Иран сè уште нема донесено одлука за продолжување на разговорите со САД, изјави иранскиот министер за надворешни работи Абас Арагчи.

Во интервју за иранскиот медиум „Шахара њуз“, Арагчи нагласи дека пораките што меѓу двете страни се разменуваат преку Катар и Пакистан не претставуваат директни преговори.

Според него, Техеран преку посредници ги прима и испраќа пораките, но тоа не значи дека е донесена одлука за повторно отворање на преговорите со Вашингтон.

Арагчи истовремено информираше дека Иран води одделни консултации со Оман во врска со пловидбата низ Ормускиот Теснец.

Целта е да се утврди рута низ тесниот морски премин која би се користела сè додека, како што наведе иранскиот министер, САД не ги исполнат условите на Техеран за продолжување на комерцијалниот поморски сообраќај.

Ормускиот Теснец е еден од најважните поморски премини во светот и има клучно значење за транспортот на нафта и други енергетски производи од Персискиот Залив.

Иранските изјави доаѓаат во период на зголемени тензии меѓу Техеран и Вашингтон, при што посредниците од регионот се обидуваат да одржат комуникациски канали меѓу двете страни.

The post ИРАН НЕМА ОДЛУКА ЗА НОВИ ПРЕГОВОРИ СО САД Арагчи откри што се случува со пораките преку Катар и Пакистан appeared first on plusinfo.mk.

Пакистанскиот министер за одбрана Хаваџа Асиф денеска изјави дека Израел е закана за земјите на Блискиот Исток и повика на обединет фронт на муслиманските земји против него, објави „Тајмс оф Израел“.

– Во контекст на Израел, сите муслимански земји мора да се обединат. Немам никаква сомнеж во тоа. Израел е производ на Балфуровата декларација, основан во 1940-тите како нелегитимна држава и може да претставува директна закана за која било од земјите во регионот – рече Асиф.

Тој додаде дека сè додека палестинското прашање не се реши трајно, исламскиот свет мора да биде обединет и да се спротивстави на Израел. Асиф рече дека неговото жестоко противење на Израел нема да се промени дури и ако премиерот Бенјамин Нетанјаху биде поразен на изборите годинава, закажани за 27 октомври.

Само еден ден пред изјавата на Асиф, Пакистан потпиша договор за заедничка одбрана со Саудиска Арабија и со Турција.

The post ПОВИК ЗА МУСЛИМАНСКО ОБЕДИНУВАЊЕ ПРОТИВ ИЗРАЕЛ Пакистанскиот министер за одбрана во земјата гледа опасност за Блискиот Исток appeared first on plusinfo.mk.

Турскиот претседател Реџеп Таип Ердоган, пакистанскиот премиер Шехбаз Шариф и саудискиот престолонаследник Мохамед бин Салман денеска во Џеда треба да потпишат трилатерален договор за заедничка одбрана, со што ќе биде формализирана нова стратешка безбедносна соработка меѓу трите највлијателни сунитски држави во регионот. Средбата се одржува во исклучително чувствителен момент, кога Блискиот Исток е потресен од новата криза поврзана со Иран, а безбедноста на енергетските рути повторно е доведена во прашање.

Иако официјалниот текст на договорот сè уште не е објавен, повеќе извори наведуваат дека тој е резултат на речиси едногодишни преговори, кои значително се забрзале по најновата ескалација на конфликтите во регионот. Засега не е познато дали договорот ќе содржи клаузула за автоматска воена помош, но се очекува да опфати заеднички воени вежби, координација на безбедносните политики, развој на одбранбената индустрија и размена на разузнавачки информации.

Секоја од трите сунитски држави има стратешки капитал

Новиот пакт се надоврзува на стратешкиот договор за меѓусебна одбрана што Саудиска Арабија и Пакистан го потпишаа во 2025 година. Со него двете земји се обврзаа секој напад врз една од нив да го сметаат за напад врз двете, а сега во таа безбедносна архитектура се приклучува и Турција – земја со една од најсилните армии во НАТО и брзо растечка домашна воена индустрија.

Во практична смисла, секоја од трите држави носи различен стратешки капитал. Саудиска Арабија располага со огромни финансиски ресурси и еден од најголемите светски производители на нафта. Турција располага со модерна армија, значајно борбено искуство и развиена индустрија за беспилотни летала, ракети и оклопни системи. Пакистан, пак, е единствената муслиманска држава што поседува нуклеарно оружје и има една од најголемите армии во светот.

Аналитичарите сметаат дека договорот претставува сигнал дека регионалните сили сè повеќе сакаат сами да ја градат својата безбедносна архитектура, наместо целосно да зависат од американските безбедносни гаранции. Во последните години Ријад води поавтономна надворешна политика, Турција настојува да стане самостоен геополитички центар, а Пакистан бара нови механизми за зајакнување на својата позиција во време на растечки регионални ризици.

Договорот истовремено има и економска димензија. Сите три држави имаат интерес да ги заштитат поморските патишта низ Црвеното Море, Персискиот Залив и Ормутскиот Теснец, преку кои минува значителен дел од светската трговија со нафта и течен природен гас. Секоја нова нестабилност во тие води веднаш се одразува врз цените на енергенсите и врз глобалните финансиски пазари.

Турција е воена велесила и клучен играч во регионот

За Турција, договорот претставува и можност дополнително да го прошири извозот на сопствената воена технологија. Во последните години турските беспилотни летала, оклопни возила и ракетни системи станаа значаен извозен производ, а соработката со богатите заливски држави отвора простор за нови заеднички инвестиции и производство.

Од геополитички аспект, создавањето на ваков триаголник може да влијае врз односите со Иран, но и врз политиките на САД, Кина и Русија во регионот. Иако засега нема официјални изјави дека пактот е насочен против конкретна држава, времето на неговото потпишување остава малку простор за сомнеж дека безбедносната ситуација околу Иран била главен катализатор за забрзување на договорот.

Доколку соработката што че се договрои во Џеда се претвори во траен политички и воен механизам, Саудиска Арабија, Турција и Пакистан би можеле да оформат нов центар на моќ што ќе има влијание далеку надвор од Блискиот Исток – од енергетската безбедност до рамнотежата на силите во поширокиот евроазиски простор, анализираат светските медиуми.

The post НОВА БЕЗБЕДНОСНА ОСКА НА БЛИСКИОТ ИСТОК Саудиска Арабија има пари и нафта, Турција војска, а Пакистан нуклеарни бомби – на повидок моќен воен сојуз appeared first on plusinfo.mk.

Трагедијата на Брод Пик на Хималаите, во која загинаа легендарниот непалски алпинист Нирмал Пурџа и уште неколку членови на неговата експедиција, според досега достапните податоци, се одиграла за само неколку десетици секунди. Сè укажува дека групата била погодена од масивна лавина на околу 6.600 метри надморска височина, додека се движела меѓу Камп 2 и Камп 3 по западниот гребен на планината.

Податоците од ГПС-уредот што го носел Пурџа покажуваат драматичен пад од околу 6.659 на 5.891 метар. Инфографикот, изработен врз основа на тие податоци, укажува на вертикален пад од 768 метри и вкупно движење од приближно 800 метри низ исклучително стрмен глечерски терен, исполнет со ледени блокови и пукнатини. Последниот сигнал од уредот бил регистриран околу 40 минути по почетокот на несреќата.

Тоа, сепак, не значи дека алпинистите паѓале непрекинато цели 40 минути. Многу поверојатно е дека лавината ги однела за многу кратко време, а потоа дел од ГПС-уредите продолжиле да емитуваат сигнал сè додека имале батерија и сателитска врска. Во првите часови токму промената на позицијата на тракерот на Пурџа даде надеж дека можеби преживеал и се движи, но подоцнежната потрага покажа дека тоа најверојатно било последица на движењето на снежната маса или на нестабилноста на самиот уред.

Планинарските експерти сметаат дека најголема улога одиграле временските услови во деновите пред трагедијата. Неколку независни експедиции претходно се откажале од обидот за искачување, предупредувајќи дека обилните врнежи од снег значително ја зголемиле опасноста од лавини. Свежиот снег не успеал добро да се врзе со постојната ледена подлога, создавајќи нестабилни снежни плочи кои можеле да попуштат под тежината на алпинистите или спонтано.

Дополнителен ризик претставувал и самиот терен. Западната рута на Брод Пик минува под огромни ледени формации, од кои често се откршуваат блокови мраз. Доколку токму таков колапс ја активирал лавината, алпинистите практично немале простор ниту време за реакција. На падини пострмни од 50 степени, лавината многу брзо добива огромна брзина и сила, а секој што ќе биде зафатен од неа најчесто се движи неконтролирано стотици метри надолу.

Ова видео не е снимено, туку е генерирано со АИ. Но, тоа покажува како најверојатно изгледал застрашувачкиот момент на трагедијата:

 

View this post on Instagram

 

A post shared by TerraGoTrail (@terragotrail)

Фактот што телата на дел од загинатите биле пронајдени многу пониско од местото каде што последен пат биле забележани дополнително ја поткрепува претпоставката дека не станувало збор за обичен пад на поединечен алпинист, туку за масовно носење од лавина. Потрагата беше исклучително тешка поради новите снежни врнежи, опасноста од нови лавини и ограничената можност за користење хеликоптери на таа височина.

Иако конечниот извештај на пакистанските власти и на Алпинистичкиот клуб на Пакистан допрва треба да ги утврди сите околности, досегашните факти се прилично конзистентни: искусниот Нирмал Пурџа не загинал поради грешка при искачувањето, туку најверојатно станал жртва на една од најопасните природни закани на високите планини – голема лавина, чија сила за неколку моменти ја избришала целата експедиција од стрмните падини на Брод Пик.

ЗАГИНА ЛЕГЕНДАТА НА ХИМАЛАИТЕ Во лавина на Броуд Пик животот го загуби алпинистичкиот рекордер Нирмал „Нимсдаи“ Пурџа

The post ИНФОГРАФИК И АНАЛИЗА • ТРАГЕДИЈАТА НА БРОД ПИК НА ХИМАЛАИТЕ Пад од 800 метри низ глечерски терен не можел да преживее ни славниот Пурџа appeared first on plusinfo.mk.

Во самоубиствен напад пред полициска станица во северозападен Пакистан загинаа најмалку 14 луѓе, од кои пет полицајци и осум цивили, како и бомбашот-самоубиец.

Инцидентот се случил на подрачјето Кабал, во покраината Хајбер Пахтунхва, при што се повредени над 20 луѓе.

Насилството на бунтовниците во пограничните области на Пакистан нагло се зголеми изминатите месеци, а армијата и полицијата се главни цели на нападите. Пакистанската влада за ескалацијата на насилството ги обвинува авганистанските талибанци, кои ги поддржуваат пакистанските милитантни групи. Талибанската влада во Авганистан негира каква било вмешаност.

The post ВО САМОУБИСТВЕН НАПАД ЗАГИНАА 14 ЛИЦА ОД КОИ 5 ПОЛИЦАЈЦИ Во инцидентот во Пакистан повредени се повеќе од 20 луѓе appeared first on plusinfo.mk.

Починат мигрант од Пакистан бил пронајден вчера на локацијата „Мрзенско поле“ во атарот на селото Мрзенци кај Гевгелија, соопшти Министерството за внатрешни работи.

Според информациите, околу 11:52 часот група мигранти преку мобилен телефон побарала помош. По пристигнувањето на терен, полициските службеници затекнале тројца мигранти без лични документи, кои изјавиле дека се од Пакистан, како и тело на маж за кого рекле дека патувал заедно со нив.

Лекар констатирал смрт без видливи траги на насилство. По наредба на јавен обвинител, телото е предадено на обдукција за утврдување на причините за смртта.

Останатите мигранти се пренесени во Прифатниот центар „Винојуг“ во Гевгелија.

The post ПРОНАЈДЕН ПОЧИНАТ МИГРАНТ КАЈ ГЕВГЕЛИЈА Група Пакистанци повикала помош од „Мрзенско поле“ appeared first on plusinfo.mk.

Пакистан и Катар објавија значителен напредок во дипломатските напори меѓу САД и Иран, по првата рунда разговори на високо ниво што се одржа на самитот во Швајцарија. По состанокот, Кина ги повика САД и Иран да продолжат со соработката со цел да се постигнат позитивни резултати, пишува агенцијата Анадолија.

Двете земји медијатори, Пакистан и Катар, во заедничка изјава соопштија дека самитот за езерото Луцерн се одржал во „позитивна и конструктивна атмосфера“.

Разговорите меѓу делегациите на САД и Иран во Швајцарија се одржаа во позитивна и конструктивна атмосфера. Техничките разговори за сите прашања ќе продолжат до крајот на неделата во швајцарското одморалиште Биркеншток, се наведува во заедничкото соопштение на Катар и Пакистан, кои посредуваат во разговорите.

Во соопштението, кое го испрати Министерството за надворешни работи на Катар, се наведува дека вчера на разговорите на високо ниво, во рамките на меморандумот за разбирање потпишан од САД и Иран минатата недела, е постигнат охрабрувачки напредок, вклучително и воспоставување механизам за понатамошни технички разговори, пренесуваат агенциите.

Се додава дека двете страни постигнале договор за формирање комитет на високо ниво, кој ќе обезбеди политички надзор над посредништвото во преговорите.

Кина, исто така, ја поздрави веста за напредокот. Портпаролот на Министерството за надворешни работи, Гуо Џиакун, им рече на новинарите во Пекинг дека се надева оти САД и Иран ќе го одржат позитивниот моментум во преговорите и ќе работат кон истата цел за постигнување позитивни резултати. Гуо додаде дека Кина ги поддржува напорите за посредување на Пакистан, Катар и сите релевантни страни за трајно завршување на војната на САД против Иран.

Долгоочекуваните директни разговори меѓу американската и иранската делегација се одржаа во Бургеншток. Американската делегација ја предводеше потпретседателот Џеј-Ди Венс, а иранската делегација претседателот на парламентот Мохамед Бакер Калибаф. Целта на состанокот беше да се разговара за начините за спроведување на Меморандумот за разбирање од Исламабад, кој беше потпишан на 17 јуни.

По разговорите, иранскиот министер за надворешни работи, Абас Арагчи, ја пофали улогата на Пакистан и Катар. Тој истакна дека преговорите со САД донесоа значителен напредок кон завршување на војната во Либан и ублажување на притисокот врз иранската економија.

На социјалната мрежа Икс, Арагчи објави:

„Неуморното посредништво на Пакистан и Катар донесе голем напредок кон завршување на војната во Либан. Извозот на нафта и петрохемиски производи е ослободен од ограничувања, блокадата е укината, некои замрзнати средства се ослободени и е започнат голем план за обнова и развој на Иран“.

The post КИНА ГИ ОХРАБРИ ПРЕГОВАРАЧИТЕ, АРАГЧИ ГИ ПОФАЛИ ПОСРЕДНИЦИТЕ Успешно заврши првата рунда преговори во Швајцарија меѓу САД и Иран appeared first on plusinfo.mk.

Тешката прва рунда разговори меѓу САД и Иран која заврши без заедничка фотографија доби свои коментари на социјалните мрежи. Стигнаа вирални снимки откако иранската делегација одби ракување и церемонијално фотографирање со американските претставници во протест на објава од Доналд Трамп.

Еден дел од коментарите на Икс тврдат дека дипломатската сцена повеќе наликувала на понижување за САД отколку на пробив.

Во фокусот на реакциите е американскиот потпретседател Џеј Ди Венс, за кого корисници на социјалните мрежи тврдат дека изгледал изолиран, додека на друга снимка се толкува дека бил игнориран од катарските претставници.

„Погледнете го (претставникот од) Катар како го игнорира Ди Венс. Толку е срамно“, гласи коментарот на социјалните мрежи на едно од снимките.

Watch Qatar snub Vance. So embarrassing. pic.twitter.com/RWSpcsL5IU

— Pamela Geller (@PamelaGeller) June 21, 2026

Друг корисник ги коментира изгледите на лицата на шефот на иранската дипломатија Абас Арагчи кој зборува со премиерот на Пакистан Шехбаз Шариф, додека Шариф има загрижено лице, како да му пренесуваат порака. Лицето на Шариф е загрижено и потоа кога на кратко зборуваат заедно со Ди Венс и со Асим Мунир, началникот на пакистанската армија.

Iran’s diplomats walk out of the talks

Demand Trump apologize for his threats

Look on Vance’s face speaks volumes pic.twitter.com/2MQSxHndLF

— Robert A. Pape (@ProfessorPape) June 21, 2026

„Делегацијата на САД влезе многу пред Иранците. Во дипломатијата, страната со предност не чека во просторијата. Тврдиш дека водиш и победуваш, а сепак стигна прв. Прва грешка. Галибаф не влезе додека медиумите беа внатре. Џеј Ди Венс влезе. Уште една грешка. Изгледаше не само како да ги напуштивте сојузниците, вклучувајќи го и Израел, туку и да го намаливте имиџот на Америка со игнорирање на основниот дипломатски протокол“, коментира еден корисник.

Според иранските медиуми, на првата 80-минутна сесија не се разговарало за нуклеарната програма, туку за почитувањето на договорот меѓу двете држави и за состојбата во Либан.

Техеран соопшти и дека ја обновил блокадата во Ормускиот Теснец во знак на протест поради континуираните израелски напади во Либан.

Дел од американските медиуми шпекулираат дека евентуалниот неуспех на преговорите со Иран, претседателот на САД Доналд Трамп ќе му го префрли на својот млад заменик Џеј Ди Венс што може да му се одрази на рејтингот на Ди Венс, ако претендира за позицијата претседател во 2028 година.

The post 📽️ „КАКО ГО ИГНОРИРАА ДИ ВЕНС, ЗАГРИЖЕНИОТ ПАКИСТАНЕЦ, ЛУТИОТ АРАГЧИ“ Снимките од првата рунда преговори во Швајцарија станаа вирални appeared first on plusinfo.mk.

Церемонијата за потпишување на меморандумот за разбирање меѓу САД и Иран, која беше закажана за утре во Женева, е откажана бидејќи документот веќе е потпишан по електронски пат и стапил во сила, соопштија дипломатски извори вклучени во процесот.

Пакистанскиот министер за надворешни работи Ишак Дар изјави дека повеќе нема потреба од свечена церемонија, поради што и пакистанскиот премиер Шехбаз Шариф го откажал патувањето во Швајцарија. Според Дар, следната фаза од процесот ќе се одвива преку одвоени технички разговори за прашањата опфатени со пошироката рамка на договорот, кои ќе бидат фокусирани на имплементацијата и деталното усогласување на одредбите.

Во меѓувреме, Белата куќа го доставила текстот на договорот до американскиот Конгрес. Документот, кој според дипломатски извори е насловен „Исламабадски меморандум за разбирање меѓу Исламската Република Иран и Соединетите Американски Држави“, предвидува прекин на воените операции, постепено укинување на американската поморска блокада врз иранските пристаништа и повторно отворање на Ормутскиот Теснец за слободен комерцијален сообраќај.

Во рок од 60 дена двете страни треба да продолжат со преговори за финален мировен договор кој би ги опфатил сите спорни прашања, вклучително и безбедносните гаранции, санкциите и статусот на нуклеарната програма на Иран.

Портпаролот на иранското Министерство за надворешни работи потврди дека текстот на меморандумот е официјално потпишан од претставници на двете држави, додека американски извори наведуваат дека документот бил финализиран неколку дена порано од првично планираното и бил потпишан по електронски пат.

Според објавените детали од договорот, двете земји се обврзуваат на итен прекин на непријателствата и воздржување од нови воени дејствија. Иран, според истиот текст, потврдува дека нема да развива нуклеарно оружје, додека прашањата за збогатениот ураниум и укинувањето на санкциите ќе бидат предмет на дополнителни преговори во следните два месеца.

Иако свеченото потпишување во Женева е откажано, дипломатски извори наведуваат дека контактите меѓу делегациите ќе продолжат, но во формат на работни и технички состаноци, кои ќе бидат насочени кон имплементација на меморандумот и подготовка на конечен мировен договор меѓу Вашингтон и Техеран.

The post ОТКАЖАНА ЦЕРЕМОНИЈАТА ВО ЖЕНЕВА, ДИГИТАЛНИОТ ПОТПИС ФИНАЛЕН? Иран и САД го активираа мировниот меморандум appeared first on plusinfo.mk.

The post „НИКОГАШ НЕ СМЕ БИЛЕ ПОБЛИСКУ, НЕ ШПЕКУЛИРАЈТЕ“ Aрагчи потврди дека се финализира договорот Иран-САД appeared first on plusinfo.mk.