Холивудската актерка Зои Кравиц привлече големо внимание со новиот филм „Caught Stealing“ кој премиерно се прикажа во САД во август оваа година. Поточно, фокусот е на интимните сцени што ги споделува со својот колега Остин Батлер.

Холивудските ѕвезди ги здружија силите во новиот филм од познатиот режисер Дарен Аронофски, Caught Stealing — напнат криминален трилер кој ги носи гледачите на темните улици на Њујорк во 1990-тите.

Филмот го следи Хенк Томпсон, поранешен бејзбол играч, кој го игра Батлер, кој по навидум невина услуга, се наоѓа заплеткан во опасен криминален свет. Кравиц ја игра неговата љубовница, жена чиј лик внесува и страст и неизвесност во веќе напнатиот заплет.

Режиран од страна на Дарен Аронофски, филмот го носи неговиот препознатлив стил на психолошка неизвесност, естетска бруталност и сурова емоција. Филмот е базиран на истоимениот роман и критичарите го опишаа како „експлозивна мешавина од нео-ноар и адреналински трилер“.

The post СИТЕ ЗБОРУВААТ ЗА ЖЕШКИТЕ СЦЕНИ НА ЗОИ КРАВИЦ Глумицата покажа сѐ во интимните сцени во новиот филм appeared first on plusinfo.mk.

По раскинувањето на свршувачката со холивудскиот срцекршач Ченинг Тејтум, актерката Зои Кравиц наводно повторно е вљубена. Зои се зближила со познатиот актер Остин Батлер, кој исто така неодамна ја прекина долгогодишната врска со манекенката Каја Гербер.

Извор откри дека Зои и Остин поминуваат време заедно веќе неколку недели и дека добро се сложуваат.

„Нивната хемија е исто толку добра надвор од екранот како и на него. Остин и Зои ја држат својата врска под радар и сè уште не ставиле никаква етикета. И двајцата имаат почит кон своите поранешни партнери“, изјавил извор за странските медиуми, пренесува „Дејли мејл“.

Батлер и Кравиц почнаа да снимаат филм заедно во септември 2024 година, а во него глумат двојка. Тие беа видени и при страсен бакнеж на снимањето, а сега се зближиле уште повеќе.

Остин раскина со манекенката на крајот на 2024 година, а Кравиц ја прекина свршувачката со Тејтум во октомври минатата година, по три години врска. Нивното раскинување шокираше многумина, со оглед на тоа што претходно не криеја колку се заљубени. Набргу по раскинувањето, Ченинг започна врска со австралискиот модел Инка Вилијамс, а Каја Гербер почнаа да ја поврзуваат со Луис Пулман.

Извори претходно изјавија за „Ју-ес Викли“ дека манекенката намерно ја чува својата нова врска во тајност.

„Каја и Луис всушност беа заедно веќе извесно време. Почнаа да се забавуваат во декември 2024 година. Тоа го чуваа во тајност додека не излезе веста за нејзиното раскинување со Остин – рекол изворот.

Иако се обидуваат да го скријат тоа за време на нивните средби, изворите тврдат дека не се двоумат да се бакнуваат јавно или да се држат за рака. Гербер и Пулман наводно се познаваат подолго време, а и двајцата имаат познати родители. Каја е ќерка на познатата манекенка Синди Крафорд, а Луис е син на актерот Бил Пулман и танчарката Тамара Хурвиц.

Батлер и Гербер ја започнаа својата врска пред неколку години, а првите гласини дека се заедно се појавија во 2021. Својата врска официјално ја потврдија на Денот на вљубените 2022 година, а истата година за првпат се појавија заедно на црвениот тепих. Во јануари беше потврдено дека раскинале.

The post 📽️ ПО БУРНИТЕ РАСКИНУВАЊА, ДВАЈЦАТА АКТЕРИ НАЈДОА УТЕХА ЕДЕН ВО ДРУГ Зои Кравиц и Остин Батлер се новата холивудска двојка appeared first on plusinfo.mk.

Иако засега нема официјални изјави за причините за раскинувањето, изворите велат дека Каја и Остин едноставно се оддалечиле, што довело до нивно раскинување.

„Нема никаква лутина меѓу нив“, рекол извор.

Во последните месеци, двајцата ги намалија своите јавни настапи и станаа многу подискретни, што ги подгреа шпекулациите за нивната врска.

Во едно неодамнешно интервју за магазинот „ВСЈ“, Каја истакна дека се труди да го заштити својот приватен живот, велејќи: „Мошне малку работи во мојот живот се приватни и јас се трудам да ги задржам оние што се приватни, да останат свети“.

Иако се обидуваат да ја зачуваат приватноста, гласините за раскинувањето на нивната врска почнаа на крајот на 2024 година, кога сè поретко беа видени заедно.

Врската помеѓу Каја и Остин започна во декември 2021 година, кога за првпат беа забележани заедно на еден собир во Лос Анџелес. Нивната романтична врска набрзо стана јавна тема, а двајцата официјално станаа пар на почетокот на 2022 година, кога заедно се појавија на црвениот тепих на забавата за најдобри перформанси на магазинот „В“.

Набргу потоа се појавија и на Мет Гала каде, иако пристигнаа одделно, разменија нежен бакнеж на скалите на музејот Метрополитен. Во текот на следните месеци, Каја и Остин поминуваа многу време заедно, поддржувајќи се еден со друг. Каја беше покрај Остин за време на сезоната на филмски награди 2022-2023 година, и двајцата поминаа време со своите семејства, при што Остин се зближи со родителите на Каја, Синди Крафорд и Ранде Гербер, и обратно. Остин со Каја и со нејзините родители одеше и на заеднички одмори.

Иако деталите за нивното раскинување остануваат нејасни, јасно е дека и двајцата одлучилњ да тргнат по својот пат.

The post КРАЈ НА ЉУБОВТА ПОМЕЃУ КАЈА ГЕРБЕР И ОСТИН БАТЛЕР Ќерката на Синди Крафорд неочекувано раскина со актерот по три години врска appeared first on plusinfo.mk.

Актерката Флоренс Пју во моментот на инцидентот била на премиерата на филмот „Дина: Втор дел“ (Dune: Part Two) во Сао Паоло, Бразил, заедно со нејзините колеги Зендаја, Остин Батлер и Тимоти Шаламе.

Флоренс Пју беше видно шокирана во моментот кога била удрена, а делувало дека за момент ја заболело.

Актерката не е сериозно повредена. Не е познато дали младата актерка била намерна мета или случајно била погодена.

Florence Pugh could’ve lost her eye. Wtf is wrong with people pic.twitter.com/4l973jUxve

— Evil Queen (@Pureevilbich) December 3, 2023

Видеото од тој инцидент беше најгледаното во светот од моментот на објавување и во следните 12 часа, бидејќи успеа да достигне 2,5 милиони прегледи. Јавноста беше главно шокирана и осудувачки настроена.

Someone threw something at Florence Pugh and hit her in the face at #CCXP23 pic.twitter.com/aWB7J0gOyV

— Timmytea (@timmostea) December 3, 2023

Да потсетиме, ова не е првпат да се случуваат вакви работи. Претходните месеци на сцена беа погодени и Пинк, Бебе Реџа, Ари Ленокс, Тејлор Свифт, Хари Стајлс…

The post 🎥 ОВА Е НАЈГЛЕДАНОТО ВИДЕО ВО ПОСЛЕДНИТЕ ЧАСОВИ Актерката ја погодиле во глава на црвениот тепих appeared first on plusinfo.mk.

Батлер имал околу една и пол година да се подготви пред да почне снимањето на биографскиот филм на режисерот Баз Лурман.

– Се подготвував со режисерот Баз Лурман, а потоа отпатував за Австралија на снимање. Со месеци не разговарав со никого. Размислував само за Елвис и цело време го имитирав. Бев фокусиран исклучиво на улогата. Дури и цело време зборував како него, па еднаш разговарав на ист начин на телефон со сестра ми, а таа ме праша што не е во ред со мене – рече тој.

Филмот на Лурман го документира метеорскиот подем на Присли до суперѕвезда во 50-тите години и ја истражува сложената врска на музичката легенда со неговиот менаџер Том Паркер, кој го игра Том Хенкс.

– Претходно не танцував и не пеев јавно бидејќи бев многу срамежлив –  призна тој, но рече дека е подготвен да направи се за филмот да биде успешен.
Во таа намера успеа, бидејќи филмот „Елвис“ оствари профит од 276 милиони долари. Актерот додаде дека улогата на Елвис му помогнала да излезе од својата „комфорна зона“.

The post ЗА ПРИСЛИ ПОЧНАВ ДА ТАНЦУВАМ И ПЕАМ Актерот Остин Батлер 3 години не го видел семејството поради снимање на филмот appeared first on plusinfo.mk.