивица Стефановски, а застапник на обвинението е обвинителката Жаклина Крстевска.

The post ДЕНЕСКА ЌЕ СЛУШНЕМЕ НОВИ ДОКАЗИ Продолжува судењето за убиствата на Вања Ѓорчевска и Панче Жежовски appeared first on plusinfo.mk.

Во Основниот кривичен суд Скопје денеска започнува судењето за двојното убиство на малолетната Вања Ѓорчевска и велешанецот Панче Жежовски.

Судечкиот совет при Основниот кривичен суд Скопје месецов донесе одлука за спојување на постапките на обвинетите, откако Основното јавно обвинителство најпрво поднесе обвинение против четири лица, а потоа и за првоосомничениот Љупчо Палевски за кого се чекаше екстрадиција од Турција, за двојното грабнување и свирепо убиство на 14-годишната Вања Ѓорчевска од Скопје и 74-годишниот Панче Жежовски од Велес.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп.

На 22.11.2023, обвинетиот заедно со уште тројца претходно обвинети заеднички извршиле грабнување на оштетениот Панче Жежовски во Велес, со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

The post ПАЛЕВСКИ И ДРУЖИНАТА СЕДНУВААТ НА ОБВИНИТЕЛНА КЛУПА Почнува судењето за убиствата на Вања и Панче appeared first on plusinfo.mk.

Како неосновани се одбиени приговорите на одбраната на обвинетите за случајот со убиството на 14-годишната Вања Ѓорчевска од Скопје и 74-годишниот Панче Жежовски од Велес и обвинителниот акт се прифаќа во целост, информираше Основен кривичен суд Скопје.

Боре Видевски, Велибор Манев и Влатко Кешишов, се обвинети дека биле соизвршители во грабнувањата и убиствата. Целта, според обвинението, им била да присилат член на потесното семејство на Вања да даде парични средства за откуп. Она што најмногу шокираше во случајот е евентуалната инволвираност на таткото на Вања, Александар Ѓорчевски, кој е обвинет дека помогнал во нејзиното грабнување.

„По разгледување и ценење на актот како и доставените приговори изјавени против обвинението од страна на одбраната на обвинетите, донесе решение со кое – Приговорите на одбраната се одбиваат како неосновани, а Обвинителниот акт се одобрува во целост. Врз основа на одобрениот обвинителен акт, се формира кривично – правен предмет кој согласно АКМИС системот ќе биде распределен на понатамошно постапување, за што, ценејќи го јавниот интерес за случајот, јавноста ќе биде благовремено известена“, соопшти Кривичен суд.

Инаку рочиште за случајот ќе треба да се закаже во рок од 30 дена.

Таткото на Вања од почетокот тврди дека е невин. Видевски, Манев и Кешишов кога беа приведени признаа вина. Видевски потоа го смени исказот и го тврдеше спротивното. Според нивните сведочења, Љупчо Палевски Палчо бил организатор на грабнувањата и извршител на убиствата и тој им кажал дека информациите за движењето на Вања му се од нејзиниот татко. За Палевски, кој беше екстрадиран од Турција во земјава во мај, истрагата сè уште трае.

„Во однос на повеќе новинарски прашања за постапката против првоосомничениот за двојното убиство – Љ.П., ја информираме јавноста дека постапката е сè уште во фаза на обвинителска истрага“, соопшти Кривичен суд.

Палевски тврди дека е осомничен заради претходни непријателства и политички недоразбирања со определени претставници од власта. Вања беше грабната на 27 ноември минатата година, а Панче исчезна пет дена претходно. Нивните тела беа пронајдени на 3 декември.

The post НА ТАТКОТО НА ВАЊА ЌЕ МУ СЕ СУДИ ЗА ГРАБНУВАЊЕ НА ЌЕРКАТА Одобрено обвинението за соработниците на Палчо appeared first on plusinfo.mk.

– Тоа беше актуелна тема изминатиот период, на самото случување на настанот одредени политички партии пробуваа да ја префрлат вината дека МВР не постапила навремено и не ги направила сите можни работи да го спречи тоа што се случило. Со вчерашното соопштение кое излезе од МВР официјално, уште еднаш се потврди тезата дека МВР и нејзините припадници кога се случил настанот и до завршување на настанот работеле максимално професионално и навремено. Повторувам, МВР ги презело сите чекори кои биле пропишани според правила и прописи за постапување во таков случаи и затоа ниту за еден од колегите нема да биде поведена дисциплинска постпака. Се она што се зборуваше во минатото дека МВР не постапило, денеска паѓа во вода. Македонската полиција и нејзините припадници постапиле максимално професионално и посветено на случајот и го разрешија максимално брзо во неколку дена, лицата беа приведени и изнесени пред лицето на правдата – истакна Бојмацалиев.

„Доколку тоа што го зборувале во минатото, се надевам ќе имаат доблест после извештајот на МВР да се извинат на македонската полиција, денеска ќе имавме дисциплински постапки за колеги, но денеска немаме дисциплински постапки за колегите кои работеле на случајот. Тоа е заклучокот, дека македонската полиција работела професионално, точно, навремено и прецизно рече Бојмацалиев.

На прашање до каде е екстрадицијата на првоосомничениот, Бојмацалиев беше категоричен:

– Првоосомничениот мора и ќе биде екстрадиран, бидејќи доказите се силни против него – рече Бојмацалиев.

The post НЕМА НИШТО СПОРНО ВО ИСТРАГИТЕ ЗА УБИСТВАТА НА ВАЊА И ПАНЧЕ Внатрешната контрола не најде пропусти, вели Бојмацалиев appeared first on plusinfo.mk.

„Одделот за внатрешна контрола, криминалистички истраги и професионални стандарди (ОВККИПС) при МВР, на барање на министерот за внатрешни работи Панче Тошковски, a во врска со истрагата за двојното убиство на П.Ж. и В.Ѓ., изврши проверки во СВР Скопје и СВР Велес“, се вели во соопштението од МВР.

Оттаму ја информираат јавноста, со оглед на тоа дека извештајот е класифициран, утврдено е дека не постојат основи за покренување на дисциплинска постапка, а воедно, до Бирото за јавна безбедност при МВР се упатени задолжителни мерки да се донесат нови процедури и упатства за постапување.

The post ДАЛИ ИМА ПРОПУСТИ ВО ИСТРАГИТЕ ЗА УБИСТВАТА НА ВАЊА И ПАНЧЕ? Еве што објави МВР по направената внатрешна контрола! appeared first on plusinfo.mk.

На денешниот брифинг со новинарите тој сподели дека предметот е во сериозна фаза.

– Нема нови осомничени лица. Предметот е во фаза на истрага. Правниот дел во делот за екстрадиција е завршен. Останува делот од Турција, за којшто немам последни сознанија. Предметот е веќе во средна, сериозна фаза, можеби за брзо ќе има нешто кога ќе заврши екстрадицијата и не гледам никаква пречка тоа да се заврши брзо – рече Бубевски.

Во врска со партијата Десна, која продолжи со работа, а дел од осомничените се членови, Бубевски додаде дека нема докази дека партиски влијанија имале некаква врска со дејствијата во случајот.

Малолетната Вања и велешанецот Панче, кои беа пријавени за исчезнати на 27 и 24 ноември беа пронајдени мртви во близина на Велес и Скопје на 3 декември.

За нивното убиство се товарат Љупчо Палевски Палчо, кој е во привремен затвор во Турција, Велибор Маневски, Влатко Кешишов и Боре Видевски, како и таткото на Вања, Александар Ѓорчевски, и Стефан Димковски кој се сомничи дека му помогнал на Палчо да избега во Турција.

The post НЕМА НОВИ ОСОМНИЧЕНИ ЛИЦА ЗА ДВОЈНОТО УБИСТВО Од Турција зависи кога ќе заврши екстрадицијата за Пелевски, порача обвинителот Бубевски appeared first on plusinfo.mk.

Палчо во моментот се наоѓа во затворена казнено-поправна установа во Баликесир, Турција, а таму може да биде задржан најмногу до една година. Се очекува привремениот затвор или притвор да му биде продолжен по истекот на 40 дневната мерка, бидејќи македонските власти сè уште немаат добиено одговор од Турција по барањето за екстрадиција, кое беше испратено на 7 декември. Министерството за правда очекуваат одговор од Турција деновиве, по што ќе ја информираа јавноста.

Барањето за екстрадиција доаѓа по апсењето на Палевски на 5 декември во Турција, откако ден претходно беше распишана меѓународна потерница по него како осомничен за две кривични дела – „грабнување“ и две деле „убиство на свиреп начин“.

Доколку биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во истражниот затвор во Шутка. Таму веќе се наоѓаат тројцата осомничени соизвршители во грабнувањата и свирепите убиства.

The post НА ПАЛЕВСКИ ЗА ЕДНА НЕДЕЛА МУ ИСТЕКУВА ПРИТВОРОТ ВО ТУРЦИЈА Уште нема одговор на барањето за екстрадиција appeared first on plusinfo.mk.

Доцна попладнево, изјави Пендаровски, добивме информација дека неговата екстрадиција не е спорна од безбедносно-разузнавачки аспект.

– Практично сега остануваат само техничките детали од она што се нарекува меѓународна правна помош што се случува како процес меѓу двете министерства за правда. Значи, ако смеам да предвидувам, бидејќи ова не е спорно, имаше прашања што со некакви припадници на ФЕТО, паметите…нема да има никакви условувања. Од тој аспект работата е исчистена, чиста, и дека сега останува само да се договорат деталите за примопредавање кои се од технички карактер. Значи, дека таа екстрадиција може да се случи многу скоро, рече Пендаровски.

The post ПАЛЧО НАСКОРО ЌЕ БИДЕ ЕКСТРАДИРАН Пендаровски тврди дека остануваат само технички детали appeared first on plusinfo.mk.