Шест и пол години врска и 18 месеци подготовки за венчавка завршиле со една реченица, нејзиниот свршеник ѝ кажал дека едноставно чувствува оти не треба да се венчаат. Но, наместо да ја откаже целата прослава и да остане дома, 36-годишната претприемачка Кетрин Џонс од Ливерпул решила да го направи спротивното.

Само седум дена пред планираната венчавка, Кетрин останала без младоженец, но не и без прослава. Бидејќи луксузниот имот во Тоскана бил однапред целосно платен, а парите не можеле да се вратат, таа ги откажала поканите на гостите на поранешниот партнер и го променила планот.

Наместо да дозволи скапо платената тридневна прослава да пропадне, Кетрин ја зела својата венчаница и заминала во Италија со 30 свои најблиски пријатели и членови на семејството.

Katherine Jones, the English bride who was dumped 7 days before her Italian wedding, went ahead and had it anyway

The 36-year-old Liverpool entrepreneur headed to Tenuta Mocajo in Tuscany with her guests for three days of celebrations after 18 months of planning

Her… pic.twitter.com/fbOclQA57T

— Mambo Italiano (@mamboitaliano__) August 24, 2026

Венчавката требала да трае три дена

Кетрин и нејзиниот партнер планирале италијанска свадба цели 18 месеци. Сè било организирано – од луксузниот имот во Тоскана до свеченостите, облеката, храната и забавата.

Но, една недела пред големиот ден, наместо да почнат последните подготовки, Кетрин добила неочекувана одлука од својот свршеник.

– Едноставно чувствувам дека не треба да се венчаме – ѝ рекол тој.

За Кетрин тоа бил огромен шок. Сепак, наместо да дозволи раскинувањето да ѝ ја одземе целата прослава, решила да го искористи она што веќе било платено и организирано.

– Младоженец или не, јас заминувам за Италија – била нејзината порака.

Така, наместо класична свадба, патувањето се претворило во тридневно дружење со луѓето што ѝ биле најголема поддршка.

Кетрин ги носела сите свечени комбинации што ги подготвила за свадбата, вклучително и белата венчаница.

Следувале коктели, луксузни вечери, забава покрај базен и моменти со семејството и пријателите.

Она што требало да биде свадбена прослава за двајца, на крајот станало прослава на пријателството и самодовербата.

 

View this post on Instagram

 

A post shared by Daily Mail Femail (@femail)

И медениот месец не беше откажан

Приказната не завршила во Тоскана.

Кетрин заминала и на претходно планираниот меден месец на брегот Амалфи, но наместо со сопругот, овојпат патувала со својата мајка.

Таа подоцна ја споделила својата приказна на социјалните мрежи, каде што нејзиниот став предизвикал огромно внимание.

„Јас ништо погрешно не направив, па зошто тогаш да се кријам?“, напишала Кетрин.

Приказната на Кетрин стана вирална

Кетрин своето искуство го споделила и на TикТок, каде што за само неколку дена привлекла повеќе од 75.000 следбеници.

Нејзината приказна предизвикала лавина од реакции и поддршка, особено од жени кои ја пофалиле што, и покрај болниот раскин, не дозволила еден момент да ги избрише 18-те месеци планирање и сето она што го вложила во својот голем ден.

Наместо приказна за откажана свадба, Кетрин направила приказна за тоа како еден неочекуван крај може да се претвори во сосема поинаков почеток.

Иако на фотографиите има венчаница, Тоскана и свадбена атмосфера, младоженецот го нема. Но, Кетрин вели дека токму тоа било поентата – да не дозволи туѓата одлука да ѝ го одземе она што го замислила како еден од најважните моменти во животот.

The post 📽️ „МЛАДОЖЕНЕЦ ИЛИ НЕ, ЈАС ЗАМИНУВАМ ЗА ИТАЛИЈА“ Ја оставил седум дена пред венчавката, а таа направила нешто неочекувано appeared first on plusinfo.mk.

Ѕвездата на НФЛ, Дак Прескот, и неговата сега веќе поранешна свршеница Сара Џејн Рамос ги шокираа гостите и јавноста откажувајќи ја нивната венчавка само неколку недели пред нивната планирана церемонија во Италија.

Квотербекот на Далас Каубојс и Рамос требаше да се венчаат на 10 април на раскошна церемонија на брегот на езерото Комо, но плановите пропаднаа. Двојката испратила мејлови до своите гости, во кои објавиле дека со тешко срце донеле тешка одлука да ја откажат својата венчавка, извинувајќи се за сите непријатности што можеби ги предизвикале.

Според странските медиуми, последната капка што ја прелеала чашата била жестока расправија за време на нивната заедничка моминска и момчешка забава на Бахамите. Врската наводно била во проблеми веќе некое време, а тој конфликт бил последниот повод по што Рамос решила да ја откаже венчавката. Исто така, се шпекулираше дека причината за разделбата е предбрачниот договор, но извори тврдат дека тоа не е вистина.

Само неколку дена пред раскинувањето, Рамос сподели фотографии на социјалните мрежи од нејзината моминска забава на Бахамите, каде што славеше со своите пријатели. Заедно со објавата, таа напиша дека верува дека може да се надмине сè во животот со добри пријатели, што многумина подоцна го протолкуваа како навестување за проблеми во врската.

Откако веста за раскинувањето стана јавна, објавите поврзани со свадбата наводно се отстранети од нејзините социјални мрежи.

И покрај раскинувањето, Прескот и Рамос ќе останат поврзани заради своето семејство. Двојката има две ќерки – Маргарет Роуз Џејн, која има две години, и деветмесечната Аурора Рејн. Според достапните информации, тие сега ќе се фокусираат на заедничко родителство, а извори блиски до двојката тврдат дека помирувањето во моментов не е на повидок.

Прескот и Рамос првпат беа поврзани во 2023 година, а се свршија во октомври 2024 година. Двојката беше свршена околу година и пол пред нивната врска одеднаш да заврши, само еден месец пред нивната свадба, која требаше да биде еден од најгламурозните настани во светот на спортот годинава.

Така, романтичната приказна што требаше да заврши со луксузна церемонија во Италија заврши со драматично раскинување – буквално неколку недели пред да треба да одат пред олтарот.

The post СВАДБАТА ОД СОНИШТАТА СЕ ПРЕТВОРИ ВО ДРАМА Ѕвездата на НФЛ и неговата свршеница ненадејно ја откажаа церемонијата appeared first on plusinfo.mk.