Озонот се осиромашува и формира дупка над Антарктикот, која трае од август до октомври. Обично достигнува најголема големина помеѓу средината на септември и средината на октомври, според Коперник.

Откако значително порасна во изминатата недела, дупката сега е поголема од 75% од озонските дупки од претходните години во истата фаза, од сезоната од 1979 година, сега е поголема од континентот над кој се наоѓа.

– Оваа година, озонската дупка се разви како што се очекуваше на почетокот на сезоната. Сега нашите прогнози покажуваат дека годинашната дупка еволуираше во прилично поголема од вообичаената. Минатогодишната дупка, исто така, започна невообичаено во септември, но потоа се претвори во една од најдолготрајните озонски дупки во нашите податоци – рече Винсент-Анри Пеуч, директор на Коперник, во изјавата.

Атмосферскиот озон кој се наоѓа помеѓу 9 и 22 милји над Земјата, ги апсорбира ултравиолетовите зраци кои доаѓаат од сонцето, а неговото отсуство значи дека до Земјата директно допира високо енергетско зрачење.

Коперник го следи озонскиот слој користејќи компјутерско моделирање и набудувања на сателити и иако озонската обвивка покажува знаци на закрепнување, Коперник вели дека нема целосно да се опорави до 2060-тите или 2070-тите години, известува Си-Ен-Ен.

Тоа е така затоа што ќе биде потребно време да се видат ефектите од постепеното отстранување на хлорофлуоројаглеводородите кои го осиромашуваат озонскиот слој.

Хемикалиите за првпат беа регулирани со Монтреалскиот протокол, потпишан во 1987 година. Според Агенцијата за заштита на животната средина, се очекува да бидат исфрлени до 2030 година.

The post ОЗОНСКАТА ДУПКА ПОГОЛЕМА ОД ВООБИЧАЕНО Штитот на Земјата од ултравиолетови зраци осиромашува appeared first on plusinfo.mk.

Според податоците на Коперникус, концентрациите стратосферски озон паднале на „речиси нулта вредност“ над Антарктикот на надморска височина од 20-25 километри.

Експертите на Коперникус тврдат дека  причина за ширењето на озонската дупка овој пат бил силен и стабилен поларен вртлог, постојана област на низок притисок, која обично се наоѓа зад работ на големиот глечер Рос, на кој температурите можат да паднат и до минус 80 Целзиусови степени.

Тие ја повикаа меѓународната заедница да преземе поголеми напори за да се гарантира дека државите го почитуваат меѓународниот договор за постепено укинување на употребата на хемикалии што ја уништуваат озонската обвивка, како на пример хлорофлуорокарбонот.

Според нив, оваа озонска дупка без сомнеж е меѓу најголемите во последните 15 години. Истенчувањето на озонската обвивка над антарктичкиот континент првпат беше забележано во 1985 година.

Озонската дупка почнува да се шири секој август – на почетокот на пролетта на Антарктикот – и го достигнува својот врв околу октомври.

The post Озонската дупка на Антартикот достигна рекордна големина (ВИДЕО) appeared first on plusinfo.mk.