Според Скендер Аме, претседател на друштвото на одгледувачи на овци „Даши“ е последица, главно на масовната миграција на населението во регионот.

-Познато е дека масовната миграција на населението во Дебар и регионот донесе проблеми во обезбедувањето на работна сила. Тоа го погодува и нашиот сектор каде сериозен проблем е обезбедувањето овчари иако месечната плата изнесува од 700 до 800 евра. Тука секако и незаинтересираноста на локалните жители да се занимаваат со оваа дејност. Поради тоа дел од сточарите се принудени сами да го обавуваат тоа – додава Аме.

Посочува дека до пред неколку години, бидејќи и тогаш имало недостиг од овчари, нив најмногу ги обезбедувале од албанските погранични населени места, нагласувајќи дека масовната миграција на младите и во соседна Албанија, овчари веќе не може да обезбедат и од таму.

Недостигот на овчари, нагласува Аме, е дополнителна причина за намалувањето на стадата овци на подрачјето на Дебар и Центар Жупа, кои членуваат во друштвото.

Ако до пред три-четири години на ова подрачје имаше над 40.000 грла овци, моментно нивниот број е околу 30.000. Годинава имаше и помал број јагниња за продажба или околу 7.000. 

The post И ЗА ПЛАТА ОД 800 ЕВРА НИКОЈ НЕ САКА ДА БИДЕ ОВЧАР Сточарите од Дебарско сами си ги чуваат овците appeared first on plusinfo.mk.

Како корисници на оваа мерка се јавуваат земјоделските стопанства регистрирани во Единствениот регистар на земјоделски стопанства при МЗШВ.

Поддршката, која се дава преку оваа мерка е во висина од 100% од просечна месечна нето плата во дејноста од период 01.01.2022 до 31.12.2022 година, како трошок за чување и напасување на добитокот (овци, кози и/или говеда) на пасиште (вклучително и ливади), кое се наоѓaат во населени места со надморска височина поголема од 700 метри, односно регистрираните одгледувалишта каде се одгледува добитокот да се наоѓаат во населени места со надморска височина поголема од 700 метри. Поддршка во висина од 60% од просечна месечна нето плата во дејноста од период 01.01.2022 до 31.12.2022 година, се дава како трошок за чување и напасување на добитокот (овци, кози и/или говеда) на пасиште (вклучително и ливади) кое се наоѓа во населени места со надморска височина под 700 метри, односно за регистрираните одгледувалишта каде се одгледува добитокот, кои се наоѓаат во населени места со надморска височина помала од 700 метри.

Максималната вредност на прифатливи трошоци е не повеќе од 360.000 денари по вработено лице, најмногу за 20 вработени лица. За над 10 вработени лица, поддршката се намалува за 50%.

Министерството ги информира сточарите дека крајниот рок за доставување на барањата е до 20 декември 2023 година. Своите барања за исплата пополнети заедно со целокупната потребна документација треба да се достават до Агенцијата за финансиска поддршка во земјоделството и руралниот развој, преку пошта или лично во писарницата на Агенцијата.

Во Македонија со години голем проблем за сточарите е обезбедувањето овчари. Тие што се нафаќаат да чуваат овци и јагниња бараат високи плати, од најмалку 1.500 до 2.000 евра.
Според сточарите, Македонија бележи постојано намалување на сточниот фонд. Ако порано во државата стадата овци се броеле со милиони грла, денес се смета дека во Македонија фондот е околу 300.000. Сите региони бележат таков назадувачки тренд. Повеќе ги нема познатите стада овци во регионот на Свети Николе, на пример, како што селата Немањици и другите места кои останаа без овци и јагниња. Драстичен пад на стадата овци бележи и Малешевијата која порано важеше за сточарски регион.

The post ДРЖАВАТА ДЕЛИ СУБВЕНЦИИ ЗА ОВЧАРИ И СТОЧАРИ Помошта може да изнесува до 360.000 денари по вработено лице, најмногу за 20 вработени appeared first on plusinfo.mk.

Нападот се случил во селото Умогиди во државата Бенуе, каде конфликтите околу земјиштето и ресурсите се вообичаени меѓу номадските сточари и земјоделците кои живеат во областа.

Советникот за безбедност на гувернерот на државата Бену, Пол Хемба, ги обвини овчарите за нападот, за кои се вели дека ја напаѓале локалната земјоделска заедница изминатиот месец.

The post ОБВИНЕТИ СЕ ОВЧАРИ 46 загинати во вооружен напад во село во Нигерија appeared first on plusinfo.mk.

– Финансиската поддршка за оваа мерка е исплатена на сите сточари кои во период од една година не го намалиле бројот на вработени. Фармерите кои стоката ја напасуваат или чуваат на на надморска висина над 700 метри, односно регистрираните одгледувачници се наоаѓаат во населени места со надморска висина над 700 метри добија поддршка од 100% од просечната плата во дејноста за период ноември 2018 до декември 2020 година. Оние фармери кои стоката ја напасуваат или чуваат на надморска висина под 700 метри добија помош од 60 % од просечна месечна нето – плата во секторот – информира Директорот на АФПЗРР, Никица Бачовски

Парите се доделуваат во сооднос едно вработено лице на 150 овци, 50 кози или 50 говеда. Максималниот износ на исплатени средства е до 360.000 денари од вработен и за не повеќе од 20 вработени.

The post ПРЕДНОВОГОДИШНА ЧЕСТИТКА ЗА ОВЧАРИТЕ Близу 360.000 евра исплатени за нивните плати appeared first on plusinfo.mk.

Според Агенцијата, на сметките на вкупно 3.124 сточари кои имаат поднесено барање за директни плаќања за обележани и одгледани овци се исплатени над 633,4 милиони денари, додека на 10.547 градинари над 233,4 милиони денари.

Директорот на АФПЗРР, Никица Бачовски, информира дека станува збор за исплата на средствата за оние апликанти кои имаат поднесено барања за директни плаќања за обележани и одгледани овци и за градинарски култури. Средствата се обезбедени од Програмата за финансиска поддршка во земјоделството и оваа поддршка ги следува сите кои правно – законски се стекнале со право на користење на истата.

– По исплатата на градинарите и овчарите, ќе се исплатат и тутунарите кои беа должници за вода или пашарина. Исто така во текот на наредната недела се очекува да се процесираат и исплатите за субвенциите за обележани грла говеда. Вработените веќе работат и на процедурата за дополнување на картичките за субвенционирано гориво за земјоделска механизација или попознато како картички за „зелена нафта“ – вели Бачовски.

Агенцијата и во наредниот период ќе продолжи со обработка на пристигнатите барања за останатите мерки и по нивната обработка ќе се врши исплата. Политиката за неселектива исплата на субвенции продолжува токму во период кога средствата им се најпотребни. Грижата за земјоделците беше и останува во фокусот на оваа Влада. Земјоделците се наш партнер, нивно е да продолжат да произведуваат земјоделски култури а Платежната Агенција како и досега ќе биде партнер кој преку мерките ќе ги стимулира да го зголемуваат производството и да го подобруваат квалитетот на домашно произведени култури.

The post ОВЧАРИТЕ СЕ ОФАЈДИЈА Државата им исплати субвенции на 3.124 сточари appeared first on plusinfo.mk.

Причината за ваквата ситуацијата ја лоцираат во откупувачите. Не веруваат во нивното образложение дека и тие добиваат пониска цена при пласманот, сметаат дека ова им е само изговор за да го земат јагнето што поевтино.

Но, откупувачите се децидни дека цената на домашното јагне ја диктира купувачот од надвор. Според нив, за надминување на овој децениски проблем со откупот на јагнето во земјава и откупната цена, решението можеби треба да се бара во обезбедување поголема државна поддршка за овчарите, по примерот на други земји.

Моментно, откупната цена за килограм јагне жива мера е 140 – 150 денари, но овчарите велат дека треба да изнесува 160 – 170 денари.

– Откупувачите, и покрај милионскиот капитал остварен од извозот на јагне од наше производство, бараат безцарински увоз на живо јагне од ЕУ со цел реекспорт за уште поголем личен профит. Имаат разработено олигополска шема која е погубна за нас. И доколку се дозволи безцарински увоз како што бараат, под изговор дека со отворањето на новиот пазар ќе порасне откупната цена, ние немаме никаква сигурност дека јагнињата ќе ни бидат откупени и дека вистина ќе порасне откупната цена. За безцаринскиот увоз секако очекуваме да се слушне и нашето мислење, како Сојуз на одгледувачи на овци, меѓутоа не ни се претставени во целост можностите што не тангираат – вели за МИА претседателот на Сојузот на одгледувачи на овци, Никола Георгиев.

Лани, истакнува Георгиев, цената во овој период беше иста како сега, околу 150 денари за килограм, но во периодот на зголемена понуда, падна на 110 – 120 денари. И сега се очекува пак да падне кога ќе порасне понудата. Шпицот на понудата, потсетува Георгиев, е од 20 март.

Сточарите апелираат надлежните институции да размислат околу доделувањето локации на потенцијални инвеститори за изградба на нови кланици, а АХВ да направи напори за извоз на живо јагне.

– Цената на јагнешкото на светските пазари од 2015 година претрпе голема дигресија, појава која предизвика ураган во овчарскиот сектор кај нас, континуиран пад на бројот на овци, демотивација и деморализација кај одгледувачите. Минатата 2020 година светскиот пазар на јагнешко месо се стабилизира и прв пат во однос на претходните пет години се постигна највисока просечна продажна цена. Прв пат се појави недостиг на јагнешко месо на европскиот пазар, кој е наша целна група. Но, во нашава земја, под изговор на корона кризата, повторно имаше намалување на просечната откупна цена на јагнињата. Истото ни се случува и оваа година, иако јазот меѓу побарувачката и понудата се зголемува, односно на европскиот пазар има помала понуда дури од минатогодишната – објаснува претседателот на Сојузот.

Според него, остатокот од европските фактори – извозници на јагнешко, очекуваат и добиваат покачена вредност на јагнињата, не само поради недостигот, туку и поради зголемените цени за производство.

– Цената на пченката, како основа за прехраната на јагнињата, е покачена е за 30 – 40 проценти во однос на минатогодишната, додека сојата е поскапена за 30 отсто, медикаментите се поскапени за 20 проценти, како и сите други фактори кои влијаат во производството на јагнешко се покачени во одредена мера. Доколку пред две и повеќе години причините за ниска цена на јагнешкото ги баравме во конкурентските цени, сега би можеле да кажеме дека најниска цена на јагнешко е во нашава земја заедно со Србија – дециден е Георгиев.

Сојузот предупредува дека последниве неколку години одгледувачите на овци се на крстопат околу одлуката за иднината на дејноста поради исклучително лошиот баланс „добивка – загуба“.

– Сѐ уште не се знае цената што би можеле ние да ја платиме за домашното јагне зашто сѐ уште не се прецизирани програмите како ќе оди откупот за Велигден. Цената која ние ја добиваме како понуда за извоз, всушност ја диктира цената за откуп дома. Нашите странски партнери си го гледаат пазарот таму, локално, кај нив, и доаѓаат со понуда. Велат, ако сакате да ви го откупиме јагнето, можеме да платиме толку и толку. Ние, согласно тоа, им кажуваме на овчарите колку можеме максимум да платиме. Сепак, цената ја диктира купувачот од надвор – објаснува за МИА Весна Станоевска од извозната компанија „Стоко промет – Стоко импекс“.

За овој децениски проблем меѓу овчарите и откупувачите, решение, смета Станоевска, можеби треба да се бара во поддршката од државата.

– Можеби државата не дава доволно субвенции. Ако се распрашате во околните земји, Грција, Србија, какви се субвенциите, ќе видите каде е разликата. Сега, до крај на месецов, Грција продава поевтино јагне од нашето. Значи, тие дефинитивно мора да се некако поинаку стимулирани зашто трошоците се тие, не може тие да имаат помали трошоци. Можеби имаат повисока цена за млекото или субвенција за секое родено или извезено јагне. Тука е таа разлика. Ние како фирма извозник не можеме да влијаеме – добиваме цена од надвор. Ако ја прифатиме, кажуваме колку максимум можеме да платиме за домашното јагне. Но, затоа сме фрима која нема ниту еден долг кон овларите, тоа што е ветено е изреализирано во рок од неколку дена по откупот. Додека не се замепа државата со некоја субвенција или помош, ситуацијата ќе истане таква – оценува Станоевска.

Таа укажува и дека за да бараме купувачи надвор, немаме континуирано производство, ниту исто јагне, со постојана големина. Обично грлата по големина се мешани, од 10 до 30 килограми, а надвор се бараат од околу 15 килограми жива мера за да се добијат седум до осум килограми месо.

За продажба годинава земјава ќе има најмногу околу 200.000 јагниња. Освен на традиционалните пазари, во Хрватска и Италија, побарувачка, велат овчарите, има и од Бугарија, Германија, Британија, како и од арапските земји.

The post 200.000 јагниња чекаат да бидат извезени, овчарите и откупувачите се натегаат за цената appeared first on plusinfo.mk.