Истражувањето, како што стои во соопштението на ЦЕА, е единствена споредбена, независна и редовна проценка во светот за транспарентноста, надзорот и учеството на јавноста во националните буџети. Во овој круг на истражување, оценките за глобална транспарентност беа 45 од 100 можни поени, учеството на јавноста беше 15 од 100 можни поени, законодавниот надзор беше 45 од 100 можни поени и ревизорскиот надзор беше 62 од 100 можни поени.

– Треба да се изработи и објави фискалната стратегија навреме и да биде достапна за пратениците во Собранието пред да биде поднесен предлог-буџетот од Владата – рече Марјан Николов, претседател на ЦЕА, која го спроведе истражувањето за Македонија.

Дополнително, се додава, Владата и Министерството за финансии не покажаа дисциплина и решителност при изготвување и објавување навреме на Граѓанскиот буџет.

Се посочува дека последно, но не и најмалку важно, Министерството за финансии продолжува да не прави соодветен Полугодишен извештај.

– Полошиот резултат на Македонија е во позадина на скромни подобрувања на глобално ниво и е втор најлош во регионот само после Босна и Херцеговина. Глобалниот просек на буџетска транспарентност се зголеми за еден поен, а учеството на јавноста се зголеми за два поени. Сепак, и покрај овие скромни придобивки, забележан е загрижувачки пад на јавната достапност на граѓанските буџети – пропуштена можност од страна на владите да користат клучна алатка за да ги направат нивните буџети подостапни за секојдневните луѓе. За прв пат од 2017 година, помалку влади ги ставаат на располагање на јавноста своите извештаи за извршување на буџетот во текот на годината. Продолжуваме да гледаме скромни придобивки во истражувањето – рече Дејвид Робинс, раководител на Истражувањето за отворени буџети.

Анкетата за отворени буџети опфаќа 125 земји во кои живеат 7,5 милијарди луѓе и ја проценува отвореноста и отчетноста на буџетите кои изнесуваа повеќе од 33,5 трилиони американски долари во фискалната 2022 година. Транспарентноста и помага на јавноста да ги разбере буџетските приоритети на владата; механизмите за учество на јавноста им овозможуваат да придонесат кон овие приоритети; и формален надзор на буџетот од законодавниот дом ги води и ги проверува буџетските избори додека ревизорските институции ја оценуваат законитоста, ефикасноста и ефективноста на јавната потрошувачка.

The post ЗАТАИ ТРАНСПАРЕНТНОСТА НА МАКЕДОНСКИОТ БУЏЕТ Земјата бележи благо опаѓање во глобалното рангирање за отчетноста appeared first on plusinfo.mk.

Според заклучениот Избирачки список на Државната изборна комисија, за гласање во државата се запишани 1.713.758 избирачи, 95.116 избирачи се на привремена работа или престој во странство, а 2.147 се на издржување казна затвор или се во притвор.

Во посебниот извод од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се евидентирани 2.569 избирачи, како и 191 член членови и заменик членови на избирачките одбори кои ќе спроведат гласање во ДКП-та.

Запишани се и 534 избирачи, кои поднеле пријава за гласање, во посебниот извод од Избирачкиот список за лица кои за време на изборите се наоѓаат во установи за вон семејно згрижување, како и двајца избирачи со статус на внатрешно раселени лица, согласно евиденцијата на Министерството за труд и социјална политика.

Вчера, ден пред изборите можеа да гласаат вкупно 6.935 болни и изнемоштени, затвореници во Казнено-поправните домови и лица во притвор, во старски домови и наши државјани во странство.

The post ИЗБИРАЧКИТЕ МЕСТА СЕ ОТВОРИЈА, ГЛАСАЊЕТО ПОЧНА Право на глас имаат 1.814.317 граѓани appeared first on plusinfo.mk.

Инспирирана од годинашниот лауреат на највисокото фестивалско признание, „Златен венец“, академик Влада Урошевиќ и неговите зборови какво би било човештвото без поезија, посочи дека тој кажал дека човештвото може да се замисли и без поезија, но оти тоа би било многу потажно, побездушно, поздодевно. Затоа, пренесувајќи ја пораката на Урошевиќ, министерката подвлече, додека не дојде до тоа време, читајте поезија за барем да го одложиме некако тој момент.

– И го одложуваме, и вечерва и тука, со сета почит кон пишаниот збор, вткаен во безвременски стихови било да се тие напишани на парче хартија стуткана во џебот или во инспиративна поетска осама на некое посебно место. Едно од тие посебни места е и нашата Струга. На „Мостовите на поезијата“ се сретнаа и Истокот и Западот. Токму тука, каде што сѐ уште боли „Т  ́га за југ“ – рече Костадинова Стојчевска.

Ехото на Миладиновци, нагласи таа, е присутно и денес.

– И од година во година е сè погласно. Продолжи тоа ехо благодарение и на Струшките вечери на поезијата, создадени по промислата на величествените македонски современи автори чија визија нè крепи и по децении од нивното заминување – додаде министерката за култура.

На поетите кои ја одржаа, етаблираа и оние кои ја продолжуваат оваа престижна поетска манифестација, им порача да не се откажуваат од нивниот драгоцен отпор.

– Вашите стихови нека бидат бедемотпорни. Стиховите сведочат и ќе сведочат за човечкото, за чувствотворното. Македонскиот современ литературен јазик има збор за секоја песна, за секој стих, на сите поети од светот. Македонскиот современ литературен јазик има збор и за сè што е неизречено, што пристиска и пече… Го има и изразот „вештачка интелигенција“ која, можеби, ќе напише и поема, ама никогаш нема да допре до длабоката тишина, таа што сè ќе рече – додаде Костадиновска Стојчевска.

Од светската престолнина на поезијата, поетско послание испрати поетот Милован Стефановски посочувајќи дека стиховите се зраци што светат, оти песните го возвишуваат духот и сите што искрено ја сакаат поезијата неминовно ги поседуваат и врвните човекови доблести.

– А ехото на брановите, и во времето што надоаѓа, нека нè потсетува дека непроценливите вредности на нашиот струшки поетски фестивал треба со пиетет и грижливо да ги чуваме, домаќински да ги негуваме и со заеднички сили да ги надградуваме истовремено како наша гордост и како светска културна придобивка –  порача Стефановски.

The post ЕХОТО НА МИЛАДИНОВЦИ Е ПРИСУТНО И ДЕНЕС Отворени Струшките вечери на поезијата appeared first on plusinfo.mk.

– Ова е документ преземен од Отворени финансии, преку кој може да се види дека од страна на Владата каде Груби е прв вицепремиер, но и од министерството за политички систем и односи меѓу заедниците каде Груби е министер, се исплаќале средства токму на ЕТЦ Травел ДООЕЛ Скопје, фирма во сопственост на неговиот брат (Ветон Груби).

Имено, во осум наврати институциите на државата односно Владата, Министерството за политички систем и односи меѓу заедниците, но и Министерството за економија се јавуваат како приматели на услуга кон фирмата во сопственост на братот на Груби, ЕТЦ Травел ДООЕЛ Скопје, од 2020 до 2022 година. Вкупната вредност која фирмата на братот на Артан Груби, ја добила од државата е над 1 милион денари – рече Марија Митева, портпарол на ВМРО-ДПМНЕ.

Таа обвини дека вицепремиерот Артан Груби е поврзан со фирмата на неговиот брат, која работи во угостителството и туризмот и дека Артан директно, од позиција на министер, ѝ исплаќа услуги на фирмата на неговиот брат.

– Скандалозно, нечесно и несериозно е Груби да ја лаже и манипулира јавноста дека нема никаква врска со неговиот брат и неговите бизниси, а притоа државните институции со кој тој директно раководи да му исплаќаат средства. Патем на фирмата ЕТЦ Травел ДООЕЛ Скопје чиј сопственик е братот на Артан Груби. Оваа фирма е фирма која четири години во период од 2016 до 2020 година има минусно салдо односно работи во загуба па можеби со овие трансакции се надоместувала загубата – рече Митева.

Таа вели дека ова е уште еден доказ за политичка корупција која мора да биде најстрого казнета.

The post МИНИСТЕРСТВОТО НА ГРУБИ ДИРЕКТНО ЈА ИСПЛАЌАЛО ФИРМАТА НА НЕГОВИОТ БРАТ! Опозицијата вади документи за државни исплати кон ЕТЦ Травел на Ветон Груби appeared first on plusinfo.mk.

Воведена е можноста за флексибилно време за почеток на наставата, различни големи одмори, отворање на повеќе од еден влез во училиштата за да се избегне создавање гужва како меѓу учениците, така и меѓу родителите и старателите.

Училниците се опремени со антисептици, а предвидено и често проветрување на просториите.

Освен основните училишта, денеска се отворија и забавиштата и градинките.

Министерката за образование на Грција Ники Керамеос, утрово рече дека училиштата се природната средина за учениците, а ништо не може да ја замени наставата со физичко присуство.

Средношколците, од петокот продолжија со онлајн настава, планирано е во следниот период да се разгледа можноста и тие да се вратат во училишните клупи, а минатата седмица беше соопштено намалување на материјалот за државниот испит за матурантите.

За просветните работници веќе функционира специјална платформа за бесплатно и доброволно тестирање за ковид-19.

Со воведувањето на карантинот во Грција на 7 ноември, училиштата и забавиштата продолжија со настава, меѓутоа една седмица подоцна и тие беа затворени по препорака на Комисијата на епидемиолози и за да се намали раздвиженоста на возрасните.

Професорката Вана Папаевангелу, која е член на Комисијата, во петокот рече дека училиштата треба да бидат последни што се затвораат, а први што се отвораат.

The post Во Грција отворени градинките, забавиштата и училиштата appeared first on plusinfo.mk.

Заев и Борисов, како што информираат од владината прес-служба, размениле и информации околу подготовките за претстојниот самит во Софија во рамки на Берлинскиот процес и договориле уште еден телефонски разговор за денеска, на кој ќе биде донесена одлука дали состанокот на премиерите на земјите од Западен Балкан во рамки на Самитот во вторник ќе се одржи со физичко присуство во Софија или целосно онлајн.

Во рамките на заедничкото копретседателство со Берлинскиот процес, денеска министрите за надворешни работи на двете земји Бујар Османи и Екатерина Захариева, ќе копретседаваат со состанокот на шефовите на дипломатиите, на кој ќе земат учество и претставници на институциите на ЕУ и Советот за регионална соработка.

Состанокот е во пресрет на седмиот Самит на Берлинскиот процес, кој оваа година е предвиден да се одржи на 10 ноември во Софија.

Министерот за надворешни работи Бујар Османи, преку видео порака, упати апел на смиреност и одговорност, бидејќи како што рече, премногу постигнавме и премногу сме блиску за да си дозволиме да ја пропуштиме оваа шанса

– Во земјите членки на ЕУ и во нашите соседи во Бугарија постои чувство на одговорност и потреба за изнаоѓање решение. Затоа не смееме да ја прооуштиме оваа шанса, премногу е важно за сите нас – изјави Османи.

Тој потенцира дека земјава има премногу вложено, премногу постигнато и едноставно сме премногу блиску за да си дозволиме да ја пропуштиме оваа шанса.

– Ние немаме добиено доверба за да се нервираме или да ја проектираме таа нервоза, туку за да бараме решение. Имаме многу пријатели, кои што сакаат да ни помогнат. Многу земји, чиј што интерес, се совпаѓа со нашиот. Но и знам дека имаме силен мотив да ги зачуваме нашите европски интеграции – нагласи Османи.

Портпаролот на опозициската ВМРО-ДПМНЕ, Димче Арсовски, вчера ги повика премиерот Зоран Заев, вицепремиерот Никола Димитров и претседателот Стево Пендаровски да кажат што договориле во Берлин.

– Заев, Пендаровски и Димитров неколку дена молчат и не кажуваат што тоа договориле во Берлин, односно што прифатиле во Берлин на штета на македонскиот народ? Заев и останатите од СДСМ и од Владата ги потценуваат граѓаните мислејќи дека нема да се дознае што ветуваат, и што договараат и нормално што прифаќаат – изјави Арсовски.

Според Арсовски, она што може да се сретне и чуе низ бугарските медиуми и политички чинители е дека постоеле три услови, а тоа се за именувањето на јазикот, користењето на долгото име на државата и следење на развојот на добрососедските односи.

Демократскиот сојуз, пак, смета дека блокадата на европскиот пат на Македонија од страна на Бугарија е катастрофална грешка со тешки последици по односите помеѓу двете држави и народи, а ќе се рефлекртира и на стабилноста на Балканот во целина.

– Македонската Влада мора сосема јасно и гласно да објави дека нема разговори и преговори за македонскиот народ и македонскиот јазик. Македонскиот народ е автентичен народ, а македонскиот јазик е изворен и создаден низ илјадници години наназад – вели во соопштение Демократскиот сојуз, сугерирајќи нашата дипломатија да отпочне офанзива за да ги објасни апсурдните барања на Бугарија пред земјите членки на ЕУ, а Парламентот да донесе Резулуција за тоа дека Македонија останува на европскиот пат.

The post Продолжуваат разговорите со Бугарија за изнаоѓање решение за отворените билатерални прашања appeared first on plusinfo.mk.

– На почетокот на оваа недела известивме колкав е процентот од вкупен број на ученици и ќе видите дека 0,05 проценти е заразеност кај ученици и 0,6 проценти е кај наставници. Што значи не надминуваме ниту еден процент, немаме ширење на ковид во училиштата внатре. Се додека не се создадат услови за затворање ние би останале на овој модел – рече Царовска во изјава за медиумите по средбата со наградени ученици на меѓународни олимпијади за информатика.

Според неа, има можност за заменски наставници во секој момент доколку се случи позитивен наставник, а наставниците можат да продолжат да даваат настава онлајн во случај да се изолира целото одделение.

– Сите држави во светот, а секако и СЗО и УНИЦЕФ препорачуваат училиштата да останат отворени. Секаде во свет се отворени. Ние немаме голем број. Тоа што е важно за нашиот систем, за нашата држава е да имаме континуитет во наставата и ние ќе се залагаме за истото – рече Царовска.

Во однос на денешните барања на СОНК до директорите на основните училишта да се исплатат прекувремените работни часови, Царовска посочи дека училиштата каде што има доказ за надминување на часовите, согласно Закон за работни односи треба да ги исплатат прекувремените работни часови.

– Но, тоа е однос меѓу локалната единица на синдикатот и директорот на училиштето. Јас ги поттикнувам да седнат и заеднички да ги надминуваат овие прашања. Ве уверувам дека нема голем број на училишта каде имаме надминувања на бројот на часови – нагласи Царовска.

МОН, како што додаде, на 21 месецов упати писмо до сите училишта, посебно до директорите, државен просветен инспекторат за можностите кои се нудат на секое училиште во случај да има потреба од дополнителен кадар или дополнително ангажирање на постојниот кадар.

– Постојат неколку опции – тоа е дека согласно Законот за основно образование, основачот, односно, Советот и општината треба да ангажираат дополнителен кадар и да обезбедат средства за истото. Ние како Влада, во ребалансот, предлагаме дополнително зголемување на блок дотацијата за два процента, што значи обезбедуваме финансирање. Од друга страна согласно Законот за работни односи, наставниците кои сега се во настава можат да бидат платени за дополнителни работни часови во случај да нивниот број на часови во училница е зголемен согласно одредбите во Законот. И третата опција која веќе ја објавивме беше туторство – појасни Царовска.

The post 60 ученици и 160 наставници се позитивни на ковид-19, училиштата остануваат отворени appeared first on plusinfo.mk.

Посочи дека од 9 септември, па до денес состојбата во градинките се следи на дневна основа, а одлуките ги донесуваат заедно со Комисијата за заразни болести и Владата.

– Мојата последна реченица беше не по секоја цена ќе ги чуваме отворени градинките, ако видиме дека бројот на позитивни случаи се зголемува во земјава. Здравствената состојба на 15 дечиња, кои беа позитивни од денот на отварање на градинките 9 септември, а и на 45 вработени заклучно до 15 октомври, говори дека состојбата се уште е под контрола. Дечињата инфекцијата не ја стекнале во градинките, за тоа говорат епидемиолозите, бидејќи во нивните семејства бил присутен вирусот – изјави Шахпаска.

Таа истакна дека здравствената состојба на вработените во градинките, кои се зарзени е добра, а голем дел од нив веќе се излекувани и се вратени на работните места. Прашана за сотојбата во градинката „Росица“ во Скопје, Шахпаска одговори дека 44  деца се ставени во изолација, а оваа одлука е донесена од страна на епидемиолошките служби.

The post Нема по секоја цена градинките да останат отворени, вели Шахпаска appeared first on plusinfo.mk.

По тој повод, министерката за труд и социјална политика, Јагода Шахпаска, беше во посета на градинката „Буба Мара“ во Општина Аеродром, каде надлежните ја информирале дека денот успешно започнал, децата дошле во градинка заедно со своите родители, а при влез биле запазени сите протоколи за заштита од ковид–19.

– Сите чинители кои се вклучени во синџирот за безбедност на децата во градинката треба да покажат максимална одговорност, почнувајќи од градинките, вработените во градинките, воспитувачите и  негувателите, персоналот, родители кои ги носат и земаат децата и ние како министерство, за што побезбеден престој за најмалите – рече министерката Шахпаска.

Таа појасни дека протоколот што Комисијата за заразни болести го усвои многу јасно ги одредува обврските на сите. Протоколот, рече, предвидува посебен режим за прием на децата, исхрана, но регулира и  како ќе се одвива одморот, спиењето, играњето на децата во градинките…, а со негово почитување на минимум се сведуваат ризиците од инфекцијата. Во групите од 0 до две години треба да бидат сместени до шест деца, за кои ќе се грижат двајца вработени, а во поголемите групи од две до шест години, најмногу 15 деца за кои, исто така, се грижат двајца – воспитувач и негувател.

– Проценките на МТСП велат дека согласно протоколот во градинките има место за повеќе од 19.000 деца. Предност имаат деца на самохран родител или родители кои работат, а двајцата мора да се на работното место. Според податоците од градинките нешто повеќе од 14.000 деца се пријавени за посетување градинка, а има место за повеќе од 4.000 деца. Апелирам до сите чинители кои се вклучени во згрижувањето на децата од претшколска возраст при најмал сомнеж за ковид-19 кај детето да алармираат. Министерството за здравство донесе посебни протоколи и алгоритми со постапки според кои се постапува со децата кои се сомнителни на Ковид-19, рече Шахпаска.

Таа апелираше воспитувачките и учителките да седат цел ден во својата група, да нема групирање за пиење кафе, за да се заштитат сите од ширење на болеста.

Одговарајќи на новнарско прашање дали е вистина дека една градинка во Свети Николе не почнала со работа утрово поради сомевање за случај со ковид-19, таа рече дека нема таква информација, но, како што посочи, доколку градинката не била отворена од таа причина, тоа значи дека се почитуваат мерките и протоколите.

– На последниот состанок со директорите на градинкитешто го имавме во петокот сите покажаа подготвеност да почнат со работа. Ова е нов момент. Доколку се работи за сомневање за инфекција со ковид-19 тоа говори за одговорност зошто не била отворена таа градинка. Значи, ова е тоа за што говориме. И за еден сомнителен случај треба да направиме проценка дали би стартувале со работа, рече министерката за труд и социјална политика.

Во врска со времето на прием и заминување на децата од градинка, министерката Шахпаска истакна дека, тоа треба да го уредат директорите во кој временски период би се одвивале, дали еден од вработените кои се грижат за децат би дошол порано, друг подоцна, со цел да родителите да можат да ги донесат и земат децата, со запазување на протоколите за децата да бидат безбедни и да не биде загрозен работниот процес.

Директорката на градинката Елена Устамитова, рече дека утрово со почитување на мерките за заштита почнал прием на деца. На децата, родителите и вработените пред влез во градинката им се мери температура.

Оваа градинка има пет клона. Во сите пет објекти претходно се згрижувале 1.100 деца, но согласно протоколите сега има можност да се згрижат 560 деца

The post Шахпаска: Во градинките има место за повеќе од 19.000 деца, предност имаат деца на самохран родител или родители кои работат appeared first on plusinfo.mk.

Податоците за август покажуваат дека заздравувањето на американскиот пазар на труд продолжува да забавува, имајќи предвид дека во јули се отворени 1,7 милиони нови работни места, а во јуни 4,8 милиони, проценува телевизија.

Во извештајот се посочува дека секој поединец што ќе се врати на работа е „мала победа во борбата против невидената криза за вработување предизвикана од пандемијата на ковид-19“.

Сепак, Америка сè уште има 11,5 милиони работни места помалку отколку во февруари, се додава во текстот.

Стапката на невработеност во САД падна на 8,4 проценти во август, првпат под 10 проценти од март оваа година.

The post Во Америка во август отворени 1,4 милиони работни места appeared first on plusinfo.mk.