Млада тетовчанка се здоби со тешки повреди откако вчера паднала од балкон во Тетово, а полицијата по наредба од јавен обвинител веќе врши истрага за тоа како точно дошло до несреќата.

Според официјалните информации од СВР Тетово, немилиот настан се случил синоќа, околу 18:40 часот. Случајот во полиција бил пријавен од страна на екипите на Итната медицинска помош кои први пристигнале и интервенирале на терен.

Поради сериозноста и карактерот на здобиените повреди при падот, младата девојка итно е пренесена на понатамошно лекување во Клиничкиот центар „Мајка Тереза“ во Скопје.
Полицијата извршила увид на местото на настанот, но засега не соопштува детали за околностите кои довеле до падот на тетовчанката.

The post МЛАДА ТЕТОВКА ПАДНА ОД БАЛКОН Со тешки повреди е пренесена во Скопје appeared first on plusinfo.mk.

М.К.(26) од Република Албанија, кој престојувал во Кичево рано утрото паднал од првиот кат и се здобил со повреди, соопшти МВР.

Полицијата информира дека случајот го пријавил сопственикот на куќата И.В.(57) кој изјавил дека од балкон на првиот кат од неговата куќа на улица 11 Септември  во Кичево паднал М.К.(26) од Република Албанија.

Повредениот бил пренесен во Комплексот клиники „Мајка Тереза“ во Скопје за укажување лекарска помош.

Во врска со настанот на разговор во полициската станица Кичево биле повикани уште две лица од Албанија кои биле со М.К. во куќата, како и сопственикот на куќата.

The post Момче од Албанија паднало од балкон од прв кат во Кичево appeared first on plusinfo.mk.