Германската автомобилска индустрија изгуби повеќе од 48.700 работни места во период од една година, според најновите бројки од германската статистичка служба Дестатис.

Регистриран е пад од околу 6,3 проценти од вкупната работна сила во секторот, соопшти институтот, додавајќи дека бројот на вработени на крајот од третиот квартал од 2025 година изнесувал 721.400, што е најниско ниво од вториот квартал од 2011 година, објави Дојче Веле.

Според Дестатис, автомобилската индустрија останува втор најголем индустриски работодавач во Германија, по машинството, кое вработува 934.200 работници.

Вкупниот број на индустриски работни места во земјата се намали за 2,2 проценти во споредба со претходната година, но загубата во автомобилскиот сектор значително го надминува просечниот тренд.

Податоците покажуваат каде се наоѓаат кризните жаришта во германската индустрија, додаде Себастијан Дулин, директор на Институтот за макроекономија и економски истражувања во Фондацијата Ханс Беклер. Сепак, генерално, губењето на работни места остана умерено во споредба со падот на производството и нарачките.

Иако барометарот за деловна клима за германската автомобилска индустрија значително се подобри во октомври, според Институтот ИФО со седиште во Минхен, целокупното расположение останува неповолно. На пример, производителот на камиони и автобуси МАН планира да намали околу 2.300 работни места во Германија.

The post ГЕРМАНСКАТА АВТОИНДУСТРИЈА СЕ ТОПИ! За една година изгубила 48.700 работни места appeared first on plusinfo.mk.

Одделот за владина ефикасност (DOGE) на американскиот претседател Доналд Трамп е распуштен осум месеци пред истекот на неговиот мандат, со што заврши иницијативата започната со голема помпа како симбол на ветувањето на Трамп за намалување на големината на владата, но за која критичарите велат дека донела малку мерливи заштеди.

„Тоа не постои“, изјави за „Ројтерс“ на почетокот на месецов директорот на Канцеларијата за управување со персоналот (ОПМ), Скот Купор, кога беше прашан за статусот на DOGE.

Тоа веќе не е „централизиран ентитет“, додаде Купор во првите јавни коментари од администрацијата на Трамп за крајот на DOGE.

Агенцијата, основана во јануари, направи драматични обиди низ Вашингтон во првите месеци од вториот мандат на Трамп за брзо намалување на федералните агенции, скратување на нивните буџети или пренасочување на нивната работа кон приоритетите на Трамп. ОПМ, канцеларијата за човечки ресурси на федералната влада, оттогаш презеде многу од функциите на DOGE, според Купор и документите прегледани од „Ројтерс“.

Најмалку двајца истакнати вработени во DOGE сега се вклучени во Националното студио за дизајн, ново тело создадено со извршна наредба потпишана од Трамп во август. Ова тело го предводи Џо Гебија, ко-основач на „Ер-бен-би“ (Airbnb), а наредбата на Трамп го задолжи да ги разубави владините веб-страници.

Гебија беше дел од тимот на милијардерот Илон Маск во DOGE, додека вработениот во DOGE, Едвард Користин, со прекар „Големи топки“ (Big Balls), ги охрабруваше следбениците на неговиот профил на Икс да аплицираат за да се приклучат.

Згаснувањето на DOGE е во целосен контраст со повеќемесечните напори низ целата влада да се сврти вниманието кон него, при што Трамп, неговите советници и секретарите на кабинетот објавуваа за тоа на социјалните мрежи. Маск, кој првично го предводеше DOGE, редовно ја рекламираше неговата работа на неговата платформа Икс и во еден момент држеше моторна пила за да ги рекламира неговите напори за намалување на работните места во владата.

„Ова е моторна пила за бирократијата“, рече Маск, држејќи го алатот над главата на Конференцијата за конзервативна политичка акција во Националното пристаниште, Мериленд, во февруари.

DOGE тврдеше дека скратил десетици милијарди долари во расходи, но беше невозможно за надворешни финансиски експерти да го потврдат тоа бидејќи единицата не обезбеди детално јавно сметководство за својата работа.

The post „ПЕНЗИОНИРАНА“ МОТОРНАТА ПИЛА НА ЕЛОН МАСК Згасна одделот за владина ефикасност appeared first on plusinfo.mk.

Американскиот претседател Доналд Трамп изјави дека федералните работници би можеле да се соочат со отпуштања, а дел од проектите да бидат намалени или укинати, доколку продолжи блокадата на федералната влада.

– Може да има отпуштања, а тоа е нивна вина – рече Трамп за телевизиската мрежа ОАН, алудирајќи на демократите во Конгресот кои не успеаја да постигнат договор за финансирање.

Тој додаде дека постои можност да се скратат „омилените проекти“ на опозицијата, со што би се намалиле трошоците во буџетот.

Федералната влада делумно е затворена од завчера, при што функционираат само основните служби. Трамп нагласи дека приходите од новите царини веќе почнуваат да пристигнуваат и би можеле да достигнат и до еден билион долари годишно.

Според него, дел од тие средства би се искористиле за отплата на националниот долг, кој, како што предупреди, може да порасне и до 38 билиони долари.

The post ТРАМП НАЈАВИ МАСОВНИ ОТПУШТАЊА Демократите виновни за хаосот во Америка, смета претседателот на САД appeared first on plusinfo.mk.

„Ние велиме ‘скалпел’ наместо ‘секира’“, објави Трамп на својата платформа Трут сошал.

Пораката на претседателот го претставува првиот чекор за зауздување на моќта што му е доделена на Маск, објави Франс 24.

Но, подоцна, директно прашан од новинарите дали „ДОГЕ и Маск се движат пребргу“, Трамп рече: „Не, мислам дека тие направија неверојатна работа“.

Иако Маск не е формален администратор на ДОГЕ, извршниот директор на „Спејс икс“ и на „Тесла“ сепак ги насочува операциите и дури присуствуваше на првиот состанок на владата во вториот мандат на Трамп.

Сепак, кампањата за намалување на трошоците се соочи со зголемен отпор на повеќе фронтови, вклучително и со судски пресуди и со одреден притисок од пратениците.

Десетици судски постапки се водат против овие отпуштања, а анкетите покажуваат дека мнозинството Американци се против намалувањето на државната администрација.

Зад затворени врати, Трамп отишол чекор понатаму со своите критики. Тој ги потврдил медиумските извештаи дека на владината седница нагласил дека министрите, а не Маск, имаат крајна одговорност за кадровските одлуки и за политиките во нивните служби. Маск би имал само советодавна улога.

Состанокот бил свикан откако шефовите на различни владини агенции поднеле жалби до Белата куќа за ригидниот пристап на Одделот за државна ефикасност (ДОГЕ). Канцеларијата за законодавни прашања на Белата куќа, пак, била преплавена со повици од незадоволни републикански конгресмени кои се соочиле со гневни реакции од своите гласачи.

На последователната прес-конференција, Трамп изјави дека сака министрите и шефовите на агенциите внимателно да разгледаат кои вработени се навистина потребни, објави Си-Ен-Ен.

– Не сакам масовни отпуштања кои би погодиле добри луѓе. Сакам членовите на кабинетот да ги задржат оние што работат квалитетно, а оние кои не си ја вршат работата, не се доверливи или не доаѓаат на работа, може да бидат отпуштени – истакна Трамп.

Тој додаде дека министрите и Маск ќе го следат процесот, но крајната одлука ќе ја имаат шефовите на службите – ако тие решат да кратат, Маск ќе ја финализира одлуката.

The post СКАЛПЕЛ, А НЕ СЕКИРА, НЕ ТРЕБА ДА СЕ ОТПУШТААТ ДОБРИ ЛУЃЕ ВО САД Трамп малку го заузда Илон Маск? appeared first on plusinfo.mk.

Виктор Мизо, претседател на Советот на странски инвеститори на Стопанската комора вели дека домашните компании се афектирани помалку или повеќе од состојбите во европската автомобилска индустрија, а за тоа како ќе реагираат на промените зависи поединечно од секоја компанија и состојбата во која е таа.

– Кај нас можам да кажам само дека има намалување на обемот на работа. Кај некои компании повеќе, а кај некои помалку и решенијата на проблемот зависат од поединечната состојба. Тоа зависи од пазарот во Европа, но и од моделот за кој се изработуваат компоненти на различните локации во Македонија, не можам да дадам еден одговор за сите – вели Мизо.

Тој додава дека европската автомобилска индустрија која е во криза подолг период се обидува преку преструктурирање да се извлече од проблемите предизвикани од намалената продажба несоодветната брзина на електрификацијата и од притисокот на конкуренцијата посебно од Кина.

– Намалени се порачките. Во индустријата има ниска електрификација, брзината на приспособување на новите барања е бавна, а има притисок од конкуренцијата на Кина. Проблем се и царините кои се најавуваат, па се повлекуваат. Сета таа неизвесност се афектира врз компаниите. Во Европа уште се високи цените на автомобилите. Просечната цена е повисока од 40.000 евра што влијае на побарувачката. Во моментов, можам да кажам дека постојат ветришта што делуваат во спротивна насока за оваа индустрија – вели Мизо.

Премиерот Христијан Мицкоски смета дека заминувањето на еден од странските инвеститори од земјава е природен процес кој смета дека ќе се надмине со новите странски инвестиции кои треба да дојдат во земјава.

– Има и неколку нови компании коишто најавуваат отпочнување инвестиција или отворање нови производни погони, така што тоа е процес којшто е тековен. Оваа компанија за којашто вие кажавте, нѐ информираше пред неколку недели. Оваа година тие ќе си работат тековно, нормално. Преговараме со дел од инвеститорите коишто се заинтересирани да инвестираат и многу брзо од денеска ќе се надмине овој процес. Така што, јас повеќе сум загрижен дали ќе имаме доволно работна сила за сите оние инвестиции коишто се во процес на инвестирање – изјави Мицкоски денеска запрашан за тоа дека инвеститорите заминуваат, а работниците добиваат откази.

Не е познато дали и други компании од автомобилската индустрија кои имаат погони во змејава планираат да го намалат бројот на работници или да ги затворат погоните.

The post КРИЗАТА ЈА ЗАФАТИ И МАКЕДОНСКАТА АВТО-ИНДУСТРИЈА Решение за отпуштените работници ќе се бара кај новите инвеститори appeared first on plusinfo.mk.

Мерцедес најавува отпуштање на десетици илјади вработени и реструктуирање со цел да се прилагоди на состојбата на пазарот.

Причините за ваквите мерки лежат во падот на бројот на нарачки и бавното прилагодување на пазарните промени

Минатата година компанијата најави дека ќе укине 15.000 работни места до 2027 година, но познавачите на случувањата во компанијата тврдат дека бројот на отпуштања може да се зголеми на 20.000.

Со овие мерки се очекува да се заштедат 5 милијарди евра, што треба да обезбеди стабилност на компанијата и отпорност на кризи во иднина, пишува Феникс магазин.

Заедно со отпуштањата, компанијата планира да ги намали исплатите на бонусите. Слободните места поради отпуштања или пензионирање повеќе нема да се пополнуваат, а наводно се планира и продажба на одредени производствени капацитети.

Веќе се шпекулира за продажба на фабрика за возила за испорака во Аргентина, во која работат 2.000 луѓе.

Сите приходи, освен за отпремнината, ќе бидат насочени кон развој на електрични автомобили и високи технологии во моторите со внатрешно согорување.

The post МЕРЦЕДЕС ЌЕ ОТПУШТИ 20.000 РАБОТНИЦИ Компанијата ќе ги намали и бонусите appeared first on plusinfo.mk.

Извршниот директор на Мета, Марк Закерберг, ги информирал вработените за одлуката преку меморандум објавен на внатрешниот форум Workplace со порака дека 2025 година ќе биде „интензивна година“.

Во посебна порака, објавена од еден од директорите, компанијата наведува дека се повлекува од соработката со „приближно 5% од најслабите вработени“.

Мета моментално има повеќе од 72.000 вработени, според нејзиниот најнов квартален извештај.

Компанијата најави дека до 10 февруари ќе бидат известени вработените засегнати од отпуштањата и ќе добијат отпремнини согласно претходните пакети.

Ова намалување на работната сила е најголемо од масовните отпуштања во 2022 и 2023 година, кога компанијата отпушти 21.000 вработени, што е речиси четвртина од вкупната работна сила.

Оваа одлука доаѓа по големите оперативни промени во Мета насочени кон зајакнување на односите со новоизбраниот американски претседател Доналд Трамп.

Минатата недела Закерберг објави крај на програмите за проверка на факти од трети страни и преминување кон моделот „Забелешки на заедницата“ сличен на оној на платформата X на Илон Маск, каде што корисниците додаваат контекст на објавите.

-Неодамнешните избори, исто така, изгледаат како културна пресвртница кон реприоритизација на говорот, така што ќе се вратиме на нашите корени и ќе се фокусираме на намалување на грешките, поедноставување на нашата политика и враќање на слободата на изразување на нашите платформи изјави Закерберг .

The post ЗАКЕРБЕРГ ЌЕ ОТПУШТИ 3.600 ВРАБОТЕНИ На удар се оние со ниски резултати appeared first on plusinfo.mk.

Загубите на компанијата се зголемуваат, а штрајкот на машинистите, поради кој е прекината работата во  фабриката за авиони, влегува во својата петта недела.

Американската компанија нема да го испорача својот сè уште несертификуван авион со широк труп 777Џ до 2026 година, со што се доведува во прашање планот кој доцни веќе шест години, пренесува Си-Ен-Би-Си.

Во август Боинг го прекина тестирањето на овој модел на авион кога откри структурно оштетување на еден од нив.

The post НЕ МУ ОДИ ДОБРО НА „БОИНГ“ Фабриката за авиони ќе отпушти 17.000 вработени appeared first on plusinfo.mk.

Социјалната мрежа Тик Ток во сопственост на BitDance соопшти дека укинува стотици работни места, бидејќи се фокусира на зголемена употреба на вештачка интелигенција во модерирање на содржината.

Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави Соутх South China Morning Post.

Вработените, од кои повеќето беа ангажирани во операции за модерирање, биле известени за отпуштањата преку електронска пошта.

The post ТИК ТОК ЌЕ ГИ ЗАМЕНИ ВРАБОТЕНИТЕ СО ВЕШТАЧКА ИНТЕЛИГЕНЦИЈА Мрежата отпушти стотици работници appeared first on plusinfo.mk.

Хабек во изјавата ја истакна важноста на таа компанија за земјата и најави дека ќе ја посети нејзината фабрика во градот Емден.

Тој одби да ги коментира наводите, според кои производителот на автомобили ќе мора да го намали бројот на работни места на среден рок за 30.000.

„Фолксваген“ овој месец објави дека треба значително да ги намали трошоците за производство во Германија, а како причина ги наведе високите трошоци, ниската продуктивност и жестоката конкуренција.

Според пишувањето на Билд, компанијата најавува дека поради заштеди ќе ги намали инвестициите за речиси 20 милијарди евра, а можни се отпуштања и во одделот за истражување и развој каде што има 13.000 вработени.

The post „ФОЛКСВАГЕН“ НАЈАВИ 30.000 ОТПУШТАЊА Германската влада размислува како да помогне тоа да не се случи appeared first on plusinfo.mk.