Точно една година трае институционалниот молк со познатата дивоградба во центарот на Струга, која узурпира државен имот!, реагира партијата Левица.

Во продолжение изјавата на Јована Мосјоска од Левица:

„Иако изминатиов период поднесов и кривична пријава и низа претставки, јавното обвинителство (со неговото 2% доверба) цела година одбира да непостапува. По последната поднесена Ургенција, деновиве добив известување од градежен инспектор дека е поставен службен знак за затворање на градилиштето и дека е издадено Решение за прекин на градење.

Но, и покрај овие формалности, фактичката состојба е дека секој ден дивоградбата се доградува и работници секојдневно работат на овој објект. Најповикан орган за постапување за овој криминал во центарот на градот е ЈО Струга и затоа, ќе ги искористам сите механизми за да добијам одговор кој е јавниот обвинител кој го штити дивеењето на градежната мафија во центарот на Струга.

Кога ја поднесов првата кривична пријава (по која јавниот обвинител не постапува) оваа дивоградба имаше само еден спрат. Денес веќе се гради третиот спрат незаконски, во самата зона на заштитено подрачје.

Следниот чекор е претставка пред Советот на јавните обвинители против обвинителот кој го држи во фиока овој предмет, како тело кое одлучува за несовесно и нестручно вршење на функцијата јавен обвинител. Доста е од празни флоскули за реформи во правосудство – одговорноста мора да биде персонализирана!“,

The post „ЕДНА ГОДИНА ТРАЕ МОЛКОТ ЗА ДИВОГРАДБАТА ВО СТРУГА“ Левица ќе поднесе претставка пред Советот на јавни обвинители appeared first on plusinfo.mk.

Јована Мојсоска, кандидат за градоначалник на Левица за Струга, му постави неколку прашања на премиерот Христијан Мицкоски, за кого вели дека дури и на митинзи за промоција на кандидати за градоначалници не пропушта да ја оцрнува Левица за некаква коалиција со ДУИ.

Како градоначалникот од ДУИ, прочуениот Рамиз Мерко отвори приватна градинка во мандатот на владата на Христијан Мицкоски, прашува таа.

– Дали министерот Фатмир Лимани има издадено дозвола за работа на оваа градинка, или таа работи незаконски – додека оние кои се должни да вршат надзор (Министерство за социјална политика и МОН) молчат? Градоначалникот во заминување, кој не отвори ниту една градинка во Струга, кој ја затвори една од трите градинки во Струга, кој го продлабочи проблемот со листи за чекање за упис во градинки, токму во мандатот на ДПМНЕ отвора приватна градинка на неговиот контроверзен универзитет, каде се тепаа дури и просветни инспектори. Таканаречен универзитет, за кој и министерката Јаневска изјавуваше дека се констатирани неправилности, но наместо санкционирање, на овој се универзитет отвори приватна градинка, додека стружани не можат ни да си дозволат упис и во обична градинка, камоли во приватна – рече Мојсоска.

Оттука, додава таа, се поставува прашањето дали Мицкоски е во коалиција со најкримогените елементи на ДУИ во Струга?

The post КАКО МЕРКО ОТВОРИЛ ПРИВАТНА ГРАДИНКА НА УНИВЕРЗИТЕТОТ? Јована Мојсоска прашува дали добил дозвола од министерот Лимани appeared first on plusinfo.mk.

Левица на прес-конференција практично призна дека податоците добиени од свиркачи за парите кои од сметката на партијата завршиле во џебови на тесното раководство се точни, реагираше ВМРО-ДПМНЕ преку соопштение.

„Парите од сметката на партијата Левица по разни основи завршиле кај тесното раководство на Левица. Мојсоска која самата изнесе информација дека била сметководител на Левица требало да знае дека доколку ја говори вистината, актот е противзаконски. Правниците од Левица би требало да знаат дека во Законот за пратениците јасно е наведено: Член 4: Функцијата пратеник во Собранието се врши професионално. Член 5: Пратеникот нема право да врши други јавни функции или професии, кои согласно со закон се неспојливи со функцијата пратеник. Член 9: Функцијата пратеник е неспојлива со вршењето на дејности со профитна цел. Законот е јасен Јована Мојсоска како пратеник, не смеела да остварува профит и да врши сметководствени услуги за Левица. Доколку е вистина улогата на сметководител, Мојсоска сериозно го прекршила Законот. Левица бегајќи од вистината се заплетка во сопствените шеми за извлекување на партиски средства за лични потреби на раководството“, обвини ВМРО-ДПМНЕ.

Вистината излезе на виделина, Левица под закрила на идеологија, чесност и приказни за неподмитливост испумпува пари на личните трансакциски сметки, посочено е во реакцијата.

„Пропагандата на Левица за чесност и неподмитливост се претвори во параван зад кои се испумпуваат пари. Вистината е на виделина, Левица не е имуна на корупција и не се бори против неа, туку е дел од неа“, наведува ВМРО-ДПМНЕ.

The post „ЛЕВИЦА СЕ ЗАПЛЕТКА ВО ЛАГИТЕ ЗА ПАРИТЕ КОИ ЗАВРШИЛЕ ВО ЏЕБОВИТЕ НА РАКОВОДСТВОТО“ Мојсоска сериозно го прекршила законот, обвини ВМРО-ДПМНЕ appeared first on plusinfo.mk.

Левица призна дека податоците кои излегоа во јавноста се точни, а ако пратеничката Јована Мојсоска била сметководител на Левица тогаш тоа е противзаконски, рече денеска Валентин Манасиевски, член на ЦК на ВМРО-ДПМНЕ.

– Вчера од Левица на прес-конференција се излетаа и признаа дека информациите кои ги добивме од свиркачи во Левица, за средствата кои раководството си ги подигнувало од разни причини, се вистинити. Сепак, денеска сакаме да ја прашаме Мојсоска, која исто така се излета и изнесе информација дека била сметководител на Левица, дали знае дека доколку ја говори вистината, актот е противзаконски – рече Манасиевски.

Тој додаде дека со тоа е прекршен Законот за пратениците.

– Имено, во Законот за пратеници јасно е наведено: Член 4: Функцијата пратеник во Собранието се врши професионално. Член 5: Пратеникот нема право да врши други јавни функции или професии, кои согласно со закон се неспојливи со функцијата пратеник. Член 9: Функцијата пратеник е неспојлива со вршењето на дејности со профитна цел. Со тоа станува јасно дека Јована Мојсоска, како пратеник, не смеела да остварува профит и да врши сметководствени услуги за Левица – рече Манасиевски.

Додека на јавноста и се продаваат бајки за чесност, скромност и непоткупливост, зад завесата се инкасирале пари од партиската сметка, сметка која се полни директно од Буџетот на граѓаните, додаде тој.

– Мојсоска како пратеник не смеела да остварува профит како сметководител на Левица. Ова е вистината, од која Левица бега. Вакви луѓе како Мојсоска и Левица, не смеат да бидат дел од иднината и нема место за нив во политиката. Мојсоска и Левица се прочитани – рече Манасиевски.

The post МОЈСОСКА ГО КРШИ ЗАКОНОТ ЗА ПРАТЕНИЦИТЕ Таа не смее да биде сметководител на Левица, обвини Манасиевски appeared first on plusinfo.mk.

Левица се разобличи одвнатре, парите од партиската сметка завршувале на личните сметки кај раководството, соопшти ВМРО-ДПМНЕ.

„Левица грчевито се обидува да го одвлече вниманието на јавноста од вистината. Обвинувањата на Левица за наводен неовластен упад во нивните банкарски сметки се очаен обид за прикривање на вистината.  Податоците кои излегоа во јавноста за трансакциите од партијата кон личните сметки на раководството се од свиркачи од јадрото на Левица кои се разочарани, кои одвнатре ја гледаат хипокризијата на партијата, двојните стандарди и лицемерието на раководството“, се вели во соопштението.

Левица потврди дека партијата не се води по идеолошки принципи, туку исклучиво заради финансиски интереси на тесен круг привилегирани поединци, се додава во соопштението.

„Левица под плаштот на идеологијата и празната реторика дека се скромни, чесни и неподмитливи, всушност се обидуваат да прикријат дека партијата им функционира како приватна фирма од која се богатат поединци. Додека Апасиев, Мојсоска и Мециновиќ од говорница глумат револуционери и борци, во реалноста ја користат партијата како инструмент за лично богатење и билдање на приватните трансакциски сметки. Апасиев ставил во сопствениот џеб над 700.000 денари од парите на партијата Левица, пари кои ги добива од граѓаните преку Буџетот на државата. Мојсоска иако е пратеник само годинава од партијата инкасирала 3 пати по 54.000 денари“, соопшти ВМРО-ДПМНЕ.

Јавноста го виде вистинското лице на Левица кои под закрила на идеологија, покажаа дека всушност се добар бизнис проект за полнење на сопствените џебови, се додава во соопштението од владејачката партија.

The post АПАСИЕВ СТАВИЛ ВО ЏЕБ 700.000 ДЕНАРИ ОД ПАРИТЕ НА ЛЕВИЦА Раководството ја користи партијата за лично богатење, посочи ВМРО-ДПМНЕ appeared first on plusinfo.mk.

Кога делата ја демантираат реториката, вистинското лице на Левица и Мојсоска се разобличува, Левица и Мојсоска кои проповедаат чесност и скромност, имаат две лица, едно пред камери и едно зад камери, рече денеска Валентин Манасиевски од ВМРО-ДПМНЕ.

– Она пред камери е лажното лице, каде што се претставуваат како чесни, скромни, неподмитливи, луѓе на народот, а она вистинското лице си го покажаа зад камерите, кога цело раководство на президиумот на Левица инкасирало средства налик на патни трошоци, од сопствената партиска трансакциска сметка. Според она што го имаме добиено од свиркачи од Левица, Мојсоска си го покажа вистинското лице. Имено, на ден 26.4.2024 година земала 123.000 денари, на 3.2.2023 година земала 96.862 денари, а само оваа година, додека Мојсоска е пратеник, во месеците јуни и јули земала на 3 пати по 54.000 денари – рече Манасиевски.

Нели е повеќе од доволна пратеничката плата, праша тој.

– Нели е лицемерно, од една страна да глумите некакви аскети, а од друга страна да ја цедите својата политичка партија? Вистинското лице на Мојсоска и Левица е разобличено – рече Манасиевски.

Пратеничката и кандидатка за градоначалничка на Струга, Јована Мојсоска вчера рече дека во Левица добивала плата како вработена за вршење сметководство на  партијата. Таа реагираше дека била единствена вработена во партијата и дека за својата работа земала нешто повеќе од минимална плата.

The post „НЕЛИ Е ДОВОЛНА ПРАТЕНИЧКАТА ПЛАТА?“ Мојсоска во јуни и во јули 3 пати зела по 54.000 денари од Левица, обвини Манасиевски appeared first on plusinfo.mk.

Левица денеска објави дека ќе настапи со сопствени кандидати за градоначалници во општините Струга, Тетово и Гостивар, позиционирајќи се како единствена парламентарна партија од македонскиот политички блок која ќе има независни кандидати во овие општини.

Мојсоска кандидат за Струга

Во Струга, партијата ја кандидира пратеничката Јована Мојсоска, која воедно е и генерален секретар на Левица. Таа изјави дека влегува во трката со јасна цел – заштита на јавниот интерес и решавање на клучните проблеми на граѓаните.

– Струга заслужува да биде град во кој јавниот интерес е на прво место, а граѓаните да имаат чиста и отчетна локална власт. Како пратеничка и како човек, мојата должност е да ја бранам Струга од политички пазарења и да понудам вистински решенија – изјави Мојсоска.

Божиновска во Тетово

Кандидатка на Левица за Тетово е д-р Катка Божиновска, доктор на правни науки и универзитетски професор на Државниот универзитет во Тетово.

– Тетово мора да се врати на патот на законитоста, правдата и вистинското владеење на правото. Левица ќе понуди транспарентно и чесно управување, насочено кон интересите на граѓаните – порача Божиновска.

Грујоски кандидат во Гостивар

Во Гостивар, кандидат е ИТ-специјалистот Дарко Грујоски, кој, според Левица, ја претставува новата генерација професионалци.

– Време е Гостивар да добие модерна и транспарентна локална самоуправа, која со технолошки решенија ќе ја подобри ефикасноста на јавните услуги – изјави Грујоски.

Апел до граѓаните

Партијата ги повика граѓаните на масовна мобилизација.

„Нашите кандидати се луѓе со кредибилитет, знаење и професионални компетенции. Ќе управуваме со општините врз основа на идеологија и програма, а не врз етнотрибализам, клиентелизам и корупција“, порачаа од Левица.

The post ЈОВАНА МОЈСОСКА ВО ТРКА ЗА СТРУГА Левица со кандидати и во Тетово и во Гостивар appeared first on plusinfo.mk.

– Во правниот поредок има директна колизија помеѓу Законот за спречување и заштита од насилство врз жените и семејно насилство и актуелниот Кривичен законик. Имено, додека Кривичниот законик телесната повреда при семејно насилство ја означува како дело кое што се води по предлог, Законот за спречување семејно насилство го третира семејното насилство како јавно прашање и наложува гонење по службена должност. Токму поради ова, пратеничката група на Левица поднесе предлог-измена на член 130, став 5 од Кривичниот законик, со која предлагаме и телесната повреда при семејно насилство да се гони по службена должност – рече пратеничката од Левица Јована Мојоска денеска на прес конференција.

Праксата, додаде таа, покажува дека најголем дел од кривичните пријави за семејно насилство се гонат токму по овој член и во голем дел од случаите, самите жртви на семејно насилство го повлекуваат предлогот за гонење на сторителот.

– Сметаме дека е штетна одредбата која предвидува писмена согласност од жртвата за гонење на делото телесна повреда при семејно насилство. Доколку делото телесна повреда при семејно насилство се гони по службена должност, тоа ќе ја олесни позицијата на жртвите и ќе обезбеди независна интервенција од страна на државата – објасни Мојсоска.

The post СЕМЕЈНОТО НАСИЛСТВО ДА СЕ ГОНИ ПО СЛУЖБЕНА ДОЛЖНОСТ Левица предлага измени за жртвите да не ги повлекуваат пријавите за насилниците appeared first on plusinfo.mk.

– За состојбата во руралните средини говори фактот дека дури 62% од населените места во Македонија имаат помалку од 100 жители, што кажува дека не денес, туку вчера требаше да се започне со системско решавање за депопулацијата во руралните средини – потенцираше Мојсоска на јавната расправа за родова инклузија на руралната жена по повод Меѓународниот ден на руралната жена.

Мојсоска потсети дека претходната влада не го стави на пленарна седница предлог – законот од Левица во интерес на земјоделките.

– Наместо тоа, се донесе импровизирано решение од Програма за социјална поддршка, која ја донесува Министерството за земјоделие – рече Мојсоска.

Во 2023 година, додаде таа само 2 земјоделки поднеле барање за остварување на правото на породилно отсуство.

– Тие 2 барања не биле разгледани до моментот на вршење на ревизијата. Тоа, исто, укажува дека условите за користење на поддршка од програмата се дискриминаторски. Јас сметам дека правото на платено породилно отсуство е законска материја и тоа не смее да зависи од дискреционото право на некој министер да донесе програма. Јас апелирам и се надевам дека нема да заврши уште еден мандат без жените земјоделки да добијат законско решение за платено породилно отсуство, а Левица е подготвена повторно да поднесе предлог-закон, со апел актуелната власт да го поддржи – рече Мојсоска.

The post САМО ДВЕ ПОБАРАЛЕ ПОРОДИЛНО ОТСУСТВО, НЕ ИМ ГИ РАЗГЛЕДАЛЕ БАРАЊАТА Левица бара породилното за земјоделките да се уреди со закон appeared first on plusinfo.mk.

– Она што ние го докажавме во претходниот мандат е дека ние не се шиткаме, дека ние не се продаваме. Нашите пратеници никогаш нема да поддржат непринципиелни работи. Нема да ги видите како гласаат за легализација на дивоградби, за промена на уставно име… Како што кажа дури и нашиот пратеник Борислав Крмов во едно интервју, уште кога беше жешка темата „Бугари во Устав“, ние попрво би лежеле во затвор, отколку да гласаме за Бугари во Устав – истакна Мојсоска.

Според неа, ваквиот начин на дејствување на Левица е препознаен и поддржан од народот.

– Тоа е она што го препознаваат нашите поддржувачи. Таа искрена непоткупливост, таа искрена неподмитливост. Ние покажавме дека и во Собранието, за жал, кое беше сведено на едно ниво на сточен пазар, па секој пратеник си има цена, можат да влезат поединци за кои платформата, програмските заложби и идеалите се единствените принципи по кои тие делуваат. И затоа, тоа што го докажаа нашите два пратеника во изминатиот мандат – како што видовте тие беа и опозиција на власта и опозиција на опозицијата кога имаше договарања меѓу власта и опозицијата, сега нам ни го донесе овој зголемен број на пратеници. Очигледно, народот го препозна тоа и народот го бара тоа во овие историски услови – рече првата жена – пратеничка од Левица и генерален секретар на партијата, Јована Мојсоска.

The post „НИЕ НЕ СЕ ШИТКАМЕ“ Пратениците на Левица нема да поддржат „Бугари во Устав“ и по цена да лежат во затвор appeared first on plusinfo.mk.