– Со денешнава пратка очекуваме да пристигнат уште околу илјада уреди за биометриска идентификација на граѓаните и со тоа ќе ги имаме над половина од потребните уреди, а до крајот на неделата ќе пристигнат сите, уште две пратки на секои два дена. Во моментот во ДИК трае полнењето на смарт картичките кое треба да заврши денеска и попладне треба да почне полнењето на апаратите бидејќи имаме доволно време. Полнењето ќе заврши некаде до 11 октомври – рече Даштевски.

Едукацијата на избирачките одбори, како што кажа, се одвива добро, но ќе има уште еден циклус обуки за употребата на терминалите за што е подготвено упатство за работа со нив и изготвено видео.

– Ќе се поделат упатствата и стикови со видеото за тие во секое време да можат да го видат. Планираме само за електронскиот дел да направи уште по една обука за сите во распоред од 12 до 15, во зависност од тоа кој избирачки одбор кога е слободен – рече Даштевски, бидејќи овие уреди во земјата ќе се применуваат првпат.

На денот на изборите, ДИК бара да има околу 200 ИТ инжинери кои ќе им помагаат на луѓето што управуваат со опремата и компанијата која ги испорачува апаратите има исто така ангажирано 80 луѓе, кои исто така ќе им помагаат на ИТ тимот во ДИК и на избирачките одбори.

Заклучениот Избирачки список е веќе даден на печатење, а веќе се печатат и гласачките ливчиња. Даштевски најави дека членови на ДИК најверојатно утре ќе одат да проверат како се одвива нивното печатење.

– Можеби утре ќе одиме да провериме како се одвива печатењето на списоците и да ги провериме специмените на гласачките ливчиња, првите примероци. Но, сметам дека сега засега е се во ред и веќе 90 отсто од ливчињата се испечатени, што е добро. Останува до крајот на неделата да се допечати Избирачкиот список. Кога ќе се испечати ќе го потпишеме – најави Даштевски.

Избирачкиот список треба да биде потпишан најдоцна до 1 октомври.

Претседателот на ДИК смета дека Локалните избори ќе бидат добро гарантирани, но не може да гарантира како ќе се одвива техничкиот дел со примена на терминалите за идентификација бидејќи тоа се случува првпат и немало пилот примена.

– Може да кажеме дека некои работи предвреме ги завршуваме, дека сите дејствија, следите и сами по Роковникот, уредно и навреме се завршени. Дадени се инструкции на ОИК да им се олесни работата и сите наши обврски што сме требале ги завршивме. Сите упатства, правилници, одлуки, обрасци итн, така што тоа ветува дека добро ќе се одвиваат изборите. Во однос на овој техничкиов дел, повеќе пати сум изјавил, дека не можам ништо да кажам бидејќи е првпат, не сме имале пилот да согледаме кои би биле слабостите на тој систем и се надевам дека се ќе биде во ред, но ништо не можам да кажам – рече Даштевски.

На Локалните избори на 17 октомври ќе се применуваат истите мерки за превенција од ковид -19 како на претходните избори. Гласањето ќе почне во 7 часот, а ќе заврши во 19 часот.

The post СТИГНА НОВА ПРАТКА ОД ТЕРМИНАЛИТЕ ЗА ОТПЕЧАТОК НА ПРСТ До крајот на неделата ќе пристигнат сите appeared first on plusinfo.mk.

– Серверот стигна една недела предвреме затоа што е многу битна таа операција да се види дали ќе полни, како ќе полни и времето, брзината на полнењето, така што полека пристигнува целата опрема и за два-три дена веќе ќе имаме нова пратка поголема од 950 терминали, а веќе за една недела ќе стигнат и другите, така што почнуваме со работа – рече Даштевски.

Ако серверот покаже дека добро работи, ДИК ќе се подготви за едукација на претседателите на избирачките одбори и за замениците на претседателите на избирачките одбори и ќе се стави во функција целата операција што значи дека процесот оди добро.

– Односно и подобро, повеќе од добро затоа што веќе серверот пристигна една недела предвреме и може да се почне со работа, односно со полнење, а со следната пратка и со полнење и на другите терминали од зависност од заклучување на Избирачкиот список кој треба ние да го заклучиме на 24-ти септември, потоа ИТ-секторот треба да го обработи и некаде од 28-ми ќе почне полнењето кое ќе трае неколку дена, така што тие (терминалите) ќе бидат подготвени за изборите – вели Даштевски.

На локалните избори закажани за 17 октомври првпат во земјата ќе се применат систем и терминали за вчитување на отисоци од прсти за идентификација на гласачите. За таа цел ДИК склучи договор со германската компанија „Дермалог“ која треба да го достави системот и терминалите, како и да овозможи нивно одржување. Првите 200 терминали веќе пристигнаа во земјата, денеска стасаа и серверот, а како што најави Даштевски, сукцесивно до 1 октомври треба да пристигнат и сите неопходни терминали за изборите.

The post СТАСА СЕРВЕРОТ, ЌЕ ПОЧНЕ ПОЛНЕЊЕТО НА ФИНГЕРПРИНТ ТЕРМИНАЛИТЕ Се чека пратка од 950 терминали appeared first on plusinfo.mk.

-До конечното донесување на измените на Исборниот законик ќе треба добро да се регулира идејата според сите процедури. за тоа ќе треба да се допрецизира околу  опремата за отпечатоци од прсти и тие да бидат набавени. Треба да се определи како ќе се регулира прашањето ако нема доток на струја за овие апарати – рече Маричиќ.

Министерот рече дека во тоа се вклучени повеќе институции.

Тој рече дека  изборниот законик да носи со консензус и верувам дека ќе се договоритме во текот на наредниот период..

Со ова предлогот на опозиционата ВМРО-ДПМНЕ за конторла на гласањето е прифатен и од власта.

– Целосно сме за воведување на отпечатоци од прст – рече и премиерот Зоран Заев.

The post Ќе гласаме со отпечаток на прст на локалните избори appeared first on plusinfo.mk.