Македонците имаат најнизок коефициент на интелигенција(IQ) во регионот од 81 поен, а најпаметни се Хрватите со 95, вели извештајот на Независната организација Ворлд Популејшн Ривју(ВПР), со седиште во САД. Србите имаат 89, Црногорците 86, а во Босна и Херцеговина 88 поени. Од ВПР ги добиле бројките споредувајќи статистика од број на жители, колку од нив се вработени и слично.

Сепак, тие истакнуваат дека постојат и многу други методи да се измери умот на еден народ, а дека за некои од нив воопшто не е потребен коефициентот.

Најинтелигентни во светот во 2022 година се Јапонците (106,49), по што следат граѓаните на Тајван (106,47) и Сингапур (105,89). Во првите десет земји со највисок просечен коефициент на интелигенција спаѓаат Кина, Јужна Кореја, Белорусија, Финска, Лихтенштајн, Холандија и Германија. Хрватите на пример, се 37 место на светско ниво.

Се смета дека просечната човечка интелигенција се движи негде до 120 поени, а сѐ над тоа е натпросечно. Некои историски личности како Гете се смета дека имале и над 200 поени.

The post МАКЕДОНЦИТЕ СО НАЈНИСКА ИНТЕЛИГЕНЦИЈА НА БАЛКАНОТ? Јапонците „најпаметни“ во светот со 106, ние со 81 appeared first on plusinfo.mk.

Станува збор за производ на компанијата „Кејотик мун“ (Chaotic Moon) – биотехнолошки уред кој ќе може да анализира и собира информации од човечкото тело. Станува збор за „електронска тетоважа“ што може да складира здравствени информации со кои ќе можеме да ги спречиме и контролираме заболувањата и, со текот на времето, да ги подобриме работите како што тоа го прават спортистите.

Иако оваа „е-тетоважа“ е сè уште во развојна фаза, познато е дека ќе се нанесува на кожата со помош на мали сензори и придружни микроуреди коишто испраќаат и примаат важни податоци со помош на специјално мастило коешто спроведува струја.

Бил Гејтс ја замислил оваа технологија и како делотворен начин за остварување повици, испраќање пораки и проверување електронска пошта. Иако сè уште не знаеме кога ќе пристигне првата ваква „тетоважа“, Гејтс и тимот бараат начин таа да се користи за што повеќе задачи што ги извршуваат денешните паметни телефони.

The post НОВА ЛУДОСТ НА БИЛ ГЕЈТС „Електронска тетоважа“ која го следи човековото здравје (ВИДЕО) appeared first on plusinfo.mk.

Таблите се поврзуваат со компјутер и проектор, преку кој се презентира содржината од компјутерот на работната површина на таблата. Ваквиот систем на табла го подобрува интерактивното учење, при што учениците можат истовремено да пишуваат, да цртаат и да комуницираат.

– Во чекор со светскиот развој на технологијата и интерактивните комуникации, ја осовременуваме наставата во училиштата и градинките во Општина Аеродром. Го олеснуваме образовниот процес и овозможуваме полесно совладување на наставата – изјави градоначалникот Златко Марин.

Општина Аеродром секоја година издвојува значителна сума финансиски средства од својот буџет со цел модернизирање и подобрување на условите во образовниот процес.

The post Училиштата во Аеродром опремени со смарт-табли appeared first on plusinfo.mk.

Имено, компанијата Епл во рекламните пораки тврди дека нивните паметни телефони се отпорни на вода до длабочина од 4 метри и во траење од 30 минути.

Сепак, контролата утврди дека тоа не е точно и дека тврдењето на компанијата се однесува само на лабораториско мерење на паметните телефони на Епл. Всушност за време на лабораториски мерења се користи статична и чиста вода, што не одговара на реалниот живот.

Исто така, следеше казна, бидејќи Епл одби да им ја признае на клиентите штетата предизвикана откако паметниот телефон бил оштетен од вода или некоја друга течност, иако на тоа се обврзала со гаранција.

Според локалните медиуми, најпродавани мобилни телефони во Италија се „Самсунг“, при што три од пет продадени телефони се од таа марка, а на второ место е кинескиот Ксиаоми. Мобилните телефони на „Епл“ се наоѓаат на четвртото место според продажбата во Италија, а годинава има пад на продажбата за 10 проценти.

The post „Епл“ излажала за водоотпорните телефони и ќе плати казна од 10 милиони евра во Италија appeared first on plusinfo.mk.

Потребен е систем на „паметни“ – смарт финансии. Тој систем ќе ги имплементира реформите кои треба да се направат во јавните финансии во смисла на подолгорочно и поквалитетно планирање на буџетските програми и буџетите, ќе биде континуиран, односно одржлив и во континуитет ќе дејствува кон подобрување на транспарентноста, вели во интервју за МИА министерот за финансии Фатмир Бесими.

– Велат дека финансиите се крвотокот на економијата, што е апсолутно точно, и би додал и на општеството, бидејќи сите процеси се поврзани со финансиите. Новите иновативни пристапи се најдобриот начин за придонесување на подобрување на економијата. Во овој мандат лично ќе се заложам за воспоставување на концептот „СМАРТ“ финансии. СМАРТ или во буквален превод „паметни“ финансии ќе биде систем на јавни финансии кој ќе се базира на јасна стратегија и ќе биде одржлив, одговорен, реформски ориентира и транспарентен (S-strategical, M-mantainable, A-accountable, R-reform-oriented, T-transparent). Овој систем на смарт финансии ќе ги имплементира реформите кои треба да се направат во јавните финансии во смисла на подолгорочно и поквалитетно планирање на буџетските програми и буџетите, ќе биде континуиран, односно одржлив и во континуитет ќе дејствува кон подобрување на транспарентноста. Од аспект на економска филозофија или политичка економија, ова ќе значи стремење кон поправичен модел на јавни финансии гледано од аспект на приходи, расходи и начин на финансирање, односно популарно кажано како се полни и како и каде се трошат парите на граѓаните – вели Бесими.

The post Бесими најави систем на паметни финансии appeared first on plusinfo.mk.

Клупите се опремени со соларни панели за производство на електрична енергија, со приклучоци за полнење на батериите на сите типови на мобилни телефони, безжичен бесплатен интернет.

– Проектот за поставување на паметни клупи е во завршна фаза. Поставени се две од предвидените пет клупи. Во наредната фаза ќе се постават паметни клупи во Паркот на револуцијата, СЦ Јасмин и на просторот кај споменикот 12 Ваташки младинци – велат од Општината.

Оттаму додаваат дека дополнително, ќе се постават уште три клупи кои се обезбедени како донација.

– Проектот е со финансиска вредност од 280.000 денари а изведувач е фирмата „Метал Апостолов” – информираа од кабинетот на градоначалникот Митко Јанчев.

The post Кавадарчани добија паметни клупи на кејот на Луда Мара и во градскиот парк appeared first on plusinfo.mk.

Рубиковата коцка е измислена во 1974 година од унгарскиот скулптор и професор по архитектура Ерно Рубик. За многу кратко време стана планетарно позната, а до денес се продадени повеќе од 350 милиони примероци. И да, не е лесно да се состави.

„Lavos Ball“ е дело на друг унгарски – научник и визуелен уметник Јанош Шаболц, која има иста цел како Рубиковата коцка: да ги усогласи видливите полиња и да се организира според боите.

Ова не е баш наједноставна задача, бидејќи топката се состои од четири видливи подвижни делови и четири скриени делови кои се откриваат со притискање на црното копче во средината на секое поле, кое треба да се усогласи во исто време.

Играчката во моментов е во фаза на патентирање, а Шаболц се надева дека производството за широка употреба. Погледнете како „Lavos Ball“ изгледа во движење.

The post Новата Рубикова коцка ќе знаат да ја состават само најпаметните (ВИДЕО) appeared first on plusinfo.mk.