Судскиот совет денеска донесе одлука да се формира работна група за увид во предметот за постапување и одлучување на Основен суд Битола, во врска со случајот „Марковски“.

Советот, на предлог на членот Ивица Николовски, со 11 гласа „за“ донесе одлука за формирање работна група што ќе проверува дали Основниот суд Битола постапил согласно со законските надлежности при укинувањето на притворот на сопственикот на „Марковски компани“, Борче Марковски, во замена за гаранција од 4,9 милиони евра.

– Сите сме сведоци, сите ги читаме секојдневните написи на електронските медиуми во кои се изнесуваат наративи или содржина со кои се осудува постапувањето на тој суд или се нарушува угледот на судот. И затоа сметам дека како надлежна институција која ја следи работата на судовите треба да се изврши увид и да се констатира една состојба што е што – изјави Николовски.

За членови на работната група беа избрани Павлина Црвенковска, Данка Ристова и новата членка на Советот, Сузана Јошевска-Анастасовска.

Марковски е еден од осумте обвинети за злоупотреби на тендерот за дислокација на погонските единици од рудникот „Осломеј“ во рудниците на РЕК „Битола“, вреден 1,7 милион евра.

Основното јавно обвинителство Битола на 9 октомври отвори истражна постапка против осум физички и едно правно лице за продолжени кривични дела поврзани со јавни набавки во РЕК Битола, меѓу кои и Борче Марковски, сопственик на „Марковски компани“. Кон крајот на октомври минатата година судот на барање на ОЈО Битола замрзна имот во Србија и во Македонија на Борче Марковски.

Битолскиот суд на 16 јануари годинава, постапувајќи по жалба на обвинетиот, донесе одлука за укинување на притворот и за определување мерки на претпазливот на Марковски во замена за гаранција во движен и недвижен имот.

БОРЧЕ МАРКОВСКИ Е ПУШТЕН ОД ПРИТВОР СО ГАРАНЦИЈА ОД 5 МИЛИОНИ ЕВРА Заложил куќа, 3 стана, 25 булдожери и камиони

The post ЗОШТО БИТОЛСКИОТ СУД ГО ПУШТИ ОД ПРИТВОР ОБВИНЕТИОТ БИЗНИСМЕН БОРЧЕ МАРКОВСКИ Судскиот совет ќе изврши проверка на постапувањето appeared first on plusinfo.mk.

Основниот суд во Битола не го прифати предлогот на Основното јавно обвинителство Битола за определување мерка притвор на двајцата осомничени во големиот случај поврзан со јавни набавки во РЕК Битола. Наместо ефективен притвор, судот им одреди мерка куќен притвор.

Од Обвинителството реагираа дека не се согласуваат со ваквата одлука, укажувајќи дека постои сериозен ризик од бегство на осомничените. Како што наведуваат, еден од нив поседува значителен имот во друга држава, што дополнително ја зголемува опасноста од напуштање на земјата.

„Со оглед на околностите и можноста за бегство на осомничените, ќе вложиме жалба на одлуката и повторно ќе побараме мерка ефективен притвор“, соопштија од ОЈО Битола.

Јавното обвинителство денеска донесе Наредба за спроведување истражна постапка против осум физички и едно правно лице, поради сомнение за продолжени кривични дела поврзани со јавни набавки во РЕК Битола.

Според истрагата, петмина службени лица во РЕК Битола, меѓу кои и тогашниот директор на комбинатот, се осомничени дека во текот на 2023 година како соизвршители сториле продолжено кривично дело „Злоупотреба на службената положба и овластување“. Тие, како што се наведува, организирале и реализирале јавна набавка за дислокација на погонски станици од рудникот Осломеј спротивно на основниот рударски проект и потребите на рудникот Живојно.

Правното лице ДТПУ „Марковски Компани“, неговиот сопственик и уште едно лице се сомничат дека доставувале лажни фактури за непостоечки работи, со што незаконски наплатиле над 106 милиони денари од РЕК Битола.

Обвинителството до судијата на претходна постапка достави предлог за притвор на сопственикот на фирмата и на раководителот од ПЕ Рудници, додека за уште три лица се предложени мерки на претпазливост, одземање на пасоши и повремено јавување во Судот.

Поранешниот директор на РЕК Битола, кој е еден од осомничените во оваа постапка, веќе се наоѓа во притвор по друг предмет, а едно службено лице е веќе обезбедено со мерки на претпазливост од претходна постапка.

Од Обвинителството нагласуваат дека доказите, кои во изминатите месеци ги собра Управата за финансиска полиција, укажуваат на сериозни злоупотреби и дека истрагата ќе продолжи во насока на утврдување на целосната штета и одговорност.

ОБВИНИТЕЛСТВОТО ОТКРИ ШЕМА НА ПЕРЕЊЕ ПАРИ ВО РЕК БИТОЛА Испумпани 106 милиони денари преку лажни фактури

УАПСЕН БОРЧЕ МАРКОВСКИ, ЧОВЕКОТ ЧИЈА КОМПАНИЈА ВРТЕШЕ МИЛИОНИ ЕВРА ОД РЕК БИТОЛА Финансиската полиција го сомничи за местење тендер од 100 милиони денари

The post СУДОТ НЕ ГО ПРИФАТИ ПРИТВОРОТ Осомничените од „РЕК Битола“ остануваат дома, Обвинителството најави жалба appeared first on plusinfo.mk.