Претседателката Гордана Сиљановска-Давкова и годинава беше дел од „Галичка свадба”, проследувајќи ги свадбарските обичаи коишто ја отсликуваат македонската вековна народна традиција и култура, како неразделен дел од македонскиот национален идентитет.

Честитајќи им го бракот на годинешните младенци, Лилјана Михајлоска и Јован Филипоски, претседателката им посака среќен заеднички живот, полн со љубов, разбирање и деца и им подари „галичка пафта” со мотив од мијачката носија, карактеристична за селото Галичник.

Фото: Кабинет на претседателкатаСиљановска-Давкова изрази задоволство од континуитетот на „Галичка свадба”, истакнувајќи дека преку неа, не само што се негуваат македонските обичаи, туку истите се промовираат пред светот.

– Нешто што е дел од нашиот идентитет, нешто што е единствено, нешто што никаде го нема, нешто што нѐ прави посебни треба да се негува. Радосна сум што мнозина млади го прифаќаат и ја продолжуваат оваа традиција – изјави претседателката Сиљановска-Давкова.

„Галичка свадба” не случајно се одржува околу Петровден, кога во минатото печалбарите се враќале дома заради женидба и во еден ден се правеле повеќе венчавки.

Вчерашното поставување на свадбарскиот бајрак и симболичниот чин на „фрлање” пушка од куќата на зетот и годинава го означија почетокот на свадбата. По венчавањето на младенците во храмот „Св. апостоли Петар и Павле”, продолжи одржувањето на свадбените обичаи.

Вгнезден во исклучителна природна убавина, со уникатна архитектура и древна историја, Галичник може да биде вистински магнет за сите кои сакаат на момент да избегаат од урбаниот хаос, во потрага по магијата на мирот, спокојот и неповторливата убавина на минатото.

Претседателката истакна дека мора да вложиме повеќе, да направиме нешта што нема да се сведат само на доаѓање кога се склучува бракот, туку нешто што ќе го направи Галичник жив во текот на целата година.

Оваа уникатна културна манифестација со децении се одржува под покровителство на претседателот на државата.

The post 📷 СИЉАНОВСКА ДАВКОВА ИМ ПОДАРИ ГАЛИЧКА ПАФТА НА ЛИЛЈАНА И ЈОВАН Преку Галичката свадба македонските обичаи се промовираат пред светот appeared first on plusinfo.mk.

Јован Мицкоски, синот на премиерот Христијан Мицкоски ја прослави својата матура и најави ново поглавје во животот – студии на Машинскиот факултет во Скопје.

По тој повод, премиерот Мицкоски сподели семејна фотографија на социјалните мрежи, придружена со емотивна порака до својот син.

„Синко, среќна матура и добредојде во новото поглавје преполно со предизвици. Секогаш со свои сили минувај низ сите препреки. Нема да е лесно, ќе биде тешко, но сигурен сум дека ќе ги совладуваш. Од октомври се гледаме на Машински“, напиша Мицкоски во пораката до својот син.

Јован Мицкоски од есен ќе стане бруцош на Машинскиот факултет, исто како и неговиот татко кој е професор на истиот факултет.

The post 📷 „ОД ОКТОМВРИ СЕ ГЛЕДАМЕ НА МАШИНСКИ“ Синот на премиерот Мицкоски ја прослави матурата appeared first on plusinfo.mk.

Јелена Арменска која се врати од лекување во Шпанија раскажа за страшниот пожар во дискотеката „Пулс“ во Кочани. Таа му заблагодари на својот другар Јован Костадинов, кој, меѓу другото, спаси 21 лице. Патувањето на Јелена во Шпанија го помогна Благој Механџиски, сопственикот на „Зегин“, кој заедно со Јелена и со Јован даде изјава за порталот Делчево365.

Јелена вели дека кобната ноќ сите биле на штрек и максимално се труделе да помогнат во спасување на луѓето кога избил пожарот.

– Хероите, пожарникарите, обезбедувањето и полицајците максимално се трудеа да ги извадат луѓето од дискотеката. Во првите 10 минути бев свесна, потоа изгубив свест. Преживеав благодарение на мојот другар Јован. Се лекував на Токсикологија, потоа на КАРИЛ и потоа во клиниката „Ла Пас“ Мадрид во Шпанија. Таму бев една недела, беше страшно, имаше повредени на кои им беа правени операции на пластична хирургија. За среќа, имало господ, јас и моите две другарки сме живи и здрави, се спасивме – вели таа.

Јован Костадинов опиша како ги спасувал луѓето. Тој вели дека било среќна околност што ја намокрил маицата при спасувањто.

– Тоа беше многу лошо, полошо од хорор филм, нема да го заборавам до крајот на животот. Прво бев збунет, во првите 5-10 минути не знаев што се случува, мислев дека е тепачка, но потоа, кога почна да излегува густ црн чад и сите почнаа да пискаат и да плачат ми беше јасно дека нешто внатре се запалило. Внатре имаше и други луѓе, други херои кои помагаа. Не бев сам додека ги вадев луѓето од дискотеката. Со помош на другите извадивме доста онесвестени луѓе. Среќа што ми текна да си ја намокрам маицата, тоа доста ми помогна во густиот чад – вели Јован.

Јован се занимава со мотокрос и учи во четврта година во училиштето „Ванчо Прке“ во Виница. Тој вели дека сака да го продолжи образованието во транспорт и шпедиција. За тоа како собрал храброст да ги спаси луѓето тој кратко вели:

– Во дадениот момент си под голем адреналин и не размислуваш дека можеш да го загубиш животот, гледаш само да помогнеш.

Јован неодамна за Supportkocani сведочeше за страшни глетки, девојка која си го проголтала јазикот, викотници и пискотници на кои никој не сака да се потсетува.

• ХЕРОЈОТ ЈОВАН СВЕДОЧИ ЗА КОБНАТА НОЌ ВО ДИСКОТЕКАТА „ПУЛС“ Средношколецот раскажа за траумите и за страшните глетки

Јелена беше пречекана во нејзиното училиште ОСУ „Ацо Русковски“ во Берово.

„Голема благодарност и до Благој Механџиски од Зегин кој ова патување го направи многу полесно за Јелена и за нејзините блиски! Малата закуска е за сите ученици која што исто така ни ја обезбеди чичко Благој, човек кој секогаш и во секое време е спремен да помогне на било кој, синоним за хуманост и човечност. Огромна благодарност од сите нас: учениците, професорите и директорката“, се наведува во објавата на ОСУ „Ацо Русковски“ од Берово.

The post 📽 ПРЕЖИВЕАВ БЛАГОДАРЕНИЕ НА ХЕРОЈОТ ЈОВАН Јелена која се лекуваше во Шпанија раскажа за трагедијата во Кочани appeared first on plusinfo.mk.

Во Гимназијата „Ванчо Прке“ во Виница денеска одекнуваа громогласни аплаузи. Нив ги доби Јован Костадинов – 19-годишното момче чие име овие денови се изговара со почит и восхит. Негови соученици, наставници и пријатели го дочекаа со топл0 добредојде, по враќањето од болничко лекување по кобната вечер во дискотеката „Пулс“ во Кочани.

Но, Јован не е само преживеан во трагедијата – тој е херојот кој во ноќта на 16 март, кога пожарот одзеде 59 млади животи, не мислеше само на себе. Соочен со пламените јазици, тој покажал огромна храброст, помагајќи на други млади да излезат од огнената стапица.

Неговиот подвиг не остана незабележан. Овие денови, неговото име се споменува со длабока почит на социјалните мрежи, а неговата несебичност е инспирација за многумина.

„Херојството не се мери со години, туку со храброст и човечност ! Јован од Виница 19-годишно момче , симбол на несебична пожртвуваност кога во пожарот во Кочани , без двоумење , влезе во огнот за да спаси околу 20 деца! Со црево во рацете и срце полно со храброст, тој не размислуваше за себе, туку за оние на кој им беше потребен ! Побрзо оздравување Јован“, пишува на социјалните мрежи.

Јован беше пуштен на домашно лекување откако лежеше на Клиниката за токсикологија, каде што ќе продолжи неговата борба за целосно заздравување. Но, денеска, во своето училиште, доби она што најмногу му требаше – поддршка, љубов и признание за своето големо срце.

На Фејсбук се огласи и министерот за здравство Арбен Таравари.

The post 📽️ ГО РИЗИКУВАШЕ ЖИВОТОТ ЗА ДРУГИТЕ, СЕГА ГО ДОЧЕКАА КАКО ХЕРОЈ Младиот Јован Костадинов се врати дома по трагедијата во „Пулс“ appeared first on plusinfo.mk.

Со овие зборови српскиот патријарх Порфириј на 24 мај 2022 година во Соборниот храм „Свети Климент Охридски“ во Скопје ја соопшти радосната вест која недвосмислено значеше само едно: решавање на црковниот спор.

Неколку дена по тој празничен ден на архиепископот г.г. Стефан му беше доделен Томосот за автокефалност – без никакви условувачки клаузули кои би ја ограничиле автокефалноста на МПЦ-ОА и устројство во поглед на црковното име, опсегот на јурисдикцијата и пастирската грижа за верниот македонски народ во татковината и во дијаспората.

Но, колку навистина е решено прашањето на МПЦ-ОА и дали сега таа е автокефална црква со Томосот од СПЦ? Треба ли да се очекува Томос за автокефалност да ни додели и Цариградската патријаршија, која се смета за „прва меѓу еднаквите“?!

И покрај јавното признавање на автокефалноста на МПЦ-ОА од неколку православни цркви во светот, сепак, некои домашни црковни медиуми кои важат за блиски до политиките на Цариград, периодов значително ги засилија моторите и се посветија на агендата да ѝ претстават на македонската јавност дека Томосот за автокефалност од СПЦ нема апсолутно никаква важност и дека единственото решение за нас е добивање Томос за автокефалност од Цариградската патријаршија.

Токму поради ваквите намерни и ненамерни недоразбирања – за конечно да им се разјаснат работите на граѓаните кои се интересираат за црковната политика, одлучивме да направиме мала анализа и во официјални и неофицијални разговори со црковни достоинственици, да одговориме на голем дел од прашањата кои им го заматуваат умот на верниците.

Совршена автокефалија

На прашањето „дали е решено прашањето на Македонската православна црква и дали е таа автокефална со Томосот од СПЦ?“, митрополитот крушевско-демирхисарски г. Јован одговори дека автокефалијата е совршена тогаш кога сите цркви ќе ја прифатат.

Не постои согласност меѓу православните цркви дека Цариградската патријаршија има ексклузивно право на издавање Томос, тоа прашање не е решено.

г. Јован Митрополит крушевско-демирхисарски

– Кој дава Томос за автокефалност? Не е решено тоа прашање на сеправославно ниво. Во 2009 година се одржа подготвителен собор за Соборот на Крит во 2016 година. На тој Собор беше поставено и прашањето за автокефалијата. Главно, со текстот сите се согласивме, освен со едно прашање, на кое имаа замерка Руската и Романската црква – дали автокефалноста ја прогласува цариградскиот патријарх, а другите „сопрогласуваат“, или, пак, сите прогласуваат?! – смета г. Јован.

Тешко да се добие Томос од Цариград, бидејќи два томоса никогаш не се издавале, посочува тој.

– Треба да се дојде до фаза Цариградската патријаршија да го прифати издадениот Томос за автокефалност од СПЦ. Но, исто така, постои една многу важна работа: Не постои согласност меѓу православните цркви дека Цариградската патријаршија има ексклузивно право на издавање Томос, тоа прашање не е решено – изјави г. Јован.

Високите црковни извори со коишто неофицијално разговаравме објаснуваат дека за нас постои една огромна разлика помеѓу прифаќањето Томос за автокефалност од СПЦ и прифаќање Томос за автокефалност од Цариград.

Имено, како што потсетуваат, СПЦ ни го додели Томосот без да побара ништо за возврат, додека, пак, Цариград веќе има поставено неколку услови кои се крајно неприфатливи за МПЦ-ОА.

1. Откажување од името Македонска Православна Црква;
2. Отстапување од македонската дијаспора;
3. Признавање на Православната црква на Украина (ПЦУ), чија автокефалија е доделена токму од Цариград.

– Ако ги прифатиме условите на Цариград, тогаш ќе останеме без име, идентитет, без дијаспора и без заедничко сослужување со три четвртини од православните цркви во светот. Колку денес навистина вреди добивањето Томос од Цариград најдобро се гледа преку примерот на ПЦУ, која ја оформи Цариград. Таа црква требаше да ги обедини сите три разединети православни цркви во Украина. Наместо тоа, сега во Украина има 4 разединети православни цркви, старите три и четвртата – новата ПЦУ. Исто така, Цариград не може таа своја одлука за формирање на ПЦУ да ја спроведе во својата јурисдикција – Света Гора е под Цариградската патријаршија, а таму од сите 20 манастири само 4 ја прифаќаат ПЦУ. Па така, дали Томосот од Цариград во Украина го реши или дополнително го продлабочи црковниот спор? Оти, во нашиот случај, Томосот од СПЦ во Македонија го реши проблемот. И тоа не може никој да го оспори – изјави нашиот соговорник.

Само името им е важно на Грците

Сакаат да ни наметнат за секое богослужение на наш свештеник во Европа да мора да се добие благослов од цариградскиот митрополит во таа земја. Значи, нас не нѐ признаваат.

г. Петар Митрополит преспанско-пелагониски

Митрополитот преспанско-пелагониски г. Петар, кој е претседател на Одделот за надворешни црковни односи на МПЦ-ОА, вели дека прашањето за нашето признавање е повеќе од политичка одошто од верска причина, затоа што гледаме дека Грција приговара за името на нашата црква, а не приговара за нашето учење, дали сме погазиле некои канони.

– Нив ги интересира само да не ги употребуваме зборовите Македонија, македонска, македонски јазик и сѐ што е поврзано со Македонија. Велат дека тоа право го имале само тие, а ние сме го немале. Нас нѐ обвинуваат за етнофилетизам, а постојат дури 4 цркви кои се именуваат со национален префикс. Тоа што успеаја да го постигнат со Преспанскиот договор, кој предвидува слободна употреба на изведени придавки од името Македонија, сега сакаат да го наметнат преку црквата, односно преку доделување Томос со забрана на името. Од нас бараат да се нарекуваме Охридска црква, а не Охридска архиепископија – објаснува владиката Петар.

Епископи без власт

Објаснувајќи го условот од Цариградската патријаршија јурисдикцијата на нашата црква да се протега само на територијата на државата, владиката Петар јасно изјави дека „третото барање е дека нашата дијаспора им припаѓа ним“.

– Ни велат дека немаат против ние да си бираме владици, но само како викарни епископи кои немаат никаква власт, додека епископите што имаат власт се оние на Цариград. Сакаат да ни наметнат за секое богослужение на наш свештеник во Европа да мора да се добие благослов од цариградскиот митрополит во таа земја. Значи, нас не нѐ признаваат. Дијаспора немаат грчките цркви: кипарската, грчката, александриската, ерусалимската. Сите тие се имаат откажано од својата дијаспора во полза на Цариградската црква, која е цариградска само по име, а во суштина е грчка – вели г. Петар.

Томос сакаме, услови не сакаме

На прашањето дали воопшто треба да добиеме Томос од Цариградската патријаршија, владиката Петар одговори:

И со Томос од Цариград и без Томос од Цариград ние веќе сме во екумената на православните цркви, бидејќи можеме да сослужуваме со останатите православни цркви, без оглед на тоа дали нѐ признаваат како автокефални или не.

г. Тимотеј Митрополит дебарско-кичевски

– Ние не сме против Цариградската патријаршија да ни даде Томос, но да не ни поставува никакви услови. Кога Романската црква нè призна како автокефална црква, Синодот на Романската црква тоа го направи врз основа на Томосот добиен од Српската православна црква и согласно на резолуцијата за давање автокефалија од Шамбези дека прв кој дава Томос за автокефалија е мајката-црква. Од Цариградската патријаршија ни рекоа „побарајте отпуст од СПЦ, па после ние ќе ви дадеме автокефалност“. Ако таа била мајка-црква, зошто нè упатуваше кон СПЦ? – рече владиката Петар.

Сличен став дели и митрополитот дебарско-кичевски и портпарол на Синодот на МПЦ-ОА, г. Тимотеј, кој вели дека и со Томос од Цариград и без Томос од Цариград ние веќе сме во екумената на православните цркви, бидејќи можеме да сослужуваме со останатите православни цркви, без оглед на тоа дали нѐ признаваат како автокефални или не.

– Најважно е сослужувањето и заедничкото учество со останатите православни цркви во светиот путир, во светото тело и крв Христови – порача г. Тимотеј.

Лажен томос?

Неодамна, гостин на владиката Тимотеј беше митрополитот на Имврос и Тенедос г. Кирил, кој е еден од најблиските соработници на вселенскиот патријарх, а тој тогаш јасно и гласно порача дека Томосот што го доби МПЦ-ОА од СПЦ е лажен.

– Што се однесува до ставовите на митрополитот г. Кирил, можеме да кажеме дека тоа се ставови на Цариградската патријаршија што не се нови. А за неговата формулација дека Томосот е лажен, можеме да кажеме дека подобро е тоа да им го објасни на оние цркви кои го признаа тој Томос, како што се Српската православна црква, која и го издаде, Руската православна црква, Романската православна црква, Бугарската православна црква, Црквата од Чешка и Словачка. Ако овие цркви прифаќаат лажни томоси, тогаш можеме да разговараме и размислуваме за такви квалификации. Но, колку што нам ни е познато, според одлуката на последната конференција во Шамбези за тоа како да се доделува автокефалност, јасно и гласно се вели дека онаа црква од која се одделува еден дел треба да даде согласност и да издаде томос. Потоа треба да ги информира останатите православни цркви истиот да го прифатат, а најпосле цариградскиот патријарх заедно со оној кој го издал томосот да излезат со заеднички потпис, повторно во согласност со останатите православни цркви. Овој принцип Цариград очигледно не го почитува, повикувајќи се на тоа дека прашањето за автокефалност не било на дневен ред на соборот во Крит. Меѓутоа, прашањето за автокефалноста не е расправано со векови, што не значи дека некој треба да чека нови вселенски собори. Ова е уште појасно ако се знае дека во XIX век најголем дел од црквите се прогласени за автокефални без никакви собори туку во согласност со црквата од каде што се одделиле, а Цариград, пак, им издал томос. Нашата света црква не ги прекратува разговорите со Цариградската патријаршија за изнаоѓање на решение за издавање на томос и од Цариград, а со што целосно ќе се заокружи решавањето на автокефалниот статус на МПЦ-ОА – објасни митрополитот г. Тимотеј.

И архиепископот г.г. Стефан неодамна изјави дека условите на Цариград се неприфатливи.

ТРИТЕ УСЛОВИ НА ЦАРИГРАДСКАТА ПАТРИЈАРШИЈА Бараат од нас да се откажеме од името, предупреди поглаварот Стефан

The post ТОМОСОТ ОД ЦАРИГРАД НЕМА МНОГУ ДА НИ ДАДЕ, АМА МНОГУ ЌЕ НИ ЗЕМЕ До кога ќе се занимаваме со веќе решен црковен проблем? appeared first on plusinfo.mk.

Ова, во разговор за Плусинфо, го изјави поглаварот на ПОА, г.г. Јован. Тој призна дека бил затечен од одлуката на МПЦ-ОА на синодска седница денеска да расправа за интеграцијата на ПОА и за распределбата на епархии за владиците од ПОА.

– Јас не знам ништо подетално од тоа што го разбрав од вас новинарите. Немаме директна комуникација со МПЦ-ОА и воопшто не знаевме дека Синодот на МПЦ-ОА ќе заседава за ова прашање. Не дознавме ништо по официјален пат. Седницата се одржа, но јас навистина не знам што се разговарало и какви одлуки се донесени. Разбрав дека конечната одлука ќе ја чуеме на Соборот на СПЦ и се надеваме дека крајното решение, со божја помош, ќе биде прифатливо за сите нас. Да почекаме и да видиме како ќе се одвиваат работите – ни изјави архиепископот Јован.

Претходно и портпаролот на Синодот на МПЦ-ОА, Тимотеј, рече дека целосната интеграција очекува да се случи за време на Соборот на СПЦ, кој, како што кажа, треба да почне на 14 или на 15 мај.

ПОДЕЛБАТА НА ЕПАРХИИТЕ УШТЕ Е ТАЈНА Одлуките на владиците на МПЦ чекаат амин од српските владици

ОДЛУКАТА ЗА ИНТЕГРАЦИЈАТА НА ПОА ТРЕБА ДА ЈА ПОТВРДИ СПЦ Ќе има ли незадоволства по поделбата на епархиите?

The post СЕ МОЛИМЕ ЗА РЕШЕНИЕ ПРИФАТЛИВО ЗА СИТЕ Владиката Јован не ни знаел дека МПЦ-ОА денеска ќе расправа за интеграцијата на ПОА appeared first on plusinfo.mk.

Синодот на МПЦ-ОА, утре во полн состав, треба да донесе одлука за обединување на МПЦ-ОА и ПОА, со што треба да се финализира договорот меѓу МПЦ-ОА и СПЦ со кој беше обезбедена согласноста на Српската црква за автокефалност на МПЦ-ОА, објави порталот религија.мк.

Во Синодот во полн состав, според Уставот на МПЦ-ОА, членуваат сите епархиски архиереи и викарните архиереи избрани во МПЦ-ОА.

Во текстот се наведува дека бил постигнат начелен договор со СПЦ околу тоа како да бидат интегрирани владиците на ПОА во МПЦ-ОА и кои епархии ќе им бидат дадени.

„Заокружувањето на тој процес ќе значи и формално згаснување на ПОА и нејзина итеграција во МПЦ-ОА, што ќе биде историски чин на обединување кон конечната цел полноправо признавање на МПЦ-ОА како автокефална црква“, се наведува во написот на религија.мк.

Воедно, се додава дека сите четворица владици на ПОА ќе добијат епархии, кои ќе бидат создадени со прераспределба на постоечките што ги има МПЦ-ОА.

„Јован, кој сега има титула Архиепископ Охридски и митрополит Скопски ќе ги добие на управување Демир Хисар и Крушево, заедно со Нижеполе, каде веројатно ќе биде седиштето на новата Епархија. Во првичниот договор во опција е и Ресен, но овој град засега е спорен поради противењето на Владиката Петар. Практично овие две општини, кои сега се дел од Преспанско-пелагоиниската епархија, ќе бидат нова епархија. Ако во нејзе влезе и Ресен, Јован би имал титула почесен архиепископ охридски и митрополит преспански. Доколку Ресен остане под управа на владиката Петар, Јован би имал друга титула, но таа секако ќе ја содржи почесната титула на архиепископ“, стои во текстот.

Јаоким, кој во ПОА има титула Полошко-кумановски, се наведува понатаму, ќе добие на управување нова епархија од Кумановско-осоговската со која сега управува владиката Григориј. Според сценариото, Јоаким би управувал со делот на Илинден, Делјадровце и до границиата со Србија. Во овој состав би требало да биде и Старо Нагоричане, но, според порталот, нејасно е дали на тоа ќе се согласи актуелниот владика. Каква титула ќе носи Јоаким засега не е прецизирано.

Сосема јасно е, се посочува, кои делови од Северна Македонија како нов владика ќе ги управува Марко, кој сега има титула Брегалнички. Тој во МПЦ-ОА, ќе биде владика на Делчево и Каменица, со кој титула сѐ уште не е договорено.

Единствен за кој имаше најголем отпор во МПЦ-ОА, се наведува, беше епископот Стобиски Давид.

„Него може да му биде понудено нова епархија во Скопско, во околината на Сопиште. Другата опција е биде викар на Јован. Кое ќе биде конечното решение, сепак ќе одлучат утре владиците на МПЦ-ОА на заседание на Синодот во полн состав“, стои во текстот на религија.мк.

The post СИНОДОТ НА МПЦ-ОА УТРЕ ЌЕ ОДЛУЧУВА ЗА ИНТЕГРАЦИЈАТА СО ПОА Што ќе добијат владиците Јован, Марко, Јоаким и Давид? appeared first on plusinfo.mk.

Како што објасни владиката, црковниот врв на МПЦ-ОА наскоро ќе се сретне со владиците од ПОА и на таа средба ќе им бидат претставени, односно понудени неколку предлози за нивна интеграција.

Многу добро знаеме дека Српската православна црква ја воспостави ПОА на нашата територија, но истата таа СПЦ сега нам ни додели автокефалност и со самото тоа се укинува функционирањето на ПОА.

г. Петар Митрополит преспанско-пелагониски, МПЦ-ОА

– На синодската седница донесовме одлука дека треба да седнеме на иста маса со архијереите од ПОА и да разговараме очи в очи. Откако ќе го одржиме тој состанок, а ве уверувам дека ќе биде за брзо време, тогаш ќе се знае отприлика во која насока ќе се движат работите во поглед на нивното прашање. Но, гледано од аспект дека ние веќе сме автокефална црква, автоматски на некој начин е решено нивното прашање. Ова го кажувам во смисла дека не може да има паралелна канонска црква на една иста територија. Многу добро знаеме дека Српската православна црква ја воспостави ПОА на нашата територија, но истата таа СПЦ сега нам ни додели автокефалност и со самото тоа се укинува функционирањето на ПОА. Сега се поставува само прашањето како ќе се интегрираат владиците од ПОА во нашата црква. Јас мислам дека е сосема разбирливо дека таа интеграција мора да биде во договор со нив – објасни владиката.

На прашањето дали е сѐ уште во игра сценариото да се испрати во пензија поглаварот на ПОА, г.г. Јован, еден епископ да остане под капата на СПЦ, а останатите двајца владици во улога на хороепископи да заминат во манастир, владиката Петар тврди дека сѐ е можно.

– Секако дека постојат такви размислувања и кај нас и кај СПЦ, но тоа не е ништо конкретно и конечно. Станува збор за можности како да се изнајде некое најбезболно решение за да се надмине тоа прашање – изјави г. Петар.

Од ПОА кратко ни одговорија дека засега до нив не е пристигната никаква покана за состанок со црковниот врв на МПЦ-ОА.

Инаку, според црковните канони, на еден владика може да му се одземе епархијата само на два начини: или со судска пресуда или по докажана телесна немоќ, потврдена од двајца лекари-специјалисти. Не постои друг начин како еден активен епископ со стаж подолг од 15 години одеднаш да биде назначен за хороепископ и да биде испратен да служи в манастир под власт на друг епископ.

Неофицијално, таквиот предлог сѐ уште се крчка во кујната на МПЦ-ОА и големи се шансите токму тоа да им биде сервирано на архијереите од ПОА.

Како што дознава Плусинфо од високи црковни извори, МПЦ-ОА планира да му понуди на поглаварот на ПОА, г.г. Јован, да се пензионира, а за возврат да добие Канцеларија за образование во МПЦ-ОА.

Неофицијално, на епископот брегалнички г. Марко, ќе му биде понудено како хороепископ да замине во Делчевскиот манастир (Св. Богородица Балаклија), под власт на актуелниот епископ брегалнички г. Иларион од МПЦ-ОА.

Се очекува и епископот полошко-кумановски г. Јоаким да добие понуда како хороепископ да замине во Поречкиот манастир (Рождество на Пресвета Богородица) под власт на епископот дебарско-кичевски г. Тимотеј од МПЦ-ОА.

Во административна смисла, титулата хороепископ не значи баш многу: не смее да ракополага, не смее да поставува свештеници, не смее да осветува храмови, не смее да прави ништо без дозвола од надлежниот епископ.

Интересно е тоа што во плановите на МПЦ-ОА воопшто не е вклучен епископот стобиски г. Давид од ПОА, за кого, наводно, МПЦ-ОА веќе испратила абер до Српската православна црква (СПЦ), доколку постои расположение кај српскиот патријарх, да дозволи да му се отвори подворие во Скопје. На тој начин епископот г. Давид би добил своја канцеларија, односно претставништво, а тој лично би бил дел од раководството на СПЦ.

ЕДЕН ВО ПЕНЗИЈА, ДРУГ ВО ОТПИШАНИТЕ Каква понуда им крчка МПЦ-ОА на владиците од ПОА?

The post СТЕФАН ГО КАНИ ЈОВАН НА „ТАЈНА ВЕЧЕРА“ Ќе добијат ли епархии владиците од ПОА? appeared first on plusinfo.mk.

Фер понуда или обид за понижување?

Како што дознава Плусинфо од високи црковни извори, МПЦ-ОА планира да му понуди на поглаварот на ПОА, г.г. Јован, да се пензионира, а за возврат да добие Канцеларија за образование во МПЦ-ОА.

Неофицијално, на епископот брегалнички г. Марко, ќе му биде понудено како хороепископ да замине во Делчевскиот манастир (Св. Богородица Балаклија), под власт на актуелниот епископ брегалнички г. Иларион од МПЦ-ОА.

Се очекува и епископот полошко-кумановски г. Јоаким да добие понуда како хороепископ да замине во Поречкиот манастир (Рождество на Пресвета Богородица) под власт на епископот дебарско-кичевски г. Тимотеј од МПЦ-ОА. Инаку, во административна смисла, титулата хороепископ не значи баш многу: не смее да ракополага, не смее да поставува свештеници, не смее да осветува храмови, не смее да прави ништо без дозвола од надлежниот епископ.

Интересно е тоа што во плановите на МПЦ-ОА воопшто не е вклучен епископот стобиски г. Давид од ПОА, за кого, наводно, МПЦ-ОА веќе испратила абер до Српската православна црква (СПЦ), доколку постои расположение кај српскиот патријарх, да дозволи да му се отвори подворие во Скопје. На тој начин епископот г. Давид би добил своја канцеларија, односно претставништво, а тој лично би бил дел од раководството на СПЦ.

До истекот на месецот

Неблагодарно е сега да зборувам за тоа што треба да им се понуди на архиерејите од Православната охридска архиепископија, бидејќи до крајот на месецов ќе имаме седница на Синодот на којашто со сигурност ќе биде тоа прашање ставено на дневен ред.

Ова во разговор за Плусинфо го изјави епископот преспанско-пелагониски г. Петар од МПЦ-ОА, кој признава дека веќе се доцни со интеграцијата на двете цркви.

– Не би сакал сега да коментирам и да откривам информации, бидејќи се плашам дека би можел да бидам погрешно разбран од браќата архиереји во смисла дека се поставувам над Синодот. Оваа тема со сигурност ќе биде точка на дневен ред на следната седница на Синодот, бидејќи времето си одминува, а оваа работа мора да се реши еднаш засекогаш. Сметам дека нема многу да чекате и дека до крајот на месецов ќе добиете информација каков став ќе заземе МПЦ-ОА – изјави владиката Петар.

Оваа тема со сигурност ќе биде точка на дневен ред на следната седница на Синодот, бидејќи времето си одминува, а оваа работа мора да се реши еднаш засекогаш.

г. Петар Митрополит преспанско-пелагониски, МПЦ-ОА

Официјален став побаравме и од раководството на Православната охридска архиепископија (ПОА), но оттаму нѐ информираа дека засега не добиле никаков предлог или понуда.

– До овој момент немаме добиено никаква официјална информација поврзана за тоа како ќе се одвива интеграцијата на двете цркви. Сепак, ние очекуваме ова прашање да се реши на радост на сите. Во моментов не би сакале да коментираме информации кои се базираат на шпекулации – ни одговорија од ПОА.

The post ЕДЕН ВО ПЕНЗИЈА, ДРУГ ВО ОТПИШАНИТЕ Каква понуда им крчка МПЦ-ОА на владиците од ПОА? appeared first on plusinfo.mk.

Поранешниот Премиер зборуваше и за државниот прогон врз Архиепископот охридски и Митрополит скопски г.г. Јован заради што, како што истакна, дваесет години се занимававме со човекови права, а тој прогон е регистриран во сите извештаи на Стејт Департментот. Поранешниот премиер изјави дека: дваесет години државата го малтретира Архиепископот Јован.

– И, сега, што е најинтересно, ние се правиме на Тошо како општество, меѓутоа Јован победи со неговата идеја. Ова што се случува сега, тоа е патот, кој требало да се следи, тоа е неговата идеја и македонското општество треба да му се извини на Архиепископот Јован – посочи Георгиевски.

Поранешниот премиер Љубчо Георгиевски го заврши разговорот за црковните случувања со следниот став: „Дваесет години скокаме во место, но сега е малку поскапа цената, бидејќи до ден денеска не знам како што сме признаени“.

The post ДА МУ СЕ ИЗВИНИМЕ НА ПРОГОНЕТИОТ ЈОВАН Љубчо Георгиевски вели истото го добивме со Нишкиот договор appeared first on plusinfo.mk.