Озил, кој дојде од редовите на Арсенал, изрази надеж пред насобраните новинари оти ќе му помогне на клубот за кој отсекогаш навивал да ја освои сезонава титулата во турскиот шампионат.

Играчот за врска потпиша со Фенербахче договор на 3.5 години, што ќе му донесе заработка од три милиони евра по сезона.

Озил ја отфрли можноста од враќање во германската фудбалска репрезентација, за која последниот натпревар го одигра на Мундијалот во Русија во 2018 година, а како причина наведе дека бил изложен на расистички напади.

– Еднаш кога го избирам својот пат, никогаш не се враќам назад – порача новото засилување на Фенербахче.

The post Озил промовиран во Фенербахче appeared first on plusinfo.mk.

Фенербахче објави и фотографија од Озил откако беше подложен на лекарски преглед. -Јас сум навивач на Фенербахче. Затоа, јас сум многу среќен што сум во Турција. Бог ми даде можност да играм овде. Ќе се обидам да му помогнам на тимот. Долго време не сум на теренот, но сум во добра форма, изјави Озил.

Претходно беше објавено дека Арсенал ќе ја исплаќа платата на Озил во следните шест месеци. Потоа играчот ќе започне да заработува 5 милиони евра годишно во Фенербахче.

The post Озил потпиша за Фенербахче appeared first on plusinfo.mk.

Поранешниот германски репрезентативец Озил (32) во неделата официјално се збогува со премиерлигашот Арсенал, ден откако двете страни постигнаа договор за предвремен прекин на соработката, и синоќа слета во Истанбул на медицински прегледи во турскиот прволигаш.

Германецот со турско потекло се очекува да потпише трииполгодишен договор со клубот од Истанбул, откако мина седум години во редовите на Арсенал по трансферот од Реал Мадрид.

Паралелно со ова, за денеска е најавен и трансфер во Јувентус на хрватскиот репрезентативен напаѓач Марио Манџукиќ (34), кој ќе се врати во клубот за кој од 2015 до 2019 година одигра 117 натпревари и постигна 30 голови.

Според најавите, Манџукиќ ќе стави потпис на шестмесечен договор.

The post Озил во Фенербахче, Манџукиќ во Јувентус appeared first on plusinfo.mk.

Еркут Согут, агент на играчот за врска на Арсенал, Месут Озил, изјави дека фудбалерот нема намера да ги напушти „топџиите“ во зимскиот преоден рок.

– Срамота е што Месут не игра за Арсенал. Да, секој зборува за неговата голема плата, и јас разбирам зошто, но тука гледам неправедност, со оглед на креативноста и талентот на Озил. Многу екипи сакаат да го имаат во својот состав, но тој го почитува договорот и сака да игра за Арсенал. Месут е човек од збор, таквата лојалност ретко се среќава каде било овие времиња – истакна Согут за „Tuttomercatoweb“.

Триесет и двегодишниот Германец со турско потекло, не се појави на теренот во сезоната 2020/21. Арсенал одлучи да не го стави на списокот во сите натпреварувања.

Договорот на играчот „топџиите“ важи до крајот на јуни 2021 година.

The post Озил не сака да си замине од Арсенал во зимскиот преоден рок appeared first on plusinfo.mk.

Офанзивниот играч од средниот ред на Арсенал, Месут Озил и уште двајца играчи на Арсенал одбиле намалување на платите, објави клубот во понеделникот, пренесе „Мирор“.

Арсенал објави дека играчите, како и тренерот Микел Артета и неговиот персонал, се согласиле на намалување на платите од 12,5% поради пандемијата од коронавирус. Лондонскиот клуб потенцира дека парите ќе бидат вратени доколку се обнови сезоната 2019/20 и тимот ја постигне „определената цел“, што е јасно дека станува збор за влез во Лигата на шампиони.

Германецот, кој е најплатениот играч на „топџиите“ со плата од 350.000 фунти неделно, изјави дека сака да го процени економското влијание предизвикано од коронавирусот и затоа нема да брза со својата одлука. Озил ги известил своите соиграчи дека ја почитува нивната одлука, но тој сака останува на неговата.

Неговиот агент Херкит Согут претходно овој месец изјави дека ќе видиме како ќе се одрази состојбата со финансиите на клубовите за три до шест месеци, но не денес.

Имињата на другите двајца играчи на Арсенал не се објавени, а „Гардијан“ тврди дека преговорите со нив се во тек.

Англиското првенство беше прекинато во март и ќе започне повторно не порано од мај.

The post Најплатениот „топџија“ одбива да зема помала плата appeared first on plusinfo.mk.