Неодамна почувствував искривување на темата ‘проширување на ЕУ’, а особено со Република Северна Македонија. Постои тенденција ова проширување и овој процес да се стават во билатерална рамка. И уште повеќе – некои од нашите европски партнери, вклучително и европскиот комесар Кос, зборуваат како Бугарија да го запрела овој процес затоа што има некаков билатерален проблем, затоа што двете земји не се разбираат, затоа што не можат да се договорат за нешто, коментираше потпретседателката Илијана Јотова во емисијата „Брисел 1“ на „Bulgaria ON AIR“.

Таа речиси половина од интервјуто го посвети на односите меѓу Скопје и Софија, обвинувајќи ги европските лидери за создавање на погрешен наратив дека спорот е само билатерален проблем меѓу Македонија и Бугарија.

– Геополитичкиот притисок е огромен за забрзано примање на нови земји-членки. Стравувам дека тоа е ризик кој еден ден ќе го платиме скапо. Без вистински реформи, новите членки ќе внесат уште повеќе проблеми во ЕУ, која и сега има сериозни предизвици – изјави Јотова.

Овие остри пораки на Јотова доаѓаат токму во пресрет на тридневната официјална посета на претседателот на Европскиот совет, Антонио Кошта, на Бугарија.

– Да ве потсетам дека од 2022 година имаме европска политика по ова прашање. Имаме европска преговарачка рамка, која не е политика на Бугарија како земја-членка на ЕУ, кон земјата-кандидат – РСМ. Зборуваме за преговарачка рамка што ја усвои Советот на ЕУ. Да, оваа преговарачка рамка беше имплементирана врз основа на таканаречениот француски предлог, кој ги вклучува и протоколите потпишани од двете страни. т.е. зборуваме за европско законодавство и РСМ мора да ги исполни овие критериуми и ова законодавство ако нашите соседи сакаат да го започнат процесот на преговори со нив – рече Илијана Јотова

Според најавите, главни теми на разговор меѓу Кошта и бугарскиот премиер Димитар Жељазков ќе бидат европската одбрана, војната во Украина, миграцијата и европското проширување.

Кошта, кој повеќепати нагласи дека интеграцијата на Западен Балкан е политички приоритет за Унијата, најави и официјална посета на Македонија во мај. Во истиот период, земјава ќе ја посети и високата претставничка на ЕУ за надворешна и безбедносна политика, Каја Калас.

The post 📽️ ПРОШИРУВАЊЕТО СЕ ИСКРИВУВА НА ШТЕТА НА МАКЕДОНИЈА Бугарската потпретседателка Илијана Јотова жестоко ја критикува ЕУ appeared first on plusinfo.mk.

– Бугарија и Северна Македонија тагуваат за младите загинати во пожарот во Кочани. Општа е нашата болка за загубата на невини животи и нашата надеж за брзо закрепнување на повредените – рече тој.

Радев рече дека Бугарија може да прими уште 10 пациенти на лекување во бугарските болници и дека нивниот медицински тим и воениот авион „Спартан“ се подготвени во секој момент да ги транспортираат повредените.

– Бугарија е подготвена и ќе продолжи да помага за сè што е потребно. Во моментов чекаме македонската страна да одлучи дали има потреба од преземање на уште 10 жртви од трагедијата. Екипите се во готовност, ќе пружиме помош – рече Радев.

Тој им се заблагодари на бугарските медицински тимови и воениот персонал за брзата реакција и професионалноста во транспортот на повредените и пружањето на специјализирана медицинска помош.

– Оваа трагедија покажа дека луѓето од двете страни на границата можат да се потпрат еден на друг не само во деновите на судењето, туку и за нашата заедничка европска иднина – рече Радев.

Денеска е Бугарија е Ден на национална жалост во спомен на загинатите во пожарот во дискотеката „Пулс“ во Кочани.

Животот го загубија 59 лица, над 155 се повредени.

The post БУГАРИЈА МОЖЕ ДА ПРИМИ УШТЕ 10 ПАЦИЕНТИ ОД КОЧАНИ Претседателот Радев се потпиша во книгата на жалост appeared first on plusinfo.mk.

Вака изјави лидерот на ГЕРБ Бојко Борисов на почетокот на Националната конференција на партијата.

– Вчера потпретседателката рече дека изборот на овој парламент е нелегитимен. Тоа значи дека според претседателската институција сите одлуки што се носат се нелегитимни. Тогаш зошто ние се собираме во понеделник да дадеме заклетва, зошто е даден овој ден и време?

Борисов рече и дека надлежност на претседателот е да го свика Уставниот суд и да ги откаже изборите, а не да ги продолжи овие игри со делумните откажувања.

– На сите им е јасно дека ќе има нови избори. Сите партии се однесуваат како да се во предизборна кампања. Ова е последен обид од моја страна до понеделник да имаме помудра политичка класа – рече Борисов.

Тој ја повика потпретседателката Илијана Јотова да се извини за вчерашниот коментар дека изборите за 51. Народно собрание биле нелегитимни, или претседателот Радев да го повлече указот.

– Тоа значи борба меѓу властите – рече Борисов, а со тоа и уште потешка политичка криза.

Тој изјави дека верува оти води легитимно избрана партија.

– Не се откажуваме од позицијата претседател на Народното собрание, бидејќи тоа е заслужено место за нашата партија – рече и Борисов.

По вонредните парламентарни избори на 27 октомври, ГЕРБ-СДС повторно е прва политичка сила и ќе има 69 пратеници во 51-от парламент. По гласањето, лидерот на ГЕРБ Бојко Борисов изјави дека ќе вложи максимални напори за редовна влада со целосен мандат.

The post ЈАСНО Е, ВО БУГАРИЈА ПАК ЌЕ ИМА ИЗБОРИ Борисов најави политичка криза appeared first on plusinfo.mk.

Мицкоски ја упати Јотова советите да ги даде и до тие земји-членки на ЕУ кои што треба конечно да ги почитуваат човековите права.

– Имаме 14 пресуди за македoнската заедница во Бугарија. Ги повикувам истите овие кои што нас ни даваат совети, да ги советуваат и бугарските власти, да ѝ дозволат на македонската заедница барем да се организира во невладини организации. Не бараме да бидеме дел од Уставот, туку да се организираат во невладини организации. Тоа можат да го направат во таа насока – кажа Мицкоски од општина Гази Баба, каде што присуствуваше на поставување на камен-темелник за нова училишна зграда.

Јотова вчера од Ќустендил советуваше дека Македонија треба подобро да ги разбира европските вредности.

– Би сакал да ги повикам моите колеги од Република Македонија да ги читаат европските вредности со поголемо разбирање, бидејќи тогаш, кога ќе започнат вистинските преговори за пристапување во ЕУ, постои едно главно прво поглавје, Основни права. Овие права минуваат низ целиот преговарачки процес и ако има барем една земја која верува дека не се почитуваат човековите права, особено оние на претставниците на различни народи и народи, овој процес никогаш нема да заврши – рекла Јотова.

Според неа, нашата земја не знае да го почитува Договорот за добрососедство, при што додала дека „Бугарите никогаш не биле воспитувани да ги навредуваат соседите, ниту да имаат територијални, јазични или културни и претензии“.

Бугарската потпретседателка ова го кажа на настан со наслов „Бугарите на Балканот надвор од границите по 1878 година. Кодекс на опстанок“, кој се одржал под покровителство токму на Јотова и на кои учествувале и претставници на бугарските заедници од Македонија, Албанија, Грција, Косово, Романија, Турција и од Србија.

The post БУГАРИЈА ДА ЈА СОВЕТУВАТЕ ЗА ЧОВЕКОВИ ПРАВА, А НЕ МАКЕДОНИЈА Мицкоски жестоко возврати на изјавите на Јотова appeared first on plusinfo.mk.

– Замолувам за малку трпение. Избрзани чекори се секогаш лош потег, можеби треба малку да исдигестираат работите за да можеме со студена глава да отспиеме и да донесеме вистинска одлука. Сѐ е во оптек. Патувам викендов во Австрија, ќе бидам дел од еден настан во Салцбург, потоа ќе имам средби со високи претставници на австриската Влада и австриското општество, претседателот, министерот за надворешни работи. Таму знаете имаше скоро и избори па во тек е формирање на нова влада, ќе видиме како ќе биде со актуелниот премиер, потоа доаѓа претседателката на ЕК, па имаме Европска политичка заедница состанок во Будимпешта на 7 ноември, така што нека се направи една анализа да видиме како сето ова ќе функционира. Ако успееме на овој начин да ја постигнеме целта јас не би брзал со носење – рече Мицкоски.

Во однос на изјавата на бугарската потпретседателка Илијана Јотова, која ги повика македонските власти „да ги читаат европските вредности со поголемо разбирање“, Мицкоски кажа дека постојат за жал земји-членки на ЕУ кои не ги почитуваат европските вредности.

– Колку што сум информиран апсолутно ние како држава ги почитуваме и постапуваме доколку постојат такви пресуди од институцијата која што е одговорна да носи одлуки за почитување и непочитување на човековите права, тоа е Судот за човекови права во Стразбур. За жал, имаме земји членки во Европа коишто имаат десетици такви пресуди коишто не ги почитуваат. Претпоставувам тоа ќе важи и за земјите членки не само за кандидатите. Јас би сакал да ја упатам Јотова овој совет да го даде и кон тие земји членки коишто треба конечно да ги почитуваат и коишто се испречени пред можни санкции за почитување на човековите права. Еве имаме такви 14 пресуди за македонската заедница во Бугарија. Еве, ги повикувам истите овие коишто ни даваат нам совет да ги советуваат и бугарските власти да може да дозволат македонската заедница барем да се организира во невладини организации. Ние не бараме да бидеме дел од Уставот барем од тоа што таму сум го слушнал, туку да се организираат во невладини организации. Тоа е нешто што може да го направат во таа насока, бидејќи јас колку што знам Бугарија како држава е потписник на Резолуцијата за заштита на човековите права. Така што, од прилика тоа би бил мојот коментар – рече Мицкоски.

Јотова, на настан кој се одржал вчера во Ќустендил, на тема „Бугарите на Балканот надвор од границите по 1878 година „Кодекс на опстанок“, под покровителство на потпретседателката, а на кој учествувале и претставници на бугарските заедници од Македонија, Албанија, Грција, Косово, Романија, Турција и Србија, рекла дека „овие права минуваат низ целиот преговарачки процес и ако има барем една земја која верува дека не се почитуваат човековите права, особено оние на претставниците на различни народи и народи, овој процес никогаш нема да заврши“.

– Агресијата, не само вербалната, е непростлива, а кога насилството крие тврдоглава, но длабоко погрешна теза и уште повеќе неисполнување на веќе преземените меѓународни обврски. Веројатно ќе погодите дека станува збор за еден од нашите западни соседи – Република Северна Македонија, за која, за жал, последниве години, наместо за потпишан договор и неговото спроведување кое го носи името „Добрососедство“, сака да одиме во спротивна насока. Неподносливо е кога една страна треба да го трпи недостатокот на почитување на човековите права, со газење на правото на изразување, да кажувате кој сте и од каде доаѓате и со кое потекло – рекла Јотова.

АРГУМЕНТИ НАМЕСТО ДИКТАТ – МИЦКОСКИ ГО ПИШУВА ПИСМОТО ДО ЕУ Бара гаранции за успешни преговори

The post ИЗБРЗАНИ ЧЕКОРИ СЕ ЛОШ ПОТЕГ Мицкоски сака да отспие пред да го испрати писмото до ЕУ appeared first on plusinfo.mk.

Вака изјави потпретседателката на Бугарија Илијана Јотова коментирајќи го случајот со бугарското државјанство на македонската министерка за енергетика, рударсво и минерални суровини Сања Божиновска, јавува БТА.

Во обраќање до македонските власти во Ќустендил Јотова ги повика своите македонски колеги со поголемо разбирање да ги читаат европските вредности и дека почитувањето на човековите права е клучно во преговорите за членство во ЕУ, особено во првото поглавје.

Јотова рече дека ако една земја членка смета дека од страна на земјата кандидат не се почитуваат човековите права и правата на малцинствата, процесот кон ЕУ не може да продолжи.

Оваа нејзина изјава доаѓа паралелно на неодамнешната оценка на Советодавниот комитет на Советот на Европа, во која пак се укажува дека во Бугарија се забележува недостаток на свест за малцинските правa.

Македонскиот премиер Христијан Мицкоски ѝ одговори на Јотова повикувајќи јада дозволи македонската заедница да се организира во невладини организации.

– Ние како држава ги почитуваме и постапуваме доколку постојат такви пресуди од институцијата која е одговорна да носи одлуки за почитување или непочитување на човековите права. Тоа е Судот за човекови права во Стразбур. За жал, имаме земји-членки во Европа кои што имаат десетици такви пресуди кои што не ги почитуваат. Претпоставувам тоа ќе важи и за земјите-членки, а не само за кандидатите – рече премиерот Христијан Мицкоски по повод последните изјави на бугарската потпретседателка.

Македонскиот премиер ја упати Јотова советите да ги даде и до тие земји-членки на ЕУ кои што треба конечно да ги почитуваат човековите права.

– Имаме 14 пресуди за македoнската заедница во Бугарија. Ги повикувам истите овие кои што нас ни даваат совети, да ги советуваат и бугарските власти, да ѝ дозволат на македонската заедница барем да се организира во невладини организации. Не бараме да бидеме дел од Уставот, туку да се организираат во невладини организации. Тоа можат да го направат во таа насока – кажа Мицкоски од општина Гази Баба, каде што присуствуваше на поставување на камен-темелник за нова училишна зграда.

Македонците во Бугарија деновиве се соочуваат со забрана за одбележување на годишнината од Кресненското востание.

Македонскиот клуб за етничка толеранција известува дека, како и во минатите години, поднеле известување до Општина Кресна за полагање цвеќе пред споменикот на Димитар Поп Георгиев Беровски, но добиле одговор дека на 20 октомври, датумот на настанот, општината има планирано други активности.

The post ЛИЧНО ГИ ВИДОВ ДОКУМЕНТИТЕ СО КОИ МИНИСТЕРКАТА БОЖИНОВСКА ПОТВРДУВА ДЕКА Е БУГАРКА Потпретседателката на Бугарија испрати порака до политичарите во Македонија appeared first on plusinfo.mk.

Јотова и Османи, се на иста линија. Ако навистина не постојат Македонците, тоа е премија за Софија бидејќи значи дека ние сме бугарчиња и, од друга страна, тоа широко го отвора патот за целосна реализација на големоалбанскиот проект. Бујар не мирува. Албанизацијата на Македонија добива на интензитет во последно време, токму поради отсутноста и некадарноста на Македонците.

Крстот на Попова Шапка е само нов доказ за тоа. Додека жестоко се бранат „албанските“ територии во земјава, Македонците се прават дека ништо не разбираат. Кичево, нели, беше албански воен трофеј, а незаконски знамиња на Албанија се веат низ целата земја. А кога Ахмети, знамето го дигна на столб, висок 20, 30 метра кај Зајас, јавно порача дека нема таква сила којашто ќе го сруши. И, така бидна. А, знамињата, означуваат територија. Во случајов албанска. Ништо друго.

Напред македончиња, некадарни и продадени за ситно. Срам да ви е. Не е никаква утеха што ќе ве осуди историјата. Заслужувате и пострашни, и поитни казни. Тие мора да следат.

Некои апологети на власта веќе ја оправдаа Јотова. „Објаснија“ дека изјавата е заради бугарски внатрешно – политички потреби, дека тоа било пред избори и, верувале или не – дека тоа немало некоја поголема врска со Македонија!? А, Јотова го тера вториот мандат, следните избори се за околу три години и нема право на реизбор. Каква манипулација! Кратки се нозете на лагата.

Османи, пак, на прашање на новинар, вербално ја осуди изјавата на Јотова и – толку. Тоа, нема никаква дипломатска тежина. Бла, бла. Неврзан муабет. Додека нема жестока официјална реакција, значи дека сме согласни со нејзината оценка.

Оваа не е прв излив на „љубов“ од страна на Јотова кон Македонија. Таа е одамна на првата линија на негирање, игнорирање, плукање, понижување … на Македонија и Македонците. Арно ама, тоа никој во земјава не го забележува, никој не реагира а Османи си ја тера својата песна и, веројатно – ужива. Тој ги игнорира Македонците, а тие си молчат и се прават недоветни. Османи, тешко може да си замисли поидеална ситуација и станува сè албански херој.

Овој потег на Јотова е само зрно во тона пченица. Што сè до сега Софија ни плеснала во лице, во сите сфери – политичка, научна, историска, културна, верска …, и на сите нивоа – претседател и потпретседателка на државата, парламент, влада, министри, пратеници, дипломати, професори, историчари …, што веќе нема простор за никакви дилеми или колебања за нивните вистински и трајни намери. Ножот ја допре коската.

Треба да си идиот, забеган, блесав, непресметлив, неук, неписмен, недоветен, копук, чурук, токмак, ментално пореметен, налудничав, морон, без трошка памет, имбецил, гнасен, манипулант, суртук, мршојад, потрчко … и што ти уште не, за да продолжиш со досегашните погубни, капитулантски и предавнички политики кон Бугарија. (Видовте ли колку ни е богат јазикот? Барем за негативни карактеристики!).

Оваа крајно безобразна изјава на Јотова не само што треба туку и мора да биде повод, некој од македонскиот политички врв да удри со главата во ѕид и да ја сврти страницата на порази. Како прво, да се откаже промената на Уставот. Докажано е дека од Османи такво нешто не може да се очекува. Причините се погоре наведни, иако не е само тој виновен. Сепак, не е спорно дека нашите стратегиски (не)пријатели го доведоа на таа позиција, со единствена цел тој да ја потпише капитулацијата на македонизмот.

Тоа, тој ќе го направи со гордост и со задоволство, заради албанската кауза. Доколку, пак, кој било Македонец беше на неговото место, како МНР, во никој случај македонската капитулација немаше да биде рутинска работа. Во дипломатијата, како и во животот, нема ништо случајно. Странците долгорочно планираат.

Дека е така, имаме бројни примери, на наша штета. Некои ги знаеме и разбираме, други не баш. Еве една компарација.

На времето, пред повеќе од 50 години, Израел почна со изградба на населби на новоосвоените палестински територии. Набргу и ги насели. Свесни беа дека, кога, тогаш, сите тие населби ќе мора да ги напуштат, а луѓето коишто ги населуваат, ќе бидат жртви.

Нивната цел беше прецизна, ама аналитичарите веднаш ја открија. Во барањето за траен мир, кога и да биде тоа, тие ќе уценуваат со овие населби и ќе бараат додатни и нереални концесии од Палестинците, за нивно напуштање. Тоа сè уште не се случило, ама претстои.

Истата цел ја имаше и Бугарија, со пасошите коишто ги продаваше на Македонците, и тоа за не мали пари. Интересот беше голем, од чисто економски причини, и затоа се продаваа. Софија беше свесна, сигурно и запознаена со плановите на главниот светски фактор, дека „Македонското прашање“ ќе дојде на маса, и ќе биде во фокусот. Знаеја дека тоа беше неизбежно, и создаваа сериозна основа да манипулираат со „Бугарите“ во Македонија. Според бројот на издадени пасоши.

Тој момент дојде, иако кај нас ниту некој имаше, ниту има поим, зашто се случуваше масовното делење на пасоши.

Софија прекрасно знаеше, и знае, дека пасошите се бараа од економски причини, заради работа на Запад, ама нивните калкулации и планови беа подлабоки и подолгорочни.

Фактот, пак, што и во Унијата се правеа на удрени, иако ја регистрираа и набљудуваа оваа криминална процесија, само потврдува дека и ЕУ има важна улога во оваа трагедија, којашто му се случува на нашиот народ. Брисел, отворено стои и зад бугарското негирање на јазикот и идентитетот на македонскиот народ. Најдобар доказ е самата преговарачка рамка, во која се содржани сите бугарски историски синдроми и небулози, со што нашето членство во Унијата се прави – недостижно.

Ние, пак, можеме да се тешиме дека, сепак, тоа не е политика на Унијата туку дека се тие само транзитен центар на американските интереси и политики. Тоа, меѓутоа, воопшто не ги релативизира нашите страдања и маки и само покажува каде треба да бидат насочени нашите политички и дипломатски ангажмани.

Важен е уште еден податок за далекусежноста на туѓите политики, споредени со нашата неукост и аматеризам. Преку две години пред распадот на Југославија, уште во август 1988 година, во Грција беше спроведена нова административна поделба на земјата, и за прв пат официјално започна да се користи името – Македонија.

Три региони беа крстени – Западна Македонија, Централна Македонија и Источна Македонија и Тракија. Кај нас тоа никој не го забележа ниту тогаш, ниту подоцна, а тоа беше основата врз која можеше да ни се оспори името. Тие на време се подготвија, а ние?

Ако се проголта и оваа изјава на Јотова, и не се преземат соодветни мерки, не сме заслужиле никаква иднина. Вториот човек на Бугарија, официјално, негира дека постоиме како народ, а ние молчиме. Поголемо предавство и неодговорност од нашите политичари – не може да се замисли.

The post Таканаречената македонска нација appeared first on plusinfo.mk.

Јотова говореше на софискиот универзитет „Свети Климент Охридски“ на свечената прослава на 100-годишнината од формирањето на Македонскиот научен институт, додека во Скопје во официјална посета се наоѓа претседателот на бугарското Собрание Росен Желјасков.

Јотова се повика на „голем број случаи на омраза“ кон „македонските Бугари“ и нагласи дека „за Бугарија како европска земја на 21. век е неприфатливо да се толерираат систематски криминални дела и насилство врз Бугарите во Северна Македонија.

– Под истава купола на Универзитетот во Софија, пред еден век, се собраа еминентни научници и јавни личности да го основаат Македонскиот научен институт за тој да ја проучува историјата, географијата, етнографијата и економскиот живот на Македонија, да собира историски материјали за ослободителните борби на македонските Бугари и да подготви систематска и детална историја на овие борби – истакна потпретседателката Јотова.

Таа посочи дека во своето стогодишно искуство Институтот повеќепати дошол до заклучок дека не е во ред да се гради македонски идентитет на антибугарска основа.

– Да ги поттикнеме раководството и соработниците на Институтот да продолжат да бараат свои истомисленици во Северна Македонија, бидејќи само заедно можеме да го искорениме јазикот на омразата, само на овој начин можеме да им помогнеме на нашите соседи на нивниот пат кон европското членство. Како модерна земја, Бугарија го поздравува рачистувањето со репутацијата на Балканот како центар на домашни и братоубиствени непријателства – рече таа.

Јотова потсети дека шефот на државата Румен Радев во дијалогот со Македонија ја наметнал тезата за императивна промена на нејзиниот Устав заради гарантирање на правата на Бугарите, но кај соседот немало политичка волја за придвижување на промените.

– Песимист сум дека ќе има напредок до крајот на годината. Брисел не ги прифаќа заткулисните обиди на Владата во Скопје да ја заобиколи заложбата да ги вклучи Бугарите како државотворна нација во северномакедонскиот Устав – оцени заменичката на Радев.

Таа се осврна и на обидот за прогласување месец на македонско-американското културно наследство во државата Мичиген.

– Дијаспората на Бугарите, Грците и Албанците реагираше на изјавата дека во САД живеат над половина милион Американци со македонско потекло. Прогласувањето беше прекинато – рече Јотова.

The post „ГОВОРОТ НА ОМРАЗА КОН БУГАРИТЕ ЗА СКОПЈЕ СЕГА Е ЕВРОПСКО ПРАШАЊЕ“ Јотова со провокативен говор кон Македонија appeared first on plusinfo.mk.

– Го повикувам својот македонски народ да не потклекнува под никаков притисок и да не се дели од неговото македонско ткиво. Ние сме биле, сме, и ќе останеме Македонци и покрај обидите на Бугарија да не прикаже како нешто што не сме. Со векови сме на овие простори како Македонци и тоа и ќе останеме. На моите драги Македонци, каде и да живеат во Република Албанија, им порачувам слободно да се изјаснат на прашањата за етничката, јазичната и религиска припадност. Да издржиме сите заедно, да не се делиме и да докажеме дека сме она што и навистина сме – Македонци, изјави за МИА, Јани, претседател на огранокот на Партијата на слободата, на поранешниот албански претседател Илир Мета, кој често ја посетуваше Преспа и се среќаваше со, како што редовно ја нарекува, прекрасната македонска заедница.

Јани, кој беше кандидат за градоначалник на Пустец на последните избори во мај годинава, вели дека местото редовно го посетуваат бугарски емисари, но оти и покрај она што го подаруваат на „некои продадени души“ нема да постигнат ништо.

Едмонд Османи, потпретседател на единствената македонска партија во оваа земја, Македонска алијанса за европска интеграција (МАЕИ) и прв човек на адинистративната единица Требиште, соседна на Острени, каде што пред два дена престојуваше бугарската потпретседателка Илијана Јотова, придружувана од бугарски универзитетски професори и академици, вели дека вакви посети се редовни, но „попусто бараат Бугари“ зашто „ние сме Македонци и ништо друго“.

– Зборуваме македонски и дома и во меѓусебни средби, тоа не ни го одзеде ни најдивата комунистичка дикататура. Нашите деца се до поаѓање на училиште тешко го разбираат албанскиот јазик а не пак бугарскиот. Какви Бугари бараат само тие знаат или оние малку продадени души. Ние ако сме во потешка економска состојба не сме дошле до тоа за децата да ни носат ранчиња и по некое благо. Низ многу тешки премрежија сме поминале и сме опстоиле и сега нема да не поколеба никој и ништо. Ние сме и остануваме Македонци – вели Османи за МИА.

– Со векови зборуваме, пееме и плачеме на македонски и сега сака некој користејќи ја сиромаштијата да не направи она што не сме. Но, едно им порачувам, дека ниту сме биле ниту ќе бидеме Бугари, ние сме Македонци и така и ќе останеме – вели Османи.

Исто така, тој потсетува на постојната албанска статистика, дека ова е 12. попис на населението во Албанија и оти во изминатите 11 ниту еден граѓанин на Албанија не се изјаснил како Бугарин, но затоа има Македонци, Грци, Роми, Египќани, Власи, Бошњаци, Срби, Црногорци.

– Има ли поголема потврда за постоењето на Македонците и непостоењето на Бугарите, заклучува Османи.

The post МАКЕДОНЦИ, НЕ СЕ ПРОДАВАЈТЕ НА БУГАРСКАТА ПРОПАГАНДА! Апел на активисти на македонската заедница во Албанија appeared first on plusinfo.mk.

Програмата на нивната акција „Бугарите во Албанија“ предвидува отворање „неделно училиште на бугарски јазик во Елбасан“, а во Тирана промоција на книгата на Спас Тошев „Бугарите во Албанија“, како и отворање на бугарски јазик. Неделно училиште во село Големо Острени, Голо Брдо. На ваквите бугарски активности остро реагираат Македонците во Голо Брдо и Елбасан, како и во цела Република Албанија.

„Според реакциите на жителите на селото Големо Острени и на целата област Голо Брдо, со ова се поткопува историската вистина дека во мугрите на 4 март 1916 година, бугарската војска за време на бугарската окупација на Голо Брдо го зазеде Елез Кочи и Ќазим Дука од село Големо Острени. По бруталното мачење, двајцата биле живи закопани во близина на реката во селото Верница, Голо Брдо. Со оглед на тоа што училиштето отворено од Јотова во Големо Острени го носи името на Елез Кочи, кој беше убиен од бугарските ѕверови, јасна е пораката дека Бугарите сакаат да ѝ кажат на младата генерација Македонци од Голо Брдо дека треба да ја заборават својата историја и жртвите на бугарските ѕверства. Според Македонците во Голо Брдо, ваквиот чин е неприфатлив и не смее да се повтори.

Македонското друштво Илинден Тирана, како претставник на Македонците од Република Албанија, се солидаризира со бројните реакции на македонското население во Голо Брдо. Воедно, сметаме дека е потребно на светската јавност да ѝ ја пренесеме пораката на Македонците од Голо Брдо, и јасно да го декларираме македонското чувство на Македонците од Голо Брдо. Од нив во повеќе наврати беше побарано да се изјаснат како Бугари. Македонците во Република Албанија велат дека отсекогаш биле Македонци и никогаш нема да бидат Бугари. Сепак, ниту овој јасен протест на Македонците во Република Албанија не ја спречи крајно гнасната намера на Бугарија да ја заведе светската јавност дека Македонците во Република Албанија се всушност Бугари. Во исто време, користејќи евтина пропагандна акција, се обидуваат да го избришат сеќавањето на крвавите бугарски акции, при кои беа убиени патриоти како Елез Кочи и Ќазим Дука.

Промоцијата на кампањата „Бугарите во Албанија“ има за цел да ја искриви вистината и да го прикаже македонското население во Република Албанија како Бугари. Сфаќаме дека оваа акција е неопходна за Бугарите кои сакаат да ги оправдаат своите асимилаторски постапки во Република Албанија пред земјите од Европската Унија, свесни дека нивното однесување е апсолутно неприфатливо што доаѓа од членка на демократска унија. Од друга страна, ваквата „посета“ на високи бугарски претставници на Република Албанија треба да ги „потсети“ албанските власти дека на претстојниот попис во земјава треба да се погрижат да се зголеми бројот на Бугарите, во однос на претходниот попис, во која немаше ниту еден самопрогласен Бугарин во Република Албанија. Уцената на Бугарите кон албанската Влада го поврзува приемот на Република Албанија во Европската Унија, а цената треба да ја платат Македонците во Република Албанија.

Ваквите насилни дејствија на бугарската политичка елита, насочени кон асимилација на Македонците во Албанија, се од старт осудени, бидејќи Македонците нема да бидат прифатат да се декларираат како Бугари – се вели во писмото на Македоснкото друштво Илинден во Албанија.

The post НЕ СМЕ ГИ ЗАБОРАВИЛЕ БУГАРСКИТЕ ЅВЕРСТВА ВО ГОЛО БРДО! Македонците во Албанија навредени од посетата на Јотова и нејзините активности appeared first on plusinfo.mk.