Властите во Атина уапсија жена во врска со трагичната смрт на 4-годишното девојче чиешто тело беше пронајдено на плажа порано оваа недела, објави Грик рипортер.

Девојчето беше откриено во неделата наутро на плажата Палаио Фалиро, облечено во костим за капење. Неговиот идентитет сѐ уште не е утврден бидејќи ниеден извештај за исчезнато дете не одговара на неговиот опис, а досега никој не се јавил да го побара.

На една снимка се гледа како жената, која сега е уапсена, се движи со 3 деца, едно од нив во количка, облечено во облека слична на онаа што ја носеше девојчето. Друга камера ја снимала истата жена неколку часа подоцна, околу 2 часот по полноќ во неделата, како ја остава празната количка во парк и потоа заминува со такси.

Полицијата ја привела жената во петокот во населбата Патисија во Атина, по спроведена надзорна операција. Таа била уапсена додека излегувала од зграда со 2 мали деца. Апсењето се темели на снимки од надзорни камери од вечерта пред телото да биде пронајдено.

Жената во моментов е под истрага и се сослушува додека полицијата се обидува да ги утврди околностите на смртта на детето.

КЛУЧНИ СНИМКИ ФРЛААТ НОВО СВЕТЛО ВРЗ МИСТЕРИОЗНАТА СМРТ НА 4-ГОДИШНОТО ДЕВОЈЧЕ ВО ГРЦИЈА Жена доаѓа со 3 деца, си заминува со 2 момчиња и со празна количка

The post УАПСЕНА ЖЕНАТА ЗА КОЈА СЕ СОМНЕВА ДЕКА ГО ДОНЕЛА ДЕТЕТО НА ПЛАЖАТА Полицијата ја пресретнала во Атина додека излегувала од стан со 2 деца appeared first on plusinfo.mk.