Две непознати лица со употреба на сила отворале паркомати во неколку локации низ главниот град и одзеле пари. Ова во Секторот за внатрешни работи Скопје било денеска пријавено од страна на ЈП „Градски паркинг“.

Како што информираат од полицијата, во периодот од 04:03 до 05:50 часот биле насилно отворени паркомати во катната гаража „Разловечко востание“, во Комплексот клиники „Мајка Тереза“, на булеварот Кочо Рацин, како и во Градскиот трговски центар.

Од полицијата велат дека се преземаат мерки за целосно расчистување на случаите и пронаоѓање на сторителите.

The post НАПАД НА ПАРКОМАТИ ВО СКОПЈЕ Две лица одзеле пари од јавни паркинзи во текот на ноќта appeared first on plusinfo.mk.

Јавното претпријатие „Градски паркинг“ – Скопје ги известува граѓаните дека од среда, 1 октомври 2024 година, ќе стапи во сила зимското сметање на работното време на јавните површини наменети за паркирање – зонско.

Според новите правила, работното време во зоните А, Б и Ц ќе биде:

– од понеделник до петок – од 07:00 до 21:00 часот,

– во сабота – од 07:00 до 14:00 часот.

Во зоната Д, работното време останува исто, од понеделник до сабота – од 07:00 до 23:00 часот.

Од претпријатието апелираат возачите навреме да ја извршат наплатата при паркирање, за да избегнат дополнителни казни и проблеми.

„Им препорачуваме на сите корисници на нашите услуги да бидат внимателни и да ја вршат наплатата согласно новото работно време. Со оваа промена сакаме да обезбедиме поефикасно користење на паркинг-просторите и да им олесниме на граѓаните во текот на зимскиот период“, соопштуваат од ЈП „Градски паркинг“.

The post ГРАДСКИ ПАРКИНГ СО НОВО РАБОТНО ВРЕМЕ Од 1 октомври почнува зимскиот режим на зонско паркирање во Скопје appeared first on plusinfo.mk.

Министерството за здравство најавува целосно нов систем на управување со паркингот во кругот на Клиничкиот центар во Скопје. Според најавите на министерот Азир Алиу, ќе се воведат четири различни пристапи до паркинг-просторот, со различни цени за секоја категорија на корисници.

Најголемата новина е што онколошките пациенти ќе паркираат бесплатно, а пациентите со упат ќе имаат повластена, односно симболична цена, која ќе се разликува од досегашниот тарифник. Трета ценовна група ќе важи за вработените во здравствениот систем, а највисоката тарифа ќе ја плаќаат граѓаните кои во Клинички доаѓаат поради други причини и не се пациенти.

– Ќе има четири различни влезови на новиот паркинг на Клинички, односно за онколошки пациенти влезот ќе биде бесплатен, за пациенти со упат влезот ќе биде евтин, не знам колку е сега за да компарирам, за вработени ќе има трета цена и за граѓани кои доаѓаат поради икс причини ќе биде трета цена која што ќе биде најскапа. Ценовникот на паркингот нема да биде ист за сите, почнувајќи од нула денари до цени за граѓани кои што не се пациенти – изјави министерот Алиу.

На новинарско прашање поврзано со изградбата на новиот паркинг простор на Клинички, министерот рече дека наредната недела на прес-конференција ќе соопшти повеќе детали, но, вели, она што може да го каже во овој момент е тоа дека договорот ќе биде потпишан со Јавното претпријатие Градски паркинг кое и досега раководеше со паркингот на Клинички.

– Очекуваме во текот на денот да се потпише договорот помеѓу Министерство за здравство и ЈП Градски паркинг. Досега без потпишување на договор и конкретни чекори, не сакав во јавноста да излезам со информации … Исто така, ќе бидат отворени дополнителни влезови, еден од нив ќе биде отворен на Кардиологија за да може пациентите кои што имаат потреба од интервенција во таа Клиника да може директно таму да влезат. Излезите ќе бидат исти, бројот на паркинг места ќе биде дупло поголем од сега, поради оптимизацијата на просторот. Сега за сега, нема да има изградба на нов тврд или монтажен објект, бидејќи цениме дека со оваа оптимизација бројот на паркинг места ќе биде повеќе од доволно – рече Алиу.

Прашан зошто договорот се потпишува со истата институција која што раководеше со паркингот на Клинички, односно ЈП Градски паркинг, тој рече „мојот пристап како министер е да се работи со институции кои што имаат експертиза во областите“.

– Ние како институција внатре ја имаме институцијата за општи работи која што досега за жал нема таква експертиза и не сакаме да експериментираме со паркингот, а на ЈП Градски паркинг тоа им е бизнис и секојдневна работа, затоа цениме дека со нив би се контролирало подобро. Проблемот досега не беше во ЈП Градски паркинг, туку во менаџирање на процесите во паркингот. Знаете дека ниту ЈП Градски паркинг, ниту Министерството за здравство немаа некој процес за следење на активностите на паркингот. Сега дефинираме начин на плаќање, дефинираме начин на креирање на извештаи во реално време, значи 24 часа ќе се има мониторинг на целиот простор. Исто така, ќе има камери за следење на автомобилите. За цената се уште не е разговарано, ќе треба да има промени во цената – рече Алиу.

За тоа како ќе се направи поголем број на паркинг места, министерот рече дека има доста неискористен простор којшто ќе се искористи. Доколку има потреба и доколку оптимизирањето на паркинг просторот не даде резултати, тој нагласи дека ќе се размислува за монтирање на катна гаража.

– Знаете дека имаме позади Клинички простор којшто буквално не е достапен ни за пешаци, ниту за автомобили, едноставно тој ќе биде оптимизиран. Работеа неколку архитекти и според нив ќе имаме дупло повеќе паркинг простор отколку што имаме сега. Доколку имаме потреба и резултатите покажуваат дека и со ваков тип на паркинг места и со оптимизација на тие слободни паркинг места, нема да бидат доволни, ќе одиме со третата фаза, монтирање на катна гаража внатре. Јас и работната група сме многу сигурни дека нема да има потреба од тоа – рече Алиу.

The post БЕСПЛАТНО ЗА ОНКОЛОШКИТЕ ПАЦИЕНТИ, ВРАБОТЕНИТЕ СО ПОПУСТ Нов паркинг систем за Клинички, најскапо ќе плаќаат посетителите appeared first on plusinfo.mk.

Цените за паркирање на паркинзите на ЈП „Паркинзи Општина Центар“ се двојно повисоки од оние на ЈП „Градски паркинг“, кои по доаѓањето на функција на градоначалничката Данела Арсовска беа намалени за 25 отсто.

Јавните паркиралишта со кои стопанисува ПОЦ се поделени на 3 три паркинг зони, а цените во зависност од зоната се од 60 до 100 денари за час.

Граѓаните кои работат во централното градско подрачје постојано се жалат на проблемот да се најде паркинг во близина на своето работно место, исто така како проблем посочуваат дека е скапиот пракинг бидејќи ПОЦ наплаќа најскап паркинг во земјава, а оние кои имаат возила што не се на со скопски регистарски ознаки велат дека добиваат блокатори и при застанување пократко од неколку минути.

The post ТРИПАТИ ПОВЕЌЕ КАРТИЧКИ ОД ПАРКИНГ МЕСТА!? Паркирањето во Центар невозможна мисија appeared first on plusinfo.mk.

Од прес-службата на Град Скопје велат дека Пасху бил само времено решение.

– Досегашниот директор на ЈП „Градски паркинг“ Филип Пасху има нова работна позиција во Градот Скопје, поради која повеќе нема да ја извршува функцијата директор на ова јавно претпријатие – велат од Град Скопје.

Пасху беше поставен на в.д. директорската позиција на 31 декември.

Бојан Христовски е магистер на науки на Факултетот за безбедност, при Универзитетот „Св. Климент Охридски“, а во својата струка има поминато повеќе меѓународни обуки. Христовски од 2006 година има работно искуство во Министерството за внатрешни работи, каде бил на повеќе на раководни позиции.

The post ПО РЕЧИСИ ДВЕ НЕДЕЛИ ОТКАКО ГО ПОСТАВИ Арсовска го смени директорот на „Градски паркинг“ appeared first on plusinfo.mk.