Отстранувањето на урбана опрема на угостителски објекти во Куманово чии сопственици добиле извршно решение ќе продолжи неселективно, информираше денеска на прес-конференција кумановскиот градоначалник Максим Димитриевски. Тој додаде дека во наредниот период ќе следува неселективно уривање на објекти со правосилни и извршни решенија.

– Нема да има селективност сите објекти коишто има уредно извршно решение во следниот период ќе бидат урнати по приоритет. Објекти со кои е узурпирана јавна-прометна површина, тргнувајќи од централното градско подрачје кон надвор, а потоа и сите објекти. Не можеме селективно да го спроведуваме законот. Претпоставувам зборувате за градските кафулиња. Имавме и уште едно решение коешто веројатно не сте го проследиле на локацијата на паркинг просторот зад поранешната банка. Сите треба да бидат еднакви пред законот и сите оние вршители на дејност со давање на услуга во градот коишто имаат узурпирано јавна прометна површина ќе бидат дислоцирани, вклучувајќи ги и овие фамозни кабли коишто ги гледаме како повеќе од 15 години никнуваат низ градот и ги узурпираат јавните прометни површини – изјави Димитриевски.

Тој најави дека ќе предложи до Советот на општината зголемување на средствата за оваа намена, која засега изнесува три милиони денари. Од 1 јануари 2026 година стапуваат на сила и измените на законската регулатива, со која инспекцијата целосно се префрла кај градоначалниците. Тој кажа дека нема да дозволи одговорноста да падне на општинската администрација поради „самоволие на поединци“.

Во општина Куманово има околу 600 евидентирани бесправни или незаконски доградени објекти, од кои значителен дел веќе добиле извршни решенија за уривање.

The post 600 НЕЛЕГАЛНИ ОБЈЕКТИ И ДОГРАДБИ ЌЕ БИДАТ УРНАТИ ИЛИ ОТСТРАНЕТИ Градоначалникот на Куманово најави неселективен пристап appeared first on plusinfo.mk.

Екипите на јавното претпријатие денеска ја расчистуваат локацијата на поранешниот ресторан „Мекдоналдс“, која се наоѓа на приватно земјиште со запишан објект, соопшти Општина Аеродром.

„Иако сопствениците добија налог да ја исчистат оваа со години запуштена локација, тоа не беше направено. Поради тоа, на терен излегоа комуналните екипи на Општината.

По уредувањето, Јавното претпријатие ќе достави фактура до сопствениците со износот за извршените работи. Општина Аеродром останува посветена на чиста, безбедна и уредна средина и ќе продолжи решително да реагира секаде каде што сопствениците не постапуваат согласно со законските обврски“ – се вели во соопштението.

The post СЕ РАСЧИСТУВА ОБЈЕКТОТ НА ПОРАНЕШЕН „МЕКДОНАЛДС“ На местото имало приватна парцела со запишан објект appeared first on plusinfo.mk.

„Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластување и припадници на затворската полиција, поднесе кривична пријава против С. С., началник на Одделение за лично обезбедување на претседател на Собранието, поради постоење основи на сомневање дека сторил кривично дело Загрозување на сигурноста по член 144 од КЗ и кривично дело Спречување службено лице во вршење службено дејствие, по член 382 од КЗ“, информираат од МВР.

Пријавениот С.С. на ден 01.08.2024г. околу 10:30 часот, на Меѓународниот аеродром „Скопје“, на паркингот пред ВИП салонот, пристигнал со возило со поставени ротациони светла, излегол од возилото и од појасот го извадил пиштолот, го репетирал и повторно го вратил во појасот. На полицискиот службеник од Полициската станица за Граничниот премин Меѓународен аеродром „Скопје“, кој извршувал работни задачи пред вратата на ВИП салонот, му се обратил на висок тон, го турнал наназад со двете раце и заканувајќи му се, го спречил полицискиот службеник како службено лице во извршување на неговите службени дејствија, тврди МВР.

„Пријавениот С.С. бил испратен на Меѓународен Аеродром Скопје од страна на претседателот на Собранието, со цел надминување на недоразбирањето кое настанало со претседателката на Косово во врска со безбедносните процедури за преглед на багаж и електронски уреди при летање со комерцијални летови. Потоа, заедно со уште двајца полициски службеници од Секторот за обезбедување на личности, влегол во ВИП салонот и движејќи се во простории каде немал овластување за движење и престој, на присутните вработените на ТАВ-Скопје, полициски службеници од граничната полиција и од Одделот за заштита на определени личности и објекти, почнал да им се заканува по животот, водено барајќи да ја спроведе претседателката со возило до авионот. Одделот, согласно своите надлежности и овластувања, ќе поднесе предлог за поведување на постапка за утврдување на дисциплинска одговорност против полицискиот службеник С.С. и ќе изрече задолжителни мерки за отстранување од работното место – суспензија до завршување на дисциплинската постапка, а против полициските службвеници С.Р. и Н.Б. ќе поднесе предлог за поведување на постапка за кршење на работниот ред и дисциплина, поради извршување на незаконита наредба, несовесно извршување на работни задачи и рушење на угледот на полицијата“, се вели во објавата.

Министерот Тошковски нагласува дека како министер, секогаш цврсто ќе се залага за еднакво применување на законот за сите. Тошковски е дециден дека секој мора да го почитува законот, а особено полициските службеници мора да бидат пример за почитување на законите и на професионалните стандарди, бидејќи нивната одговорност е клучна за одржување на довербата на јавноста во институциите.

The post ИЗВАДИЛ ПИШТОЛ, СЕ ЗАКАНУВАЛ НА ПОЛИЦАЈЦИ Суспензија и кривична за членот на обезбедувањето на Гаши поради инцидентот со Вјоса Османи appeared first on plusinfo.mk.

– Почетокот на активностите за санација на опожарениот топловод е поврзан со завршување на сите дејствија на мостот од страна на вклучените релевантни институции и компании. И покрај опожарувањето на мостот „Беласица“, во следната грејна сезона која почнува во октомври 2023 ќе има сигурна и непрекината испорака на топлинска енергија до сите потрошувачи приклучени на дистрибутивната мрежа – информираат од ЕСМ Дистрибуција.

– Бетонот на мостот Беласица е во идеална состојба и истражувањето што го направи Институтот за сезимички отпорни градби и климатски промени покажа дека по вадењето на цевките за парно греење може да започне со санација на мостот – објаснува Михаил Гаревски од Институтот за сеизмички отпорни градби наспроти тврдењето на деканот на градежен факултет Горан Макрковски дека се потребни нови анализи пред да се пушти мостот Беласица во употреба.

И градоначалничката на Скопје Арсовска поврди дека по завршените процедури за отстрнување на цевките ќе може да почне санацијата на мостот.

Гаревски вели дека единствена пречка може да биде дали ќе има потреба од тендер или не за отпочнување на санцијата на мостот.

Само за потсетување мостот „Беласица“ се запали на 11 мај и повеќе од два месеци е затворен за сообраќај поради безбедноста на возилата и минувачите. Во гаснењето на пожарот интервенирале 21 пожарникари со 8 ПП возила, а била зафатена површина од 2.000 м2.

Градоначалничката на Град Скопје, Данела Арсовска во неколку наврати најавуваше брзо санирање на штетите и пуштање во употреба на мостот, сепак и покрај најавите тоа не се случи, а многу експерти предупредуваа дека потребно е подетална анализа за да се видат точните штети што ги предизвикал пожарот врз конструкцијата.

The post МРДНАА РАБОТИТЕ КАЈ „БЕЛАСИЦА“ Извадени цевките од опожарениот топловод на мостот appeared first on plusinfo.mk.

– По реакциите во јавноста, градежен инспектор од Секторот за инспекциски работи на Општина Центар изврши надзор на бутикот и му издаде решение за отстранување на доградбата, бидејќи за неа не поседува важечко одобрение – вели во пишана изјава градоначалникот на Центар, Горан Герасимовски.

По издаденото решение, како што наведуваат од Општина Центар, сопственикот на бутикот од општината побарал дополнителен рок за да ги организира градежните активности, го добил и денеска самиот ги отстранува нелегалните елементи.

– Општина Центар повторно апелира до сите инвеститори и сопственици на нелегални објекти и доградби, да постапуваат по издадените решенија за самостојно отстранување на објектите. Во спротивно, општината присилно ќе ги отстрани, со што трошоците за отстранувањето ќе паднат на товар на инвеститорите, односно сопствениците на нелегално поставените објекти – нагласуваат од општината.

The post СОПСТВЕНИКОТ САМ СЕ ФАТИ ЗА РАБОТА Почна уривањето на дивоградбата на бутикот „Шејн“ на улица „Македонија“ appeared first on plusinfo.mk.

Како што објаснија Груевски и Јовановиќ, се работи за вкупно 390.000 кубни метри дрвна маса кои биле опожарени лани што е 90 отсто од вкупното ланско производство на „Национални шуми“. Опожарените дрва зафаќале вкупно 4.100 хектари, а штетата е проценета на 1,6 милијарди денари. Фирмата, пак, што се спомнува во некои медиуми, има склучено договор за 24.000 метри кубни црн бор кој не е енергенс и не се користи за огрев. Ги исполнила сите услови од огласот, платила 20 отсто гаранција и 10 отсто од вкупно договорената количина.

– Постапката почна со јавен повик во почетокот на јануари годинава, максимално транспарентно. Сите што се пријавија добија од опожарената дрвна маса колку што побараа, никој не беше дискриминиран, по ниту една основа. Побараа и добија и големи и мали фирми, и локални од Малешевијата и други. Вкупно досега „Национални шуми“ има склучено договори за 150.000 кубни метри опожарена количина, а останати се уште околу две тртини и таа дрвна маса стои на терен. Апелирам, сите заинтересирани да дојдат, да побараат и ќе добијат дозвола за користење на дрвната маса зашто според Законот за шуми, опожареното дрво зафатено со ланските пожари мора да се отстрани во наредните две години, односно целокупната постапка треба да заврши до 1 септември 2023 година – истакна Груевски.

Раководителот на Секторот за шумарство, Јовановиќ напомена дека МЗШВ и во иднина ќе издава одобренија за извоз на дрва и дрвни сортименти и по престанување на временото ограничување.

– Ако Владата не донесе друга соодветна одлука за да ја продолжи одлуката, од 1 јануари 2023 година и натаму ќе издаваме одобренија за извоз – потенцира Јовановиќ.

The post НЕМА ПРИВИЛЕГИРАНИ ВО СЕЧЕЊЕТО НА ОПОЖАРЕНО ДРВО Од МЗШВ и „Национални шуми” велат дека секој заинтересиран ќе добие дозвола appeared first on plusinfo.mk.

При денешната посета на медиумите на малата депонија, националната проект-координаторка од канцеларијата на ПОП-с од Министерството за животна средина и просторно планирање Сузана Андонова инфорираше дека покрај линданот на неколку точки се пронајдени и количини на жива.

– Направивме земање на примероци и резултатите покажаа дека има присуство на жива. Концентрациите се различни, меѓутоа ние водиме сметка тоа што е пронајдено како концентрација да е во согласност со критериумите и барањата на капацитетите кои ќе го примат отпадот на уништување или третирање.
Секако ќе се поведе сметка и за тоа, на најсоодветен начин, по сите можни стандарди, ќе се најде начин да се елиминира и овој вид вид на отпад – истакна Андонова.

Еден од надлежните за спроведување на проектот Александар Мицковски, наведе дека на 3 мај ќе се започне со првиот извоз на отпад на седумте контејнери кои ќе бидат подготвени во претстојниот период.

– Сега предвиден е првичнот извоз да биде на 3 мај така да целиот овој отпад што е складиран се предвидува да се пакуваат овие денови во контејнерите и на 3 мај да започне првиот извоз на тие седум контејнери. Не може целата оваа количина одеднаш да биде транспортирана затоа што самата постројка што го третира овој отпад во Франција има лимитирачки количини коишто може да ги прими на месечно ниво. Така да ќе оди дел по дел отстранувањето на отпадот – посочи Мицковски.

Тој се осврна на безбедноста при отстранувањето на отпадот, истакнувајќи дека нивна главна цел при подготвителната работа било да се да се обезбедат услови коишто ќе овозможат максимална безбедност на околината.

– Така можете да видите дека е подигнат шатор и во шаторот е инсталиран негативен притисок. Така да атмосферскиот притисок е поголем од овој што е внатре во шаторот, така сите оние емисии коишто се генерираат при ископувањето внатре во шаторот не може да излезат надвор и да ја афектираат околината. Успешноста и функционирањето на овој систем е и потврдена со редовните мониторинзи што се прават на амбиенталниот воздух. Концентрациите на загадувачки материи во текот на чистењето не се повисоки од оние концентрации кои што беа измерени пред да се започне со чистењето – рече Мицковски.

Тој за миризбата која што се чувствува во „ОХИС“, информираше дека таа потекнува од големата депонија.

Мицковски, врз основа на динамиката нископување што сега ја имаат утврдено, рече дека за околу една година би се завршило чистењето на малата депонија.

Во однос на тоа како ќе влијае успехот со чистењето на малата депонија врз понатамошното работење за чистење на големата депонија, како и на цел простор кај „ОХИС“, рече дека успехот ќе биде пресуден за понатаму.

– Владата формираше мултипартнерски фонд за мобилизирање на средства за продолжување на чистењето на големата депонија. Така да во комуникација сме со повеќе донатори. Беше на некој начин и сугерирано и покажано дека демонстрираниот успех на чистењето на малата депонија ќе влијае драматично на динамиката за обезбедување на средства и за големата депонија. Во комуникација сме со донатори и очекуваме дека како што досега се одвиваат работите ќе биде многу успешен проектот којшто ќе придонесе за продолжување со чистење на големата депонија – нагласи Мицковски.

Во однос на понатамошното дејствување, Мицковски рече дека после чистењето на базените ќе се пристапи кон узоркување на земјата којашто е под базените за да се види колку таа земја е афектирана и дали тие концентрации на линдан кои што се наоѓаат во земјата се безбедни да останат. Ќе се направи анализа на ризикот која што ќе ги покаже тие дозволени вредности на линдан во земјата. Доколку вредностите се повисоки ќе се пристапи до некои техники на ремедијација.

Министерот за животна средина и просторни планирање Насер Нуредини истакна дека работата оди побрзо од што очекувале и оти тоа е добра вест.

– Сега имаме и менување на Закон за животна средина, тоа значи дека сега ние продолжуваме, ние ја обврзуваме државата да ги верифицира сите жешки точки во нашата држава и после тоа да направиме план за рехабилитација. Ние имаме методологија за тоа, но сега за жал, ние немаме законски начин како да верифицираме тие жешки точки во нашата држава. Тоа значи дека ние ќе ја обврземе државата или тие приватни сопственици да направат план за рехабилитација за тие жешки точки – нагласи Ниредини.

The post СЕ ПРАЗНИ МАЛАТА ДЕПОНИЈА ВО ОХИС Досега се исчистени 450 тони линдан, до крајот на годината целосно отстранување на отпадот appeared first on plusinfo.mk.

Системот, како што појасни директорот на претпријатието Јане Мицевски, е опремен со шредер кој го дроби отпадот на мали тенки парчиња и го намалува за 80 посто волуменот на медицинскиот отпад. Машината, додаде тој, е дизајнирана за дробење и стерилизација на отпад како што се игли, шприцеви, завои, гази, сечила, стакло, катетри и друг отпад од работењето на клиниките, болничките центри, болници, ветеринарни болници и лаборатории.

– Со новопристигнатиот стерилизатор, односно автоклав за медицински отпад кој е иновативен систем, целосно автоматизиран со висока технологија и квалитет, од познатата италијанска марка ЦИСА, Дрисла станува современа депонија. Сувата вакуум пумпа, придонесува за заштеда на потрошувачка на вода за дури 98 проценти, а системот за заштеда на енергија обезбедува еколошка безбедност и не дозволува инфективниот воздух да ја загадува околината – рече Мицевски.

Машината, додаде, користи еколошка технологија, која ги намалува трошоците за отстранување на медицински отпад, притоа минимизирајќи го ризикот од вкрстена контаминација бидејќи целиот процес се врши во еден сад. Старата печка, пак, рече дека е планирано да се реновира оваа година и да служи како резервна варијанта.

Градоначалничката на Град Скопје Данела Арсовска, истакна дека овој тип на обработка на медицинскиот отпад е по најсовремените стандарди со кои се штитат животната средина и здравјето на граѓаните.

– Конечно Дрисла почнува со процесот на модернизација односно со осовременување на третирањето на медицинскиот отпад. Повеќе нема да има несоодветно, односно несовесно согорување на медицински отпад којшто досега беше третиран практично како обичен отпад. Ќе се потрудиме целосно да ги модернизираме сите процеси во рамки на ЈП Дрисла. Со оваа инвестиција, исполнети се сите стандарди кои се неопходни за третирање на медицински отпад и Дрисла се трансформира официјално во една модерна депонија која ќе продолжи да применува современи технологии за управување со отпадот, а целиот свој капацитет и потенцијал ќе биде ставен исклучиво во служба на граѓаните – нагласи градоначалничката Арсовска.

The post ДРИСЛА СТАНУВА СОВРЕМЕН ОТПАД Поставен автоклав за медицински отпад кој е иновативен систем appeared first on plusinfo.mk.

Гувернерот Гевин Њусом во четвртокот го потпиша законот, додавајќи дека тој чин во граѓанската дефиниција за сексуален напад, со што станува јасно дека жртвите можат да ги тужат сторителите, вклучително и казнена отштета.

Законот забранува отстранување на кондоми без вербална согласност.

Демократската пратеничка во пониското претставничко тело на Калифорнија, Кристина Гарсија, првично се обиде да го прогласи овој чин за кривично дело во 2017 година, откако истражувањето покажа дека делата на отстранување на кондоми се зголемуваат и во хетеро и во хомосексуалните односи.

Законодавниот дом во Калифорнија ја одобри мерката без противење.

The post КАЛИФОРНИЈА ДОНЕСЕ НОВ ЗАКОН Забрането е тајно отстранување кондоми за време на сексуален однос appeared first on plusinfo.mk.

Ова го објави д -р Скендер Телаку, наведувајќи дека операцијата е извршена ендоскопски, пренесува Коха.

– 33-годишниот маж голтнал мал телефон пред четири дена. Ендоскопски, без да го исечеме стомакот, го извадивме телефонот поделен на три дела. Без компликации – рече д-р Телаку за косовските медиуми, без да зборува за причината поради која Косовецот го направил овој налудничав чин.

Тој објасни дека човекот имал телефон Нокиа во стомакот четири дена, без да наведе како тој влегол во стомакот.

The post ХИРУРЗИТЕ ВО ШОК Косовец четири дена имал телефон во стомакот appeared first on plusinfo.mk.