– Влегувањето во таков случај и во финансиската полиција и без да се знае кој предмет се бара, туку се бараат предмети за 4,5 години наназад, значеше дека Обвинителството воопшто нема никакви сознанија за ова дело или за други конкретни дела и јас не можев да ја трпам таа незаконитост во конкретниот предмет – вели Јовевски.

Во однос на забелешките дека и во други случаи, адвокатите се жалат на незаконити претреси и постапување а при тоа тој не реагирал, Јовевски не можеше да посочи друг случај каде тој реагирал на сличен начин.

За коментарот на Русковска дека по отворањето на истрагата против Драги Рашковски, таа добила понуда за избор во републичкото обвинителство, а кога не го прифатила тоа и било понудено и унапредување на нејзиниот внук, државниот обвинител не кажа дали тоа го смета за притисок и не сакаше да ја коментира нејзината веродостојност.

The post НЕ ТРПАМ НЕЗАКОНИТОСТ ВО ИСТРАГИ Јовевски тврди дека нема политика во разрешувањето на Русковска appeared first on plusinfo.mk.

Русковска во изјава за Алсат вели дека јавниот обвинител нема законско право да се меша во постапувањето по конкретен предмет. Претходно од ОЈО соопштија дека констатирале неправилности кај обвинителите што извршија претрес на работата на директорот на УФП Арафат Муареми. Оттаму додаваат дека од обвинителките биле побарани одредени информации, но Русковска негира дека и таа била повикана да даде изјава.

– Не, од мене не е побарано да доставам изјава – изјави Русковска.

Понатаму, од ОЈО информираат дека лицата од Управата над кои се вршел претресот имаат полициски овластувања, па затоа за нив може да постапува единствено Специјализираното одделение за гонење кривични дела извршени од лица со полициски овластувања.

„Според тоа, тројцата јавни обвинители од Основното јавно обвинителство за гонење на организиран криминал и корупција кои постапувале по овој предмет, а не се дел од Специјализираното одделение, ненадлежно постапувале по кривичната пријава. Јавниот обвинител на Република Северна Македонија укажува дека предметот треба да се заведе во соодветен уписник и согласно распоредот да се додели на јавен обвинител кој е распореден во Специјализираното одделение“, нагласуваат од ОЈО.

Според Русковска, пак, прашање е дали директорот има полициски овластувања со оглед на тоа што го именува Владата. Во секој случај, додава таа, предметот може да се презаведе од еден уписник во друг и тоа е законски.

Во однос на тоа дека од ОЈО утврдиле неправилности и при барањето за претрес, што го одобрил надлежниот судија, шефицата на Обвинителството за гонење организиран криминал вели дека Судот е тој кој одлучува дали има основи за издавање наредба за претрес.

– Тоа дали има основи за издавање наредба за претрес одлучува Судот, не јавниот обвинител. Доколку некој сметал дека претресот е незаконит, можел да вложи жалба до Кривичниот совет на Судот. Колку што ми е познато, таква жалба не е вложена – вели Русковска.

Порано денеска ЈОРСМ соопшти дека двајца јавни обвинители од Јавното обвинителство, постапувајќи по претставка од Управата за финансиска полиција, во согласност со членот 28 од Законот на јавното обвинителство, извршиле надзор и увид во предмет оформен во Основното јавно обвинителство за гонење на организиран криминал и корупција и ја доставиле до Јавниот обвинител на С Македонија.

Во соопштението меѓу другото се наведува и дека во согласност со чл.27 ст.4 од Законот за јавното обвинителство, со укажувањето, задолжен е  јавниот обвинител на Основното јавно обвинителство за гонење на организиран криминал и корупција Скопје, целосно да го испита постапувањето по овој предмет, да ја утврди фактичката состојба и сите релевантни околности, пропустите во постапувањето и фактите за евентуална одговорност и за тоа да достави информација до Јавното обвинителство на Македонија.

The post РУСКОВСКА ГО ИСКАРА ЈОВЕСКИ Не се мешај во конкретните предмети на обвинителите appeared first on plusinfo.mk.

– Сите институции молчат за криминалниот шверц што го призна Царинската управа дека се случила преку фирмата Студенац Шпед на Димче Тројановски инаку близок пријател на Љупчо Николовски, кој прошверцувал 5 камиони тутун на граничниот премин Деве Баир, каде работи и шпедицијата на братот на Љупчо Николовски. Царинска управа признава дека е направен шверц, сите останати молчат. Криминалци и соучесници, сите до еден – вели Арсовски.

Тој потсетува дека фирма без дозвола за увоз на тутун и тутунски производи, увезува, односно шверцува во Македонија 5 камиони нелегален тутун, само затоа што е близок сопственикот до Љупчо Николовски и градоначалникот на Крива Паланка.

– Жално е и страшно што се плашат да отворат случај и Јовевски и Русковска, како и антикорупциската комисија кои што практично се привезоци на оваа влада. Срамно е што штитат криминалци од ваков ков кои се во Влада, но и на улица, само затоа што се членови на СДСМ – рече Арсовски.

The post Арсовски: Јовевски и Русковска се плашат да отворат случај за шверцот на 5 камиони тутун appeared first on plusinfo.mk.