Кели Озборн се раздели од својот вереник Сид Вилсон само седум месеци по неговата романтична понуда за брак, која се случи за време на последниот концерт на нејзиниот татко, легендарниот рокер Ози Озборн. Според медиумите, разделбата дошла ненадејно и ја затекнала Кели во шок, иако засега не се откриваат точните причини за раскинувањето.

Кели Озборн е британска пејачка, телевизиска личност и модна дизајнерка, најпозната како ќерка на рок-иконата Ози Озборн и Шерон Озборн. Таа стекна светска популарност преку реалното шоу „The Osbournes“, кое го следеше животот на нејзиното семејство. Во текот на кариерата се истакна и како водителка и коментаторка на модни емисии, но и како јавна личност која отворено зборува за личните предизвици.

Сид Вилсон, член на бендот Slipknot, ја запроси Кели во емотивна атмосфера, токму на настан кој имаше големо значење за нејзиното семејство. Нивната врска долго време беше во фокусот на јавноста, особено поради тоа што двајцата се познаваат со години пред да започнат романса.

Иако нивната љубов изгледаше стабилна и исполнета, блиски извори тврдат дека во последно време постоеле тензии. Дел од медиумите шпекулираат дека притисокот од јавноста и различните животни ритми можеби придонеле за одлуката да се разделат.

Засега, ниту Кели Озборн ниту Сид Вилсон јавно не се огласиле со официјално објаснување за раскинувањето, оставајќи простор за различни шпекулации во јавноста.

The post КЕЛИ ОЗБОРН СЕ РАЗДЕЛИ ОД СВОЈОТ ВЕРЕНИК СИД ВИЛСОН Вереничкиот прстен се стопи за седум месеци appeared first on plusinfo.mk.

– Ги гледам овие фотографии и тоа е ужасно. Не ја препознав – вели извор од музичката индустрија кој го познава семејството на сега покојниот Ози Озборн, за Page Six, коментирајќи ги неодамнешните фотографии на неговата ќерка Кели Озборн (41).

Иако луѓето беа шокирани од губењето на тежината на Кели во текот на изминатата година – а особено откако нејзиниот татко почина од срцев удар минатиот јули за време на неговата борба со Паркинсонова болест – реакциите беа уште поекстремни во текот на изминатите неколку месеци.

– Дури и да не сте слушнале за Озборнови, ќе бевте крајно збунети – и вознемирени – од тоа зошто оваа жена со изглед на мртовец беше на сцената, до нејзината слично кревка мајка, наместо под строга медицинска нега – напиша колумнистот на „Тајмс оф Лондон“, Хедли Фримен, по појавувањето на Кели и нејзината мајка Шерон на 28 февруари на доделувањето на наградите БРИТ во 2026 година.

– Беше шокантно. Не знам што се случува – вели изворот од музичката индустрија за изгледот на Кели.

– Навистина сум загрижен за неа. Ги видов фотографиите и си помислив: „О, што по ѓаволите се случи со неа?“ Изгледа лошо.

„Дали тука има нешто повеќе од тага?“

Шерон и Кели не одговориле на барањата за коментар.
Кели постојано инсистирала на тоа дека нејзината ултра слаба фигура се должи на тагувањето по смртта на нејзиниот татко, а Шерон рекла дека нејзината ќерка „го изгуби татко си… таа не може да јаде во моментов“.

Изворот вели дека тие биле „навистина загрижени“ за двете жени, бидејќи Шерон изгледа многу послаба од порано.

73-годишната жена отворено зборува за својот пат за слабеење низ годините, откривајќи дека земала лекови и дека била подложена на операција на желудникот. Во 2023 година, таа рекла дека се мачела да се здебели откако престанала да зема Оземпик, лекот на рецепт одобрен од ФДА за слабеење поврзано со дијабетес тип 2.

Таа признала за Дејли Меил дека се чувствувала „премногу слаба“ и рекла дека нејзината тежина паднала под 45 килограми. Шерон изјавила за Е! дека кога била најтешка, тежела 110 килограми.

Ози, според семеен извор, ја натерал Шерон да престане да го зема лекот откако изгубила значително количество тежина.

– Проблемот е што сега јаде, но не може да јаде доволно за да врати на тежина – рекол семејниот извор.

– Ова беше она што го лутеше Ози. Тој постојано велеше, кога таа примаше инјекции и имаше операции, „Ќе престанеш ли, те молам?“ Ози беше тој што стискаше на кочницата.

Самата Шерон изјави дека Ози „се плашел дека нешто ќе ѝ се случи“ и дека „нему [не] му се допаѓало“ губењето на тежината.

И, Кели, чија тежина исто така варирала со текот на годините, можеби била под влијание на нејзината мајка, тврди семејниот извор: „Кели живее со Шерон по смртта на Ози и мислам дека таа едноставно ја копира“.

Ози е погребан на имотот на семејството, „Велдерс Хаус“, во Бакингемшир, Англија.

Кели главно живее со својот вереник, рокерот од „Слипкнот“, Сид Вилсон и нивниот 3-годишен син, Сидни, на фарма во Ајова. Ози, Шерон и нивните деца – Кели, синот Џек, сега 40-годишен, и ќерката Ејми, 42-годишна – живееле во Беверли Хилс со години, вклучително и за време на снимањето на нивното MTV ријалити шоу „Озборнови“ од 2002 до 2005 година. „Ози го мразеше Лос Анџелес“, рекол изворот.

Растењето со такво влијание на јавен надзор, оставило данок на Кели – рекол истиот извор.

– Секоја акна што ја имаш е под светлото на рефлекторите. Тоа е вистински грозно шоу. Не знам како да излезете од тоа со какво било чувство на нормалност – рекол изворот.

Кели, која издржа јавно засрамување затоа што беше премногу дебела додека емисијата се емитуваше, призна дека се подложила на операција на желудникот за слабеење во 2018 година и негираше дека земала Оземпик.

Таа изјави во подкастот „Scheananigans with Scheana Shay“ дека откако била бремена со својот син и развила гестациски дијабетес, била на мисија откако се породила да ја изгуби целата тежина што ја добила со бременоста.

– А потоа си помислив, па, ја изгубив целата тежина од бебето, ајде да видиме колку далеку можам да одам со тоа. Отидов малку предалеку, но престанав – вели таа во подкастот.

Кели, исто така, призна дека го направила третманот Emsculpt, неинвазивна процедура за која се тврди дека користи електромагнетна енергија за согорување на масти и градење мускули.

Онлајн коментарите за кревкиот изглед на поранешната ко-водителка на „Fashion Police“ станаа толку гласни по доделувањето на наградите BRIT и Grammy – откако таа рече на црвениот тепих: „Не ми оди баш најдобро“ – што Кели се огласи на Инстаграм за да го објасни тоа.

– Постои посебен вид суровост во повредувањето на некој што очигледно поминува низ нешто. Да ме шутираш додека сум тажна, да се сомневаш во мене, да ги шириш моите борби како озборувања и да ми го свртиш грбот кога најмногу ми треба поддршка и љубов – рече таа.

The post ДАЛИ ЗАД ИЗГЛЕДОТ НА ВДОВИЦАТА И ЌЕРКАТА НА ОЗИ ОЗБОРН ИМА НЕШТО ПОВЕЌЕ ОД ТАГА? „Застрашувачките“ фотографии на Кели и Шерон Озборн ги загрижија пријателите appeared first on plusinfo.mk.

Кели Озборн, ќерка на Ози и Шерон Озборн, неодамна гo привлече вниманието на јавноста со својата драстична трансформација. На лансирањето на новата линија прибор за печење на Џулиет Сир, таа изгледаше неверојатно слаба, што повторно предизвика шпекулации дека претерува со апчиња за слабеење.

Сепак, Кели го припиша своето губење на тежината на сосема друга причина. Во видео на социјалните мрежи, прикажано во емисијата „Пирс Морган Нецензурирано“, таа рече дека причината е „емоционалната болка од смртта на нејзиниот татко Ози“, кој почина во јули на 76-годишна возраст.

– До луѓето кои постојано мислат дека се смешни, но се злобни затоа што даваат коментари како „Дали си болна?“ или „Тргни се од Оземпик“ или „Не изгледаш добро“. Татко ми штотуку почина, а јас правам сè што можам, а сè за што можам да живеам во моментов е моето семејство.

И јас бирам да ја споделам мојата содржина со вас и да ја споделам среќната страна од мојот живот, а не тажната страна. Затоа, на сите тие луѓе им велам F… Y.. – рече таа.

Нејзината мајка Шерон, која гостуваше во емисијата ги потврди зборовите на Кели: Таа е во право, знаете. Таа не може да јаде во моментов. Омразата на интернет е штит за луѓето кои се несреќни.

Кели, исто така, се огласи на Инстаграм за да им се заблагодари на сите за нивната поддршка и љубезните коментари што ѝ помогнале да го преброди тешкиот период по загубата на татко си. Но, таа повтори колку негативните коментари ја повредиле:

– Добив некои одвратни, ужасни, груби, брутални коментари што ме натераа да помислам: „Што очекувате од мене?“, „Како очекувате да изгледам во моментов?“

Фактот дека станувам од кревет, се соочувам со животот и се обидувам, треба да биде повеќе од доволен. Треба да ме пофалите за тоа. Сите оние кои ми оставаат вакви болни коментари, треба добро да се погледнат себеси, бидејќи повеќето од работите што ги кажувате за мене се она што го чувствувате за себе – рече таа.

Озборн, исто така, забележа дека споредувањето на нејзините фотографии од времето кога имала 18 години со денес, кога има 41 година, е неосновано: Нашите лица се менуваат како што старееме.

– Најразочарувачко е што повеќето коментари се напишани од возрасни жени. Жени кои велат дека се советнички, жени кои се мајки, жени кои изгледаат како самите да се борат со својата тежина. Апсолутно е разочарувачки што жените не можат да поддржат други жени-  заклучи таа.

Кели се соочуваше со негативни коментари и претходно. Во мај, таа рече дека била критикувана повеќе за губење на тежината отколку за зависноста од дрога.

– Бев зависник од дрога, алкохоличарка. Бев целосно уништена, груба кон луѓето, ужасна. Но, повеќе ме критикуваа затоа што сум дебела отколку за било што друго. Тоа е лудо вели таа.

The post 🎥 КЕЛИ ОЗБОРН ГИ ОТЕРА ВО ПМ СИТЕ КОИ ЈА КРИТИКУВАА ЗА ИЗГЛЕДОТ Неодамна го изгубив татко ми, како очекувате да изгледам во моментов? appeared first on plusinfo.mk.

Легендарниот рок пејач и фронтмен на групата „Блек сабат“, Ози Озборн, почина на 22 јули на 76-годишна возраст, опкружен со своето семејство. Сега вистинската причина за смртта е официјално откриена.

Според официјалниот извештај, причина за смртта била акутен миокарден инфаркт и срцев застој, пишува „Дејли мејл“.

Ози, кој во 2019 година откри дека боледува од Паркинсонова болест, беше погребан минатата недела на имотот на неговото семејство, за време на приватна церемонија на која присуствуваа членови на семејството и бројни претставници на рок сцената, вклучувајќи ги Мерилин Менсон и гитаристот на Ози, Зак Вајлд.

The post ОТКРИЕНА ПРИЧИНАТА ЗА СМРТТА НА ОЗИ ОЗБОРН Пејачот починал од срцев застој appeared first on plusinfo.mk.

Родниот Бирмингем се збогуваше со рок-легендата Ози Озборн на трогателна церемонија на која присуствуваа илјадници обожаватели и мноштво светски музички ѕвезди, меѓу кои Елтон Џон, Дрејк, Џејмс Хетфилд и Јангблад.

Озборн, легендарниот фронтмен на „Блек сабат“, почина на 22 јули, а неговиот погреб се одржа денеска со големо внимание од медиумите и обожавателите.

Погребната поворка помина низ градот со музичка придружба – уметниците ја свиреа култната песна „Iron Man“, а видеото од овој емотивен момент брзо стана вирално на платформата Икс (порано Твитер), со коментар:

– Погребната поворка на Ози Озборн низ Бирмингем ја предводат музичари кои ја свират „Iron Man“… неверојатно.

Ozzy Osbourne funeral procession through Birmingham is being led by musicians playing Iron Man….amazing pic.twitter.com/OLqUgwgEv7

— Wu Tang is for the Children (@WUTangKids) July 30, 2025

Градоначалникот Зафар Икбал лично присуствуваше на церемонијата и нагласи колку многу Осборн значеше за својот град:

– Ози беше повеќе од музичка легенда – тој беше син на Бирмингем. За градот беше важно да поддржиме достоинствено и соодветно збогување пред приватен семеен погреб. Знаеме колку овој момент ќе значи за неговите обожаватели.

Покрај членовите на бендот „Блек сабат“, Тони Ајоми, Гизер Батлер и Бил Ворд, на збогувањето присуствуваа бројни познати личности од светот на музиката кои сакаа да му оддадат почит на човекот кој остави неизбришлив белег на светската рок сцена.

The post 📽️ СЕ ПОЈАВИ ЕМОТИВНА СНИМКА ОД ЗБОГУВАЊЕТО ОД ОЗИ ОЗБОРН Овој детаљ го трогна целиот свет appeared first on plusinfo.mk.

Илјадници обожаватели се собраа денеска во родниот град на Ози Озборн, Бирмингем, за да му оддадат последна почит.

Ози Озборн почина на 22 јули на 76-годишна возраст, а погребната поворка помина низ центарот на градот, придружена од звуците на неговите најпознати песни и емотивни реакции на собраните фанови.

Поворката тргна од Broad Street и се задржа кај клупата и мостот посветени на бендот Black Sabbath — место кое во последните денови стана симбол на сеќавање, преполно со цвеќе, писма и пораки. Во едно од возилата во колоната беше целото семејство Озборн.

Семејството во еден момент излезе од автомобилот за да им се поклони на обожавателите и да го види сето она што е оставено во чест на Ози.

Градоначалникот на Бирмингем, Зафар Икбал, изјави: „Ози не беше само музичка легенда — тој беше син на Бирмингем. По концертот ’Враќање на почетокот‘ и доделувањето на почесната титула Слобода на градот, сакавме уште еднаш да му се оддолжиме, на начин каков што заслужува. Знаеме колку ова значи за неговите фанови.“

По смртта на Ози, Кели Озборн изјави: „Изгубив најдобар пријател …“

Ози Озборн беше еден од највлијателните музичари во историјата на рокенролот, познат како основач и пејач на бендот Black Sabbath, кој во 1970-те ги постави темелите на хеви метал звукот. Во бендот беше од 1968 до 1978 година, а хитови како „Iron Man“, „Paranoid“ и „Changes“ станаа химни на генерации.

По заминувањето од групата, Озборн изгради успешна соло кариера со песни како „Crazy Train“, „Mr. Crowley“ и „No More Tears“. Беше познат и по своето ексцентрично однесување — најпознат е настанот кога на настап одгриза глава од лилјак, со што дополнително го зацврсти статусот на симбол на шок-рокот.

Само две недели пред смртта, Ози настапи за последен пат со Black Sabbath, на концерт на кој настапија и Guns N‘ Roses, Metallica и други изведувачи. Иако со години се бореше со Паркинсонова болест и последици од пад во 2019 година, никогаш не се откажа од сцената.

The post 📷 ЦЕЛ БИРМИНГЕМ ИЗЛЕЗЕ ДА СЕ ПРОСТИ ОД ОЗИ ОЗБОРН Погребан е фронтменот на „Блек сабат“ appeared first on plusinfo.mk.

Публиката била во неверување кога Ози Озборн, познат како Принцот на темнината, на 20 јануари 1982 година на бина во Ајова во САД зграпчил нешто мало и црно, мислејќи дека е играчка и му го одделил телото од главата. За кратко сфатил дека се работи за вистински лилјак.

Иконата на хеви металот го напушти овој свет на 22 јули 2025 година, на 76 години, опкружен со семејството и љубовта. Две недели претходно тој одржа проштален концерт со многу негови колеги.

Медиумите одново отворија приказни од неговиот живот, а загризувањето на лилјак на сцена е еден од „митовите“ кои го направија симбол на шокантните настапи.

Но, легендарниот инцидент од 1982 година не бил случајност, туку дел од серија ексцесни настапи на Озборн. На таа турнеја, тој започнал со бизарен ритуал – фрлал парчиња сурово месо и животински делови кон публиката. На крајот, обожавателите почнале да се натпреваруваат со своите идеи и, токму на таа вечер во Ајова, некој донел и фрлил вистински мртов лилјак на сцената.

Озборн, мислејќи дека е гумена играчка, го зграпчил и го згризал, но веднаш почувствувал дека нешто не е во ред.

Во автобиографијата I Am Ozzy во 2010 година тој се присети:

„Мислев дека е играчка, го зедов и го ставив во уста, згризав и веднаш почувствував топла, леплива течност, а потоа и главата се трзна во мојата уста“.

Сепак, во интервју за Би-Би-Си во 2006 година, пејачот понуди поразлична верзија:

– Имаше врзопче околу вратот, мислев дека е шега за Ноќта на вештерките. Загризав и потоа видов дека (жена ми) Шерон ми сигнализираше да не го правам тоа. Ми гестикулираше со главата дека лилјакот е вистински, но мртов – рече Озборн.

Контроверзијата дополнително се разгорела откако Des Moines Register го пронајде Марк Нил, тогаш 17-годишен посетител, кој признал дека неговиот помал брат го донел лилјакот дома, но животното починало уште пред концертот.

– Лилјакот беше мртов кога го зедов на концертот – соопшти Марк Нил.

Девет месеци пред инцидентот со лилјакот, Озборн приредил уште една скандалозна сцена во Лос Анџелес, кога на состанок со дискографската куќа Си-Би-Ес наместо да пушти гулаб во воздух како симбол на мир, му ја одгризал главата и ја исплукал на масата.

– Извадив еден од тие гулаби и му ја одгризав главата, а потоа истото го сторив со уште еден, ги исплукав главите на масата и веднаш ме избркаа од Си-Би-Ес – изјави Озборн.

Во друго интервју за магазинот „Саундс“, Озборн тврдел дека една од птиците веќе била мртва, па наместо да ја пушти, решил да ја гризне.

Озборн секогаш имал репутација што морал да ја одржува. Тој беше човекот што го исфрлиле од сопствениот бенд Блек Сабат, бидејќи дури и по најслободарските рок стандарди, неговата консумација на алкохол и дрога се сметале за премногу.

The post 📽️ ДАЛИ ОЗИ ОЗБОРН ОТКИНА ГЛАВА НА ЛИЛЈАК ВО 1982 ГОДИНА? Контроверзиите за Принцот на темнината живеат по неговата смрт appeared first on plusinfo.mk.

Замина „принцот на темнината“… Ози Озборн почина на 75 години. Еден од најголемите хитови на него и неговиот бенд „Блек сабат“ беше песната „Paranoid“, која до денес има над 330 милиони прегледи на Јутјуб.

Во 1970 година, „Блек сабат“ биле во лондонско студио снимајќи го својот втор албум, првично наменет да се вика „War Pigs“. Продуцентот Роџер Бејн им рекол дека на албумот му недостасува уште една побрза, пократка песна за да го надополни времетраењето на плочата. Гитаристот Тони Ајоми седнал и смислил едноставен, но незаборавен риф за само 20 минути. Другите брзо го следеле: Гизер Батлер го напишал текстот, а Ози Озборн ја испеал песната.

Песната првично требало да биде само дополнителност, но откако го слушнале резултатот, менаџментот и издавачите одлучиле дека албумот ќе се вика „Paranoid“ наместо „War Pigs“, и дека таа песна ќе биде водечкиот сингл.

И покрај брзината со која е создадена, „Paranoid“ носи темна и вознемирувачка порака. Текстот, напишан од Гизер Батлер, е за човек кој се бори со депресија, параноја и емоционална изолација.

Во еден момент, тој пее: „Ти велам да уживаш во животот / Сакам да можев, но е предоцна“ (I tell you to enjoy life / I wish I could but it’s too late) – реченица што одразува безнадежност и внатрешна борба. Батлер подоцна рекол дека немал дијагноза на параноја, но го користел терминот за да изрази психички слом и внатрешен немир.

„Paranoid“ е познат по своето кратко траење (2:48) и енергично темпо, што било невообичаено за „Блек сабат“, кои често свиреле побавни, потешки рифови. Сепак, токму оваа брзина ѝ дала на песната радиофонична сила, иако некои критичари во тоа време ја сметале за премногу едноставна. Денес, сепак, тоа е една од најважните песни во рок историјата, честопати споредувана со класици како „Smoke on the Water“.

„Параноид“ стана првиот вистински успех на „Блек Сабат“ – достигна четврто место на британските топ листи, а албумот се продаде во милиони примероци. Иако „Сабат“ честопати избегнуваа етикети и дефиниции, „Параноид“ го зацврстија својот углед како пионери на хеви металот.

Иако бендот немаше големи очекувања за песната, таа стана нивниот најпознат хит, неопходен дел од секој концерт и химна на генерации. Сè уште е една од најизведуваните и најцитираните песни во историјата на рокот.

The post 📽️ НАЈГОЛЕМИОТ ХИТ НА ОЗИ ОЗБОРН Е СОЗДАДЕН ЗА САМО 20 МИНУТИ Песната стана химна на генерации appeared first on plusinfo.mk.

Рок и хеви метал ѕвездата Ози Озборн почина денеска на 76-годишна возраст.

Тој почина „опкружен со љубов“, изјави неговото семејство во изјава за британските медиуми.

„Со поголема тага отколку што можат да пренесат само зборови, мораме да пријавиме дека нашиот сакан Ози Озборн почина утрово. Тој беше со своето семејство и опкружен со љубов. Ве молиме сите да ја почитувате приватноста на нашето семејство во овој момент. Шерон, Џек, Кели, Ејми и Луис“, соопшти неговото семејство.

Пред повеќе од 5 години тој објави дека боледува од Паркинсонова болест.

Озборн почина само неколку недели откако повторно се обедини со своите колеги од бендот „Блек сабат“ и одржа огромен проштален концерт за обожавателите.

Озборн беше пионер во хеви металот со бендот „Блек сабат“ пред самиот да постигне огромен успех.

The post ПОЧИНА ЛЕГЕНДАРНИОТ МЕТАЛЕЦ ОЗИ ОЗБОРН Неодамна одржа проштален концерт со бендот „Блек сабат“ appeared first on plusinfo.mk.

Со прстен на раката и шега од татко ѝ Ози телевизиската ѕвезда Кели Озборн се сврши со Сид Вилсон од хардкор метал бендот Слипкнот зад сцената на прошталниот концерт на Ози Озборн за „Блек Сабат“, јави Пејџ Сикс. Настанот се случи во Вила Парк, Бирмингем, пред најблиските пријатели и семејството.

– Кели, знаеш дека те сакам повеќе од сè на светот – изјави Вилсон, непосредно пред да клекне.

Но, тишината ја прекина татко ѝ со рокерска досетка:

– Еби се, нема да се ожениш со мојата ќерка – изјави Ози, 76, на што следеше смеа од присутните, вклучувајќи ја и Шерон Озборн.

Без двоумење, 40-годишната Кели кимна со главата и прифати, а Вилсон ѝ го стави прстенот на раката. Таа потоа објави видео на Инстаграм, пишувајќи:

Exclusive! Kelly Osbourne gets engaged with Slipknot member Sid Wilson! Backstage during Black Sabbath farewell concert, ALL IN FRONT OF OZZY & SHARON OSBOURNE! pic.twitter.com/KKVjTLGXEt

— Rock Photography (@Photomusicrock) July 6, 2025

„Да, и ова се случи вчера!“

Двојката се запознала уште во 1999 година, кога бендот на Вилсон настапувал на фестивалот Озфест. По 23 години пријателство, нивната врска прерасна во љубовна романса во 2022 година. Истата година, во ноември, го добија синот Сидни, кој сега има 2 години.

„Не можам да верувам каде завршивме! Ти си мојот најдобар пријател и сродна душа“, напиша Кели.

Пресвртот со романтично запросување на прошталниот концерт му даде неочекувана емоционална димензија на настанот, кој наместо збогување со легендарниот бенд Блек Сабат, стана нов почеток за младенците Кели и Сид.

The post 📽️ ЌЕРКА МУ РЕЧЕ „ДА“, ОЗИ ОЗБОРН ГО ОПЦУ ЗЕТОТ Со нов брак заврши прошталниот концерт на легендите Блек Сабат appeared first on plusinfo.mk.