Седумгодишно дете е тешко повредено откако било удрено од автомобил на улицата Стамен Манов во Кочани, информираше полицијата.

Несреќата се случила вчера околу 17:30 часот, кога патничко возило „цитроен“ со кочански регистарски ознаки, управувано од 40-годишниот Ј.М. од Кочани, удрило во детето.

Во судирот малолетникот се здобил со тешки телесни повреди, кои биле констатирани во Јавната здравствена установа во Кочани.

По несреќата, по наредба на јавен обвинител, увид на местото извршила екипа од ОВР Кочани. Се утврдуваат околностите под кои се случил настанот.

The post ТЕШКО ПОВРЕДЕН СЕДУМГОДИШНИК Автомобил удри дете во Кочани appeared first on plusinfo.mk.

Одделението за внатреши работи Кочани информира дека врска со трагичниот настан – пожарот во Кабаре – Клуб „Пулс“ во Кочани, случен на 16 март 2025 година, од денеска (02.03.2026 година) започнува постапката за враќање на личните предмети пронајдени на местото на настанот.

„Се известуваат сите повредени лица, блиски членови на семејствата на починатите, како и други лица – посетители за време на настанот, дека во периодот од 02.03.2026 (понеделник) до 06.03.2026 (петок), во времето од 09:00 до 18:00 часот, можат да се обратат во просториите на Одделението за внатрешни работи Кочани, на ул. „Тодосија Паунов“ бр. 12. Целта на посетата е идентификација и враќање на личните предмети кои биле пронајдени при увидот, а кои им припаѓаат на повредените и на починатите лица“ – информира ОВР Кочани.

Меѓу предметите што ќе се враќаат се мобилни телефони, паричници, накит, часовници, ташни, облека и обувки.

Враќањето ќе се врши по претходна идентификација од страна на сопствениците или од блиски членови на семејствата на починатите, наведуваат од ОВР Кочани.

The post ЛИЧНИТЕ ПРЕДМЕТИ НА ЖРТВИТЕ ИМ СЕ ВРАЌААТ НА СЕМЕЈСТВАТА Постапка во ОВР Кочани поврзана со трагедијата во дискотеката „Пулс“ appeared first on plusinfo.mk.

48-годишниот Б.Ќ. од Виница го загуби животот откако вчера попладне магистралниот пат Кочани–Виница, кај местото познато како „Сланечки дол“, со возилото излетал од патот и починал на самото место.

Според информациите од полицијата, несреќата била пријавена во 17:35 часот во ОВР Кочани.

Од здобиените повреди, возачот починал на местото на несреќата, а смртта ја констатирал лекар од Итната медицинска помош.

Од полицијата информираат дека по насоки на јавен обвинител, телото на починатиот било предадено на обдукција, со цел да се утврдат точните причини за смртта.

The post ТРАГЕДИЈА НА ПАТОТ КОЧАНИ–ВИНИЦА Возач загина откако со „пежо“ излета од коловозот appeared first on plusinfo.mk.