Битолското обвинителство поднесе обвинение против петмина лекари поради несовесно лекување што резултирало со смртен исход на пациентка.

Врз основа на спроведена претходна постапка и обезбедени докази, поднесен е Обвинителен предлог против петмина лекари-интернисти од битолската клиничка болница „Д-р Трифун Пановски“ за сторени – Тешки дела против здравјето на луѓето од член 217 став 4 во врска со член 207 став 3 во врска со став 1 од Кривичниот законик.

Тие се обвинети дека во периодот од 28.05.2024 до 04.06.2024 година, на Одделот за интерни болести во болницата, несовесно лекувале 40-годишна пациентка, со што предизвикале влошување на нејзината здравствена состојба кое резултирало со смртен исход.

Пациентката се јавила во болницата по претходен преглед и упат од матичен лекар, кој изразил сомнение за воспаление на вените – тромбофлебитис. Но, по почетниот преглед на интерното одделение, без целосна анамнеза и детални анализи, ѝ била поставена дијагноза – ревматоиден артритис и ѝ била дадена терапија, по што била пуштена дома.

Како резултат на тоа, не била навремено утврдена вистинската здравствена состојба на оштетената, односно не била откриена и дијагностицирана тромбозата, ниту била навремено преземена соодветна терапија и лекување за таквата состојба, со што била пропуштена реална можност за навремено откривање и лекување на тромботичниот процес кај оштетената, за спречување или ограничување на напредувањето на тој процес, како и на последователното влошување на нејзината здравствена состојба.

На 01.06.2024 година пациентката со силни болки во стомакот и влошена општа состојба повторно се јавила на преглед во болницата. Иако тогаш била хоспитализирана, во следните четири дена, и покрај абнормалните вредности на лабораториските и биохемиските анализи, ниту еден од дежурните лекари не презел дополнителни дијагностички испитувања со цел да се испитаат причините и да се одреди соодветна терапија.

Затоа здравствената состојба на оштетената продолжила значително да се влошува. Попладнето на 04.06.2024 година, таа побарала медицинска помош во приватна клиника во Скопје, каде била примена во тешка општа состојба. При итно извршениот хируршки зафат ѝ била констатирана тромбоза на горната и долната мезентерична артерија со комплетна гангрена на тенкото и дебелото црево. Таа состојба веќе била неоперабилна и на 05.06.2024 година оштетената починала.

The post ПЕТМИНА ЛЕКАРИ ОД БИТОЛА ЌЕ ОДГОВАРААТ ЗА СМРТТА НА ПАЦИЕНТКА СО ТРОМБОЗА Не ѝ ја утврдиле дијагнозата и не ја лекувале соодветно appeared first on plusinfo.mk.

Три месеци исполнети со страв, неизвесност и постојано чекање. Така 44-годишна пациентка од Скопје го опишува периодот од појавата на првите симптоми до операцијата во Клиничката болница „Аџибадем Систина“, со која ѝ беше отстранета цистична туморска формација на десниот јајчник, со тежина од речиси 10 килограми.

Наместо да го живее своето секојдневје, нејзините денови биле исполнети со лекарски прегледи, медицински документи, телефонски повици и прашања на кои долго време немала одговор. Нејзината физичка состојба постепено се влошувала, а стравот дополнително растел откако било утврдено дека формацијата за краток временски период значително се зголемила.

– Кон крајот на април отидов на гастроентеролог поради подуеност во горниот дел на стомакот, под градите. Кога ме прегледаа, ми рекоа итно да одам на гинеколог. Ни на крај на памет не ми беше дека мојот проблем е од гинеколошка природа – раскажува пациентката.

Нејзината вистинска голгота и талкањето низ различни медицински установи започнале во средината на мај. При првиот гинеколошки преглед била забележана промена со големина од околу 12 сантиметри. До крајот на истиот месец, формацијата пораснала и достигнала дијаметар од околу 17 сантиметри.

– Почна да ме фаќа страв и паника бидејќи гледав дека промената многу бргу расте. Имав подготвена медицинска документација, вклучително и документација од онколошки конзилиум, но немав конкретен одговор кога и како ќе бидам третирана. Ми велеа дека треба да чекам – вели таа.

Во меѓувреме, секојдневното функционирање ѝ било сериозно отежнато.

– Физички изгледав како да сум во деветтиот месец од бременоста. Имав болки во грбот, тешко се движев и не можев нормално да одам во тоалет. Постојано се јавував и прашував. Само сакав некој да ми помогне и конечно да ми олесни – раскажува пациентката.

Најтешкиот товар за неа не биле само физичките болки, туку и стравот предизвикан од првичните сомневања за сериозно заболување.

Пресвртот се случил кога дошла на преглед во Клиничката болница „Аџибадем Систина“, кај д-р Јосиф Ѓорески, специјалист по гинекологија и акушерство. Според пациентката, уште по првиот преглед тој проценил дека нема простор за дополнително чекање и предложил операцијата да биде извршена во најкраток можен рок.

– Мојата голгота заврши истиот ден кога дојдов на преглед кај д-р Ѓорески. Бев многу вознемирена и дезориентирана, но бескрајно сум му благодарна бидејќи уште при првиот преглед, без двоумење, одлучи дека треба да бидам оперирана што е можно побргу. Конечно почувствував дека некој ме слушнал и дека веќе нема да бидам оставена да чекам – вели пациентката.

За време на операцијата била утврдена голема цистична туморска формација, со потекло од десниот јајчник, која го исполнувала речиси целиот абдомен.

– По отворањето на абдоменот, наидовме на голема цистична туморска формација, со потекло од десниот јајчник, која го исполнуваше целиот абдомен. Беше извршена класична абдоминална хистеректомија со отстранување на двата јајчника и јајцеводите, а беа земени и дополнителни примероци за анализа и утврдување на стадиумот на заболувањето. Операцијата помина уредно – изјави д-р Јосиф Ѓорески.

Отстранетиот материјал бил испратен на хистопатолошка анализа, која треба прецизно да ја утврди природата на туморската формација.

За неа, операцијата не претставувала само завршување на една хируршка операција. Таа го означила крајот на повеќемесечната голгота, исполнета со болки и неизвесност.

– Среќна сум што ова конечно заврши. По сите стравови, повторно почувствував надеж. Голема благодарност до докторот и до целиот медицински тим, кои реагираа веднаш и ми помогнаа кога ми беше најпотребно – вели пациентката.

The post ОТСТРАНЕТ ТУМОР ПОГОЛЕМ ОД КОШАРКАРСКА ТОПКА КАЈ 44-ГОДИШНА ПАЦИЕНТКА Голготата завршила кога дошла на преглед во „Аџибадем Систина“ appeared first on plusinfo.mk.

Инцидент меѓу лекар и пациентка се случил во прилепската болница „Борка Талески“, по што двете страни се пријавиле во полиција.

Настанот бил пријавен на 24 февруари околу 14:30 часот во ОВР Прилеп. Според пријавата, 31-годишниот лекар Н.Ј. тврди дека бил физички нападнат од пациентката В.Ј. (68) додека бил на работното место и дека таа го попречувала во извршување на службените задачи.

Истиот ден, и пациентката поднела пријава во полиција, наведувајќи дека таа била физички нападната од лекарот.

Од полицијата информираат дека се преземаат мерки за целосно расчистување на случајот.

The post ТЕПАЧКА ВО ПРИЛЕПСКАТА БОЛНИЦА Лекар и пациентка се обвинуваат меѓусебно appeared first on plusinfo.mk.

Во Основниот кривичен суд Скопје денеска продолжи судењето за случајот „Геријатрија“ против поранешниот директор на Специјализираната болница за геријатриска и палијативна медицина Мухсин Арифи и негувателот Блерим Амити, обвинети за примање поткуп и награда за противзаконито влијание.

Судењето е во фаза на доказна постапка, при што Судот продолжи со сослушување на сведоци предложени од Обвинителството за гонење организиран криминал и корупција (ОЈО-ГОКК) и изведување на материјални докази од страна на одбраната на обвинетите.

Адвокатот Скендер Мехмети, бранител на обвинетите, пред Судот презентираше документи од Специјализираната болница за геријатриска и палијативна медицина, меѓу кои статут, процедури и законски одредби, со цел да покаже дека Арифи и Амити немале намера да извршат противзаконито дејствие. Според него, доказите упатуваат на тоа дека се работи за недоразбирање кое настанало во овој настан.

Жената која што ги пријави обвинетите за барање поткуп во замена за хоспитализација на неподвижна пациентка со повеќе здравствени проблеми, на минатото рочиште пред Судот сведочеше дека обвинетите Арифи и Амити барале 20.000 евра почетен капар, а крајната цел им била да се дојде до станот на пациентката.

Според нејзиното сведочење Арифи и Амити го злоупотребиле матичниот број на пациентката за да ја истражат нејзината имотна состојба, по што директорот Арифи преку обвинетиот Амити почнал да го бара недвижниот имот на пациентката. Настанот го пријавила откако директорот ѝ посочил дека тој одлучува кој пациент ќе биде примен во болницата, нагласувајќи дека директорот Арифи не отстапил од неговото барање од почеток до крај.

Обвинителството го товари Арифи дека побарал имотна корист од 20.000 евра за да овозможи болнички прием на пациентка во тешка здравствена состојба, додека Амити, пак, кој претходно го познавал сведокот, се понудил да посредува и ја примил паричната сума, при што бил фатен на самото место од страна на полицијата.

Обвинителката Искра Хаџи Василева, претходно пред Судот нагласи дека случајот е пример за длабоко вкоренета корупција во општеството. Хаџи Василева посочи дека обвинетите дејствувале од лукративни причини, со цел лично богатење, искористувајќи ја ранливоста на пациентката и нејзината потреба за итна медицинска грижа. Таа истакна дека сведокот, кој е давател на доживотна издршка на пациентката, го пријавил случајот, а доказите, според неа, јасно ги документираат коруптивните дејствија низ неколку сукцесивни настани.

Судскиот процес го водат судиите Ленка Давиткова и Илија Трпков. Судењето продолжува на 10 ноември 2025 година.

The post СЛУЧАЈОТ „ГЕРИЈАТРИЈА“ ПОКАЖУВА КОЛКУ Е ВКОРЕНЕТА КОРУПЦИЈАТА Прво ѝ зеле 20.000 евра, а целта им била да ѝ го земат станот appeared first on plusinfo.mk.

Надвор од животна опасност се четирите лица кои побарале помош по пожарот што избувна вчера во складиште  за рециклирање отпад во скопско Трубарево. На Клиниката за токсикологија е хоспитализирана жителка на Трубарево, а другите три лица (припадник на Армијата, директорот на Центарот за управување со кризи и полицаец), веќе се пуштени на домашно лекување, информираше денеска министерот за здравство Азир Алиу.

Кај хоспитализираната пациентка, која е со коморбидитети, се прават дополнителни анализи, се третирасоодветно и Алиу се надева дека бргу и таа ќе биде пуштена дома.

Министерството за здравство формираше кризен штаб по пожарот, направени се протоколи, а претходно објавените препораки од Институтот за јавно здравје (ИЈЗ) остануваат да важат.

Алиу најави дека Владата попладне на онлајн седница ќе донесе одлука учениците од училиштата во неспосредна близина на локацијата на пожарот да следат настава онлајн една недела.

Директорката на ИЈЗ Марија Андоновска соопшти дека според монитпорингот што го прават тие, нема отстапки на параметрите за радијација во воздухот.Во текот на денов ќе се направат дополнителни анализи, ќе се проверат почвата и водата во погодените места – рече Андоновска.

Апелира да се следат дадените препораки коишто, како што рече, се во согласност со сите светски стандарди и колку и да изгледаат едноставни и обични доколку се почитуваат особено од граѓаните од ранливите групи, со коморбитдитети, хронични заболувања, бремените жени и децата, можат да придоенсат да нема здравствени проблеми.

– ИЈЗ не прави физичко-хемиски анализи, туку ќе спроведе мониторинг на квалитетот на воздухот, почвата и водата, на радијацијата во воздухот. Според нашите анализи и сознанија во моментов нема отстапувања од минимумот на параметрите за радиоактивност во воздухот – рече Андоновска.

The post ЕДНА ЖЕНА Е ВО БОЛНИЦА ПОРАДИ ВДИШУВАЊЕ ЧАД ОД ПОЖАРОТ ВО ТРУБАРЕВО Тројца пациенти се испратени на домашно лекување appeared first on plusinfo.mk.

Косата на Кејт Мидлтон долго време е белег на нејзиниот стил, а за време на посетата на болницата „Ројал Марсден“, пациентка со рак откри дека принцезата споделила дека не морала да подлежи на терапија со „ладна капа“ – третман кој помага да се намали ризикот од губење на косата за време на нејзиното лекување од рак, објави Пипл.

• СИТЕ ЖЕНИ „ПОЛУДЕА“ ПО НОВАТА ФРИЗУРА НА КЕЈТ МИДЛТОН Дали ова ќе биде број 1 тренд во 2025?

На 14 јануари, принцезата од Велс направи ненадејна посета на болницата „Ројал Марсден“ во Лондон, каде што се сретна со персоналот и со пациентите кои беа на третман. Ненајавената посета се совпадна со потврдата дека принцезата претходно добила нега во болница. Кејт првпат ја откри дијагнозата на неодреден тип рак во март 2024 година и објави дека завршила со хемотерапија во септември. По посетата на болницата, таа ја сподели веста дека сега ракот е во ремисија.

Пациентка на третман за рак, Кетрин Филд, која ја запознала принцезата Кејт за време на нејзината посета, во ексклузивно интервју за Пипл кажува дека тие две разговарале за терапијата со „ладна капа“ – систем за ладење на скалпот кој може да помогне во намалувањето на опаѓањето на косата за време на хемотерапијата, според Американското здружение за рак.

Филд, која носела „ладна капа“ во тоа време, рече дека разговорот придонел до продлабочување на нивната лична врска за време на средбата.

– Го мразам тоа, но мислам дека делува. Денеска ми паѓа малку коса, но само се обидувам да го одложам сето тоа – вели Филд, историчарка на уметност и кураторка.

На прашањето дали принцезата Кејт спомнала дека користи „ладна капа“, Филд споделува дека Мидлтон само рекла дека таква капа не ѝ била потребна.

– Таа само рече дека не мора да ја има. Би било страшно да ја изгуби косата која е толку иконична. Сите ја сакаат нејзината коса – објаснува пациентката.

Филд вели дека веднаш почувствувала спокој кога ја запознала принцезата Кејт за време на нејзината четврта сесија на третман во медицинскиот центар.

– Беше исто како да разговарате со пријателка за едно навистина ужасно време во животот и за вашите начини да минете низ тоа време. „Треба да се ​​открие новото нормално“, рече таа (Кејт Мидлтон), што е апсолутно точно – вели кураторката.

Кејт е полна со емпатија и со топлина

На срдечна фотографија од посетата на принцезата Кејт на „Ројал Марсден“, благородничката ја става својата смирувачка рака на коленото на Филд додека таа е подложена на третман.

– Навистина ми се допаѓа фотографијата. Тоа беше посебен момент што малку луѓе можат да го имаат. За жал, морав да имам рак за да го добијам тој миг, но сигурно ќе го додадам во мојот албум. Сакам да се сеќавам на доброто, а не само на лошото. – објаснува Филд.

Филд истакна дека благородничката со својата емпатија е утешна, но и енергична.

– Беше навистина убаво да се разговара со неа. Таа беше само прекрасна. Таа е топла и едноставно имав чувство дека седам со пријателка на разговор, што е тешко да се постигне во тие околности. Таа е многу посебна штом може да се поврзе со луѓето толку брзо и толку емпатично – вели кураторката.

Филд го опишува гестот на Кејт да посегне по нејзиното колено како „момент на поврзување“ што не го очекувала.

– Мислам дека очекував да биде формално и вкочането, но беше далеку од тоа – рекла пациентката.

Како и Анџела Тери, друга пациентка од рак која се лекува во „Ројал Марсден“ и која ја запозна принцезата на 14 јануари, Филд била воодушевена од вистинската природа на Кејт, која ѝ оставила траен впечаток.

• РАКОТ НА КЕЈТ МИДЛТОН Е ВО РЕМИСИЈА Битката со болеста ја зближи со многу луѓе, а принцезата продолжува напред

– Таа е само многу искрена. И двете бевме на иста страна, зборувајќи за тоа колку сме среќни – или бевме – што ја добиваме најневеројатната грижа од „Ројал Мардсен“. Тоа беше мојата четврта сесија; почнувате да ги препознавате луѓето, а ги запознавате и медицинските сестри. Постои едно чувство на заедница. Не им кажав на многу луѓе за мојата дијагноза, а и не разговарав со други кои биле подложени на третман, па затоа беше убаво да разговарам со неа бидејќи неодамна помина низ тоа – додава Филд.

Кејт и Филд се зближиле, тие споделувале слично искуство

Кејт Мидлтон ја прашала Филд како се справува со третманот.

– Нејзиното прво прашање беше: „Како се чувствуваш од третманот?“ Ѝ реков: „Ужасно“, па мислам дека тоа ја постави атмосферата за да се опуштиме. Разговаравме за тоа колку е долго патувањето (минувањето низ терапијата за рак). Се оперирав во септември, а потоа бев на хемотерапија, која сѐ уште трае, а која ќе заврши во март. Потоа следува радиотерапија, па хормонска терапија – тоа е навистина долго патување. За да мора таа да го направи тоа во очите на јавноста… не можам ни да замислам, не знам како таа го прави сето тоа, со три деца исто така – објаснува Филд.

Принцезата од Велс, која ги има 11-годишниот принц Џорџ, 9-годишната принцеза Шарлот и 6-годишниот принц Луис со нејзиниот сопруг принцот Вилијам, не ги откри конкретните детали за нејзиниот рак. Сепак, за време на нејзината посета на „Ројал Мардсен“, Кејт ги сподели своите најискрени сознанија за нејзиното патување низ борбата со ракот, од нејзината потреба за „многу вода и за сончева светлина“ до „врзаноста“ за нејзиниот порт за хемотерапија.

– Бев навистина импресионирана од тоа колку време мина со мене. Штотуку го ставив портот (интравенскиот уред за нејзиниот третман) во петокот, кој е веднаш под мојата клучна коска, така што тоа сè уште е многу фрагилно, но додека таа пристигна, мојата медицинска сестра само што ја беше започнала хемотерапијата, за среќа – вели Филд.

Филд објаснува дека Кејт споделила оти и таа имала порт и оти рекла дека тоа е една од најдобрите работи.

– Не сум во истата точка, па мислам дека таа се обидуваше да ме смири. Тоа (портот) ги забрзува нештата и ќе биде подобро штом отокот се намали – објаснува Филд.

Клиниката „Кливленд“ го дефинира хемопортот како мал, имплантиран уред, дизајниран да спроведува третмани, вклучително и хемотерапија, директно преку вена.

– Сите беа возбудени што ја видоа, сите ние бевме многу среќни што сме во „Ројал Мардсен“. Успеваат да ви донесат чај во моментот кога ви е најпотребен – додава Филд.

Принцезата од Велс ќе помогне во борбата против ракот

Принцезата Кејт ја изрази својата лична благодарност до „Ројал Мардсен“ во објава на социјалните мрежи по нејзината посета на болницата, заедно со споделената потресна фотографија од себе со Филд.

„Сакав да ја искористам приликата да ѝ се заблагодарам на болницата ‘Ројал Марсден’ што толку добро се грижеше за мене во текот на изминатата година. Од срце им благодарам на сите оние кои тивко чекореа крај Вилијам и крај мене додека навигиравме сè. Добивме сѐ што ни беше потребно. Грижата и советите, што ги добивме во текот на моето време како пациент, беа исклучителни. Во мојата нова улога како Заеднички покровител на ‘Ројал Мардсен’, се надевам дека со поддршката на револуционерните истражувања и на клиничката извонредност, како и со промовирање на благосостојбата на пациентите и на семејството, би можеле да спасиме уште многу животи и да им го трансформираме искуството на сите засегнати од рак“, напиша Кејт во својата објава.

Благородничката го нарече „олеснување“ тоа што нејзиниот рак е во ремисија и рече дека останува фокусирана на нејзиното закрепнување.

„Како што знае секој, кој доживеал дијагноза на рак, потребно е време за да се прилагоди на новата нормалност. Сепак, со нетрпение очекувам да ми биде исполнета годината што следи. Има многу што да се очекува. Ви благодариме на сите за вашата континуирана поддршка, “ додаде таа во својата објава.

I wanted to take the opportunity to say thank you to The Royal Marsden for looking after me so well during the past year.

My heartfelt thanks goes to all those who have quietly walked alongside William and me as we have navigated everything.

We couldn’t have asked for more.… pic.twitter.com/f3sA7yZdOi

— The Prince and Princess of Wales (@KensingtonRoyal) January 14, 2025

The post КАКО КЕЈТ МИДЛТОН ЈА ЗАЧУВА СВОЈАТА ПРЕКРАСНА КОСА ЗА ВРЕМЕ НА ХЕМОТЕРАПИЈАТА? Ексклузивно интервју со пациентка што се зближила со принцезата од Велс appeared first on plusinfo.mk.

Според информациите, тинејџерката во придружба на родителите побарала стоматолошка помош поради интензивна забоболка.

По вадењето на забот во приватна ординација, ситуацијата наеднаш се влошила. Гнојот од забот се проширил по вратот, предизвикувајќи сериозна инфекција која резултирала со развој на сепса.

Девојчето во критична состојба е итно префрлено во КЦУС, каде лекарите вложиле максимални напори да ја спасат, но, за жал, компликациите биле фатални.

Повеќе информации за овој случај ќе бидат познати подоцна.

Да потсетиме, пред неколку месеци сличен случај ја потресе Ѓаковица.

Имено, пациентката Л.Ш. починалa по вадење заб во стоматолошката ординација сопственост на Џ.К. Лекарите од болницата во Малишево утврдиле дека смртта на пациентката е последица на примена на несоодветни методи и терапија при вадење на заб.

Основниот суд во Ѓаковица донесе решение со кое стоматологот чии иницијали се Џ.К. му е изречена едномесечен притвор, додека на неговата медицинска сестра Х.К. ѝ е одреден едномесечен домашен притвор. Оваа одлука уследи по смртта на пациентка на која стоматологот Џ.К. го извадил забот во својата приватна стоматолошка ординација.

Стоматологот Џ.К. е осомничен за кривични дела несовесно постапување и неовластено вршење на медицина. Сестрата на обвинетиот, Х.К., е осомничена за незаконско вршење на медицина и фалсификување документи.

The post ТРАГЕДИЈА ВО САРАЕВО Тинејџерка умрела после вадење на забот appeared first on plusinfo.mk.

Вчера, во гостиварската болница, ќерка на еден пациент нападнала друга пациентка на Одделението за хирургија.

Настанот вчера бил пријавен во 18.45 часот во ОВР Гостивар, од страна на А.С.(45) од гостиварско Трново, медицинска сестра во гостиварската болница „Ферид Мурад“.

Медицинската сестра пријавила дека околу 18.30 часот на Одделението за хирургија, ќерка на еден пациент го нарушила јавниот ред и мир со агресивно однесување кон друга пациентка.

Од СВР Тетово преземаат мерки за расчистување на случајот.

The post ДРАМА ВО ГОСТИВАРСКАТА БОЛНИЦА Жена нападнала пациентка на Одделението за хирургија appeared first on plusinfo.mk.

Според Таравари, пациентката на 48-години не починала поради нехоспитализирањето.

– Причината за смртта, сигурен сум дека не е реновирањето на Инфективна клиника. Се работи за случај со акутна леукемија. Тоа е сериозна болест која има обично лоша прогноза. Пациентката е третирана на Хематологија по сите протоколи. Пациентката е 47-годишна, во петта декада. И во меѓувреме е инфицирана од Сарс-Ков-2, што е нормално, го поминуваме сите, нормална инфекција. За пациентката е повикан и консултиран и инфектолог, и анестезиолог. Дадена е соодветна терапија. Треба да знаеме од што починала. Добила повторно терапија деновиве. Така што, дајте да добиеме дефинитивни податоци – рече Таравари.

The post ПАЦИЕНТКАТА БОЛНА ОД КОВИД НЕ ПОЧИНА ПОРАДИ ЛЕКАРСКА ГРЕШКА Причината за смртта не е реновирањето на Инфективна, тврди Таравари appeared first on plusinfo.mk.

Сајбер нападот предизвикал сериозни, па дури и фатални медицински грешки.

Се случиле и други сериозни инциденти, на пример, пациенти добиле погрешни лекови што резултирало со компликации опасни по живот.

Ова повлекува дискусија за етичките импликации на хакирањето, надвор од самото загрозување на сајбер безбедноста, особено кога станува збор за здравствени установи.

The post ШТО КОГА ХАКИРАЊЕТО ЌЕ ПРЕДИЗВИКА УБИСТВО? Пациентка во Мичиген починала поради сајбер напад врз болничката мрежа appeared first on plusinfo.mk.