Глупавите луѓе обично немаат капацитет да ја препознаат интелигенцијата на паметна личност освен ако тоа не им се каже. Потребно ли е да сте паметни, за да препознаете паметен соговорник? Ако го поставите ова прашање на социјалната мрежа Quora, која важи за место каде се среќаваат исклучителни умови, ќе добиете разни одговори.

Ова е одговорот на Крис Чен од Беркли, сопственик на фирма за медицинско консултирање. Неговиот одговор го лајкнале над 1.000 луѓе, палец надолу му дале околу 1.500, но сè на сè го виделе 2 милиони корисници.

Јасност на мислата

Тој е многу прецизен кога размислува, точно знае за што зборува. Тој не ги меша работите лесно и секогаш е јасен за концептот. Веднаш можете да забележите дека некој не е толку паметен ако помеша еден концепт со друг, особено ако тоа сте му го посочиле.

Ефикасен процес на размислување

Тој стигнува до поента без да мора да се бори низ долг и напорен сложен процес на размислување. Брзо, без напор и прецизно ја идентификува суштината на проблемот. Луѓето кои постојано ја пропуштаат поентата не можат да бидат многу паметни.

Елеганција во искажувањето идеи

Тој е способен да објасни сложени идеи со едноставни, а понекогаш дури и убави термини за другите да „го сфатат“. Помалку интелигентните луѓе користат големи и фенси зборови, користат елаборирани показни дискурси за да објаснат релативно едноставни идеи – ние нив ги нарекуваме оние „полни со топол воздух“. Ако на крајот сте повеќе збунети откако претходно ќе слушнете што ви велат тие – личноста што ги објаснува работите НЕ е паметна.

Оригиналност

Тој кажува нешто од време на време што е толку проникливо и уникатно за заедничка тема без воопшто да се обидува – за нешто што на луѓето им е познато, но сепак неговиот став за тоа е толку освежувачки и оригинален, што би доживеале „аха“ момент. Глупавите луѓе го повторуваат она што го слушаат од другите луѓе – иако можеби малку ги преспакувале зборовите, но знаете дека „сте слушнале за ова порано“.

Може да си игра со контрадикторни идеи

Паметниот човек може да има неколку спротивставени идеи во своите мисли и да ги исплете во единствен и логичен, убедлив наратив. Ова е веројатно најважниот аспект на интелигенцијата во денешниот комплициран свет – многу работи содржат само фрагмент од вистината, што прави тешко да ја видиме „големата слика“ од хаосот околу нас. Глупавите луѓе сакаат едноставност – работите за нив мора да бидат или црни или бели.

Секогаш наоѓа заеднички јазик

Глупавите луѓе имаат многу проблеми со нијансите – тие се држат до своето мало парче „вистина“ и искрено веруваат дека ја разбрале целата работа. Тие не можат да поднесат кога луѓето не се согласуваат со нив. Од друга страна, паметните луѓе ги гледаат заедничките страни и многу полесно наоѓаат заеднички компромис.

Интроспекција

Ова не е вообичаено дури и кај „паметните“ луѓе, но секако е знак за високо ниво на интелигенција за оние што го имаат: нивната точна процена на „себеси“. Паметниот човек ги знае сопствените силни и слаби страни, свесен е за тоа што знае, а што не знае, што може, а што не може и како другите гледаат на него.

Скромност

Друга особина на карактерот на „паметните“ луѓе, но не ја имаат сите паметни луѓе. Кога некој е скромен, тој ви дозволува да видите помалку од неговото вистинско јас. Тој всушност знае повеќе отколку што мислите дека знае и е способен за повеќе отколку што мислите дека е. Тој се потценува себеси.

Во принцип, знаете дека разговарате со паметна личност кога тој ве натера да се чувствувате паметни за себе. Тој ви дозволува да ја видите неговата гледна точка и ви се допаѓа она што го гледате.

А, ако личноста е премногу желна да ви покаже колку е паметна, тогаш можете да бидете сигурни дека тој човек НЕ е многу паметен.

The post КАКО ДА ПРЕПОЗНАЕТЕ ПАМЕТЕН ЧОВЕК? Знае да си игра со спротивни идеи, оригинален е и скромен appeared first on plusinfo.mk.

Базираната во Минхен, „Semic RF“ ја разви апликацијата за скенирање на очите со колеги од САД, и во очекување на регулаторното одобрување, се надева дека ќе започне да ја воведува до крајот на мај – рече директорот на компанијата Волфганг Грубер.

Процесот користи фотографија од очното јаболко направена со паметен телефон, а вирусот се идентификува доколку има симптоматско воспаление, кое се нарекува „розево око“.

Грубер додава дека апликацијата, која е веќе тестирана на над 70.000 лица, може да процесира до милион скенирања во секунда и дека постои потенцијал да се зголеми тој капацитет, што на крајот може да им овозможи на повеќе луѓе да се вратат на масовни настани, како на пр. концерти или фудбалски натпревари.

– Откако ќе ја преземете апликацијата, ќе ги фотографирате двете очни јаболка, ја испраќате фотографијата за евалуација и го зачувувате резултатот како QR-код на паметниот телефон од тестот – додаде Грубер.

Апликацијата првично е наменета за компании и комерцијални корисници. Цената ќе биде 480 евра месечно, а подоцна се планира да ја користат и приватни лица

The post Збогум на ПЦР тестовите, мобилна апликација ќе открива позитивни на ковид-19 (ВИДЕО) appeared first on plusinfo.mk.

Ова значи дека локалното население ќе задоволи многу од нивните потреби со автоматски услуги.

Тоа е држава во која 80 проценти од луѓето живеат во домови кои се во јавна сопственост, така што владата има големо влијание врз урбаниот развој и неговите последици.

Планот е да се изградат нови 42.000 станови во пет области, односно еколошкиот град Тенгах, што е малајски збор за просечност или околина. Ова ќе биде 24 населена област што владата ја создаде од крајот на Втората светска војна.

Системот за климатизација ќе биде централизиран, собирањето смет и отпад ќе се автоматизира, а автомобилите ќе бидат забранети во центарот на градот. Целта е да се придонесе за намалување на емисиите на јаглерод во градот.

Официјалните лица го нарекоа шумски град поради големите зелени површини. Тој ќе се наоѓа на местото каде порано имало ѕиглана, а потоа и простор за воена обука. Градот ќе се протега на 700 хектари.

Дизајнерите истакнаа дека поголемиот дел од просторот ќе биде наменет за движење на пешаци и велосипедисти. Ова е очекувано со оглед на тоа што во последните неколку години велосипедизмот во Сингапур се повеќе се развива.

Инфраструктурата е дизајнирана и за употреба на електрични и самовозечки автомобили, така што ќе има поголем број полначи на батерии за возилата.

Посебно внимание се посветува на ладење на внатрешноста на зградата. Имено, во оваа земја со шест милиони жители, емисиите на штетни гасови се поголеми отколку во Велика Британија, Кина и Малезија. Причината за тоа се климатизерите, кои сочинуваат една третина од вкупната потрошувачка на енергија во домаќинствата. Со глобалното затоплување, овој проблем може да се влоши.

Затоа, „паметниот“ град ќе користи поинаква технологија. Ќе се користи студена вода, а за нејзино ладење ќе се користи сончевата енергија. Ова исто така ќе ја намали емисијата на штетни гасови.

„Паметен“ град значи и дека осветлувањето ќе биде вклучено само таму каде што некој моментално е.

Почетната цена на становите ќе биде 82.000 долари, а првите станови треба да бидат изградени до 2023 година. Таму ќе се наоѓа и највисокиот монтажен облакодер во светот.

The post Ќе се гради „паметен“ град со 42.000 домови (ВИДЕО) appeared first on plusinfo.mk.

Рускиот претседател Владимир Путин и натаму не користи паметен телефон, иако од време на време користи интернет, вели портпаролот на Крмљ Дмитриј Песков, за радиостаницата Комсомолска правда.

– Нема паметен телефон, тоа едноставно е невозможно – изјавил портпаролот, пренесува Тасс.

The post Путин не користи паметен телефон appeared first on plusinfo.mk.

„Google“ лансираше нова алатка која користи зголемена реалност (АР) и им помага на корисниците да видат колкави се ограничувањата на социјалното растојание.

Името на новата експериментална алатка е „Sodar“.

Таа го користи „WebXR“ за да разграничи радиус од два метри околу вас користејќи го екранот на телефонот.

„Sodar“ е достапен само за корисници со уреди со „Android“.

За почеток, можете да скенирате „QR“ да одите на мобилиот сајт. Може исто така и на „sodar.withgoogle.com“ и тој ќе го активира на паметниот телефон.

Потоа, само насочете го телефонот со камерата напред и пронајдете ја земјата. Потоа, треба да се појави мерниот инструмент.

Има некои контроверзии во врска со правилото за растојание од два метри. СЗО вели дека еден метар е доволен, додека британската влада засега се држи до два метра.

Sodar – use WebXR to help visualise social distancing guidelines in your environment. Using Sodar on supported mobile devices, create an augmented reality two meter radius ring around you. #hacktohelp https://t.co/Bu78QrEN9f pic.twitter.com/kufatNFDQk

— Experiments with Google (@ExpWithGoogle) May 28, 2020

The post „Google“ пушта алатка што го олеснува одржувањето на дистанца (ВИДЕО) appeared first on plusinfo.mk.