Во екот на сезоната на откуп на земјоделските производи, ВМРО-ДПМНЕ најавува формирање револвинг фонд што треба да обезбеди побрза исплата на земјоделците и поголема ликвидност за откупувачите. Според најавите, станува збор за финансиски механизам преку кој компаниите што вршат откуп би добивале поволни обртни средства, а по продажбата или преработката на производите средствата повторно би се враќале во фондот и би се користеле за нов циклус на откуп.

Партијата оценува дека оваа мерка ќе помогне да се надминат долгогодишните проблеми со доцнењето на исплатите и недостигот на готовина во периодот кога земјоделците го предаваат родот. Револвинг фондот е дел од пакетот законски измени со кои, како што велат од ВМРО-ДПМНЕ, треба да се создадат постабилни услови за пласман на домашното земјоделско производство.

Во соопштението се наведува дека во изминатите две години земјоделскиот сектор е стабилизиран преку редовна исплата на субвенциите, зголемена финансиска поддршка и инвестиции во модернизација. Според партијата, целта е да се подобри конкурентноста на македонското земјоделство и да се обезбедат подобри услови за работа на производителите.

Од ВМРО-ДПМНЕ посочуваат дека во тек се капитални инвестиции во системите за наводнување, како и проекти за подобрување на водостопанската инфраструктура. Паралелно, се реализираат мерки за модернизација на механизацијата и за поддршка на преработувачките капацитети, со што, според нив, се создаваат услови за поголема додадена вредност во домашното производство.

Во партиското соопштение се нагласува дека земјоделството останува една од стратешките гранки на македонската економија и дека Владата ќе продолжи со политики насочени кон зголемување на производството, повисоки приходи за земјоделците и подобрување на условите за пласман на нивните производи.

ВМРО-ДПМНЕ оценува дека комбинацијата од редовна финансиска поддршка, капитални инвестиции и нови инструменти, како револвинг фондот за откуп, треба да придонесе за поголема сигурност кај земјоделските производители и за постабилен аграрно-прехранбен сектор.

The post ВМРО-ДПМНЕ НАЈАВУВА РЕВОЛВИНГ ФОНД ЗА ОТКУП НА ЗЕМЈОДЕЛСКИ ПРОИЗВОДИ Целта е побрза исплата на земјоделците и поголема ликвидност за откупувачите appeared first on plusinfo.mk.

Се вршат контроли и надзори кај извозникот, откупувачите и индивидуалните земјоделски производители по нотификациите од RASFF системот и официјалното известување од Хрватска за утврдено присуство на пестицидот метомил во свежа црвена пиперка увезена од Македонија, информира Државниот инспекторат за земјоделство (ДИЗ).

Станува збор за пратка од околу 15.000 килограм пипер. Извозникот не е производител, пиперот го купил од други правни субјекти кои вршат откуп од индивидуалните производители.

– Извозникот има извршено повеќе лабораториски анализи за присуство на пестициди во црвена пиперка од почетокот на берба на годинашната реколта при извоз и продажба, и тоа во акредитирани лаборатории во земјата и во други држави и до овој момент нема добиено резултати за зголемено количество на резидуи од фитофармацевтски производи или присуство на недозволени фитофармацевтски производи – информира инспекторатот.

Според официјалното известување добиено од Хрватска, во земениот примерок е утврдено присуство на активна материја метомил во количина од 0,049 mg/kg – ppm. Пратката со свежа црвена пиперка e извезена на 09.09.2025 година, а по извршената контрола на граничниот премин при влез во Хрватска не е запрена и дозволен и е влез во Хрватска. Примерокот за анализа е земен на 23.09.2025 година од малопродажната мрежа, а информацијата од RASFF системот е добиена на 03.10.2025.

– Пиперките не се вратени во Македонија, но немаме информација за постапувањето на хрватските инспекциски служби – дали пиперките се повлечени од продажба или се уништени – потенцираат од Инспекторатот.

Оттаму напоменуваат и дека согласно овластувањата од Законот за Фитофармација, државните фитосанитарни инспектори вршат редовни и вонредни надзори во делот на увозот, дистрибуцијата и употребата на фитофармацевтските средства, односно надзорот се врши при увоз, на граничните премини, во складиштата и во земјоделските аптеки, како и кај крајните корисници – индивидуалните земјоделски производители.

-Фитофармацевтски производи кои содржат активна материја метомил се забранети за увоз, продажба и употреба, а доколку се затекнат вакви производи кај спомнатите субјекти, се преземаат соодветни санкции. Исто така се вршат контроли и кај индивидуалните производители за видот на фитофармацевтските производи кои ги користат, како и за начинот на апликација, за што секој производител согласно законските прописи е должен да води соодветна евиденција – објаснуваат од ДЗИ.

Контролите кои се во тек се вршат заедно со Агенцијата за храна и ветеринарство. По завршувањето на инспекцискиот надзор, ќе ДЗИ, како што подвлекува, ќе има повеќе информации.

ЗАБРАНЕТ ПЕСТИЦИД ОТКРИЕН ВО МАКЕДОНСКИ ПИПЕР ВО ХРВАТСКА Во високи дози од пестицидот може да ги оштетат црниот дроб и бубрезите

The post КОЈ ГО ПОДМЕТНАЛ ПИПЕРОТ СО ЗАБРАНЕТ ПЕСТИЦИД КОЈ ЗАВРШИ ВО ХРВАТСКА? Извозникот тврди дека се било по правила, инспекторите ги чешлаат и откупувачите и производителите appeared first on plusinfo.mk.

Откупната цена на младиот компир во струмичко ќе се зголеми од 30 на 35 денари за килограм, беше соопштено по денешната средба на министерот за земјоделство, шумарство и водостопанство, Цветан Трипуновски со откупувачите од струмичко, која се одржа во Општина Босилово.

Според откупувачите, со зголемената откупна цена производителите на компир треба да бидат задоволни.

-Во наредните седум до десет денови ќе го откупуваме компирот по договорената цена и да ги навикнеме купувачите да ја пазарат цената од 35 денари и сметам, иако е почеток на бербата, да остане оваа цена на задоволство на производителите и на откупувачите – изјави Доне Јанев откупувач од компанијата „Трофеј 08“, кој додаде дека годинашнава реколта е намалена во споредба со лани за 30 до 40%.

Министерот Трипуновски смета дека резултатот од денешната средба е на задоволство на производителите.

-Сакам да потенцирам дека продолжуваме да се грижиме и да го цениме трудот на македонскиот земјоделец да работи со профит и рентабилно, зашто само така можеме да ја вратиме довербата кон институциите и да го зголемуваме земјоделското производство. Веќе на ЕНЕР е прикачен законот за земјоделство и рурален развој каде во наредните триесетина денови ќе можат да се дават коментари по него и каде е предвидено и уредување на пазарите, односно пласманот на земјоделски производи и по завршувањето на јавната расправа законот ќе биде пуштен во владина и собраниска процедура – изјави Трипуновски.

На новинарско прашање како оди откупот и пласманот на зелката, министерот одговори дека изминатите месеци е посветено големо внимание на ова и на иста маса е разговарано со откупувачите и земјоделците околу пласманот на зелката.

-Постигнавме одличен резултат затоа што сите заеднички покажавме дека кога ќе се постигне договор и истиот ќе се почитува тогаш македонскиот земјоделец добива цена каква што доликува. Досега е познато дека она што ќе значи девизен прилив од зелката во овој регион се движи над 32 милиони евра и тоа во минатото се нема случено – додаде Трипуновски.

Тој посочи дека според податоците од Државниот завод за статистика за првиот квартал од лани  и истиот од годинава има сериозен раст на откупот и пласманот на земјоделските производи, поточно во градинарскиот сектор зголемувањето е до 50% во споредба со лани и тоа значи дека и Владата и Министерството се движат во вистинска насока на зголемување на производството и девизниот прилив од пласманот на производството. 

The post ОТКУПУВАЧИТЕ ПУШТИЈА РАКА Младиот компир ќе се откупува за 35 денари килограм appeared first on plusinfo.mk.

Ова го договорија денеска производителите и откупувачите, на средбата со министерот за земјоделство, шумарство и водостопанство, Арјанит Хоџа во Скопје.

Како што беше речено по средбата, досега се откупени 40 отсто од реколтата. Квалитетот е полош од лани, затоа и цената е пониска.

Динамиката на откуп засега е 700 тони дневно, а министерот е убеден дека оваа лоша година за тутунот, сепак ќе биде позитивно заокружена.

– Решение има ако фирмите ја забрзаат динамиката и го откупот вишокот на тутунот како што беше догорено денеска. Се согласија пунктовите да работат до законскиот рок, но и потоа, ако има потреба. Динамиката на откуп ќе биде зоглемена. Сите компании кажаа дека вагите ќе бидат отворени до преземање на сите количини – рече претседателот на Сојузот на тутунските здруженија, Менде Стомнароски.

На средбата е договорено, додаде Стомнароски, производителите во подрачните единици да ги пријават вишоците тутун и да кажат со кои компании имаат склучено договори.

-Потоа ќе седнеме со откупувачите и ќе се одлучи која компанија колку ќе преземе за да се откупи целиот тутун, истакна претседателот на Сојузот.

Ова се однесува, објасни, и за тутунарите кои немаат договори. И тие треба да се пријават во подрачните единици за да се најде решение и за нив.

-Сигурен сум дека ќе се почитува она што беше договорено денеска и дека позитивно ќе заокружиме една лоша година за тутнот. Незадоволството кај тутунарите е нормално зашто цената не е како лани. Но, тоа не зависи од нас или од нив, временските услови се такви какви што се, квалитетот е многу послаб. Сепак, со сите напори што ги правиме и со сите заложби на релевантните страни, мислам дека спасуваме на најдобар можен начин тоа што одеше во навистина многу лош правец, изјави министерот Хоџа.

Колку вишок тутун има, засега не се знае, истакна Хоџа. Наложено им е на службите во Министерството тоа да го проселдат, но и производителите ќе треба да пријават за колкава количина станива збор. Прво ќе треба да се испочтиуваат сите договори и тој род да се откупи, а потоа и да се утврди вишокот.

-Веќе имаме 40 отсто откупен тутун и малку појасна слика од претходно. За жал, тоа што претпоставуваме дека имаме послаб тутун од лани се покажува секојдневно од сите податоци. Динамкиката на откуп е 700 тони дневно, сметаме дека ќе се испочтитува законскиот рок за откупот и нема да има потреба од негово поместување. Ако поради временските или други услови се оцени дека има потреба, ќе се подготви и законска измена за да се продолжи рокот најмалку две до четири недели, рече министерот.

Според него, сите откупувачи искажале подготвеност за откуп на вишоците.

-Тоа ќе се види заклучно со 15 февруари кога се очекува да заврши откупот на договореното, а останатите две недели од февруари ќе се откупува вишокот. Ваквата лоша сезона по квалитет и од други причини, сепак успеваме да ја спасиме со откуп на вишокот и со заеднички договор, дополни Хоџа.

Тој информира и дека Тутунскиот комбинат од Прилеп ќе ги преземе договорените 440 тони за кои една од откупните компании не успеала да обезбеди средства.

Реколтата годинава е околу 23.000 тони. Проблемите со откупот почнаа веднаш. Тутунарите во неколку наврати протестираа, незадоволни од проценката и одбитоците. Се жалеа дека се изманипулирани од откупувачите, а својот револт го изразија и пред Владата, последен пат на 4 јануари 2021 кога симболично дури и запалија одредена количина тутун. Со министерот кој постојано ја следеше состојбата, имаа повеќе средби. За зголемување на откупната цена Хоџа предложи да се укине четвртата класа тутун. Сепак, како крајно решение за надминување на состојбите беше избран дијалогот и постигнувањето заедники договор меѓу производителите и откупувачите. Ланската реколта која важеше за една од досега најдобрите, заврши со откупени 26.000 тони тутун со просечна цена 220 денари.

The post Тутунарите и откупувачите се договорија – ќе се преземат и договорените количини и вишоците appeared first on plusinfo.mk.

Флоре Грујевски, тутунопроизводител од Могила, е револтиран од откупувачите, а признава дека првпат министер за земјоделство веднаш се сретнал со нив.

– Целиот проблем ќе биде решен да отстапат откупувачите од четвртата класа и тогаш просекот ќе биде минимум 180-190 денари и реално да се ценат врвните берби. Му се заблагодаруваме на министерот за земјоделство кој брзо оствари средба со нас. Откупувачите го излажаа, прво министерот, а потоа и нас. Бараме и нашиот официјален претставник од Сојузот на земјоделските здруженија Менде Стомнароски да дојде и да биде со нас – изјави Грујевски.

Од Иницијативниот одбор на „Група македонски тутунари“ бараат под итно да се дадат гаранции дека сите пунктови и кај сите откупувачи ќе се откупува реално тутунот.

– Под итно да се дадат гаранции, тоа да го направи државата. Секаде, на сите пунктови и кај сите откупувачи во земјава исто да се цени тутунот, реално. И тоа веднаш, зашто ова може да излезе од контрола и да се создадат ковид-кластери. Затоа е важно решение веднаш. Нема да отстапиме и ќе одиме до крај да се реши маката на тутунарите – изјави Игор Мирчески од Иницијативниот одбор.

По синоќешниот состанок во Прилеп со министерот за земјоделство, тутунарите останаа на ставот да протестираат, а од друга страна, да продолжи откупот на тутунот. Ќе се прави неделен пресек на текот на откупната кампања и на постигнатата просечна цена. Денеска се отворени сите откупни пунктови во Прилеп. Досега во државава се преземени само три проценти од родот. Речиси две третини е во Пелагонискиот регион.

The post Тутунарите на протест, откупните пунктови отворени appeared first on plusinfo.mk.

Како што информира владината прес-служба, откупувачите се согласиле да ги прифатат понудените количини од производителите кои, пак, ќе бидат обврзани да нудат подеднакви количини од сите категории за да се постигне повисока просечна цена и да не се чуваат залихи од поквалитетниот тутун.

На средбата, сите компании откупувачи се согласиле и дека ќе ја исполнат својата обврска да ги откупат сите количини тутун на кои се обврзаа со државата. Дополнително, постигната е и согласност дека до крајот на сезоната, откако ќе заврши откупот на договорените количини за оваа година, ќе се откупи и целиот вишок, како и дека ниту еден лист тутун нема да остане кај производителите доколку тие за време на откупот нудат подеднакви количини од сите категории од нивното производство.

– На средбата е постигната заедничка согласност за поголема флексибилност при откупот на годинешната реколта кој, согласно Законот, почнува денеска со отворање на сите откупни места во државата. На средбата беше потенцирано како прифатлива заложбата да се врати довербата во утврдената постапка и да продолжи динамиката на откупот со подеднакви количини од сите категории тутун како обврска на тутунопроизводителите за да не се создава перцепција на ниска просечна цена заради појавата во првите денови на откупот кога производителите ги нудат само пониските категории тутун – наведуваат од Владата.

Министерот Хоџа, како што најавија од МЗШВ, попладнево ќе има средба со Сојузот на тутунари и Иницијативниот одбор на незадоволните тутунари во Општина Прилеп.

Вчера, откако по договорот во петокот, откупот продолжи, производителите повторно се пожалија дека откупувачите прават малверзации при проценката, како и при одредувањето на одбитоците. Тие најавија блокади ако состојбата веднаш не се надмине, а минатата недела протестираа, изреволтирани од, како што рекоа, нереалната проценка, но и поради ниската откупна цена. Министерот Хоџа оцени дека барањата на тутунарите се реални, предложи укинување на четвртата класа со цел постигнување повисока цена, но порача дека сепак, најпрво, треба да му се даде предност на дијалогот. Хоџа вчера беше во посета на откупен пункт за лично да се увери во состојбата.

Од 23.000 тони тутун, досега се откупени само 1,6 отсто. Просечната цена е околу 165 денари, а производителите бараат најмалку 200.

The post Постигната согласност за флексибилна и фер проценка на тутунот appeared first on plusinfo.mk.