„Коалицијата Вреди не го донесе Отворениот Балкан, туку го затекна, како тежок товар што ДУИ нон грата го остави за државата и за граѓаните. Овој проект никогаш не бил во интерес на Албанците, Северна Македонија или на регионот, туку план подготвен од Али Ахмети и Артан Груби за мрачни цели кои само тие ги знаат! Коалицијата Вреди е јасна уште од првиот ден: Отворен Балкан е проект без визија или со визија што им служи на Вучиќ и Вулин и на тесните интереси на ДУИ, на штета на Албанците, особено на Косово“, соопшти Вреди.

Благодарение на нашите неуморни напори, се додава во соопштението, не само што ја ограничивме штетата на овој проект, туку пополека ја отстрануваме нашата држава од него.

„Ја потсетуваме ДУИ дека Бујар Османи и Артан Груби почесто се среќавале со Вучиќ и Дачиќ отколку со Албин Курти. Целото наше внимание како владина коалиција ќе биде насочено кон Берлинскиот процес“, се вели во соопштението на Вреди.

ДУИ ја обвини Вреди дека не го исполнила предизборното ветување дека на првиот ден од владеењето ќе ја повлечат Македонија од Отворен Балкан!

„Со тоа ветување ги измамија гласачите, го користеа како политичко оружје за да ја напаѓаат претходната влада, водеа жестока кампања, нарекувајќи ја оваа иницијатива штетна за земјата и за антинационален проект според насоките на Албин Курти. Но, денес, на власт и без легитимитет, не само што не ја повлекоа земјата од Отворен Балкан, туку нивната влада сега го гледа како позитивен проект, а Скопје и Белград се претворија во стратешки партнери во регионот. Денес нивниот главен партнер е Иван Стоиљковиќ, најекстремниот претставник на руските и српските интереси во Северна Македонија! Некогаш го нарекуваа Отворен Балкан национално предавство, а денес нивните министри подготвуваат документи и спроведуваат политики во рамките на оваа иницијатива!“, обвини ДУИ.

The post „ГРУБИ И ОСМАНИ ПОВЕЌЕ СЕ СРЕЌАВАА СО ВУЧИЌ И СО ВУЛИН, ОТКОЛКУ СО КУРТИ“ Вреди тврди дека полека ја отстранува Македонија од Отворен Балкан appeared first on plusinfo.mk.

Виното „Бела Вода“ од бербата 2021, купажа од сортите вранец и плавец, ја освои наградата National Trophy за најдобро вино од Македонија на годинешниот Open Balkan Wine Trophy Competition, кој се одржа во рамките на саемот Wine Vision by Open Balkan во Белград.

Ова признание е само продолжение на долгогодишниот успех на ова исклучително вино, кое во минатото доби високи 95 бодови од реномираниот вински критичар Роберт Паркер.

Со своето производство од лозја стари преку 50 години, „Бела Вода“ е синоним за квалитет и традиција.

На овој натпревар, повеќе од илјада вина од Србија, Албанија и Македонија беа оценувани од меѓународно признати вински судии, вклучувајќи седум Masters of Wine, под претседателство на Каролин Гилби MW, експерт за балкански вина и вина од Југоисточна Европа.

Покрај награденото вино, на саемот беа претставени и останатите премиум вина на „Tikveš Château & Domaines“, кои се познати по нивната тероарска уникатност и врвен квалитет.

Изложувањето и програмата на мастер класови од врни вински стучњаци на „Тиквеш“ на саемот привлече големо внимание на бројни вински ентузијасти, дистрибутери, вински критичари и партнери. Тоа ја покажа репутацијата на „Тиквеш“  во регионот и пошироко и улогата која ја има како промотор на македонските вина на меѓународната винска сцена.

Со ова признание и со атрактивниот настап на саемот во Белград ВВ „Тиквеш“ продолжува да ја зајакнува својата репутација како најнаградувана винарница во регионот и лидер на пазарот во Македонија и Србија, благодарение на својот квалитет и иновации во производството.

На саемот Wine Vision by Open Balkan имаше 650 изложувачи од 38 земји, а настанот се одржува под покровителство на владите на Србија, Македонија и Албанија.

The post НАЈДОБРОТО ОД МАКЕДОНИЈА Бела Вода на Тиквеш прогласено за најдобро вино од земјава на манифестацијата Винска визија Отворен Балкан во Белград appeared first on plusinfo.mk.

Вака посочи македонскиот премиер Христијан Мицкоски на отворањето на меѓународниот саем за вино, храна, ракија и туризам „Винска визија на Отворен Балкан“ во Белград, каде што ќе се претстават повеќе од 300 винарии од Македонија со своите производи.

Премиерот најави зголемена соработка со Србија во повеќе области. Тој вели дека саемот во Белград е доказ за моќта на соработката, визијата и посветеноста што нашите земји ја имаат кон унапредувањето на економските врски, културната размена и туристичката промоција.

– Горд сум што денес, овде во Белград, можеме да ги претставиме достигнувањата на македонската винска индустрија која без сомнение се вбројува помеѓу најразвиените во регионот. Македонија има повеќе од 28.000 хектари лозови насади, а годишно произведуваме околу 100 милиони литри вино, од кои речиси 70 проценти се извезуваат во над 40 земји низ светот. Нашите лозја, кои се простираат низ региони како Тиквеш, Повардарие и Пелагонија, се меѓу најсончевите во Европа, со над 270 сончеви денови годишно, што придонесува за квалитетот на грозјето. Особено сме горди на нашите автохтони сорти, како што се вранец и станушина, кои стануваат препознатливи брендови на меѓународната сцена – рече премиерот Мицкоски.

Тој потенцираше дека во споредба со соседните земји, Македонија се издвојува по балансот меѓу количината и квалитетот на произведеното вино.

– Според податоците, 50 проценти од произведеното македонско вино е со ознака за географско потекло, што ја истакнува нашата посветеност на врвниот квалитет. Дополнително, секторот за вино придонесува со 3 отсто од вкупниот БДП на земјата, обезбедувајќи работа за над 20.000 луѓе, од лозарите до винарите и извозниците. Со ова, Македонија станува водечки извозник на вино во регионот според бројот на литри по глава на жител – рече Мицкоски.

Премиерот изрази надеж дека овој настан ќе ја зајакне нашата винска индустрија и ќе отвори нови пазари и можности за сите учесници.

Саемот „Wine Vision by Open Balkan“ не е само место за изложување и дегустација, туку и форум за дискусија, образование и соработка што ќе донесе долгорочни придобивки. Сигурен сум дека заедничкиот успех што ќе го споделиме овде ќе биде само почеток на уште поголеми достигнувања во иднина, дополни премиерот.

Претседателот на Србија, Александар Вучиќ, ја поздрави иницијативата истакнувајќи дека е важно да се поврзуваме и сподели дека е горд на сите што се вклучени во организацијата, додека премиерот на Република Албанија, Еди Рама, во видео обраќање истакна дека платформата е добар начин за спојување и презентација на најдоброто од земјите.

– Албанија е горда за придонесот во овој регион. Веруваме дека заедно со соседите од Балканот можеме да постигнеме повеќе, отколку сами – рече Рама.

Во рамки на посетата на Србија по повод учеството на Саемот Мицкоски денеска имаше тет-атет средби со Вучиќ и со српскиот премиер Милош Вучевиќ.

Во состав на македонската делегација на саемот се и Љупчо Димовски заменик-претседател на владата за политички систем, Иван Стоилковиќ, заменик-претседател на владата и министер за односи меѓу заедниците, Игор Јанушев, генерален секретар на владата на Република Северна Македонија, Зоран Љутков, министер за култура и туризам, Цветан Трипуновски, министер за земјоделство, шумарство и водостопанство, Горан Минчев, министер за јавна администрација и Максим Димитриевски, градоначалник на Општина Куманово.

Мицкоски и македонскиот амбасадор во Србија, Никола Тупанчевски вечер ќе имаат обраќања на македонската вечер што ќе се одржи во хотелот Хајат.

На третиот меѓународен саем за вино, храна, ракија и туризам „Винска визија на Отворен Балкан“ што се одржува во Белград од 22-24 ноември ќе бидат претставени 650 изложувачи од 37 земји. Покрај тоа, посетителите ќе можат да уживаат и во Гастро театарот – презентација на најдобрите ресторани и хотели од Србија, Северна Македонија и Албанија, каде што ќе се подготви комплет мени од три јадења во комбинација со вина избрани од најдобрите сомелиери од Србија. Оваа година од Северна Македонија на саемот во Белград ќе учествуваат 80 винарии и дестилерии, 6 изложувачи на храна и ресторан со 3 готвачи.

Еден од најатрактивните сегменти на саемот ќе биде доделувањето на „ Винскиот трофеј на Отворен Балкан“, што ќе се одржи на 23 ноември. Тогаш ќе бидат прогласени најдобрите вина на фестивалот, а жирито составено од 26 меѓународни вински експерти, меѓу кои и шестмина носители на титулата „Мастер на виното“, ќе оцени речиси 1.000 примероци вино.

Ќе се оценуваат вината од Србија, Северна Македонија, Албанија и други балкански земји, а најдобрите примероци ќе бидат наградени со златни, сребрени и бронзени медали. Исто така, за вината на членовите на Иницијативата Отворен Балкан ќе бидат доделени национални

Гости на Белград ќе бидат и лидерите на кулинарската и прехранбената индустрија: британскиот готвач и амбасадор на британската кујна Алан Коксон, главниот готвач и сомелиер Драган Униќ, вториот потпретседател на Светската асоцијација на мајстори на готвачи Даниел Ајтон, познатиот италијански готвач Џанлука Томази, како и директорот на Кулинарската олимпијада Даниел Шаде.

Централното место на Белградскиот саем ќе го заземе заедничкиот штанд на трите национални туристички организации на земјите од Отворен Балкан, каде заеднички ќе ја презентираат туристичката понуда и културното наследство на сите три земји.

The post 📷 ПРОИЗВЕДУВАМЕ 100 МИЛИОНИ ЛИТРИ ВИНО ГОДИШНО Мицкоски на саемот во Белград истакна дека Македонија извезува вино во над 40 земји appeared first on plusinfo.mk.

Бизнисмени велат дека преку оваа поволност веројатно има вработени во секторот земјоделие каде што во изминатите години имало работници на црно од Албанија, но тие не очекуваат дека работници од Србија и од Албанија се пријавиле за работа во преработувачката индустрија.

Владата ги соопшти овие бројки откако Плусинфо пред два дена ја праша колку граѓани на Србија и на Албанија веќе се вработени во земјава и од кои професии се нашите сограѓани кои се вработиле кај нашите соседи преку слободниот пазар на труд Отворен Балкан.

– Досега има повеќе од 5.000 заинтересирани граѓани за мерката за Слободен пристап до пазарот на труд, поточно издадени се толку идентификациски броеви за Отворен Балкан (OB ID) од трите држави. Откако заинтересираниот граѓанин ќе извади OB ID број, следен чекор е процесот за издавање сертификат за слободен пристап до пазарот на труд од државата за која е заинтересиран апликантот, процес кој трае до 30 дена согласно пропишаните обврски и правила во Договорите и во протоколите – велат од Владата.

Оттаму додаваат дека конкретни бројки и анализа на профилите на заинтересираните ќе имаат до крајот на годинава.

– Конкретни бројки и анализа за профили на баратели на работа кај нас, и од кај нас во другите две држави може да се очекуваат кон крајот на годинава, бидејќи за релевантна анализа потребен е одреден временски период на користење на мерката – велат од владата.

За разлика од нашата влада, српската веќе информира дека 3.300 жители од Македонија и од Албанија се вработени во српски фирми. Ова го потврди и српскиот претседател Александар Вучиќ на Самитот на лидерите од Западен Балкан што се одржа во Црна Гора.

Бизнисот не располага со конкретни податоци за вработувања на Албанци и на Срби во нашата индустрија преку системот Отворен Балкан.

– Официјални податоци за вработувања на Албанци и на Срби во индустријата преку иницијативата Отворен Балкан немаме, но сметам дека и ако има вработувања тогаш тие се во земјоделството каде што имаше вработувања на Албанци и во текот на изминатите години. Овие вработувања беа на црно, а сега можат со олеснувањата да се легализираат. Во другите сектори не верувам дека има вработувања бидејќи и во трите земји од Отворен Балкан има одлив на кадар и голем недостиг кој се пополнува со увоз на работници од други земји. Овдешните работници, заминуваат во поразвиените европски земји каде што и платите и стандардот се далеку повисоки од регионот – вели Ангел Димитров, претседател на собранието на Организацијата на работодавачи.

Тој додава дека земјава доцни со олеснување на условите за увоз на работници од други земји.

– Имаме неколку агенции преку кои се увезуваат работници од азиските земји, но владата не донесе никакви олеснувања на процесот. За разлика од нас, Албанија и посебно Србија направија големи олеснувања и веќе кај нив има странски работници – вели тој.

Просечно, годишно владата одобрува квота за дозволи за работа на 5.000 странци иако компаниите лани побарале најмалку 10.000 работници. Владата иако вети, не направи никакви измени во законот за вработување на странци и во другите закони кои се поврзани со обезбедување работа за странци во земјава.

И Албанија и Србија веќе најавија дека освен отворен Балкан за обезбедување работници се отвораат кон целиот свет. Албанија деновиве најави дека планира да увезе 40.000 квалификувани работници од Филипините, а Србија веќе неколку години увезува работници.

Албанската влада планира договорот со Филипини да го потпише во јуни.

– Од нив, 15.000 од нив се очекува да бидат вработени во преработувачкиот сектор, додека останатите ќе бидат вработени во туризмот и во другите сектори од економијата погодени од кризата од недостиг на домашна работна сила – изјави генералниот директор за вработување и стручно образование во Министерството за економија, Албин Гега.

На самитот во Црна Гора и српскиот претседател најави дека владата планира да го отвори пазарот за вработување на работници од целиот свет. Србија од 1 февруари воведе и единствена дозвола за работа и престој на странци со што според очекувањата ќе се зголеми и бројот на странски работници од 35.180 лани, на 50.397 годинава.

The post СРБИЈА УВЕЗЛА 50.000 РАБОТНИЦИ, АЛБАНИЈА БАРА 40.000 ФИЛИПИНЦИ, МАКЕДОНИЈА СЀ УШТЕ ИЗВЕЗУВА Србија вработила најмногу луѓе и преку Отворен Балкан appeared first on plusinfo.mk.

Ова го соопшти српскиот претседател Алексaндар Вучиќ на Самитот на лидерите од Западен Балкан што се одржува во Црна Гора.

– Договорот за формирање заеднички пазар на труд во рамките на иницијативата Отворен Балкан има добар ефект врз Србија, бидејќи досега 3.300 луѓе ја искористиле оваа можност и се вработиле во Србија – рече Вучиќ.

Тој пред новинарите изјави дека Србија има недостиг од работна сила, иако формално сè уште има стапка на невработеност од 8,9 или 9%.

– Ќе мораме во наредниот период максимално да увезуваме работна сила од сите делови на светот, доколку сакаме да ја зачуваме нашата економска перспектива со стапка на раст и побрз напредок – рече Вучиќ.

Колку  луѓе од овој пазар се вработени во Македонија и Албанија, засега нема податоци.

Од нашата влада и Министерството за информатичко општество кои треба да го следат овој пазар засега нема никакви информации иако денеска се обидовме да добиеме податоци за тоа колку граѓани на Србија и Албанија се пријавиле за работа во  наши компании и од кои струки.

The post СРПСКИТЕ ФИРМИ ВРАБОТИЛЕ 3.300 ЛУЃЕ ПРЕКУ ОТВОРЕН БАЛКАН Вучиќ најави и увоз на работници од целиот свет, нашите институции молчат appeared first on plusinfo.mk.

Заев истакна дека за само две години биле најавени многу проекти и дека е многу задоволен што добар дел од нив заживеале.

– Тоа се многу значајни компании кои опфаќаат повеќе од 70 проценти од македонското и албанското население во Северна Македонија, што го оправдува постоењето на иницијативата ОБ – нагласи Заев за „Политика“.

Осврнувајќи се на изјавата на министерот за надворешни работи на Северна Македонија, Бујар Османи, кој се заложи за излез на земјата од Иницијативата, тој оцени дека Османи не може да го негира заминувањето на туристи од Северна Македонија и Србија на одмор во Албанија на Јадранското Море, ниту дека тони македонско и албанско вино добија нови извозни пласмани, ниту пак дека албанските, македонските и српските транспортни камиони сега полесно ги минуваат границите.

– Не може да се негира дека „паднаа“ работните дозволи за граѓаните на земјите-членки, ниту дека деловниот свет во Македонија бара повеќе проекти од Отворениот Балкан, а не се откажува од таа иницијатива – посочи Заев за денешна „Политика“.

The post ЗАЕВ ПРОТИВ НАПУШТАЊЕ НА „ОТВОРЕН БАЛКАН“ Тоа може да предизвика нови конфликти на Балканот appeared first on plusinfo.mk.

Според Маричиќ, одговорноста треба да биде индивидуална, а не колективна.

– Ставот на Македонија е многу јасен и утврден со соопштение на Собранието на почетокот на 2010 година, кога нашето Собрание едногласно ја поддржа резолуцијата на ЕП за Сребреница, каде што беше осудена како геноцид. Меѓутоа, мора да разликуваме две работи, едната е во Сребреница, но таа дамка не може да се фрли врз целиот српски народ или Србија. Одговорноста кон Сребреница мора да се индивидуализира и затоа има судови и меѓународни трибунали, тоа мора да биде по име и презиме, за во никој случај да не се поврзува со цел народ или цела држава – рече Маричиќ.

За најавата на Османи дека на седницата на Владата ќе предложи повлекување на земјава од иницијативата Отворен Балкан, Маричиќ вели дека треба да продолжат сите иницијативи кои се во корист на граѓаните на Македонија.

Членството во Отворен Балкан, смета тој, не треба да се политизира.

The post МАРИЧИЌ И ОСМАНИ СЕ СКАРАА ЗА СРЕБРЕНИЦА „Не може да фрлиме дамка врз целиот српски народ!“ appeared first on plusinfo.mk.

– Денес слушнав дека станал пишман за Отворен Балкан и дека ќе предложи излез на Северна Македонија од оваа иницијатива на Вучиќ, поддржана од Лавров. На Пишман аџијата му велиме дека доцна се расонил. Останавте сами во ист кревет со Вучиќ. Со Вучиќ кој организира терористички напади на Косово и кој се плаши од поразот на ДУИ, затоа што се плаши од промената што ВРЕДИ – истакна Таравари.

Тој додаде дека со ВРЕДИ ќе има факторизација на државноста на Косово, а не проекти кои се против интересите на Косово.

– Ќе имаме целосна координација со двете албански држави, Албанија и Косово. Ќе ги продлабочиме врските со Тирана и Приштина, бидејќи тие се наши браќа од иста крв. Значи, нема да правиме како мојот противкандидат кој својата прва посета како министер за надворешни работи ја направи во Белград и никогаш немаше билатерална посета на Република Косово – нагласи Таравари.

The post „ОСМАНИ ДОЦНА СЕ ПИШМАНИ ЗА ОТВОРЕН БАЛКАН“ Таравари вели дека Србија се плаши од победата на ВРЕДИ во Македонија appeared first on plusinfo.mk.

Од Стопанската комора на Србија (ПКС) соопштија дека до 2 април годинава 2.239 граѓани побарале ИД број на Отворен Балкан за слободен пристап до пазарот на трудот на Србија, Македонија и Албанија, јави дописникот на МИА од Белград.

Националната служба за вработување на Србија лани и во првите месеци од годинава издале вкупно 556 работни дозволи на државјани на Македонија и 99 работни дозволи на државјани на Албанија. Во првите три месеци од годинава (1 јануари – 26 март) во Србија се вработиле 62 Македонци и 10 Албанци.

Александар Радовановиќ, шеф на Центарот за регионална соработка при ПКС, за Политика изјави дека договорот за слободно движење на работната сила во рамките на иницијативата е важна работа, бидејќи е освоена слобода на движењето, а според тој принцип функционира и целата ЕУ.

-Интересот на граѓаните е голем. Слично е и во Северна Македонија и Албанија, а резултатот на се е полесен пристап до работа, бидејќи во само неколку чекори секој кандидат може да го реши прашањето за работна и за дозвола за престој, без дополнителни трошоци, чекање на шалтери, непотребна документација – изјави Радовановиќ.

И бизнисмените, додава, се многу заинтересирани за работниците од другите две земји. Најголем интерес има во секторите градежништво, земјоделство, угостителство, преработката и машинството.

-Оваа иницијатива ќе им олесни на компаниите да дојдат до недостаток на кадар. Но, ова нема да го реши прашањето за дефицитарните занимања или проблемот со одливот на работна сила. Се очекува овие процеси на некој начин да го ублажат и барем малку да се намали заминувањето на луѓето од регионот. Сето тоа ќе биде одличен сигнал за доаѓање на нови странски инвеститори – уверува Радовановиќ.

„Отворен Балкан“, како регионална иницијатива насочена кон подобрување на слободата на движење на стоки, услуги и луѓе, започна во 2021 година, но две години пред тоа беа пандемијски. Бидејќи 2019 година беше рекордна за регионална размена, таа година беше земена како вистински параметар за анализа на успешноста.

–На пример, во 2023 година српскиот извоз во Албанија се зголеми за 69 отсто во споредба со 2019 година, а извозот во Македонија се зголеми за 54 отсто. Тоа значи дека вкупната размена меѓу трите земји во 2023 година изнесувала 1,7 милијарди евра – додава Радовановиќ.

На граѓаните на С. Македонија и Албанија повеќе не им требаат дозволи за престој и работа, односно Законот за вработување странци нема да важи за државјаните на тие две земји кога се вработени во Србија. Нивното вработување во Србија се врши на ист начин како и за граѓаните на Србија. Врз основа на матичниот број, работниците можат да патуваат низ земјата и да аплицираат за работа исто како и домашните работници. Истите правила важат и за граѓаните на Србија кога одат на работа во Албанија или Македонија.

ИД бројот е всушност нивната „лична карта“, со која можат да бараат и стан, а полицијата секогаш ќе може да ги проверува. Секој што има налог на српскиот портал за е-управа може да аплицира за работа во Албанија и С Македонија, а трите земји имаат единствена база на податоци за сите слободни работни места. 

The post СЕ ОСТВАРИЈА СОМНЕВАЊАТА ДЕКА НАШИТЕ РАБОТНИЦИ ЌЕ ЗАМИНАТ ВО СРБИЈА Преку „Отворен Балкан“ 556 Македонци се вработиле во тамошни компании appeared first on plusinfo.mk.

Мерката произлегува од меѓународните договори потпишани меѓу трите државни членки на иницијативата Отворен Балкан и тоа Договорот за услови за слободен пристап до пазарот на трудот во Западен Балкан, како и Договорот за интерконекција на шеми за електронска идентификација на граѓаните од Западен Балкан.

Со неа, како што е соопштено, ќе се придонесе кон отстранување на бариерите кои ја попречуваат трговијата и слободното движење на луѓето и ќе се овозможи користење електронски услуги во рамките на самата иницијатива.

– Заинтересираните граѓани за слободен пристап до пазарите на труд на Северна Македонија, Албанија и Србија најпрво треба да извадат Идентификациски број на Отворен Балкан на порталот за е-услуги во својата држава, со што потоа аплицираат за Одобрение за слободен пристап до пазарот на трудот во останатите две држави. Постапката се одвива целосно електронски и трае до 30 дена – велат од Владата.

Граѓаните можат да ја користат оваа погодност на следниот начин: Прво треба да се најавата на порталот uslugi.gov.mk и да поднесат барање за издавање Идентификациски број за Отворен Балкан (OB ID), кое веднаш се генерира, следен чекор е со тој број да аплицираат за Сертификат за слободен пристап до пазарот на труд во Србија https://euprava.gov.rs/ или во Албанија https://e-albania.al/.

Постапката е целосно и детално опишана на следниве линкови: 1.  https://uslugi.gov.mk/otvoren-balkan.nspx 

2. https://av.gov.mk/otvoren-balkan-severna-makedonija-srbija-i-albanija-ns_article-izvestuvanje-za-otpocnuvanje-na-uslugata-sloboden-pristap-do-pazar-na-trud.nspx

Oдговорни институции за спроведување на мерката во Северна Македонија се Министерството за информатичко општество и администрација преку порталот uslugi.gov.mk во делот на издавање Идентификациски број за Отворен Балкан, Министерството за внатрешни работи во делот на издавање матичен број за странци и центрите на Агенцијата за вработување во делот за издавање сертификат за слободен пристап до пазарот на труд, со кој се овозможува вработување во Република Северна Македонија.

– Оваа мерка придонесува кон напредок и економски просперитет, имајќи ја предвид важноста на полето на движење на работниците. Мерката во целост е усогласена и го почитува спроведувањето на правото на ЕУ во областа на слободно движење на работниците и подготвување за поблиска интеграција на единствениот пазар на ЕУ – велат од владата.

Со Договорот за условите за слободен пристап до пазарот на трудот се потврдува подготвеноста за зајакнување на меѓусебните односи и разбирање, со цел да придонесеме за економски развој и зголемување на економскиот раст, инвестиции и вработување на Западен Балкан.

– Ова значи дека со овие новости и олеснувања, граѓаните добиваат многу побрз и многу полесен пристап до можностите за работа во трите држави. Од моментот на обезбедување пристап на пазарот на труд, во сите следни фази кои подразбираат преговори за работа, вработување и пензиско-здравствено осигурување, правата и обврските на граѓаните и компаниите остануваат неизменети, односно исти како и до сега, во согласност со националните законодавства. Со стартот на реализација на овие договори, на лицата кои ќе добијат ОБ-ИД им се овозможува непречен престој од две години во кои имаат право да најдат работа – велат од владата.

The post КАКО ДО РАБОТНО МЕСТО ВО ОТВОРЕН БАЛКАН? Земете си бројче и аплицирајте appeared first on plusinfo.mk.