Ѕвоната на Нотр Дам вечерва повторно се огласија кога парискиот надбискуп Лоран Улри , со симболично чукање на портата, ја отвори реновираната париска катедрала која беше оштетена во пожар во 2019 година.

Францускиот збор за благодарам, „Мерси“ беше проектиран на предниот дел на париската катедрала Нотр Дам, во знак на благодарност за нејзиниот спас по разорниот пожар што ја доведе оваа зграда од 12-от век.

– Камбаните повторно бијат. Стојам пред вас со цел да ја изразам благодарноста на француската нација, нашата благодарност до сите оние кои ја спасија, помогнаа и ја обновија катедралата – рече францускиот претседател Емануел Макрон на церемонијата на која присуствуваа бројни државници.

Отворањето на Нотр Дам беше причина за 50 шефови на држави и влади, како и членови на кралски семејства, да пристигнат во Париз. Новоизбраниот американски претседател Доналд Трамп седеше во првиот ред, веднаш до Макрон, а на грандиозното свечено отворање на обновената катедрала присуствуваше и милијардерот Илон Маск.

The post ПОВТОРНО БИЈАТ КАМБАНИТЕ По пет години, се огласија ѕвоната на Нотр Дам appeared first on plusinfo.mk.