Новинарката која побегна од Русија пред една година обвинета е за „ширење лажни информации“ за руските вооружени сили, а веќе беше осуден на парична казна во август 2022 година за слични дела.

Според руската агенција Риа Новости, таа овој пат е осудена затоа што демонстрирала со плакат против руската офанзива во Украина.

Овсијаникова стана глобално позната кога во март минатата година упадна за време на директен пренос на информативната програма Време, држејќи натпис зад водителката на кој пишуваше: „Стоп за војната. Не верувајте во пропагандата. Ве лажат“. Таа, исто така, скандираше „Стоп за војната“.

Во моментот на протестот таа беше продуцент на државната телевизија каде и протестираше. Кон средината на јули минатата година, таа одржа протест во близина на Кремљ, каде го носеше транспарентот „Путин е убиец. Неговите војници се фашисти“, по што беше ставена во домашен притвор. Таа набрзо побегна од Русија со својата ќерка.

The post 8 ИПОЛ ГОДИНИ ЗАТВОР ПОРАДИ ТРАНСПАРЕНТ И КРИТИКА НА АРМИЈАТА Осудена руската новинарка која напиша „Стоп за војната“ appeared first on plusinfo.mk.

Познатата Марина Овјсаникова, која сега е дисидентка зборуваше за Путин, Навални и војната во Украина. Таа уште се наоѓа во Париз и се плаши за нејзиниот живот откако избега пред да биде уапсена. Осудена е на парична казна од 30.000 рубљи и покрената е постапка за неа.

 – Мислам дека Путин нема доволно (нервен гас) Новичок за сите негови противници. Бидејќи кога започна војната, многу луѓе почнаа да зборуваат против режимот и уште повеќе ќе го сторат тоа – рече таа.

 Новичокт беше користен во труењата во Солсбери во 2018 година и за напад на рускиот опозициски политичар Алексеј Навални во 2020 година.

 Никој нема да го отруе Путин, само ќе му речат да си оди

 Овсјаникова изрази надеж дека рускиот претседател би можел да биде соборен од оние околу него и се осврна на неодамнешните критики на Путин од страна на водачот на платеничката група Вагнер, Евгениј Пригожин.

 – Мислам дека Украина ќе почне да победува во војната и тогаш ова само ќе ги подели елитите. Погледнете што се случува сега… што вели Пригожин. Пригожин проговори. А и (Рамзан) Кадиров исто така кажува нешто друго. И се надевам дека системот ќе се распадне одвнатре – вели поранешната новинарка во Канал Еден.

 На прашањето дали е можно руските елити да го соборат Путин, Овсјаникова  рече дека со оглед на тоа што опозицискиот лидер Алексеј Навални е во затвор, „нема лидер кој би можел да ги консолидира луѓето“.

 – Нема активна организација. Затоа мислам дека елитите ќе се поделат и добро сега, не знаеме – ова можеби не е класичен државен удар. Никој, веројатно, нема да го убие или отруе Путин, туку некој од неговиот близок круг може да дојде кај него еден ден и да му каже, Владимир, ја губиме војната, време е да си одиш.

 – На последниот ден од војната, кога Русија ќе ја изгуби војната, ова ќе биде неговиот последен ден. Ова е јасно. Тој се плаши за својот живот. Тој е во својот бункер. Тој е изолиран – додава Овсјаникова.

 Смртта на Навални нема да биде доволна за Русите да излезат на улица

 За неа Навални е „херој“, но рече дека дури и неговата смрт нема да биде доволна да ги изведе луѓето да протестираат на улиците.

 Таа, исто така, се плаши за неговото влошено здравје:

 – Знаеме дека го мачат пред очите на светот. Не дај Боже да умре. Но, мислам дека тоа нема да предизвика масовни протести, бидејќи треба да разберете дека рускиот народ е заплашен и нема ништо што ќе ги натера луѓето да излезат на улица. Полицијата е насекаде, а вие само ја кревате главата од земја и животот ќе ви се преврти – објаснува новинарката во интервјуто.

 Се чувствував принудена да протестирам против „чадот и огледалата“

 Овсјаникова  се осврна и на притворањето на американскиот новинар Еван Гершкович во Русија, опишувајќи го како начин на Путин да испрати „сигнал“ до странските новинари да останат надвор од неговата земја.

 Таа вели дека лани излегла со транспарентот на телевизија бидејќи се чувствувала принудена да дејствува откако видела дека започнува руската окупација на Украина.

 – Кога почна војната не можев да го тргнам погледот. Се пролеа крв. Имаше милиони бегалци. И можев да го видам сето тоа на моите екрани. Но, ова не го кажуваше пропагандата (на Путин) составена од  чад и огледала. Можам да кажам дека војната ми стана точка од која нема враќање и дека повеќе не можев да молчам. Чувствував дека живеам во паралелна реалност. Дека земјата оди кон стоотстотен тоталитаризам.

НЕ ЗА ВОЈНАТА, ТИЕ ВЕ ЛАЖАТ Жена упадна во програмата на руската државна телевизија (ВИДЕО)

The post НЕМА ПУТИН ДОВОЛНО НОВИЧОК ДА ГИ ОТРУЕ СИТЕ Руската новинарка која лани упадна во емисија повторно распали по рускиот лидер appeared first on plusinfo.mk.

Руски суд нареди апсење на поранешната новинарка на руската државна телевизија Марина Овсјаникова, јавија дел од руските медиуми.

Овсјаникова е позната во јавноста по тоа што во март, откако започна војната во Украина, влета во програма во живо на телевизија со натпис „Не за војна“.

Кон средината на јули во близина на Кремљ, таа одржа протест, на кој носеше транспарент „Путин е убиец. Неговите војници се фашисти“. По потегот, Овсјеникова беше во куќен притвор.

Таа е обвинета за ширење лажни информации за руските вооружени сили и може да биде осудена на затворска казна од 10 години.

Нејзиниот адвокат Дмитриј Захватов неделава изјави дека таа со ќерката побегнала од Русија.

The post СУДОТ НАРЕДИ ДА ЈА УАПСАТ Новинарката што носеше транспарент „Путин е убиец“ избегала од Русија appeared first on plusinfo.mk.

Првата оставка, дојде од колешката на Марина во Канал 1, Жана Агалакова, која ја напушти работата како дописник за Европа, додека двајца новинари ја напуштија ривалската НТВ. Лилија Гилдеева работеше за каналот како водителка од 2006 година, а Вадим Глускер беше во НТВ речиси 30 години.

Во исто време, двајца, според Западот, пропагандистички новинари на „Россија 1“, веќе се под санкции. Тоа се Владимир Соловјов кој води ток-шоу и Маргарита Симонјан која обвини дека секој што во овој момент се срами дека е Русин, едноставно не е Русин.

Русија Денес веќе нема главна уредничка

Можеби најпозната од оставките е онаа на Марија Баронова, поранешната главна уредничка од порталот РусијаДенес(РТ), кој веќе е забранет во западните земји. Баронова за Би-Би-Си изјавила дека Путин веќе го уништил угледот на Русија и дека и руската економија е мртва.

– Ако избрав да бидам со Русија, тоа не значи дека треба да чекорам во тоталитарен систем, да молчам или, на пример, да се радувам што режим што не го сакам за мојата земја се извезува на друго место. И овој режим конечно ќе ги претвори нашите животи во бескраен пекол – изјави таа.

Оставка поднесоа и голем број други новинари на РТ, вклучително и неруски новинари кои работат за нејзините јазични служби. Поранешната дописничка од Лондон Шадија Едвардс-Дашти ја објави својата оставка на денот кога Русија ја нападна Украина без да наведе причина. Новинарот од Москва, Џони Тикл, даде отказ истиот ден „во светло на неодамнешните настани“.

Францускиот водител на РТ, Фредерик Тадеи, рече дека ја напушта својата емисија затоа што Франција е „во отворен конфликт“ со Русија и дека не може да продолжи да ја води својата програма „Забрането да се забрани“, токму „од лојалност кон мојата земја“.

Неколку дена подоцна, ЕУ соопшти дека ги забранува сите различни медиуми на РТ, како и оние на колегата Спутник од Кремљ поради нивната „кампања на дезинформации, манипулации со информации и искривување на фактите“. Руската државна новинска агенција Рупли со седиште во Германија, исто така, претрпе серија оставки, според Ројтерс.

Независни медиуми и странски агенти

Новинарот Роман Супер рече дека луѓето масовно ги напуштаат „Вести“, иако тоа не е потврдено. Сепак, познатиот ТВ водител Сергеј Брилев ги отфрли информациите дека поднел оставка, посочувајќи дека е на службен пат повеќе од една недела.

Руските медиуми кои не се во Кремљ со години беа под постојани напади, така што многу новинари кои работеа под постојана закана дека ќе ги загубат своите средства за егзистенција во независни медиуми, нема да бидат импресионирани од сегашната река од оставки. Некои од нив, дури беа етикетирани како странски агенти од советската ера.

Телевизијата Дожд, која во 2014 година беше принудена да ја напушти телевизијата и да се емитува онлајн, како про-опизициска, мораше да ги прекине своите онлајн-емитувања поради окупацијата во Украина, а голем број нејзини новинари избегаа од Русија заради своја безбедност.

Радиото „Ехо Москва“, исто така, беше исклучено поради новите руски закони за таканаречените лажни информации. „Би-Би-Си Русија“ е меѓу бројните западни медиуми кои се забранети, додека новинарите кои работат за „Медуза“ со седиште во Латвија исто така беа принудени да ја напуштат Русија.

Заминав на одмор, ќе се вратам

Но, не исчезнаа само новинарите од државната телевизија.

Еден од најголемите руски водители на ток-шоу, Иван Ургант, се „одмори“ од неговата премиерна емисија „Вечерна ургант“ на вториот најголем руски канал, Канал 1, истата станица како Марина Овсијаникова.

Тој реагираше на војната објавувајќи црн квадрат на својот Инстаграм профил со едноставна порака: „Страв и болка. Нема војна“. Бргу потоа, тој им порача на своите следбеници да не паничат и дека заминал на одмор и наскоро ќе се врати.

Руската славна двојка број еден Ала Пугачева и Максим Галкин се меѓу бројните други фигури на шоу-бизнисот кои исто така „заминаа на одмор“. Галкин на Инстаграм рече:

„Не може да има оправдување за војна! Не за војната!“

The post ОСТАВКИ И ПРИНУДНИ „ОДМОРИ“ ПО РУСКИТЕ ТЕЛЕВИЗИИ Прво беше Овсјаникова, сега се РТ, Вести, ТВ Дожд, Ехо Москва… appeared first on plusinfo.mk.

Според неодамна усвоениот закон, на Овсјаникова ѝ се заканува затворска казна до 15 години за ширење лажни вести за руски војници.

Овсјаникова веднаш по упадот во програмата е приведена, но и адвокатите не знаат каде се наоѓа таа.

Во синоќешното видео обраќање украинскиот претседател Володимир Зеленски, лично ѝ се заблагодари на Овсјаникова.

– Благодарен сум на Русите кои не престануваат да се обидуваат да ја кажат вистината и лично на девојката која во студиото на Првиот канал влезе со транспарент против војната. Тие кои не се плашат да протестираат додека вашата земја не биде затворена од светот. Треба да се борите, да не ја изгубите шансата – истакна Зеленски.

На транспарентот на Овсјаникова пишуваше „Не за војна, прекинете ја војната, не верувајте во пропагандата, овде ве лажат“, таа исто така извика „Не за војната, сопрете ја војната“, а потоа програмата беше прекината.

The post Ѝ СЕ ЗАКАНУВААТ 15 ГОДИНИ ЗАТВОР Никој не знае каде е новинарката што упадна во руските вести appeared first on plusinfo.mk.