Европскиот парламент утре ќе ги потврди новите правила за возачки дозволи, кои веќе се одобрени од Советот на Европската Унија. Промените носат значајни новини за идните возачи, но и модернизација на системот со воведување дигитална возачка дозвола, достапна на паметни телефони.

Според новите правила, кандидатите за возачи за време на теоретските и практичните тестови ќе треба да покажат дека ги знаат ризиците за ранливите учесници во сообраќајот – пешаци, велосипедисти и возачи на скутери.

Покрај тоа, идните возачи ќе треба да знаат како безбедно да користат мобилен телефон и да ги разбираат системите за помош при возење што се наоѓаат во модерните автомобили, правилно да ги отвораат вратите на возилата и да знаат како да возат по снег и лизгави патишта. Посебен акцент се става на свеста за опасностите од таканаречената слепа точка.

Се воведува пробен период од најмалку 2 години за сите нови возачи. Во овој период, ќе се применуваат построги правила и казни за прекршоци како што се возење под дејство на алкохол и некористење на сигурносен појас или систем за врзување на деца.

Новите одредби ги вклучуваат и професионалните возачи, бидејќи поради нивниот недостиг, старосната граница за возачка дозвола за камион се намалува од 21 на 18 години, а за автобуси од 24 на 21 година, со услов кандидатите да имаат сертификат за професионална компетентност.

Новите возачки дозволи за мотоцикли и автомобили ќе важат 15 години, со можност државите да го намалат тоа на 10 години доколку можат да заменат лична карта. Возачите на камиони и автобуси ќе мора да ги обновуваат своите дозволи на секои пет години, а земјите-членки можат да го скратат рокот за оние над 65 години.

Една од најголемите промени е воведувањето на дигитална возачка дозвола, а возачите ќе можат да ја имаат на своите паметни телефони. Таквата дозвола ќе стане стандард во Европската Унија, а земјите-членки ќе имаат пет и пол години да ја имплементираат. Сепак, возачите ќе имаат право да побараат физичка верзија од нивната возачка дозвола доколку сакаат.

The post ОД ПРАВИЛНО ОТВОРАЊЕ ВРАТА НА АВТОМОБИЛОТ ДО ЗНАЕЊЕ ЗА РИЗИЦИТЕ ЗА ПЕШАЦИ И ВЕЛОСИПЕДИСТИ Што носат новите правила за идните возачи во Европа? appeared first on plusinfo.mk.

Патник на летот на Копа Ерлајнс од Бразил до Панама предизвикал хаос кога се обидел да ја отвори вратата за итни случаи за време на летот, а инцидентот, кој бил снимен и станал вирален на социјалните мрежи, завршил со тоа што бил совладан и претепан од другите патници.

Необичниот настан се случил во вторникот на летот CM204, само половина час пред слетувањето во Панама, јавуваат светските медиуми. Мажот грабнал пластичен нож од садот за јадење и се обидел да ја земе како заложник стјуардесата додека чекорела кон вратата.

– Стјуардесата почна да вреска, а другата се обиде да го задржи, но не успеа бидејќи беше премногу силен – изјави фоторепортерот Кристијано Карваљо, кој го снимил инцидентот.

Според Карваљо, патниците брзо реагирале и го собориле човекот на под кога стигнал до вратата.

– Толку многу го претепаа што за малку ќе ја изгубише свеста – рече тој.

На видео кое кружи на интернет, може да се види маж со раскрвавено лице, додека патниците го држат долу, а екипажот му ги врзува рацете со пластични ленти.

По слетувањето на авионот, панамскиот безбедносен тим влегол во леталото и го уапсил проблематичниот патник.

Компанијата Копа ерлајнс им се заблагодари на екипажот и на патниците за брзата реакција, нагласувајќи: „Екипажот веднаш реагираше и со помош на дел од патниците ги спроведе сите безбедносни протоколи“.

Овој инцидент не е изолиран случај. Претходно во август годинава, на аеродром во Австралија беше уапсен патник откако излегол од паркиран авион користејќи го излезот за итни случаи. Патник на летот „JQ507“ на „Jetstar“ од Сиднеј до Мелбурн го отворил десниот излез на авионот, излегол од крилото, а потоа преку моторот се спуштил на пистата. Аеродромските работници и членовите на екипажот веднаш го запреле пред полицијата да го уапси.

Друг сличен инцидент се случи во февруари оваа година на летот на Американ Ерлајнс, кога патниците мораа да покорат маж кој „агресивно“ се обиде да ја отвори вратата од авионот за време на летот.

VÍDEO — Passageiro tenta abrir porta de avião em voo Brasília–Panamá; Caso aconteceu na manhã da terça-feira (5), minutos antes de aeronave pousar na Cidade do Panamá. Passageiro foi detido pelas autoridades. pic.twitter.com/gDTyB5fwg3

— Nelson Carlos dos Santos Belchior (@NelsonCarlosd15) November 5, 2024

The post 📽️ ПАТНИК СЕ ОБИДЕЛ ДА ЈА ОТВОРИ ВРАТАТА ЗА ВРЕМЕ НА ЛЕТОТ Со нож им се заканувал на стјуардесите, а потоа патниците жестоко го претепале appeared first on plusinfo.mk.