Паркирањето во Општина Центар ќе биде бесплатно за време на Велигденските празници, соопшти ЈП Паркинзи на Општина Центар.

Граѓаните ќе можат да паркираат без надомест на 10 април (петок), 12 април (недела) и 13 април 2026 година (понеделник) на сите отворени паркиралишта со кои стопанисува претпријатието. Исклучок се затворените паркиралишта „Дилајла“, „Трготекстил“ и „Палома Бјанка“, каде наплатата ќе се одвива според редовниот режим.

„Паркирањето во Општина Центар за време на Велигденските празници ќе биде без наплата за сите граѓани, со исклучок на затворените паркиралишта со автоматска наплата“, информираат од ЈП ПОЦ.

Според програмата за неработни денови, 11 април (сабота) е работен ден, па паркиралиштата ќе функционираат со вообичаено работно време.

Од претпријатието додаваат дека депото на „Пајак“ службата ќе работи непрекинато, 24 часа во текот на празниците.

Редовната наплата и издавањето договори во Дирекцијата на ЈП ПОЦ ќе продолжат од 14 април (вторник), со стандардно работно време.

The post БЕСПЛАТНО ПАРКИРАЊЕ ЗА ВЕЛИГДЕН Три дена без наплата во Центар, но не и во затворените паркиралишта appeared first on plusinfo.mk.

Сообраќајниот метеж и блокадите што со години се повторуваат во зимските туристички центри Маврово и Попова Шапка, годинава треба да се спречат со засилени полициски мерки и поинаков режим на движење. Од СВР Тетово информираат дека и оваа сезона се применува кружен тек на сообраќај, со цел да се избегнат застои и целосно блокирање на патиштата.

Сепак, најголем проблем и понатаму се несовесните возачи кои не ги почитуваат правилата, како и возилата паркирани покрај коловозот. Токму таквото паркирање, велат од полицијата, го оневозможува чистењето на снегот и на одредени делници кон Маврово и целосно го укинува двонасочниот сообраќај.

Пред почетокот на зимската сезона, СВР Тетово одржала повеќе средби со сопственици и менаџери на хотели и угостителски објекти во Маврово и на Попова Шапка. На нив им било укажано да преземат мерки за безбедноста на гостите, но и да обезбедат доволен број паркинг места за посетителите, за да се избегне хаосот на патиштата.

Од полицијата потсетуваат дека во минатите години честопати биле принудени дополнително да ангажираат полициски службеници од други подрачја, кои рачно го регулирале сообраќајот и ги расчистувале блокадите. За да не се повтори тоа сценарио, граѓаните се повикуваат строго да ги почитуваат сообраќајните правила, да не паркираат на коловоз и да не тргнуваат кон планинските центри без задолжителна зимска опрема.

Во случај возилата да го попречуваат сообраќајот, ќе бидат ангажирани и пајак-службите од Тетово и Гостивар, а прекршителите ќе бидат санкционирани согласно законот.

Од СВР Тетово порачуваат дека само со одговорно однесување може да се обезбеди безбедно и непречено движење за сите посетители на зимските туристички центри.

The post 📽️ 📷 СТРОГ РЕЖИМ ВО МАВРОВО И НА ПОПОВА ШАПКА Кружен сообраќај и казни за несовесни возачи appeared first on plusinfo.mk.

Паркирањето во Општина Центар за време на новогодишните и божиќни празници ќе биде без наплата за сите граѓани, соопшти Општина Центар.

„На 01.01.2026 година (четврток) сите паркиралишта со кои стопанисува ЈП ПОЦ ќе бидат без наплата за сите граѓани. Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 02.01.2026 година (петок) со вообичаено работно време.

За време на божиќните празници на 06.01. (вторник), 07.01. (среда) сите паркиралишта со кои стопанисува ЈП Паркинзи на Општина Центар ќе бидат без наплата за граѓаните. Редовната наплата за паркирање на паркиралиштата и издавање на договори во Дирекцијата ќе продолжи на 08.01.2026 година (четврток) со вообичаено работно време.

Депото на ‘Пајак’ службата на ЈП ПОЦ ќе работи 24/7 за време на празниците како и затворените паркиралишта ‘Дилајла’ со автоматска наплата и ‘Трготекстил’, каде што наплатата ќе се одвива согласно редовниот режим.

Тимот на ЈП Паркинзи на Општина Центар Ви посакува среќни новогодишни и божиќни празници“.

The post БЕСПЛАТЕН ПАРКИНГ ВО ЦЕНТАР ЗА ПРАЗНИЦИТЕ Првиот ден од новата година и за Бадник и Божиќ нема да се наплаќа appeared first on plusinfo.mk.

Снимка од таксист кој за да спречи неговото возило да биде кренато од пајак службата се качи на покривот на возилото се споделува на социјалните мрежи. Од снимката може да се види дека се работи за паркингот кај скопската железничка станица.

The post 📽️ СЕ КАЧИ ЗА ДА ГО СПРЕЧИ ПАЈАКОТ ДА ГО СОБЕРЕ ВОЗИЛОТО Не успеа „подвигот“ на скопски таксист appeared first on plusinfo.mk.

„Нема потреба од никакви коментари. Постапено е според позитивните прописи што важат во вакви случаи“, вака накратко за порталот Скопје1 одговори поранешниот министер за надворешни работи и амбасадор, Срѓан Керим, откако беше прашан за несовесното паркирање на луксузно „порше“ во скопската населба Дебар Маало.

Возилото, кое предизвика бројни реакции во јавноста, не е сопственост на полициски службеник, како што првично се шпекулираше, туку токму на Керим.

Информациите од Министерството за внатрешни работи (МВР) го потврдуваат ова, бидејќи во нив стои дека на возачот со иницијали С.К. му бил издаден платен налог, што укажува дека токму Керим го управувал возилото во моментот на прекршокот.

Случајот останува актуелен поради тоа што отвора прашања околу односот кон законот и привилегиите на јавни личности и поранешни функционери, дури и оние во пензија.

Како што утрово објавивме, на социјалните мрежи се појави видео на коешто се гледа како граѓани се расправаат со службеното лице на Пајак-службата кој одбива да отстрани неправилно паркирано возило на велосипедска патека пред ресторан во скопската населба Дебар Маало.

• ДРАМА ВО ДЕБАР МААЛО Пајак служба одби да собере луксузно возило на полицаец, граѓаните збеснаа

Полицаецот одбивал да го крене возилото, објаснувајќи дека станува збор за службено возило, а дека неговиот сопственик е полицаец на должност.

Сепак, по консултација по телефон и поради инсистирањето на граѓаните, на крајот рекол: „Кревајте го“, по што вработените од ПОЦ го отстраниле возилото.

МВР ТВРДИ ДЕКА „ПОРШЕТО“ НЕ БИЛО НА ПОЛИЦАЕЦ Пајак службата чекала налог, вината е кај службеното лице, вели Герасимовски

The post СРЃАН КЕРИМ Е ГАЗДАТА НА ЛУКСУЗНОТО „ПОРШЕ“ Еве како поранешниот амбасадор го искоментира инцидентот во Дебар Маало appeared first on plusinfo.mk.

Видео снимката која ги преплави социјалните мрежи, во врска со автомобил „порше“ кој е непрописно паркиран во Дебар Маало, е од настан кој се случил во сабота, на 22 март, потврдуваат од МВР за Курир.

– Возилото е подигнато од страна на ПОЦ и од страна на СВР Скопје е издаден платен налог. Исто така ве информираме дека предметното возилото не е на полициски службеник – појаснуваат од Министерството.

Пајак службата не е виновна

Градоначалникот на Општина Центар, Горан Герасимовски, истакнува дека се крајно некоректни и манипулативни обидите од некои медиуми да се префрли одговорноста на Пајак службата на ЈП „Паркинзи на Општина Центар“ (ПОЦ) која професионално си ја врши работата.

„Отстранувањето на непрописно паркираните возила е по налог на службено овластено лице. Во случајов нашите вработени воопшто не го стопираат кревањето, туку едноставно чекаат налог од страна на службеното лице, полицаец. По добивање на истиот, веднаш постапуваат и го креваат возилото“, напиша Герасимовски на својот профил на Фејсбук.

Тоа впрочем и го објаснува службеникот од ПОЦ во самото видео, додава градоначалникот на Општина Центар.

„Благодарност до екипите на ПОЦ кои неуморно работат на санкционирање на несовесни возачи. Ја поздравувам и активноста на граѓаните кои бараат санкционирање на сите оние коишто со своите возила ги блокираат улиците и велосипедските патеки во Центар. Истовремено, недозволиво е полициски службеник да не сака да си ја врши својата работа. Барам од МВР да ги санкционира полициските службеници кои не постапуваат при очигледни прекршоци. Недозволива е селективноста при казнување на граѓаните“, потенцира Герасимовски.

Според она што се слуша на видеото, возилото стоело повеќе од 4 часа на велосипедска патека, а полицаецот кој е присутен заедно со вработените во пајак службата, вели дека возилото е службено, а сопственик е полицаец на должност.

ДРАМА ВО ДЕБАР МААЛО Пајак служба одби да собере луксузно возило на полицаец, граѓаните збеснаа

The post МВР ТВРДИ ДЕКА „ПОРШЕТО“ НЕ БИЛО НА ПОЛИЦАЕЦ Пајак службата чекала налог, вината е кај службеното лице, вели Герасимовски appeared first on plusinfo.mk.

Според пријавата што ја поднел М.В. (49), тој бил нападнат од страна на М.Ј. (48), жител на Скопје, кој претходно имал проблем со подигнатото возило. Инцидентот се случил додека М.В. вршел работни задачи како возач во пајак службата.

Полицијата веднаш го регистрирала случајот и по целосно документирање на настанот, ќе следува соодветен правен поднесок.

The post ГО НАПАДНАЛ ВОЗАЧОТ НА „ПАЈАКОТ“ ЗAШТО МУ ГО КРЕНАЛ ВОЗИЛОТО Инцидент во Центар поради подигнат автомобил appeared first on plusinfo.mk.

Седумдесет напуштени и хаварисани возила досега се отстранети од јавните површини на подрачејто на Општина Центар во рамки на акцијата што општината ја спроведува во соработка со ЈП „Паркинзи на Општина Центар“ и МВР, информираа од Општина Центар.

Општинските служби поставиле опомени на 95 возила, од кои 30 се подигнати од Пајак-службата на ПОЦ, 20 се отстранети од сопствениците, а дополнителни 20 возила се дислоцирани по телефонска пријава од граѓаните.

Градоначалникот Горан Герасимовски им се заблагодарил на граѓаните кои покажале совесност и одговорност и се приклучиле на акцијата.

– Целта е да се расчистат јавните простори, паркинг местата, тротоарите и другите површини од возила кои со години скапуваат и пропаѓаат. Апелирам до сите граѓани да ги пријават или сами да ги отстранат возилата кои не се во употребна функција или возна состојба. Возилата ќе бидат бесплатно транспортирани во депото и ќе им биде направена проценка согласно откупната цена за старо железо – истакнал Герасимовски.

Граѓаните можат да пријават хаварисани возила на бесплатниот телефонски број 076 350 767. Општина Центар информира дека акцијата ќе продолжи со несмален интензитет, ослободувајќи простор за нови паркинг места и создавајќи поуредена и почиста средина за сите граѓани.

The post ГОЛЕМА АКЦИЈА ВО СРЦЕТО НА СКОПЈЕ 70 возила веќе исчезнаа од јавните површини appeared first on plusinfo.mk.

Вработена во Јавно претпријатие „Куманово паркинг”В.И.(30), денеска околу 4.00 часот изутрина пријавила дека на работното место во депо на „пајак” службата била физички нападната од едно женско лице.

А.Д.Ј.(48) од Скопје вчера пријавила во СВР Скопје дека околу 12.30 часот на подрачјето на Центар нејзиниот малолетен син бил физички нападнат од неколку малолетници.

Вчера околу 15.00 часот на пазар на подрачјето на Центар, по претходно недоразбирање, дошло до физичка пресметка помеѓу Р.С.(60) од една страна и С.А.(52) и А.Р.(53), од друга страна, сите од Скопје.

На 28.02.2024 во 10.00 часот во СВР Скопје, С.О.(51) од Скопје пријавил дека на 27.02.2024 околу 20.00 часот пред угостителски објект на подрачјето на Бит Пазар бил физички нападнат од К.К., И.Н. и уште едно лице.

На 28.02.2024 во 15.52 часот во СВР Скопје, Ш.Љ.(41) од Скопје пријавил дека во средно училиште на подрачјето на Бит Пазар, неговиот малолетен син бил физички нападнат од едно лице.

The post МАЛОЛЕТНИК БОДЕЛ СО НОЖ, ЖЕНА ИСТЕПАЛА ВРАБОТЕНА ВО ПАЈАК СЛУЖБА Билтенот на МВР врие од насилство appeared first on plusinfo.mk.

ЈП „Градски паркинг“ – Скопје ја известува јавноста дека рокот на ревизијата на договорите за користење на паркинг услуги која ја спроведува претпријатието на сите паркиралишта со кои стопанисува завршува до крајот на тековната 2022 година.

– Поради ова, упатуваме потсетување до сите корисници на паркинг услугите по основ на категориите: станар, вработен во правен субјект, правно лице и физичко лице, да ги ажурираат своите податоци и воедно да ги обноват своите договори во рокот што преостанува. Доколку корисниците на електронските картици за затворении паркиралишта како и заведените лица за зонско паркирање во нашиот систем по горенаведените основи не ги ажурираат своите податоци и не ги обноват договорите додека трае ревизијата, како претпријатие ќе сметаме дека истите се откажуваат од користење на овие услуги за следната календарска 2023 година. Како што веќе во неколку наврати јавно објавивме, ажурирање на податоците и обнова на договор корисниците на градски паркинг може да извршат во канцелариите на ЈП „Градски паркинг“ – Скопје, кои се наоѓаат во Центар на ул. Ѓуро Стругар“ бр. 15А (до катната гаража „Беко“), или во Аеродром на бул. „Јане Сандански“ бр.113, во зависност во кој реон се користи паркингот – информираат од ЈП „Градски паркинг“ – Скопје.

The post ЌЕ ИГРА „ПАЈАКОТ“ ПО НОВА ГОДИНА Од Градски паркинг ги потсетуваат станарите и правните субјекти да ги обноват договорите appeared first on plusinfo.mk.