Кривична пријава е поднесена против полициски службеник од Тетово поради сомнение дека фалсификувал службен документ, кој подоцна бил искористен како доказ во судска постапка.

Од Министерство за внатрешни работи информираат дека Одделот за внатрешна контрола поднел пријава до Основно јавно обвинителство за гонење организиран криминал и корупција против Д.М., полициски службеник од Сектор за внатрешни работи Тетово.

Според наводите, во јуни 2019 година тој, по барање на адвокат од Тетово, изготвил службен спис за достапност на лице со невистинита содржина, без да направи проверка на терен. За документот да изгледа веродостојно, го злоупотребил потписот на раководителот, ставил несоодветен деловоднички број и го заверил со службен печат.

Потоа, како што наведуваат од МВР, документот му бил предаден на адвокатот спротивно на пропишаните процедури. Подоцна бил употребен во судска постапка пред Основен суд Тетово, каде бил евидентиран како доказ на штета на едно лице од Тетово.

The post ПОЛИЦАЕЦ ФАЛСИФИКУВАЛ ДОКУМЕНТ И ГО ПРЕДАЛ НА АДВОКАТ Скандал во тетовската полиција appeared first on plusinfo.mk.

И Судскиот совет е на иста линија со тетовските судии и известува дека во повтореното судење за прегазувањето на Теодора Ристовска во Тетово судијата не можел да изрече повисока затворска казна од 2 години, како што пресудил Апелацискиот суд во првичната постапка.

„Согласно член 428 од Законот за кривичната постапка, ако е изјавена жалба само во корист на обвинетиот пресудата не смее да се измени на негова штета во однос на правната оцена на делото и на кривичната санкција“, се вели во соопштението на Судскиот совет.

И судиите од Тетово денеска ја бранеа одлуката на нивниот колега Ферати дека пресудата од 2 години затвор е исправна и е практилно максималната казна што можела да се изрече во повтореното судење.

• ТЕТОВСКИТЕ СУДИИ ГО БРАНАТ КОЛЕГАТА ФЕРАТИ ЗА ПРЕСУДАТА ЗА ПРЕГАЗЕНАТА ТЕОДОРА Немал право на возачот да му даде повеќе од 2 години затвор

По реакциите за ниската затворска казна за возачот Менсур Пајазити, која ја изрече судијата  Ељмедин Ферати, семејството на прегазената девојка, премиерот Христијан Мицкоски и јавноста побараа реакција од Судскиот совет. Претседателот Александар Камбовски формираше работна група која го разгледа постапувањето во предметот од моментот на обвинението до пресудата во повтореното судење.

Го пренесуваме известувањето во целост:

ОЈО Тетово до Основен суд Тетово поднел Обвинителен предлог И КО.бр.172/23 од 06.06.2023 година за едно кривично дело – ТЕШКИ ДЕЛА ПРОТИВ БЕЗБЕДНОСТА НА ЛУЃЕТО И ИМОТОТ ВО СООБРАЌАЈОТ по член 300 ст.4 в.в. со член 297 ст.3 в.в. со ст.1 од Кривичниот Законик, за кое е предвидена казна затвор од една до пет години.

Основниот суд Тетово по обвинителниот предлог оформил предмет К.бр.436/23 по кој е донесена пресуда на 30.11.2023 година со која на обвинетот судот му изрекол казна затвор во траење од три години и шест месеци.

Против пресудата на Основниот суд Тетово К.бр.436/23 од 30.11.2023 година жалба до Апелациониот суд Гостивар изјавил обвинетиот преку бранител .

Вишото јавно обвинителство Гостивар по изјавената жалба доставил писмен предлог ИИИ КОЖ.бр.99/24 од 11.03.2024 година, со кој се предлага изјавената жалба од обвинетиот да се одбие како неоснована.

Апелациониот суд Гостивар закажал и одржал јавна седница на која Јавниот обвинител од Вишото јавно обвинителство Гостивар, извршил измена на предлогот ИИИ КОЖ.бр.99/24 од 11.03.2024 година, со тоа што предложил делумно да се уважи жалбата на обвинетиот изјавена преку бранителот на начин што на обвинетиот ќе му се изрече поблага кривична санкција .

Со пресуда на Апелациониот суд Гостивар КЖ-64/24 од 16.04.2024 година жалбата на обвинетиот делумно се уважува, а пресудата на Основниот суд Тетово К-436/23 од 30.11.2023 година се преиначува само во делот на одлуката за кривичната санкција, така што обвинетиот се осудува на казна затвор во траење од две години.

Против правосилната пресуда на Основниот суд Тетово К.бр. 436/23 од 30.11.2023 година и против пресудата на Апелациониот суд Гостивар КЖ.бр.64/24 од 16.04.2024 година е поднесено Барање за вонредно преиспитување на правосилна пресуда од обвинетиот преку бранител.

Со одлука на Врховниот суд на Република Северна Македонија , пресудата на Основниот суд Тетово К.бр. 436/23 од 30.11.2023 година и пресудата на Апелациониот суд Гостивар КЖ.бр.64/24 од 16.04.2024 година се укинуваат и предметот се враќа на повторно судење на првостепениот суд.

По враќање на предметот во Основен суд Тетово, истиот добива нов број К.бр.117/25 и во работа го добил друг судија различен од судечкиот судија кој ја донел пресудата К.бр.436/23 од 30.11.2023 година.

По одржана главна расправа на ден 07.04.2025 година по предметот К.бр.117/25 на која расправа обвинетиот дал признание на вина за предметното кривично дело кое му се става на товар со обвинението, Основниот суд Тетово го осудува на казна затвор во траење од две години.

Согласно член 428 од ЗКП, ако е изјавена жалба само во корист на обвинетиот пресудата не смее да се измени на негова штета во однос на правната оцена на делото и на кривичната санкција.

СУДИИТЕ И ОБВИНИТЕЛИТЕ ВО СЕКОЈА ФАЗА ЈА НАМАЛУВАА КАЗНАТА ЗА ВОЗАЧОТ ПАЈАЗИТИ Наместо со максимални 5 години затвор, заврши само со 2

The post И СУДСКИОТ СОВЕТ ЈА ОПРАВДА ПРЕСУДАТА НА СУДИЈАТА ФЕРАТИ Толку е правдата за прегазената Теодора appeared first on plusinfo.mk.

Првиот обид за почеток на судењето беше на 26 јуни, но се одложи поради отсуство на претставници на Клиничка болница Тетово.

Апелацискиот суд во април годинава донесе решение со кое наложи да има повторно судење за поранешните директори на тетовската болница Флорин Бесими и Артан Етеми, како и за Јавната здравствена установа Клиничка болница Тетово како правен субјект. За докторот Бобан Вучевски Апелацискиот суд во април 2024 година ја одби жалбата на Обвинителството и ја потврди првостепената ослободителна пресуда за него.

На 5 јуни 2023 Основниот суд Тетово одреди условна осуда за обвинетите директори Флорин Бесими и Артан Етеми за кривичното дело тешки дела против општата сигурност, додека правното лице ЈЗУ Клиничка болница беше прогласено за виновно за делото „предизвикување општа опасност“ во судскиот процес по пожарот во модуларната болница во Тетово во 2021 година, кога животите ги загубија 14 луѓе. Судот тогаш донесе ослободителна пресуда за докторот Бобан Вучевски и за Клиничка болница за делото „непостапување по здравствени прописи“.

Според пресудата, на обвинетите Флорин Бесими и Артан Етеми им беше утврдена казна затвор од по една година и шест месеци, со условна осуда, односно утврдената казна затвор нема да се изврши ако обвинетите секој за себе во време од три години не сторат ново кривично дело. Правното лице требаше да плати парична казна во висина од еден милион денари, 30 дена по правосилност на пресудата.

Судскиот процес се водеше откако на 8 септември 2021 година 14 луѓе ги загубија животите во пожарот во модуларната болница која беше поставена во рамки на Клиничка болница Тетово, за лекување на пациенти болни од корона.

The post НЕ ДОЈДЕ АДВОКАТОТ НА ОБВИНЕТИОТ ДИРЕКТОР ЗА ПОЖАРОТ ВО ТЕТОВСКАТА БОЛНИЦА Одложен почетокот на повтореното судење appeared first on plusinfo.mk.

„Апелацискиот суд го враќа предметот на повторно судење по претходната одлука донесена од Основниот суд Тетово, каде што се одолговлекуваше и се менуваа неколку судии додека не се донесе скандалозната одлука под притисок на поранешниот министер за правда Кренар Лога, партиските печати да ѝ припаднат на фракцијата што ѝ се придружи на ДУИ. Имајќи ги предвид доказите депонирани во Апелацискиот суд во Гостивар, се очекува конечната одлука да биде во наша корист и партијата заедно со печатите да остане кај нејзиниот легитимен претседател Арбен Таравари“, се вели во соопштението.

The post ПОВТОРНО СУДЕЊЕ ЗА ТОА ЧИЈА Е АЛИЈАНСА НА АЛБАНЦИТЕ Гостиварска апелација го врати предметот за партиските печати во тетовскиот суд appeared first on plusinfo.mk.