– Главниот мотив за започнување на проектот лежи во стратешката определба, која постои уште од самото основање на нашата компанија ‒ да се грижиме за животната средина, а притоа да ги мотивираме своите вработени, како и други поединци и компании да го сторат истото, придонесувајќи кон создавање поздрава животна средина за сите нас и за идните генерации. Не треба да го игнорираме фактот дека природата може без нас, но ние не можеме без неа. Должни сме да ги чуваме и да ги обновуваме природните ресурси, за да можеме соодветно да одговориме на сите предизвици што ни претстојат. Тоа, пак, сакаме да го направиме преку зачувување и обновување на шумите, кои се нашиот главен извор на кислород и симбол на животот – изјавија од компанијата, најавувајќи го почетокот на проектот.

Пошумувањето ќе се реализира во ноември, на локација која е во непосредна близина на автопатот Миладиновци-Штип и е одбрана во заедничка соработка со стручните лица од ЈП Национални шуми и Факултетот за шумарство.

Дм како компанија изрази големо задоволство за поддршката од ЈП Национални шуми, како и од Факултетот за шумарство кои несебично ја прифатија поканата за овој проект која влијае во подигнување на свеста за грижата на животната средина.

– Сите нѐ препознаваат како општествено одговорна компанија којашто се грижи за животната средина што за нас е голем мотив да продолжиме подобро и посилно во нашите цели. Вака и започна овој проект. Овој проект е и главната стратешка определба на дм да се грижи за животната средина. Не смееме да го игнорираме фактот дека природата може без нас но ние без неа не. Токму затоа треба да се грижиме за шумите бидејќи тие се извор на кислород а и со тоа извор на живот. Нашите купувачи се нашите партнери токму затоа од 16 август до 30 септември со купување на кој било дм марка производ донирате 1 денар токму за овој проект – изјави Гордана Грумеска, менаџер за набавка во дм дрогерие маркт.

Гордана Грумеска, менаџер за набавка во дм дрогерие маркт

– Шумата е една продавница за кислород, магацин за јаглерод диоксид и филтер за вода. Ова е доволно јасно колку е сериозна акцијата која ја започнува дм. Донацијата од дм е најголемата донација што ЈП Национални шуми некогаш ја добила, станува збор за 1 милион денари и пошумување 10 хектари земја или 100.000 квадратни метри. Ќе бидат засадени 10.000 багреми и 17.000 чемпреси – изјави Валентин Груевски директор на ЈП Национални шуми.

Со донирање средства за нова опрема за ЈП Национални шуми, Дм дрогерие маркт тежнее кон тоа проектот да достигне трајни вредности, кои од година во година ќе се облагородуваат.

Овој проект следствено ја продолжува определбата на компанијата за зачувување на животната средина: проширување на асортиманот со голем број еколошки производи, производи неутрални за животната средина, цврсти производи, како и органски и природни производи, производи со рециклирачки пакувања и без микропластика, проектот „Трајна торба за цел живот“, преку кој купувачите на дм дрогериите од 2015, еднаш купената памучна торба за пазарување, бесплатно можат да ја заменат за нова, при какво било нејзино оштетување, прва компанија која уште во 2019, со самоволна одлука ги повлече од промет пластичните кеси за една употреба.

– Благодарност до корпорацијата дм и иницијативата што ја покажа. Овие хектари не се некој голем број, сепак оваа активност се разликува од сите досегашни и претходни. Едукативниот аспект на кој инсистираше корпорацијата дм, како и следењето на успешност и придонесување со додатни мерки со нега на посадените садници се нешто што досега не беше типично за праксата во Македонија. Се надевам дека овој проект ќе биде иницијална каписла за едно поголемо општествено освестување – изјави  проф. д-р Кирил Сотировски, декан на Факултетот за шумарски науки.

Со започнување на овој проект, Дм дрогерие маркт уште еднаш ја потврди својата позиција како еколошки-одговорна компанија која постојано, преку разни активности вложува во зачувувањето на животната средина, со што влијае на подигнувањето на свеста за грижата за животната средина.

The post КУПУВАЈТЕ ВО ДМ И ДОНИРАЈТЕ ЗА ПОШУМУВАЊЕ! Од 16 август до 30 септември по 1 денар оди за купување садници appeared first on plusinfo.mk.

Претпријатието во демант испратен до медиумите информира дека Државниот инспекторат за шумарство и ловство, како и вработени во ПШС „Куманово“ по вчерашна пријава на случајот, извршиле увид на терен при што констатирале дека е работено со градежна машина само на крак кај водопадот и во водотекот.

– Градежната машина со која е работено не е во сопственост на ЈП „Национални шуми“, а кој ја ангажирал и зошто ја ангажирал оваа градежна машина ќе утврдат надлежните институции од МВР – наведува ЈП „Национални шуми“.

Освен што демантира дека има каква било сеча на овој потег, ЈП „Национални шуми“ нагласува и дека Подрачното шумско стопанство (ПШС) „Куманово““ сѐ уште нема почнато со активности на терен, ниту врши реконструкција на патишта.

„Љубителите на планината деновиве имаат доставено информации и фотографии до некои локални медиуми тврдејќи дека ЈП „Национални шуми“ работат на терен и се уништува природното богатство. ЈП „Национални шуми“ демантира дека има сеча на шума во близина на водопадот во Длабочица, Старо Нагоричане. ПШС „Куманово“-Куманово информира дека во ШСЕ Козјак,според Посебниот план за стопанисување со шуми и согласно Програмата за работа за 2020 година е предвидена пребирна сеча и е извршена ознака за сеча во одделот 6а, во високостеблен буков насад кој се наоѓа во близина на водопадот Длабочица на оддалеченост од два километра, пред водопадот. Во 2020 година, ПШС „Куманово“ информира дека нема почнато со активности на терен во поглед на сеча на дрвна маса или реконструкција на веќе постоечките патишта во тој потег“, се наведува во демантот.

ЈП „Национални шуми“ ги отфрла и остро ги осудува и обвинувањата за наводно нееколошко однесување. Тврди дека работи строго според принципите на одржливо стопанисување со шумите.

„Општокорисните функции како економската, социјалната и еколошката функција на шумите се од огромно значење за одржливиот развој на општеството и за подобрување на квалитетот на животот, особено во руралните и планински подрачја и претставуваат основа на работењето на ЈП Национални шуми“, посочува ЈП „Национални шуми“.

The post „Национални шуми“: Нема сеча кај водопадот во Длабочица, МВР ќе утврди кој и зошто ангажирал градежна машина appeared first on plusinfo.mk.