Чистач од Узбекистан е прогласен за херој откако фатил седумгодишно момче кое паднало од прозорец на стан во Русија.

Видеото го прикажува застрашувачкиот момент кога момчето, Саша, паѓа од прозорецот на седмиот кат од зграда во Санкт Петербург.

Соседите го забележале малото момче, чија мајка е инфлуенсерка, како стои на прозорецот и му викале да се врати внатре, додека истовремено се обидувале да ги предупредат другите.

Каируло Ибадулаев (37), чистач од Узбекистан, ја забележал толпата и веднаш реагирал. Тој се наместил директно под Саша додека детето паѓало од висина од околу 24 метри на улицата Петрозаводскаја, објавува „Daily Mail“.

Ибадулаев успеал да го фати момчето и двајцата паднале во снегот. Но драмата не завршила тука — херојот сфатил дека детето не дише.

Во меѓувреме, мајката на момчето, Надежда Амрани (47), која има повеќе од 50.000 следбеници на социјалните мрежи, наводно не знаела дека нејзиниот син е исчезнат сè до околу десет минути по падот.

Ибадулаев, кој работи како чистач во зградата, раскажал:

— Плачев и врескав, но никој не го тргна детето од прозорецот.

— Тој си играше на прозорецот. Му викав да влезе внатре, но не ме слушна. Потоа падна. Го фатив, нозете ми удрија во градите и паднав со него… Беше јасно дека не дише. Почнав да му ги масирам градите и тогаш го слушнав како дише. После тоа беше добро — вели Ибадулаев.

Момчето го удрило Ибадулаев во градите при падот и двајцата се струполиле во снегот.

Мајката накратко влегла во кујната додека нејзиниот син играл на таблет покрај прозорецот. Кога се вратила, го нашла прозорецот отворен, а детето го немало.

Амрани се опишува себеси како експерт за социјални медиуми, велејќи: „Ги мотивирам жените да донесуваат одлуки. Со задоволство ги споделувам моите искуства“.

Додека мајката останала во шок на седмиот кат, Ибадулаев му го спасувал животот на момчето со компресии на градите сè до пристигнувањето на итната помош.

Саша бил итно пренесен во болница, каде што останува на интензивна нега, но во стабилна состојба.

Лекарите соопштиле дека тој се здобил со скршеници на долните екстремитети и други повреди, јавуваат локалните медиуми.

Ибадулаев, исто така, ги повредил ребрата за време на херојската акција, но подоцна можел да се движи.

— Ако детето е добро, и јас ќе бидам добро — рекол тој.

Ибадулаев дошол во Русија пред четири месеци за да заработи пари за своето семејство, каде што има четири деца и постари родители. Се надевал дека ќе заштеди доволно за да купи автомобил.

Службите за итни случаи соопштиле дека станот немал заштитни механизми на прозорците. Властите ги истражуваат околностите на инцидентот.

The post 📽️ СО ГОЛИ РАЦЕ ФАТИ ДЕТЕ КОЕ ПАДНА ОД СЕДМИ КАТ Херојска реакција на чистачот кој го спаси седумгодишниот Саша appeared first on plusinfo.mk.

Објавена е целосна снимка од внатрешните безбедносни камери, која ги прикажува моментите пред смртта на популарната турска пејачка Ѓулу (51) и разјасни бројни сомнежи.

Популарната пејачка паднала од прозорецот на балконот од нејзиниот стан на петтиот кат во Јалова, а обдукцијата потврдила дека нема траги на насилство на телото.

На социјалните мрежи имало бројни дискусии за тоа зошто недостасува двоминутен дел од снимката – од моментот кога Ѓулу ја напуштила бањата до нејзиниот пад. Истрагата утврдила дека прекинот се должи на техничките карактеристики на самата камера.

Имено, безбедносната камера имала функција што автоматски ги исклучува музичките тонови и ги нагласува човечките гласови. Затоа, за време на прегледот на снимката, звукот на музиката од телевизорот е пригушен, додека човечките гласови се снимени појасно.

Според наодите од обдукцијата, на телото на Ѓулу не се пронајдени траги од траума или знаци на насилство. Евидентирани се само повреди што се однесуваат на пад од голема висина.

Турската пејачка Ѓулу, позната по своите ромски мелодии од 1990-тите, починала на 51-годишна возраст откако паднала од балконот на нејзиниот стан во Чинарчик. Нејзиниот син Тугберк Јагиж ги негирал гласините за самоубиство во видео порака на социјалните мрежи:

– Ја објавувам оваа тажна вест. Мојата мајка, почитуваната уметница Ѓулу, почина во трагична несреќа синоќа. Гласините за самоубиство што кружат се лажни. Ќе ве информираме за деталите од погребот тука. Нека почива во мир – рекол тој.

Понатамошната истрага утврдила дека површината под терасата била свежо измиена со вода со сапуница, па затоа е земена изјава и од лицето кое го чистело просторот. Истражителите претпоставуваат дека пејачката ја изгубила рамнотежата токму поради лизгавиот под.

Ќерката на пејачката, Тујан Улкем, изјавила во обвинителството:

– Таа вечер, на 26 септември, вечеравме дома и гледавме филм. Подоцна, околу 1:20 часот, јас и мојата другарка Султан се повлековме во мојата соба. Мама набрзо влезе и почна да танцува на ромска музика. Додека танцуваше, се лизна и падна низ отворениот прозорец – рекла Тујан.

Која беше Ѓулу?
Вистинското име на Ѓулу е Ѓулу Озер. Родена е во 1973 година во населбата Касим Паша во Истанбул. Имала тешко детство, а кариерата ја започнала уште како тинејџерка, настапувајќи во ноќни клубови и сали за венчавки. Се здобила со слава во текот на 1990-тите благодарение на ромските мелодии што ја направиле позната низ цела Турција. Со текот на годините, таа станала една од најпознатите и најомилените пејачки, оставајќи неизбришлив белег на музичката сцена.

По стапувањето во брак, таа се повлекла од сцената некое време и се посветила на своето семејство. Со сопругот имала две деца, а по разводот во 2000 година ѝ се вратила на музиката и продолжила да ја гради својата кариера.

The post 🎥 ОБЈАВЕНА Е СНИМКА ОД ФАТАЛНАТА НОЌ ВО КОЈА ПОЧИНА ПЕЈАЧКАТА Ѕвездата од 90-тите танцувала, па паднала од терасата пред нејзината ќерка appeared first on plusinfo.mk.

Според првичните сознанија, девојчето кое живеело со мајка си, додека си играла со елката која била поставена многу блиску до прозорецот од собата, го отворила прозорецот, изгубила рамнотежа и паднала.

Откако било стабилизирано, девојчето било пренесено во болницата „Григоре Александреску“ и моментално е на интензивна нега. Според лекарите, нејзината состојба сè уште е многу сериозна, со фрактура на черепот, торако-абдоминална политраума и фрактура на бутната коска.

Соседите велат дека мајката на девојчето спиела во моментот на несреќата и не ни забележала кога нејзината ќерка паднала.

Девојчето било пронајдено на тротоар, а соседите веднаш повикале брза помош. Останатите веднаш отишле во станот и ја разбудиле мајката.

Полицијата започна истрага за трагичниот настан.

The post ТРАГЕДИЈА ВО БУКУРЕШТ Четиригодишно девојче паднало од 5.кат додека си играло со елката appeared first on plusinfo.mk.