„Владата предводена од ВМРО – ДПМНЕ од денеска започнува со исплата на неисплатената финансиска поддршка за учениците од основните и средните училишта во износ од 1.200 и 1.800 денари месечно, за преостанатите 4 месеци во кои граѓаните не ги видоа ветените пари од претходната Влада.

Станува збор за паричен надоместок кој како и сè друго, остана нереализиран иако за регулирањето на оваа мерка беше донесено и законско решение. Закон кој самите не го испочитуваа.

Информирам дека уште на првиот работен ден од мандатот, министерката за образование и наука, Весна Јаневска ги задолжи надлежните сектори да направат детален преглед на нереализираните финансиски обврски за секој еден ученик чие семејство ги исполнува условите и има поднесено апликација за остварување на ова право. Врз основа на доставениот извештај, се направи план со динамика на исплата којa започнува од денес.

Согласно анализата, се работи за над 100 илјади ученици, од кои 70 илјади основци и 30 илјади средношколци. Најголем дел од нив, имаат добиено паричен надоместок за еден, односно два месеци, поточно за декември 2023 година и за јануари годинава.

Преостаната е исплата за четири месеци и како што посочивме, започнуваме етапно од денес. Општина по општина, се подготвуваат налози за плаќање и ги замолуваме граѓаните за трпение, додека целиот износ биде надоместен. Најпрво ќе ги исплатиме надоместоците за февруари и март, а потоа за април и мај, со што целосно ќе го завршиме тоа што им следува на граѓаните, но за жал, останува само една од низата на манипулации заради кои и катастрофално власта замина и беа поразени.

Почитувани,

Наместо краткорочни неквалитетни решенија, сакам да најавам дека новата Влада предводена од ВМРО – ДПМНЕ ќе обезбеди континуирана и системска поддршка за олеснување на воспитно – образовниот процес и на учениците и на родителите и старателите. А квалитетот на образованието ќе биде меѓу врвните приоритети на кои силно ќе се посветиме“, вели Митева во соопштението до јавноста.

The post НАД 100.000 УЧЕНИЦИ ЌЕ ЈА ДОБИЈАТ ПОМОШТА КОЈА ЈА ЧЕКААТ СО МЕСЕЦИ Владата ќе ги исплати ветените пари од претходната влада, вели Митева appeared first on plusinfo.mk.

Како што соопштија од МОН, на првиот работен ден од мандатот, министерката за образование и наука Весна Јаневска ги задолжи надлежните сектори да направат детален преглед на нереализираните финансиски обврски по секој еден ученик чие семејство ги исполнува условите и има поднесено апликација за остварување на ова право.

Врз основа на доставениот извештај, се направи план со динамика на исплата којa започнува од утре.

„Наместо краткорочни неквалитетни решенија, учениците и нивните семејства заслужуваат вистинска и континуирана системска поддршка за олеснување на воспитно – образовниот процес и за надминување на предизвиците со кои секојдневно се соочуваат последните неколку години. Со доаѓањето на новата Влада, младите ќе бидат во фокусот на политиките, а квалитетот на образованието и можностите за реализација на личниот потенцијал во границите на својата земја, плански и континуирано ќе се зголемуваат“, информираат од МОН.

The post ОСНОВЦИТЕ И СРЕДНОШКОЛЦИТЕ ДА ГИ ПРОВЕРАТ СМЕТКИТЕ Од утре МОН ќе ја исплаќа неисплатената финансиска поддршка appeared first on plusinfo.mk.

За основците останува одредбата да учат до 17 јуни, а и едните и другите ќе имаат пролетен распуст од 29 април до 6 мај 2024.

МОН ќе треба дополнително да донесе одлука и како ќе се надоместат двата неработни дена за учениците поради одржување на изборите во среда, 24 април, и во среда, 8 мај, и дали тоа ќе влијае на рокот за завршување на учебната година. Ресорниот министер денеска рече дека кога ќе има одлука на Владата, јавноста ќе биде известена.

– Во Законот за основно образование се одредени точен број работни денови во основното образование. Во Законот за средно образование не е одредена таа законска обврска за точен број работни денови. Сите одлуки се донесуваат во консултација со тие што се засегнати. Сојузот на средношколци побара освен пролетниот распуст заради административните постапки на запишување на децата во високото образование, средното образование да заврши на 10 јуни, тоа го дозволуваше законот и ние тука постапивме – рече Шаќири денеска на прес-конференција одговарајќи на новинарско прашање.

Посочи дека ќе се разгледа во Влада и прашањето за неработните денови заради изборите.

– Ќе треба да се разгледа како може да се постапи за тие два дена кои се предвидени во календарот на вкупен број денови годишно за реализација на наставата. Ќе известиме навремено кога ќе има владина одлука за тоа – рече Шаќири.

Учениците во основните и средните училишта се уште два дена на распуст и на настава ќе се вратат в понеделник, 22 јануари, за второто полугодие од учебната 2023/2024 година.

The post СРЕДНОШКОЛЦИТЕ ЌЕ УЧАТ ДО 10 ЈУНИ, А ОСНОВЦИТЕ ДО 17 ЈУНИ Дали учениците ќе ги одработат неработните денови за изборите? appeared first on plusinfo.mk.

– Уверена сум дека заедно можеме да го зајакнеме нашиот безбедносен и безбедносен режим за да се бориме против несовесната продажба на производи од марихуана на децата – рече Фејвал Вилијамс, велејќи дека се нашла во „најнесреќни“ околности со родителите и акционерите на основното училиште Очо Риос.

Вилијамс сподели фотографија пријавена до нејзиното министерство на која има пакет „гумени ленти со виножито“ – секој содржи 100 милиграми ТХЦ, што е силна доза дури и за возрасни.

Јамајка го декриминализираше поседувањето до 57 грама марихуана од религиозни, медицински и научни причини во 2015 година и формираше агенција за лиценцирање за легалната индустрија за медицински канабис.

Радио Јамајка објави дека Здружението на одгледувачи и производители на марихуана од Јамајка предлага јавна едукативна програма за одговорно конзумирање од возрасни и спречување на конзумирање од деца, како и залагање за посоодветно пакување.

The post ДЕЦА ВО ЈАМАЈКА ЈАДЕЛЕ БОМБОНИ СО КАНАБИС Повеќе од 60 се однесени во болница appeared first on plusinfo.mk.

Пролонгирањето на учебната година за основците се должи на продолжениот зимски распуст заради заштеда на електрична енергија за греење на училиштата, така што второто полугодие од учебната година наместо на 18 јануари почна на 23 јануари.

Датумите се наведени и во изменетите календари на МОН за организација на работата за оваа учебна година кои им се доставени на училиштата.

The post УТРЕ ПОЧНУВА РАСПУСТОТ ЗА СРЕДНОШКОЛЦИТЕ Основците ќе одработуваат денови од зимскиот распуст appeared first on plusinfo.mk.

Ученик од Мириево кој го посетува ОУ „Деспот Стефан Лазаревиќ“ денеска направил список со ученици кои сака да ги убие, а слична ситуација се случила и во ОУ „Бора Станковиќ“.

Белградската полиција приведе ученик од шесто одделение поради паника, тој покрај името на секој ученик на списокот напишал колку куршуми ќе испукаат во него. Во присуство на неговата мајка, малолетникот напишал изјава во која тврди дека само се шегува, по пријавата на предметниот наставник.

Започната е и воспитно-образовната работа со ученикот, а на оваа тема одделенските раководители ќе имаат разговор со сите ученици.

Во основно училиште во Вождовац, двајца ученици од петто одделение направиле список на ученици кои сакаат да ги ликвидираат. Полицијата и за овој случај веднаш реагираше.

The post НАПРАВИЛЕ СПИСОК НА УЧЕНИЦИ ШТО ЌЕ ГИ ЛИКВИДИРААТ Основци од Белград и денеска шокираат appeared first on plusinfo.mk.

Едукацијата на основците на тема „Учиме да се грижиме да ја заштитиме животната средина и да го намалиме и рециклираме создадениот отпад“ е дел од проектот „Инвестираме во нашата планета“ со којшто се опфатени повеќе активности поддржани и иницирани од Макстил, а поврзани со заштита на животната средина. Целта на проектот е да се пренесе знаењето за предностите од намалување на отпадот и неговото рециклирање уште од мала возраст и да се алармира за потребата од едукација за значајноста на екологијата во пошироки размери.

– Заштитата на животната средина, рационалната употреба на природните ресурси и рециклирањето се дел од стратешките начела на Макстил. И токму како активен поддржувач на концептот на циркуларна економија го започнавме овој проект, со намера преку едукација на младите да им пренесеме вредни знаења и информации за заедничката улога во спречување на загадувањето, посебно со пластиката, стаклото и хартијата како најголема закана по целокупниот екосистем на нашата планета. На овој начин веруваме дека ќе го зголемиме и прошириме нашето влијание со подигнување на свеста и знаењата за неопходноста од рециклирање што поскоро. Освен со едукација на младите, овие наши начела, продолжуваат и со заложбите за заштита на локалната животна средина во форма на конкретни акции за чистење и раззеленување со што симболично ќе го одбележиме Денот на планетата Земја и со коишто како компанија придонесуваме за одржување на поздрава и еколошка животна средина – велат од Макстил.

Ваквиот начин на едукација досега се покажа како ефективен, интересот на учениците е голем, со што полесно ја прифаќаат идејата за личното влијание и придонесот кон исполнување на еколошките цели. Со проектот се опфатени сите 11 основни училишта од Општина Гази Баба, а едукацијата ќе трае до 4. мај оваа година.

The post МАКСТИЛ ГИ ЕДУЦИРА ОСНОВЦИТЕ Како до намалување и рециклирање на создадениот отпад appeared first on plusinfo.mk.

Ова денеска на прес-конференција го истакнаа претседателот и портпаролот на Комисијата за заразни болести, Александар Петличковски и Злате Мехмедовиќ.

– Комисијата донесе заклучок внимателно да се следи и анализира состојбата во училиштата и доколку се утврди какво било зголемување на бројките помеѓу учениците во однос на новозаразени да се направат скрининг тестирања во училиштата со цел да се утврди реалната состојба и опасноста за поширока трансмисија на вирусот помеѓу учениците. Токму поради тоа утре започнуваме со скрининг во основните училишта каде бројката на новозаразени е зголемена. Во средните училиште таква состојба нема. Таму се следи епидемиолошката состојба и согласно извештаите од Институтот за јавно здравје е стабилна. Меѓутоа, загрижувачките бројки кои ги добивме од основните училишта беа аларм да иницираме и да аплицираме еден ваков скрининг што ќе ни покаже каква е трансмисијата во основните училишта – рече Мехмедовиќ.

Веќе од утре, посочи, обезбедени се тимови, здравствени работници кои ќе го спроведат скринингот и кои согласно методологијата што е утврдена ќе ги соберат податоците, кои ќе бидат доставени на анализа во Институтот за јавно здравје и епидемиолошките служби, со цел да се обезбеди нивна статистичка обработка и да добиеме реална слика за тоа како се пренесува вирусот во основните училишта.

Петличковски рече дека скринингот ќе се одвива во училиштата, а родителите кои во текот на денешниот ден добиле изјава за согласност дека се согласуваат нивните деца да бидат тестирани со брз тест тие ќе бидат тестирани во училиштата и нема потреба да ги носат во центрите за јавно здравје како што првично планиравме.

– На овој начин сакаме да им олесниме пристап до тестовите и тоа да биде со минимум компликации по нив – додаде Петличковски.

Одговарајќи на новинарски прашања тој истакна дека со препораките за лекарите достапни на веб страницата на Министерството за здравство, ги прават достапни информациите базирани на докази со цел да направат, да овозможат еден поусогласен пристап за сите пациенти со ковид -19.

– Ова се препораки за лекување, не се во називот протоколи, а за да станат протоколи треба да поминат процедура со прифаќање во Законодавна и други комисии. Препораките кои се достапни на сајтот се четврта или петта верзија на постоечки препораки кои се користеле во минатото, но и претрпувале измени. Оваа верзија која е од септември 2021 година и е четврта или петта верзија ќе претрпува промени, како ќе се менуваат интернационалните научни сознанија ќе се менуваат. Тие се предвидени да бидат водич за сите лекари вклучени во лекувањето и третирањето на ковид пациенти и немаат обврзувачки карактер, но се тука да послужат од едно место да се црпат релевантни информации, за да не доаѓаме во ситуација некој лекар да советува терапија која не е препорачана, тука пред се мислам на ивермектин и да е прашање и денес дали овој лек е во некој протокол во некаква препорака или не е – рече Петличковски.

Посочи дека целта е информирање од релевантни извори како што се Здружение на инфектолози на Америка, англиски здруженија на инфектолози, Светската инфектолошка асоцијација итн.,

За секоја посебна фаза на болеста, појасни, има соодветни препораки за тестирање, лекување и за тоа кога е момент да се хоспитализира пациент, која терапија…Потенцира дека за ивермектинот нема научни докази дека тој помага во лекување на ковид-19.

– Препораките се однесуваат на асимптоматски пациенти, на пациенти со лесна, средно тешка клиничка слика и на хоспитализирани во тешка состојба. Препораките се насочени кон лекарите, не се насочени кон општата популација. Наше е да ги упатиме лекарите кои се вклучени во третман на Ковид-19 каде може да најдат најсоодветни препораки – додаде Петличковски, одговарајќи на новинарски прашања.

The post РАСТЕ БРОЈОТ НА ЗАРАЗЕНИ ДЕЦА Од утре почнува скринингот во основните училишта appeared first on plusinfo.mk.

Овие стипендии Општина Центар ги доделува секоја година и со нив, им се олеснува процесот на основно образование на учениците на кои овие средства им се најпотребни, по едно дете од секое општинско основно училиште. 

Доделувањето на стипендиите беше повод за денешната посета на учениците во кабинетот на градоначалникот Герасимовски, кој искористи прилика накусо да ги запознае децата со работата и активностите на општината.

Градоначалникот Герасимовски, заедно со симболични подароци, им ги додели стипендиите на учениците и им посака многу среќа и успеси во учебната година што претстои.

The post 3.000 МЕСЕЧНО ЗА 8 ОСНОВЦИ ВО СОЦИЈАЛЕН РИЗИК ВО ЦЕНТАР Герасимовски ја продолжи традицијата appeared first on plusinfo.mk.

Ова за телевизијата го тврди претседателката на Советот на родители од основното училиште „Климент Охридски“ во Битола. Таа вели дека на родителите претходно им била побарана согласност за анкетата, но таа била претставена како прашалник за насилство во училиштата. Откако дел од учениците им ги кажале прашањата, родителите побарале увид во анкетите, но училиштето ги одбило.

Според родителите, ваквите прашања се несоодветни за деца на таа возраст. Од училиштето пак потврдуваат дека била спроведена анкета за врсничкото насилство, но демантираат дека во анкетата биле  користени прашања за сексуални активности со возрасни.

The post СКАНДАЛОЗНА АНКЕТА На основци од Битола им се поставувале сексуални прашања appeared first on plusinfo.mk.