Тој истакна дека најголем дел од локалните проекти зависат од централната власт поради нецелосната децентрализација. Заради политичка кратковидост владата не соработува со градоначалниците на ВМРО-ДПМНЕ и ги блокираат и опструираат, но и покрај тоа се реализираат проекти.

– Проектите на владата не ги гледаме. И да не помагаат на општините, ди работеа само проектите на владата, Македонија ќе беше многу поубаво место за живеење. Јас не можам да се сетам на ниеден проект кој што оваа влада го има реализирано. Автопати не се градат, само се плаќаат пари. Сега има нова фаза, до пред некое време само не се градеа автопати, не се градеше Охрид-Кiчево, не се градеше експресниот пат од Градско кон Прилеп, а сега сме во нова фаза каде што со Договорот за коридорите 8 и 10д автопати не се градат, ама пари се плаќаат. Тоа е врв на криминалот. Само вчера министерството за транспорт и врски префрли на изведувачите кои се избрани околу 120 милиони евра, а 120 зрна песок не се ставени на било која делница. Ова е врвна фаза на криминал за која што секако ќе има одговорност после промената на власта – потенцираше Александар Николоски.

Потпретседателот на ВМРО-ДПМНЕ, Тимчо Муцунски, се сретна со Драчевци. Тој истакна дека граѓаните на Драчево бараат нова влада, бараат чесност, план, програма и надеж.

– Граѓаните во Драчево бараат промена на централната власт. Граѓаните во Драчево бараат нова влада, влада која што нема да биде синоним за криминал и корупција, тоа што го гледаме само треба да се погледнат медиумите и дневните вести да видите што се се случува во Македонија. Срам во институциите кои што треба да го раководат правосудството, срамни договори кои што се штетни по нашиот буџет, граѓаните го бараат сосема спротивното. Граѓаните бараат план програма, чесност, граѓаните бараат надеж -нагласи Муцунски.

Потпретседателот на ВМРО-ДПМНЕ, Владо Мисајловски, во Ѓорче Петров истакна дека со оваа власт на ДУИ и СДС Македонија тоне, а власта сака да украде милијарди преку изградбата на коридорите, затоа посочи е потребна промена на власта.

– Гледате какви скандали има, гледате како сакаат милијарди евра да украдат со автопатот, да го украдат народот. Нема економија, нема здравство, Македонија тоне пореди СДС и ДУИ. ДУИ ја води државата а СДС мора да биде со нив за некој месец плус да остане на власт. Ги повикувам сите граѓани да ни се приклучат, затоа е најважно ВМРО-ДПМНЕ да победи – нагласи Мисајловски.

Tим предводен од пратеникот Мирче Аџиоски на ВМРО-ДПМНЕ беше во посета Пештани и во Елшани и Долно Коњско во Охридскиот регион.

– За новиот проект за автопатиштата кој уште непочнат заглави во криминал и корупција и за кој секојдневно излегуваат на површина криминалните зделки на Артан Груби и на Димитар Ковачевски. Уште непочнат овој проект, гледаме дека владата исплатила 120 милиони евра пенали на изведувачот, а оваа сума секако ќе биде, можеби и многу поголема затоа што се неспособни и не знаат ад работат – рече Аџиоски.

Тим на ВМРО-ДПМНЕ предводен од потпреседателката Гордана Кочоска Димитриеска ги посети населените места, Тумчевиште, Галате, Зубовце,Вруток и Беловиште.

– Власта нема воопшто никаква грижа кон граѓаните. Секаде се исти проблемите. Граѓаните велат дека наместо корупција и криминал, нам ни требаат патишта, наместо да има инвестиции во водовод и канализација, власта троши милионски износи како казнени пенали за коридор 8. Власта со парите кои ги потроши за тие казнени пенали, кои се повеќе од 230 милиони евра можеше да изгради голем број на училишта, да изгради улици, да направи болници, да купи одпрема за здравствените домови кои навистина немаат никаква апаратура за работа – истакна Кочоска Димитриеска.

The post И ВМРО-ДПМНЕ КРСТАРИ ПО ЗЕМЈАТА „Ова е Македонија за сите“ во која ќе нема криминал и корупција appeared first on plusinfo.mk.

– Овој викенд 19 тимови ќе посетат над 100 населени места во Република Македонија и ќе остварат средби со граѓани без разлика на нивната политичка, етничка и верска припадност. Целта на средбите е да се запознаат граѓаните со активностите на партијата од една страна, но и да се слушнат проблемите на граѓаните и заедно да изнајдеме начини на нивно решавање – информираат од партијата.

Целта на акцијата „Ова е Македонија за сите”, објаснуваат од партијата, е да ги обединиме луѓето околу принципите на заедничкиот патриотизам, околу промени кои насушно и требаат на државата и потребата од заедничка борба за подобра иднина.

– Сето ова е спротивност и одговор на понудата на власта на СДС и ДУИ која Македонија ја носи во беда, понижувања, сиромаштија и иселување. ВМРО-ДПМНЕ нуди концепт на работа, вредности и идеал за напредна Македонија. Тоа ќе го постигнеме заедно со народот, затоа што ние народот го почитуваме и народот е клучен фактор во Македонија кој знае да процени што е добро, а што лошо за него и за државата – додаваат оттаму.

ВМРО-ДПМНЕ ги повикува граѓаните да се вклучат во акцијата и да придонесат со својата идеа, мислење или да лоцираат проблем и предизвик, кои потоа заедно ќе ги решава со цел, како што велат,  да ја обновиме Македонија од катастрофата во која СДС и ДУИ ја доведоа.

The post 19 ТИМОВИ НА ВМРО-ДПМНЕ ЌЕ ПОСЕТАТ 100 НАСЕЛЕНИ МЕСТА Почнува акцијата „Ова е Македонија за сите“ appeared first on plusinfo.mk.